Антоні Бокун

Антоні Бокун
Антоні Бокун
Адукацыя	хімічны факультэт БДУ (1995);
Дзейнасць	дзяржаўны служачы
Нараджэнне	1973; Мінск, БССР, СССР;

Анто́ні Бо́кун (нар. 1973, Мінск) — пастар мінскай пяцідзясятніцкай царквы «Ян Прадвеснік». У 2016 годзе пераклаў Новы Запавет і Прыповесці на беларускую мову.

Біяграфія

Нарадзіўся ў 1973 годзе ў Мінску ў каталіцкай сям’і. Хадзіў у касцёл на Залатой Горцы. Скончыў 20-ю мінскую школу (1980—1990), хімічны факультэт БДУ (1995), збіраўся стаць езуітам^[1]. У сярэдзіне 1990-х гадоў узначальваў Задзіночанне беларускіх студэнтаў. З 1999 года пастар мінскай пратэстанцкай царквы «Ян Прадвеснік».

Жанаты, мае двух сыноў — Адама і Язэпа, а таксама дачку — Эстэр.

У 2007 годзе Антоні Бокун аштрафаваны на 620 тысяч беларускіх рублёў (215 еўра)^[2] «за арганізацыю несанкцыянаванага масавага мерапрыемства» — набажэнства, якое ладзілася ў яго ўласным доме. 4 чэрвеня 2007 года паводле аналагічнага абвінавачвання быў арыштаваны на трое сутак^[3]^[4].

Творчасць

Удзельнічаў у выданні «Расейска-беларускага хімічнага слоўніка» (1993)^[5].

З 1996 года працаваў над выданнем перакладу Бібліі, зробленага Уладзіславам Чарняўскім^[6]. Быў рэдактарам выдання Новага Запавету ў перакладзе Уладзіслава Чарняўскага (Мінск, 1999) і Пяцікніжжа (Мінск, 2002). Удзельнічаў у падрыхтоўцы выдання Новага Запавету (Мінск, 2003) і поўнай Бібліі (Мінск, 2012), падрыхтаваных Біблейскім таварыствам у Рэспубліцы Беларусь на падставе рукапісаў Чарняўскага, а таксама ў выданні аўдыяверсіі «Новага Запавету» у перакладзе Чарняўскага^[7] (Мінск, 2010). У 2016 годзе выдаў пераклад Новага Запавету і Кнігі Прыповесцяў, зроблены з арыгінальных моў^[8].

Аўтар кнігі «Залаты Век Беларусі», а таксама шэрагу артыкулаў, прысвечаных гісторыі пратэстантызму ў Беларусі. Удзельнічаў у перавыданні Катэхізіса 1562 года (Мінск, 2005)^[9].

У пачатку 2023 года Антоній Бокун скончыў пераклад Святога Пісання са старажытнаяўрэйскай і старажытнагрэчаскай моў, Біблія была выкладзена ў Інтэрнэт. У канцы 2023 года Біблія ў перакладзе на беларускую мову выйшла з друку. У выданне ўвайшлі толькі кананічныя кнігі Старога Запавета.

Зноскі

↑ «Усё гэта ўрэшце скончыцца тым, што ў Беларусі зьменіцца сытуацыя» (нявызн.). Грамадзтва. «Наша Ніва» (31 кастрычніка 2010).
↑ Беларусь: аналіз свабоды веравызнання, чэрвень 2009 (нявызн.). Беларускі хрысьціянскі партал «Царква» (31 кастрычніка 2010).
↑ Любоў Лунёва. Пастар Антоні Бокун — на волі (нявызн.). Грамадзтва. Радыё «Свабода» (31 кастрычніка 2010).
↑ Пастару Антонію Бокуну адмаўлялі ў СІЗА ў леках (нявызн.). Навіны. Хартыя’97 (31 кастрычніка 2010).
↑ Беларускі клясычны правапіс. Афармленьне ілюстрацыяў (нявызн.) (Расейска-беларускі хімічны слоўнік / Уклад. А. Глушко, А. Стасевіч, А. Бокун. — Менск, 1993.)(недаступная спасылка). Pravapis.info (31 кастрычніка 2010). Архівавана з першакрыніцы 25 верасня 2009. Праверана 10 студзеня 2020.
↑ Які будзе лёс перакладу Бібліі айца Ўладыслава Чарняўскага? // Радыё Свабода (29 снежня 2001)
↑ Выдадзены аўдыёзапіс Новага Запавета на беларускай мове (нявызн.). Грамадзтва. Беларускія навіны naviny.by (31 кастрычніка 2010).
↑ Да 500-годдзя беларускай Бібліі: новы пераклад Новага Запавету і Прыпавесцяў // budzma.by (29.02.2016)
↑ Катэхізіс: помнік беларускай Рэфармацыі XVI ст. Мінск, 2005.

Спасылкі

[nn9389-1] «Усё гэта ўрэшце скончыцца тым, што ў Беларусі зьменіцца сытуацыя» (нявызн.). Грамадзтва. «Наша Ніва» (31 кастрычніка 2010).

[church353-2] Беларусь: аналіз свабоды веравызнання, чэрвень 2009 (нявызн.). Беларускі хрысьціянскі партал «Царква» (31 кастрычніка 2010).

[svaboda758591-3] Любоў Лунёва. Пастар Антоні Бокун — на волі (нявызн.). Грамадзтва. Радыё «Свабода» (31 кастрычніка 2010).

[charter070606-4] Пастару Антонію Бокуну адмаўлялі ў СІЗА ў леках (нявызн.). Навіны. Хартыя’97 (31 кастрычніка 2010).

[pravapis-5] Беларускі клясычны правапіс. Афармленьне ілюстрацыяў (нявызн.) (Расейска-беларускі хімічны слоўнік / Уклад. А. Глушко, А. Стасевіч, А. Бокун. — Менск, 1993.)(недаступная спасылка). Pravapis.info (31 кастрычніка 2010). Архівавана з першакрыніцы 25 верасня 2009. Праверана 10 студзеня 2020.

[6] Які будзе лёс перакладу Бібліі айца Ўладыслава Чарняўскага? // Радыё Свабода (29 снежня 2001)

[naviny336003-7] Выдадзены аўдыёзапіс Новага Запавета на беларускай мове (нявызн.). Грамадзтва. Беларускія навіны naviny.by (31 кастрычніка 2010).

[8] Да 500-годдзя беларускай Бібліі: новы пераклад Новага Запавету і Прыпавесцяў // budzma.by (29.02.2016)

[9] Катэхізіс: помнік беларускай Рэфармацыі XVI ст. Мінск, 2005.

[1]

[2]

[3]

[4]

[5]

[6]

[7]

[8]

[9]