Каршэрынг

Volkswagen Polo сэрвісу каршэрынгу Hello ў Мінску

Каршэрынг (англ.: carsharing ад car «легкавы аўтамабіль» і sharing «сумеснае выкарыстанне, перадача іншаму») — кароткатэрміновая арэнда/пракат машыны.

Гэта варыянт арэнды аўтамабіля ў профільных кампаній (часцей за ўсё для ўнутрыгарадскіх і / або кароткіх паездак) або прыватных асоб (на любы тэрмін і адлегласць паездкі — па дамоўленасці). Такая мадэль арэнды аўтамабіляў зручная для перыядычнага карыстання аўтатранспартным сродкам або ў выпадку, калі неабходны аўтамабіль, які адрозніваецца ад маркі, тыпу кузава і грузападымальнасці ад звычайна выкарыстоўванага. Каршэрынг з’яўляецца адным з глабальных кірункаў развіцця эканомікі сумеснага карыстання (Sharing Economy), калі насельніцтва адмаўляецца ад набыцця выгод ва ўласнасць, каб не несці адказнасць і выдаткі, але працягвае мець доступ да ўсіх дасягненняў навуковага прагрэсу, выкарыстоўваючы іх сумеснае спажыванне. Паслугі каршэрынгу даступныя ў дзясятках краін свету.

Адрозненні ад доўгатэрміновай арэнды

Каршэрынгавы электрамабіль BMW i3 на зарадцы ў Мюнхене

• пункты выдачы і вяртання адкрыты 24 гадзіны ў суткі, 7 дзён у тыдзень;
• браніраванне, узяцце і вяртанне машыны аўтаматызаваны;
• машыны могуць быць арандаваны па хвілінах, гадзінах або днях;
• усе кліенты маюць членскія карты і былі папярэдне адобраны да ваджэння;
• вялікая колькасць пунктаў выдачы і вяртання аўто ў горадзе, часта размешчаных каля метро і іншага грамадскага транспарту;
• страхоўка, карыстанне гарадской паркоўкай і паліва звычайна ўваходзяць у кошт арэнды.

Спасылкі

• На Вікісховішчы ёсць медыяфайлы па тэме Каршэрынг