Мануэль Альмунія

Мануэль Альмунія
Агульная інфармацыя
Поўнае імя	Мануэль Альмунія Рывера
Нарадзіўся	19 мая 1977(1977-05-19)[…] (47 гадоў) Памплона, Іспанія
Грамадзянства	Іспанія
Рост	191 см
Вага	86 кг
Пазіцыя	брамнік
Інфармацыя пра клуб
Клуб	завяршыў кар’еру
Клубная кар’ера
1997—1999 Асасуна B 44 (-?) 1999—2000 Асасуна 0 (0) 1999—2000 →  Картахена 3 (-?) 2000—2001 Сабадэль 25 (-?) 2001—2004 Сельта 0 (0) 2001—2002 →  Эйбар 35 (-19) 2002—2003 →  Рэкрэатыва 2 (-4) 2003—2004 →  Альбасетэ 24 (-26) 2004—2012 Арсенал (Лондан) 101 (-91) 2011 →  Вест Хэм Юнайтэд 4 (-3) 2012—2014 Уотфард 34 (-43)
Медыяфайлы на Вікісховішчы

Мануэль Альмунія Рывера (ісп.: Manuel Almunia Rivero; 19 мая 1977, Памплона, Іспанія) — былы іспанскі футбаліст, брамнік. Вядомы дзякуючы выступленням за англійскі клуб «Арсенал».

Кар’ера

Мануэль пачаў сваю кар’еру ў родным горадзе Памплона, выступаючы за фарм-клуб каманды «Асасуна», але за асноўную каманду не гуляў. Затым адзін сезон Мануэль правёў на правах арэнды ў клубе трэцяга дывізіёна «Картахена», а ўлетку 2000 года падпісаў кантракт з клубам «Сабадэль», з таго ж трэцяга дывізіёна. Летам 2001 года перайшоў у «Сельту», якая на той момант была адной з вядучых каманд Прымеры, але так і не згуляў там ніводнай гульні: усе тры сезоны Мануэль правёў у арэндзе ў клубах, як «Эйбар», «Рэкрэатыва» і «Альбасетэ».

14 ліпеня 2004 падпісаў кантракт з «Арсеналам». Дэбютаваў за клуб 27 кастрычніка таго ж года ў гульні Кубка Лігі супраць «Манчэстэр Сіці», у той сезон правёў усе гульні за «Арсенал» у Кубку Лігі. У пачатку сезону 2007/08 стаў першым брамнікам каманды, адстаяўшы канкурэнцыю з боку Енса Лемана.

З 2010 года польскі брамнік Войцех Шчэнсны стаў выцясняць Альмунію з асноўнага складу. 30 верасня 2011 года Альмунія быў аддадзены ў кароткатэрміновую арэнду «Вест Хэм Юнайтэд», асноўны брамнік якога Роберт Грын атрымаў траўму. У канцы кастрычніка, пасля аднаўлення Грына, вярнуўся ў «Арсенал».

Па заканчэнні сезону 2011/2012 Альмунія пакінуў «Арсенал» у стане свабоднага агента, і неўзабаве стаў іграком клуба «Уотфард», за які гуляў на працягу двух сезонаў. Улетку 2014 планаваўся пераход Альмуніі ў «Кальяры», але з-за медыцынскіх праблем ён быў вымушаны завяршыць кар’еру.

Дасягненні

• Уладальнік Кубка Англіі: 2005

Спасылкі

• На Вікісховішчы ёсць медыяфайлы па тэме Мануэль Альмунія