Любаны

Вёска Любаны Краіна Беларусь Вобласць Магілёўская Раён Слаўгарадскі Сельсавет Гіжэнскі Каардынаты 53°39′46″ пн. ш. 31°05′31″ у. д. Вышыня цэнтра 170 м Колькасць двароў 35 Насельніцтва 75 чалавек (2011) Часавы пояс UTC+3 Тэлефонны код +375 2246 Паштовы індэкс 213242 Аўтамабільны код 6 Любаны на карце Беларусі ±

Люба́ны (трансліт.: Liubany, руск.: Любаны) — вёска ў Слаўгарадскім раёне Магілёўскай вобласці. Уваходзіць у склад Гіжэнскага сельсавета.

Геаграфія

Любаны размешчаны на поўначы Слаўгарадскага раёна на мяжы з Чавускім раёнам. За 1,6 км на паўночны захад ад вёскі бярэ выток Гарадзец.

Кожную сераду ў вёску ходзіць аўтобус Слаўгарад-Любаны.

Гісторыя

Упершыню згадваецца ў гістарычных крыніцах у 1555 годзе як сяло Любанавічы (у 1572 Любаны).

Згадваюцца ў 1693 годзе, калі дэкрэтам Задворнага асэсарскага суда ў Варшаве тагачаснаму чэрыкаўскаму войту, старадубаўскаму войскаму Яну-Міхалу Шаблоўскаму, была вынесеная вечная баніцыя, у выніку чаго ён быў пазбаўлены правоў на карыстанне каралеўскімі маёнткамі, сярод якіх і Любаны, якія былі перададзеныя ў пасэсію прапойскаму старосьце, смаленскаму харунжаму Базылю з Красіна Красінскаму.

Паводле мясцовага тлумачэння, назва вёскі паходзіць ад таго, што жыхары Любанаў з’яўляліся не прыгоннымі, а казённымі сялянамі, і паміж імі і панам была заключана «палюбоўная сказка».

Перад вайной у вёсцы жыло 294 чалавекі.

Падчас Вялікай Айчыннай вайны ў жніўні 1943 году гітлераўцамі было спалена 102 двароў (са 114 да вайны).

Насельніцтва

• 2011 год — 75 чалавек
• 2010 год — 75 чалавек
• 1999 год — 107 чалавек
• 1926 год — 651 чалавек

Славутасці

• Брацкая магіла савецкіх воінаў, якія загінулі ў 1941 годзе у баях супраць нямецкіх захопнікаў. На паўднёвай ускраіне вёскі, з’яўляецца гісторыка-культурнай каштоўнасцю Рэспублікі Беларусь.
• Магілы савецкіх воінаў, якія загінулі ў кастрычніку 1943 года пры вызваленні раёна ад нямецкіх захопнікаў.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх