Iemoto

Si Genshitsu Sen,an ika-15 iemoto kan eskwelahan na Urasenke

An Iemoto (家元, lit. family foundation) iyo an katagang Hapones na ginagamit tanganing magnongod sa kagmukna o presenteng Grand Master kan espesipikong eskwelahan kan tradisyonal na arteng Hapones. Ini ginagamit bilang kasingkahulogan kan katagang sōke (宗家) kapag ini nanonongod sa pamilya o harong na an iemoto iyo an pamayo asin rinerepresentar.

Ginagamit man an terminong iemoto tanganing iladawan an sarong sistema nin familial na mga henerasyon sa tradisyonal na mga arte sa Hapon arog kan seremonya sa tsa (kaiba an sencha), ikebana, Noh, kaligrapiya, tradisyonal na bayleng Hapones, tradisyonal na musikang Hapones, arte nin pag-apresyar sa insenso (kōdō), asin Japanese martial arts. Shogi asin Go minsan man na ginamit an sistemang iemoto. An sistema nin iemoto midbid sa sarong estruktura nin hirarkiya asin sa supremong autoridad kan iemoto, na nagmana kan sekretong mga tradisyon kan eskwelahan hale sa dating iemoto.

Uusipon

Kasing haloy kan panahon nin Heian (794–1185), igwa nin iemoto-like linya nin pamilya na nagin responsable sa pagpasa kan mga sekretong tradisyon asin mga ortodoks na katukdoan kan saindang partikular na eskwelahan nin arte, alagad an enot na paglataw kan katagang iemoto sa nag-eeksister na rekord nakapetsa sa kataposan kan ika-17 na siglo, na kun saen ini ginamit bilang reperensiya sa mga pamilyang tituladong magin mga padi an saindang mga aking lalaki sa dakulang templo. An saiyang gamit sa sentido na ini ginagamit sa ngunyan, sa kinaban kan tradisyonal na arteng Hapones, nagpopoon na maglataw sa mga dokumento kan katahawan nin ika-18 na siglo.

An sistema kan iemoto iyo an manipestasyon kan ie (家) o "household" asin dōzoku (同族) o "extended kin" pattern kan relasyon sa sosyedad nin Hapon. An konsepto kan "iemoto system" (家元制度) pinaurog na parambungon kan historyador na si Matsunosuke Nishiyama sa panahon pagkatapos kan giyera tanganing iladawan an mga estrukturang sosyal na asosyado na kaiba eksklusibong kontrol kan pamilya asin networks kan instructors, an karakteristiko nin feudal era na an impluwensya sa tradisyonal na mga arte namamate pa sagkod sa ngunyan.