Поль Рыкёр
| Поль Рыкёр | |
| франц. Paul Ricoeur | |
 | |
| Дата нараджэньня | 27 лютага 1913 |
|---|---|
| Месца нараджэньня | Валенс, Дром, вобласьць Авэрнь-Рона-Альпы, Францыя |
| Дата сьмерці | 20 траўня 2005 (92 гады) |
| Месца сьмерці | места Шатнэ-Малябры, дэпартамэнт О-дэ-Сэн, Францыя |
| Школа/традыцыя | фэнамэналёгія, тлумачэньня антычных філёзафаў |
| Пэрыяд | філязофія XX стагодзьдзя |
| Кірунак | Заходняя філязофія |
| Асноўныя зацікаўленасьці | прадаўжальнік тлумачэньня антычных філёзафаў, багаслоў, удзельнік экумэнічнага руху |
| Вучні | Marguerite Léna[d] |
Поль Рыкёр або Рыкэр (па-француску: Paul Ricoeur; 27 лютага 1913 — 20 траўня 2005) — францускі філёзаф, разам з Гайдэгерам і Гадамэрам прадстаўнік школы гермэнэўтыкі: тлумачэньне антычных філёзафаў.
Жыцьцяпіс
[рэдагаваць | рэдагаваць крыніцу]Маці Поля неўзабаве памерла пасьля таго, як нарадзіла яго. Бацька, выкладчык ангельскай мовы, загінуў на фронце ў пачатку Першай сусьветнай вайны (1915). Бацькі таты выхоўвалі сірату ў пратэстанцкім духу. Фармавалі яго галоўным чынам кнігі, у прыватнасьці камэнтары да Пасланьня да Рымлянаў Карла Барта й яго ж праца «Слова Бога й слова чалавечае».
У 1935 году Поль Рыкэр ажаніўся, пасьля ў яго было пяцёра дзяцей.
З 1935 Рыкэр выкладае філязофію ў ліцэі й актыўна, аж да пачатку Другой сусьветнай вайны, вывучае нямецкую мову.
У 1939 году Рыкэр добраахвотнікам адпраўляецца на фронт, але трапляе ў палон. У гэтым стане вымушанай пагрозы сьмерці ён на вопыце спазнае філязофію «пагранічнага стану»: стану паразы, адчаю, адзіноты. Але менавіта тут, воляю лёсу, яму прадставілася магчымасьць і асэнсаваць іх тэарэтычна. Рыкэр чытае ў арыгінале працы Карла Яспэрса, якія мелі на яго вялікі ўплыў. Іншыя інтэлектуалы-палонныя параілі яму таксама вывучыць працы Эдмунда Гусэрля. Яшчэ ня так разабраўшыся ў філязофіі, Рыкэр стаў перакладаць «Ідэі-i» Гусэрля. Зачараваны працамі Гусэрля й разуменьнем некаторых новых рэчаў, Рыкэр працягнуў гэтую працу ўжо пасьля вайны. Але пачалося ўсё менавіта з такіх незвычайных абставінах.
Працы Рыкёра высока цаніў яго даўні сябар Караль Вайтыла (будучы папа рымскі). У апошнія гады жыцьця Поль Рыкэр часта езьдзіў у экумэнічную суполку брата Ражэ Шуца ў вёску Тэзэ (дэпартамэнт Сона і Люара, Бургундыя-Франш-Камтэ), каб, па яго ўласных словах, перажыць тое, у што верыў ўсім сэрцам.