Разліў нафты на нафтаправодзе «Кістоўн» (2022)
7 снежня 2022 года на нафтаправодзе «Кістоўн» кампаніі «TC Energy» адбыўся буйны разліў больш за 14 тысяч барэляў нафты. На момант здарэння гэта найбуйнейшы разліў нафты на «Кістоўн»[1] з трох падобных інцыдэнтаў з моманту адкрыцця сеткі ў 2010 годзе[2] і адначасова найбуйнейшы ў ЗША з 2013 года[3].
Разліў
[правіць | правіць зыходнік]У 21:00 7 снежня па мясцовым часе кампанія «TC Energy» запусціла аварыйны прыпынак трубаправода «Кістоўн» з-за падзення ціску[4]. Агенцтва па ахове навакольнага асяроддзя ЗША пабудавала земляную дамбу, каб стрымаць разліў[1]. Уцечка была выяўлена недалёка ад акругі Вашынгтон, штат Канзас, і вылілася ў ручай Міл-Крык, які ўпадае ў раку Літл-Блю[5]. Указанне аб эвакуацыі не аддавалася[6]. Для ліквідацыі наступстваў аварыі «TC Energy» накіравала 100 чалавек[3].
Уздзеянне
[правіць | правіць зыходнік]Экалагічныя
[правіць | правіць зыходнік]Уцечка выклікала занепакоенасць у эколагаў з-за перадачы па нафтаправодзе бітумінозных пяскоў, якія больш таксічны за сырую нафту, і могуць тануць у вадзе[1].
Эканамічныя
[правіць | правіць зыходнік]Цана на сырую нафту пасля закрыцця трубаправода «Кістоўн» вырасла на 5%[4], а «TC Energy» абвясціла форс-мажор[7]. Усе работы на нафтаправодзе спынілі. Закрыццё прывяло да абмежавання паставак канадскай нафты на амерыканскія нафтаперапрацоўчыя заводы[8].
Расследаванне
[правіць | правіць зыходнік]Упраўленне бяспекі трубаправодаў і небяспечных матэрыялаў пачало расследаванне ўцечкі[4]. Агенцтва аховы навакольнага асяроддзя накіравала двух каардынатараў, якія ўстанавілі, што нафта не трапіла ў крыніцы пітной вады, таму яна ў раёне акругі Вашынгтон не пацярпела[9].
Зноскі
- ↑ а б в "Kansas oil spill is Keystone pipeline's biggest ever, according to federal data". NPR. 2022-12-10. Праверана 2022-12-11.
- ↑ Шалашов Глеб. В США произошел крупнейший с 2013 года разлив нефти (руск.). Известия (9 снежня 2022). Праверана 11 снежня 2022.
- ↑ а б В США произошел крупнейший разлив нефти с 2013 года (руск.). Коммерсантъ (9 снежня 2022). Праверана 11 снежня 2022.
- ↑ а б в Matt Egan. Keystone Pipeline shuts down after oil leak, halting flow of 600,000 barrels a day | CNN Business (англ.). CNN (8 снежня 2022). Праверана 11 снежня 2022.
- ↑ Oil spill into a rural Kansas creek shuts down the Keystone pipeline (англ.). Los Angeles Times (9 снежня 2022). Праверана 11 снежня 2022.
- ↑ An Oil Spill in Kansas Has Shut Down the Keystone Pipeline (англ.). Gizmodo (9 снежня 2022). Праверана 11 снежня 2022.
- ↑ "Keystone Pipeline Is Shut Down After Oil Spills Into Creek in Kansas". Bloomberg.com. 2022-12-08. Праверана 2022-12-11.
- ↑ Свыше 14 тысяч баррелей нефти вылилось в водоем штата Канзас в США (руск.). newizv.ru. Праверана 11 снежня 2022.
- ↑ Taylor, Derrick Bryson (2022-12-09). "Oil Spill in Kansas Prompts Shutdown of Keystone Pipeline System". The New York Times. 0362-4331. Праверана 2022-12-11.