Копра

Сушка копры

Копра (з малаяльскай: копара) — высушаны алеісты эндасперм арэхаў какосавай пальмы. Белыя ці жаўтлявыя кавалачкі таўшчынёй 6-12 мм, пакрытыя скуркай. Ядомая. Копра ўтрымоўвае ў сярэднім 6% вады, 67% тлушчу, 16% вугляводаў, 9% бялку. Гарачым прэсаваннем з копры атрымліваюць лёгкаплаўкі алей (t плаўлення 20-27° С), які выкарыстоўваецца ў ежу і як тэхнічная сыравіна. Макуха копры - каштоўны канцэнтраваны корм для жывёлы. З аднаго арэха атрымліваюць ад 80 да 500 г. копры. Свежы эндасперм какоса змяшчае 30-40% какосавага алею, копры - 60-70%.

Копры выкарыстоўваецца як сыравіна для падрыхтоўкі маргарыну, тэхнічнага масла, гліцэрына, мыла і напалму.

Асноўныя вытворцы копры: краіны Паўднёва-Усходняй Азіі (каля 67% сусветнай прадукцыі), Акіянія (каля 10%), Афрыка (3-4%).

Літаратура

• Копра // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 414. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• Выраб какосавага масла на Каморах (англ.)
• Фактары якасці копры (англ.)