Уладзімір Барысавіч Крамнік
| Уладзімір Барысавіч Крамнік | |
|---|---|
 | |
| Краіны: | |
| Дата нараджэння: | 25 чэрвеня 1975[1][2][…] (49 гадоў) |
| Месца нараджэння: | |
| Званне: | гросмайстар[d][3] |
| Актуальны рэйтынг: | 2 753 (люты 2022)[4] |
| kramnik.com | |
 Медыяфайлы на Вікісховішчы | |
Уладзімір Барысавіч Крамнік (25 чэрвеня 1975, Туапсэ, Краснадарскі край, РСФСР, СССР) — расійскі шахматыст, 14-ы чэмпіён свету па шахматах у 2000—2007, уладальнік Кубка свету (2013). У складзе зборнай Расіі трохразовы пераможца Сусветных шахматных Алімпіяд (1992, 1994, 1996), пераможца каманднага чэмпіянату Еўропы (1992) і свету (2013). Заслужаны майстар спорту Расіі.
Біяграфія
[правіць | правіць зыходнік]
Міжнародны гросмайстар (1991). Чэмпіён свету сярод юнакоў да 16 і 18 гадоў. Удзельнік прэтэндэнцкіх спаборніцтваў на сусветнае першынства (з 1993). Пераможца буйных міжнародных турніраў і матчаў.
У 2000 годзе Крамнік стаў чэмпіёнам свету па шахматах па версіі ПША і перамог у Лондане Гары Каспарава. У 2004 годзе абараніў гэтае званне ў матчы з Петэрам Леко. У 2006 годзе выйграў у аб’яднальным матчы ў чэмпіёна свету ФІДЭ Весяліна Тапалава, заваяваўшы тытулы чэмпіёна свету па версіі ПША (па «класічных шахматах») і чэмпіёна свету ФІДЭ, стаў 14-м чэмпіёнам свету па шахматах. У 2007 годзе страціў званне чэмпіёна свету на чэмпіянаце ў Мехіка, выйгранай Вішы Анандам. У 2008 годзе ў Боне прайграў матч на першынства свету Ананду.
У маі 2011 года, у Казані Уладзімір Крамнік быў удзельнікам турніру прэтэндэнтаў на розыгрыш тытула чэмпіёна свету па шахматах. У 1/4 турніра пасля ўпартай барацьбы ў «класіцы» Крамнік перайграў Тэймура Раджабава на тай-брэйку (лік пасля асноўных партый 2:2, рапід 2:2, бліц 2,5:1,5). Але ў паўфінале — і зноў на тай-брэйку — саступіў іншаму расійскаму шахматысту Аляксандру Грышчуку (лік пасля асноўных партый 2:2 (чатыры нічыі), рапід — 2: 2 (чатыры нічыі), бліц — 0,5: 1,5 (параза белымі, нічыя чорнымі).
У 2013 годзе Крамнік падзяліў з Магнусам Карлсенам 1-2 месца на турніры прэтэндэнтаў, аднак па дадатковым паказчыку (большая колькасць перамог) саступіў Карлсену права згуляць матч на першынства свету з Анандам.
Зноскі
- ↑ Person Profile // Internet Movie Database — 1990. Праверана 1 чэрвеня 2015.
- ↑ Franett M. J. Vladimir Kramnik // Encyclopædia Britannica Праверана 9 кастрычніка 2017.
- ↑ FIDE Ratings and Statistics
- ↑ FIDE FIDE Standard Ratings as of 28 February 2022 — 2022.