Аляксей Канстанцінавіч Каўка

Аляксей Канстанцінавіч Каўка
Дата нараджэння	20 верасня 1937(1937-09-20) ці 1937
Месца нараджэння	Машчаліна, Чэрвеньскі раён, БССР, СССР
Дата смерці	21 сакавіка 2024(2024-03-21)
Месца смерці	Масква, Расія
Грамадзянства	БССР  Расія
Род дзейнасці	літаратуразнавец, гісторык, грамадскі дзеяч
Навуковая сфера	беларуская літаратура, гісторыя Польшчы і літаратуразнаўства
Месца працы	Інстытут славяназнаўства РАН[d]
Навуковая ступень	доктар філалагічных навук і кандыдат гістарычных навук
Альма-матар	БДУ
Член у	Таварыства беларускай культуры імя Францыска Скарыны
Узнагароды
Цытаты ў Вікіцытатніку

Аляксей Канстанцінавіч Ка́ўка (нар. 20 верасня 1937, в. Машчаліна, Чэрвеньскі раён — 21 сакавіка 2024, Масква) — беларускі гісторык і літаратуразнавец, грамадскі дзеяч. Доктар філалагічных навук (1991), кандыдат гістарычных навук (1971).

Біяграфія

Скончыў Беларускі дзяржаўны ўніверсітэт (1961), Акадэмію грамадскіх навук пры ЦК КПСС (1971). 3 1954 года на культурна-асветніцкай і камсамольскай рабоце. У 1971—1979 і 1983—1987 гадах у Інстытуце эканомікі сусветнай сацыялістычнай сістэмы АН СССР, у 1979—1982 гадах прадстаўнік Саюза савецкіх таварыстваў дружбы і культурных сувязей з заграніцай, саветнік пасольства СССР у Польшчы. 3 1987 года галоўны рэдактар часопіса «Советское славяноведение», з 1989 года ў Інстытуце сусветнай літаратуры імя М. Горкага Расійскай АН. У 1988—1990 гадах старшыня рады Таварыства беларускай культуры імя Францыска Скарыны ў Маскве.

У 1976—1977 гадах напісаў «Ліст да рускага сябра» — палемічны твор пра стан беларускай мовы і парушэнне моўных правоў у Савецкай Беларусі. Ліст распаўсюджаваўся самвыдатам, патрапіў у Польшчу, затым — у Лондан, дзе быў выдадзены паралельна на рускай і англійскай мовах у 1979 годзе.

Навуковая дзейнасць

Даследаваў гісторыю Польшчы, польскага рабочага руху, савецка-польскіх адносін. 3 канца 1970-х гадоў распрацоўвае праблемы адраджэння і станаўлення нацыянальнай самасвядомасці, творчасці Ф. Скарыны, Я. Купалы, К. Езавітава, І. Луцкевіча, В. Ластоўскага, М. Улашчыка і інш. Укладальнік літаратурна-навуковых штогоднікаў «Скарыніч» (вып. 1—3, 1991—97).

Узнагароды

Узнагароджаны медалём 100 гадоў БНР Рады Беларускай Народнай Рэспублікі.

Бібліяграфія

• Польша: Отечество и социализм. — М., 1977;
• Тут мой народ: Францішак Скарына і беларуская літаратура XVI — пач. XX стст. — Мн., 1989;
• Жывом! — М.; Мн., 1997;
• Будам жыць! Пра тое самае. — Мн.; М., 1998;
• Letter to russian friend = Письмо русскому другу. — London, 1979.

Літаратура

• Ка́ўка Аляксей Канстанцінавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 379—380. — 800 с. — 5 000 экз. — ISBN 985-11-0026-9.