Рыгор Пятровіч Рычагоў

Рыгор Пятровіч Рычагоў
Дата нараджэння	10 красавіка 1944(1944-04-10) (80 гадоў)
Месца нараджэння	Давыд-Гарадок, Столінскі раён, Брэсцкая вобласць, БССР, СССР
Грамадзянства	СССР  Беларусь
Род дзейнасці	навуковец, урач, хірург, гастраэнтэролаг, выкладчык універсітэта, загадчык кафедры
Навуковая сфера	хірургія, гастраэнтэралогія і coloproctology[d]
Месца працы	Міністэрства аховы здароўя СССР[d] Акадэмія навук Рэспублікі Таджыкістан[d] БДМУ
Навуковая ступень	доктар медыцынскіх навук (1989)
Навуковае званне	прафесар
Альма-матар	Першы Ленінградскі медыцынскі інстытут імя І. П. Паўлава[d]
Узнагароды	Ганаровая грамата Міністэрства аховы здароўя Рэспублікі Беларусь[d] (2009) Ганаровая грамата Вярхоўнага Савета Рэспублікі Беларусь[d] (2008)

Рыгор Пятровіч Рычаго́ў (нар. 10 красавіка 1944) — вучоны ў галіне хірургіі, доктар медыцынскіх навук (1989), прафесар (1993).

Біяграфія

Нарадзіўся ў горадзе Давыд-Гарадок. Скончыў сярэднюю школу № 1 Давыд-Гарадка ў 1963 годзе. У 1969 годзе скончыў 1-ы Ленінградскі медыцынскі інстытут і па 1971 год клінічны ардынатар на кафедры шпітальнай хірургіі ў ім. Потым па размеркаванню працаваў у сістэме 3-га Галоўнага Упраўлення Міністэрства аховы здароўя СССР. У 1973—1981 гадах займаў пасаду загадчыка хірургічнага аддзялення медсанчасткі № 4 МСА-16 у горадзе Чкалаўск (Таджыкская ССР) і адначасова вучыўся ў аспірантуры пры Навукова-даследчым інстытуце гастраэнтэралогіі Акадэміі навук Таджыкскай ССР. У 1979 годзе абараніў кандыдацкую дысертацыю на тэму «Значение комплексной эзофагогастродуоденоскопии в диагностике хирургических заболеваний верхнего отдела пищеварительного тракта в условиях общелечебного учреждения». У 1981—1982 гадах Р. П. Рычагоў на пасадах галоўнага хірурга, намесніка начальніка медыка-санітарнага аб’яднання па хірургічнай службе. У 1982 годзе абраны загадчыкам страўнікава-кішачным з абдамінальнай хірургіяй Навукова-даследчага інстытута гастраэнтэралогіі Акадэміі навук Таджыкскай ССР. З 1989 года — старэйшы навуковы супрацоўнік. У 1989 годзе абараніў доктарскую дысертацыю на тэму «Прогнозирование и профилактика некоторых послеоперационных осложнений в хирургии язвенной болезни».

З 1990 па верасень 2009 года Р. П. Рычагоў у Беларускім дзяржаўным медыцынскім універсітэце на пасадзе загадчыка кафедры агульнай хірургіі, з 1993 года ў званні прафесара. З 1996 года — галоўны хірург-кансультант Рэспубліканскай бальніцы Упраўлення справамі Прэзідэнта Рэспублікі Беларусь.

Навуковая і грамадская дзейнасць

Аўтар навуковых прац па агульнай хірургіі, хірургічнай гастраэнтэралогіі, малаінвазіўных і лазерных тэхналогіях. Аўтар і сааўтар больш за 400 навуковых публікацый, 13 вынаходстваў, 6 рацыяналізатарскіх прапаноў.

Член вучонага савета Беларускай медыцынскай акадэміі паслядыпломнай адукацыі па абароне дысертацый па спецыяльнасцям хірургія, уралогія і анестэзіялогія. Намеснік старшыні навуковага таварыства хірургаў Беларусі, член Міжнароднага таварыства хірургаў і гастраэнтэролагаў, Еўрапейскай асацыяцыі хірургаў, Расійскага таварыства эндаскапічных хірургаў. Прымаў удзел у арганізацыі і правядзенні шэрагу з’ездаў і пленумаў навуковага таварыства хірургаў Рэспублікі Беларусь, тэматычных навуковых канферэнцый. Неаднаразова выступаў з дакладамі на Міжнародных канферэнцыях у Афінах, Рыме, Гановеры, Кракаве, Варшаве, Празе, Бруселі, Дубаі. Галоўны рэдактар часопіса «Хирургия. Восточная Европа».

Сярод апублікаванага:

• Прогнозирование и профилактика послеоперационных осложнений в хирургии язвенной болезни. — Душанбе: Ирфон, 1991. — 157,[2] с.: ил.; 20 см; ISBN 5-667-00420-8;
• Ошибки, опасности и осложнения в желудочной хирургии. — Мн., 1993;
• Хирургические болезни: учебник для студентов учреждений высшего образования по специальностям «Медико-профилактическое дело», «Стоматология»: в 2 ч. / Г. П. Рычагов, А. Н. Нехаев. — Мн.: Вышэйшая школа, 2012;
• Практические навыки в общей хирургии. Учебное пособие. — Мн.: Вышэйшая школа, 2012.

Узнагароды

Узнагароджаны знакам «Выдатнік аховы здароўя Рэспублікі Беларусь» (1995), Ганаровымі граматамі Міністэрства аховы здароўя Рэспублікі Беларусь (2009) і Мінскага гарадскога Савета дэпутатаў, Ганаровай граматай і нагрудным знакам Вярхоўнага Савета Рэспублікі Беларусь (2008). У 2000 годзе атрымаў спецыяльную стыпендыю Прэзідэнта Рэспублікі Беларусь за індывідуальныя паказчыкі ў працы.

Літаратура

• Рычагоў Рыгор Пятровіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 528. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• Рычагов Григорий Петрович Архівавана 17 красавіка 2021. (руск.) // Сайт БДМУ
• Рычагов Григорий Петрович Архівавана 17 красавіка 2021. (руск.) // Сайт БДМУ
• Здравоохранение Беларуси: Знаменательные и юбилейные даты. 2009 год. / Сост. Н. Ф. Змачинская, Л. В. Хлус. Музей истории медицины Беларуси ГУ «Республиканская научная медицинская библиотека». — Мн., 2009. — С. 64. (руск.)
• База патентов Беларуси (руск.)