Хрыбет Акадэміі Навук

Хрыбет Акадэміі Навук
Краіна	Таджыкістан
Горная сістэма	Памір
Найвышэйшая вяршыня	пік Ісмаіла Самані
Вышыня	7495 м
Медыяфайлы на Вікісховішчы

Хрыбет Акадэміі Навук — горны хрыбет Заходняга Паміра, у Таджыкістане.

Вы­ця­гнуты ме­рыдыянальна амаль на 110 км. Паўночная частка на­зы­ва­ецца Ал­тын­ма­зар­скія го­ры. На захад ад хрыбта Акадэміі навук адыходзіць хрыбет Пятра Першага.

Вышыня да 7495 метраў (пік Ісмаіла Самані). Складзены з асадкавых і метамарфічных парод, гранітаў. Водападзельны грэбень мае альпійскі рэльеф; 24 вяршыні ўзнімаюцца вышэй за 6000 м.

Пераважаюць вы­сакагор­ныя гля­цыяльна-ніваль­ныя ланд­шаф­ты. Укрыты вечнымі снягамі, шмат ледавікоў (агульная плошча 660 км²), у тым ліку буйныя — Гарма, Федчанкі, Язгулемскі і іншыя.

Адкрыты М. Каржанеўскім у 1927 годзе і названы ў гонар Акадэміі навук СССР.

Літаратура

• Акадэміі Навук хрыбет // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
• Академии Наук хребет / Гвоздецкий Н. А. // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)