Сойм Славацкай краіны

Сойм Славацкай краіны

Snem Slovenskej krajiny
Парлямэнцкая сыстэма	аднапалатны парлямэнт
Старшыня	Мартын Сокал
Падстаршыні	Карал Мэдзерлі      Юліюс Сфана
Дэпутатаў	63
Дэпутацкія групы	ГСНП (63)
Год заснаваньня	1938
Апошнія выбары	18 сьнежня 1938 году
Адрас залі паседжаньняў	Актавая заля Славацкага ўнівэрсытэту, Браціслава

Сойм Славацкай краіны (па-славацку: Snem Slovenskej krajiny), т. зв. «аўтаномны парлямэнт» — найвышэйшы парлямэнт Славацкае краіны ў межах Чэхаславаччыны ў 1938—1939 гадах. Знаходзіўся ў Браціславе. Першыя выбары ў сойм прайшлі 18 сьнежня 1938 году, першае паседжаньне прыпала на 18 студзеня 1939.

Бязь зьменаў у складзе з узьнікненьнем Першае Славацкае Рэспублікі 14 сакавіка 1939 году быў пераўтвораны ў Славацкі сойм (па-славацку: Slovenský snem), які таксама называўся як Сойм Славацкае дзяржавы (па-славацку: Snem Slovenského štátu), найвышэйшы парлямэнт і заканадаўчы орган Першай Славацкай Рэспублікі, які быў па прыняцьці канстытуцыі 21 ліпеня 1939 году перайменаваны ў Сойм Славацкай Рэспублікі (па-славацку: Snem Slovenskej republiky). Скончыў працу ў 1945 годзе разам зь зьнікненьнем Першай Славацкай рэспублікі.