Рафаліўка

Пасёлак гарадскога тыпу Рафаліўка укр.: Рафалівка Герб Сцяг Краіна Украіна Вобласць Ровенская вобласць Раён Варашскі раён Каардынаты 51°18′33″ пн. ш. 25°59′46″ у. д. Заснаваны 1902 Першая згадка 1902 Ранейшыя назвы Паліцы, Новая Рафаліўка ПГТ з 1957 Плошча 12,26 км² Вышыня цэнтра 195 ± 1 м Насельніцтва 3400 чалавек (2024) Шчыльнасць 272,5 чал./км² Часавы пояс UTC+2, летам UTC+3 Тэлефонны код +380-3634 Паштовы індэкс 34371 КААТУУ 5620855400 Афіцыйны сайт gska2.rada.gov.ua/pls/z7… Рафаліўка на карце Украіны ±

Медыяфайлы на Вікісховішчы

Рафаліўка (укр.: Рафалівка) — пасёлак гарадскога тыпу ў Валадымырэцкім раёне Ровенскай вобласці Украіны, чыгуначная станцыя на лініі Сарны - Ковель.

Гісторыя

Паселішча заснавана ў часы Расійскай імперыі як невялікі чыгуначны раз'езд Паліцы у 1902 г., калі пракладвалі чыгуначныя шляхі Ковель - Сарны - Кіеў. Напярэдадні Першай сусветнай вайны драўляны домік станцыі атачалі некалькі маленькіх дамоў, дзе жылі рабочыя-чыгуначнікі. Пазней тут вырас рабочы пасёлак. Падчас савецка-ўкраінскай вайны і польска-савецкай войнаў 1917-1921 гг. паселішча неаднаразова пераходзіла з рук у рукі. У студзені 1918 г. мястэчка ненадоўга занялі савецкія войскі. У жніўні 1919 г. у раёне станцыі ішлі баі савецкай Багунскай брыгады 44-й дывізіі з польскімі войскамі. У баі за станцыю загінула 13 бальшавікоў, у тым ліку камандзір коннай разведкі савецкі габрэйскі паэт Ошэр Шварцман. Пры ўдзеле савецкай 173-й брыгада 58-й стралковай дывізіі ў ліпені 1920 г. паблізу мястэчка ішлі баі. У міжваенны перыяд з 1921 па 1939 гг. паселішча ўваходзіла ў склад Польшчы. У 1921 г. на станцыі ўжо налічвалася 17 дамоў і пражывала 139 жыхароў. Большасць з іх працавала на лесараспрацоўках і на лесапільным заводзе, а астатнія — у сельскай гаспадарцы. У 1927 г. на станцыю пераведзена валасное кіраванне з сяла Старая Рафаліўка. Таму паселішча сталі называць Новая Рафаліўка, а пазней — Рафаліўка. З 1939 г. - у складзе Украінскай ССР, з 1991 г. - незалежнай Украіны.