Snopes.com

An Snopes.com /ˈsnoʊps/, na bisto man sa apod na Urban Legends Reference Pages, sarong websayt na nag'oogid nanggad kan katotohanan kan mga rimong-rimong, huringhuding, mga huna-huna o mga sabi-sabi na naglalakop sa Internet, mga padara sa e-koreo asin ibang mga istorya na dai aram an hinalean o kun saen guminikan. An websityo bantog bilang toltolan sa pagpatotoo o pagpahimutik kan mga uru-osipon sa kulturang popular sa Amerika, mala ta nakakakua nin 300,000 na pagbisita aro-aldaw.

An Snopes.com minukna ninda Barbara asin David Mikkelson, mag'agom na taga-California na nagkasumpongan sa newsgroup na alt.folklore.urban. An sityo organisado sa mga papag'ulayan na kaiba an buletin nin mga mensahe kun saen siisayman pwede magtaplak nin mga istorya asin mga retrato na kwestyonable an pagkatotoo.

Katuyohan

An Snopes tuyong magpahimutik kan mga bako man totoo o anas sana mga uru-imbentong mga istorya asin an websityo nabantog na ngane mala ta parating nasasambit asin nakukuang pada'tolan kan mga darakulang media nin pamareta asin ibang sityo arog kan CNN, Fox News Channel, MSNBC asi n kan ABC nin Australya sa programa kaining Media Watch. An iba ngane daang mga maka-dudang mga e-mail chain nahingako pang an saindang sityo pinag'patotoanan na kan Snopes ngane dai na magparasiyasat an kulang nin pagtubod. Kan Marsdo 2009, an sityo nakahakot na nin 6.2 milyon na bisita bulan-bulan.

Sa Mikkelson kan Snopes.com sinasabing bako sanang pagpahimutik kan mga bakong totoo asin tunay kundi natipon sindang mga ebidensya sa pagtaong katibayan suporta sa pagpahayag kan sityo ninda na an sarong bagay bako man talagang totoo. Kun masakit man talagang madukayan an katotohanan kan mga bagay, an sityo sasabihon na lang na dai maisihan talaga kun ano an tunay kan istorya, sa siring na paliwanag, "dai madeterminaran", o "daing susogan".

Hilnga man

• TruthOrFiction.com
• FactCheck.org
• The Straight Dope
• The Skeptic's Dictionary
• MythBusters
• List of common misconceptions