Марсель Янсен

Марсель Янсен
Марсель Янсен
Агульная інфармацыя
Нарадзіўся	4 лістапада 1985(1985-11-04)[…] (38 гадоў) Мёнхенгладбах, Паўночны Рэйн — Вестфалія, ФРГ
Грамадзянства	Германія
Рост	191 см
Вага	84 кг
Пазіцыя	вінгер
Інфармацыя пра клуб
Клуб	завяршыў кар’еру
Маладзёжныя клубы
Люрып 1910 1993—2004 Барусія (Мёнхенгладбах)
Клубная кар’ера
2004—2007 Барусія (Мёнхенгладбах) 73 (5) 2007—2008 Баварыя (Мюнхен) 17 (0) 2008—2015 Гамбург 144 (20)
Нацыянальная зборная
2004—2005 Германія (да 21) 4 (1) 2005—2014 Германія 45 (3)
Узнагароды і медалі
Чэмпіянаты свету Бронза Германія 2006 Бронза ПАР 2010 Чэмпіянаты Еўропы Срэбра Аўстрыя/Швейцарыя 2008
Медыяфайлы на Вікісховішчы

Ма́рсель Я́нсен (ням.: Marcell Jansen; 4 лістапада 1985, Мёнхенгладбах, Германія) — нямецкі футбаліст, які выступаў за нацыянальную зборную Германіі на пазіцыі паўабаронцы. Часам гуляў таксама і на пазіцыі абаронцы.

Біяграфія

«Барусія» Мёнхенгладбах

Марсель перайшоў у «Барусію» з мясцовай спартыўнай школы «Люрып» ў 1993 годзе. Да моманту свайго першага траплення ў заяўку на матч Бундэслігі 20 верасня 2003 года ён ужо меў вопыт выступлення за розныя юніёрскія зборныя сваёй краіны, аднак у той гульні перамогу атрымалі футбалісты клуба «Гановер 96» з лікам 2:0, галоўны трэнер Эвальд Лінен гэтак і не выпусціў яго на поле. Пасля паражэння Лінена звольнілі, а Янсена адправілі ў юнацкую каманду.

Упершыню Янсен з’явіўся на поле 11 снежня 2004 года на берлінскім Алімпіяштадыёне, калі яго каманда саступіла «Герце» з непрыстойным лікам 6:0. У той гульні Янсен адзначыўся толькі парушэннем правілаў і пакараннем. Аднак галандскі трэнер Дык Адвакат працягваў давяраць маладому футбалісту, перыядычна выпускаючы яго на поле.

«Баварыя»

Улетку 2006 года да ўлюбёнца заўзятараў з Мёнхенгладбаха паступіла некалькі павабных прапаноў, аднак новы трэнер «Барусіі» Юп Гайнкес заявіў, што Янсен з катэгорыі ігракоў «не для продажу», з чым пагадзіўся і сам футбаліст, сказаўшы, што не збіраецца пакідаць родны клуб «гэтак рана». Аднак у канцы сезону Янсен падпісаў чатырохгадовы кантракт з мюнхенскай «Баварыяй» пасля таго, як «Барусія» пакінула Бундэслігу.

«Гамбург»

Улетку 2008 года Янсен перайшоў у «Гамбург», падпісаўшы кантракт на пяць гадоў. У чэрвеня 2012 года падоўжыў кантракт за чэрвеня 2015 года, па заканчэнні якога «Гамбург» не стаў прапаноўваць Марселю новы кантракт. У выніку, 8 ліпеня Янсен абвясціў аб завяршэнні кар’еры з-за шматлікіх траўм.

Нацыянальная зборная

Дэбют за зборную адбыўся 3 верасня 2005 года ў Браціславе. У матчы, дзе перамогу атрымалі славацкія футбалісты з лікам 2:0, Юрген Клінсман выпусціў яго на замену Томасу Гітцльшпергеру.

Дасягненні

Баварыя:

• Чэмпіён Германіі: 2008
• Уладальнік Кубка Германіі: 2008
• Уладальнік Кубка лігі Германіі: 2007

Зборная Германіі:

• Бронзавы прызёр чэмпіянату свету: 2006, 2010
• Срэбны прызёр чэмпіянату Еўропы: 2008

Спасылкі

• На Вікісховішчы ёсць медыяфайлы па тэме Марсель Янсен
• Афіцыйны сайт