Мацвей Міхайлавіч Грубіян

Мацвей Міхайлавіч Грубіян
ідыш: מאָטל גרוביִאַן
Асабістыя звесткі
Дата нараджэння	12 красавіка 1909(1909-04-12)
Месца нараджэння	Сакаліўка, Q20093184?, Васылькіўскі раён, Кіеўская акруга[d], Кіеўская губерня, Расійская імперыя
Дата смерці	9 лютага 1972(1972-02-09) (62 гады)
Месца смерці	Масква, РСФСР, СССР
Пахаванне	Вастракоўскія могілкі[d]
Грамадзянства	СССР
Альма-матар	літаратурны факультэт Мінскага педагагічнага інстытута[d] (1938)
Месца працы	Яўрэйскі антыфашысцкі камітэт[d] Эйнікайт[d]
Прафесійная дзейнасць
Род дзейнасці	паэт
Гады творчасці	з 1930
Жанр	верш
Мова твораў	ідыш
Узнагароды

Мацвей (Мотл) Міхайлавіч Грубіян (ідыш: מאָטל גרוביִאַן; 12 красавіка 1909, в. Сакалоўка, цяпер Кіеўская вобласць, Украіна — 9 лютага 1972, Масква) — беларускі паэт.

Біяграфія

Нарадзіўся 12 красавіка 1909 года ў в. Сакалоўка ў сям’і настаўніка. У 13 гадоў з’ехаў у Менск, працаваў на рамесных працах. У 1938 г. скончыў літаратурны факультэт Педагагічнага інстытута імя Горкага ў Мінску. Удзельнік Вялікай Айчыннай вайны, тройчы цяжка паранены. Уся сям’я паэта загінула ў Мінскім гета. Жыў у Маскве, працаваў адказным сакратаром у Яўрэйскім антыфашысцкім камітэце і яго газеце «Эйнікайт» («Адзінства»). У 1948 г. арыштаваны па справе Яўрэйскага антыфашысцкага камітэта. 7 гадоў правёў у лагерах Інты (Рэспубліка Комі).

Пасля вызвалення ў 1955 г. жыў у Маскве. Узнагароджаны медалямі.

Член Саюза пісьменнікаў СССР з 1939 года.

Пахаваны на Вастракоўскіх могілках Масквы.

Творчасць

Дэбютаваў у друку ў 1930 г. Пісаў на ідыш. Аўтар зборнікаў «Фун келер аф дер зун» («З падвала — да сонца»; Мінск, 1935), «Лирика» (у перакладзе; Минск, 1940), «Гезанг вегн мут» («Песня аб мужнасці»; Масква, 1947), «Я знаю тебя, жизнь» (у перакладзе; Москва, 1958), «Ключи» (у перакладзе; Москва, 1962), «Лирика» (у перакладзе; Москва, 1967). Выдадзеныя зборнікі выбранай лірыкі на ідыш «Беспакойны вецер» (Масква, 1970), «Вечны агонь» (Масква, 1976).

Спасылкі

• Мацвей Міхайлавіч Грубіян на сайце анлайн-энцыклапедыі «Беларусь у асобах і падзеях»