Абсалютная велічыня

Абсалю́тная велічыня́ або мо́дуль ліку (лац.: modulus — маленькая мера) — гэта адлегласць гэтага ліку ад нуля.

Модуль рэчаіснага ліку фармальна азначаюць наступным чынам:

• модуль нуля роўны нулю
• модуль дадатнага ліку роўны самому ліку
• модуль адмоўнага ліку роўны ліку, процілегламу да яго.

Модуль звычайна абазначаюць прамымі вертыкальнымі дужкамі "|" і "|". Напрыклад, запіс |a| чытаецца «модуль a» або «a па модулі».

Калі два лікі маюць аднолькавыя модулі, кажуць, што яны роўныя па модулі. З азначэння модуля вынікае, што калі лікі роўныя па модулі, то яны або роўныя, або супрацьлеглыя.

Любы рэчаісны лік раўняецца здабытку сваіх модуля і функцыі знака:

$a=\operatorname {sign} (a)\cdot |a|$