Пошта Нарвегіі

Posten Norge AS
Тып	Дзяржаўная кампанія з абмежаванай адказнасцю
Заснаванне	1647
Заснавальнікі	Hannibal Sehested[d]
Краіна	Нарвегія
Размяшчэнне	Осла, Нарвегія
Адрас	Осла
Ключавыя постаці	Даг Мейдэль (CEO) Арвід Мос (старшыня)
Галіна	пошта
Абарот	23,4 млрд kr (2022)
Чысты прыбытак	NOK 13,3 більёнаў (2014)
Колькасць супрацоўнікаў	12 561 чал. (2022)
Матчына кампанія	Міністэрства транспарту і камунікацый Нарвегіі
Даччыныя кампаніі	ErgoGroup Nor-Cargo Frigoscandia Box Bring Citymail Pan Nordic Logistics
Сайт	posten.no

Паштовае аддзяленне ў Бергене

Posten Norge AS («Пошта Нарвегіі») — нарвежскі паштовы аператар. Кампанія належыць Міністэрству транспарту і сувязі Нарвегіі і з'яўляецца манапалістам у галіне перавозкі і дастаўкі пошты ў краіне. Мае сетку з 1500 паштовых аддзяленняў.

Нарвежская паштовая служба, пад назвай Postvesenet, была заснаваная Ганібалам Сехестэдам у 1647 годзе ў форме прыватнага прадпрыемства. З 1719 г. нацыянальная паштовая сувязь стала дзяржаўнай манаполіяй. У 1933 г. Postvesenet перайменавалі ў Postverket.

У 1996 г. была заснавана дзяржаўная кампанія Posten Norge BA з абмежаванай адказнасцю. У 2002 г. кампанія Posten змяніла сваю арганізацыйна-прававую форму, стаўшы акцыянернай кампаніяй (aksjeselskap, скарочана AS) у рамках падрыхтоўкі кампаніі да плануемага раздзяржаўлення нарвежскага рынку паштовых паслуг. Posten Norge AS па-ранейшаму знаходзіцца ў поўнай уласнасці нарвежскай дзяржавы, бо працэс лібералізацыі быў адкладзены урадам да 2011 г.

Дзейнасць кампаніі Posten Norge ажыццяўляецца па трох напрамках: пошта, лагістыка і дапаможныя службы лагістыкі. Адна з даччыных кампаній, ErgoGroup AS, спецыялізуецца на электронных паслугах і аўтсорсінгу.