Георгій Мікітавіч Халасцякоў

Георгій Мікітавіч Халасцякоў
Дата нараджэння	20 ліпеня (2 жніўня) 1902
Месца нараджэння	Баранавічы, Навагрудскі павет, Мінская губерня, Расійская імперыя
Дата смерці	18 ліпеня 1983(1983-07-18) (80 гадоў)
Месца смерці	Масква, РСФСР, СССР
Месца пахавання	Кунцаўскія могілкі[d]
Альма-матар	Ваенная акадэмія Генеральнага штаба Узброеных Сіл Расійскай Федэрацыі
Грамадзянства	Беларусь
Прыналежнасць	СССР
Род войскаў	ВМФ Падводны флот
Гады службы	1919—1969
Званне	Віцэ-адмірал ВМФ СССР
Камандаваў	Azov Flotilla[d], Danube Flotilla[d], Ціхаакіянскі флот ВМФ Расіі і Каспійская флатылія ВМФ Расіі
Бітвы/войны	Грамадзянская вайна Вялікая Айчынная вайна
Узнагароды і званні	Ордэн Ушакова I ступені Ордэн Ушакова I ступені Медаль «У азнаменаванне 100-годдзя з дня нараджэння Уладзіміра Ільіча Леніна» Медаль «За абарону Севастопаля» Медаль «За абарону Каўказа» Медаль «За ўзяцце Будапешта» Медаль «За ўзяцце Вены» Медаль «За вызваленне Бялграда» Медаль «Ветэран Узброеных Сіл СССР» Медаль «XX гадоў Рабоча-Сялянскай Чырвонай Арміі» Юбілейны медаль «30 гадоў Савецкай Арміі і Флоту» Медаль «40 гадоў Узброеных Сіл СССР» Медаль «50 гадоў Узброеных Сіл СССР» Медаль «60 гадоў Узброеных Сіл СССР» Кавалер ордэна Брытанскай імперыі, ваенны
У адстаўцы	1969

Ге́оргій Мікі́тавіч Халасцяќоў (2 жніўня 1902 — 21 ліпеня 1983) — савецкі военачальнік беларускага паходжання, віцэ-адмірал (1945 год), Герой Савецкага Саюза (1965).

Біяграфія

Нарадзіўся ў сям’і чыгуначніка-машыніста у Баранавічах.

Падчас Першай сусветнай вайны сям’я з’ехала ў бежанства ў Расію.

З жніўня 1919 г. прымаў удзел у Грамадзянскай вайне, ваяваў у частках ЧАП на Заходнім фронце. Член РКП(б) з 1920. У 1920 паранены, трапляе ў польскі палон, дзе правёў амаль год. Пасля вяртання з палону працаваў на розных некваліфікаваных вытворчасцях.

У снежні 1921 года добраахвотна па камсамольскім наборы пайшоў у Рабоча-Сялянскі Чырвоны флот. У 1925 скончыў Ваенна-марское гідраграфічнае вучылішча, служыў вахценным начальнікам на лінкары «Марат», штурманам падводнай лодкі «Камунар». Пасля заканчэння ў 1928 падводных класаў спецыяльных курсаў каманднага складу Ваенна-Марскага Флоту — старшы памочнік камандзіра падводных лодак «Батрак» і «L-55». Потым камандзір і камісар падлодкі «Бальшавік».

У 1932 скончыў тактычныя курсы Ваенна-марской акадэміі. Быў накіраваны на Ціхаакіянскі флот. Камандзір галаўной падлодкі, дывізіёна і 5-й брыгады падводных лодак.

Арышт і вызваленне

7 мая 1938 года арыштаваны. Абвінавачаны ў шпіянажы на карысць Польшчы (з прычыны польскага палону 1920), а таксама Японіі і Англіі. Атрымаў 15 гадоў папраўча-працоўных лагераў і паражэнне ў правах на 5 гадоў. На катарзе на Ціхім акіяне, у казематах на бухце Вольгі. Жонка ў час яго арышту пайшла добраахвотніцай на савецка-фінляндскую вайну. Дзякуючы заступніцтву Калініна справа была перагледжана. У маі 1940 быў вызвалены, і яму вярнулі ордэн Леніна і званне.

З восені 1940 — камандзір 3-й брыгады падводных лодак, пасля начальнік адзела падводнага плавання Чарнаморскага флоту.

Вялікая Айчынная вайна

У ліпені 1941 — капітан 1-га рангу, узначаліў Наварасійскую ваенна-марскую базу. Удзельнічаў у Керчанска-Феадосеўскай аперацыі. Падрыхтоўваў абарону Наварасійска з сушы.

13 снежня 1942 года нададзена званне контр-адмірал.

Камандзір Азоўскай і Дунайскай вайсковымі флатыліямі, арганізаваў шэраг дэсантаў.

Пасля вайны

24 мая 1945 года нададзена званне віцэ-адмірал.

У 1950 годзе скончыў з залатым медалём Акадэмію Генеральнага штаба. У 1950—1951 гадах кіраваў Каспійскай вайсковай флатыліяй, потым 7-м флотам на Ціхім акіяне. У 1953—1969 — намеснік начальніка кіравання баявой падрыхтоўкай Галоўнага штаба ВМФ СССР.

7 мая 1965 атрымаў званне Героя Савецкага Саюза.

З 1969 года ў адстаўцы.

Смерць

Забіты разам з жонкай у сваёй кватэры (у доме № 19 на Цвярскім бульвары) у час аграблення. Быў скрадзены парадны мундзір і ўсе ўзнагароды. Пахаваны ў Маскве на Кунцаўскіх могілках.

Мемарыяльны знак у гонар Г.Халасцякова ў г.Баранавічы

Памяць

У Баранавічах у гонар Георгія Халасцякова названа адна з вуліц і адкрыты памятны знак. Імя Халасцякова нададзена сярэдняй школе № 9, дзе створаны музей адмірала.

У 1984 годзе імя Георгія Халасцякова нададзена савецкаму сухагрузу.

Літаратура

• Долготович Б. Д. Адмиралы земли белорусской: биограф. справочник / Б. Д. Долготович; под. ред. А. А. Римашевского. — Мн.: Беларусь, 2009. — 98 с. — 1 500 экз. — ISBN 978-985-01-0821-0.