Галіна Паўлаўна Тварановіч

Галіна Паўлаўна Тварановіч
Галіна Паўлаўна Тварановіч
Дата нараджэння	17 лютага 1955 (69 гадоў)
Месца нараджэння	Дараганава, Дараганаўскі сельсавет, Старадарожскі раён, Мінская вобласць, БССР, СССР;
Грамадзянства	СССР; Беларусь;
Род дзейнасці	літаратуразнаўца, паэтка, пісьменніца, крытык, перакладчыца
Месца працы	Інстытут літаратуразнаўства НАНБ; Беластоцкі ўніверсітэт;
Альма-матар	філалагічны факультэт БДУ;

Галіна Паўлаўна Тварано́віч^[1] (17 лютага 1955, Дараганава, Магілёўская вобласць) — беларускі літаратуразнавец, паэтэса. крытык.

Біяграфічныя звесткі

Нарадзілася ў сям’і служачых. Вучылася ў мясцовай сярэдняй школе.

Скончыла філалагічны факультэт Беларускага дзяржаўнага ўніверсітэта (1977). Кіраўніком у аспірантуры быў Алесь Адамовіч. У 1985 годзе Тварановіч абараніла кандыдацкую дысертацыю, а ў 1999 годзе — доктарскую. З 1983 года працавала навуковым супрацоўнікам у Інстытуце літаратуры Нацыянальнай акадэміі навук Беларусі. З 1999 года выкладае ва Універсітэце ў Беластоку (Польшча). З 2001 года — галоўны рэдактар часопіса «Studia wschodniosłowiańskie» («Усходнеславянскія даследаванні»). Выйшла некалькі паэтычных зборнікаў.

Творчасць, даследчыцкая дзейнасць

Друкуецца з 1967 года, як літаратуразнаўца — з 1982 года. Аўтар даследаванняў па ўзаемасувязях сучаснай беларускай прозы і прозы былой Югаславіі, па кампаратывістыцы, гісторыі беларускай літаратуры, сучасным літаратурным працэсе: «Маральны свет героя: Беларуская і югаслаўская ваенная проза 60-70-х г.» (1986), «Пакутаю здабыты мір: Тыпалогія характару ў беларускай і славенскай прозе» (1991) і інш. Адзін з аўтараў «Гісторыі беларускай літаратуры ХХ ст.» (Т. 1-4, 1999—2002).

Яе паэтычныя зборнікі «Ускраек тысячагоддзя» (1996), «Верасы Дараганава» (2000), «Чацвёртая стража» (2004) прасякнуты роздумам над праблемамі жыцця, лёсам чалавека ў Вечнасці, любоўю да роднай зямлі, хрысціянскімі матывамі. Перакладае з сербскай і польскай моў.

Крыніцы

↑ БелЭн 2002.

Літаратура

Спрынчан А. В. Тварано́віч Галіна Паўлаўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 468. — 10 000 экз. — ISBN 985-11-0035-8. — ISBN 985-11-0251-2 (т. 15).
Галіна Паўлаўна Тварановіч // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

[FOOTNOTEБелЭн2002-1] БелЭн 2002.

[1]