Чырвоны Сцяг (Добрушскі раён)

Чырвоны Сцяг
Краіна	Беларусь
Вобласць	Гомельская
Раён	Добрушскі
Сельсавет	Дзям’янкаўскі
Каардынаты	52°29′51,40″ пн. ш. 31°33′03″ у. д.HGЯO
Першая згадка	XIX век
Ранейшыя назвы	Пятрова Свечка, да 1924 — Хаткі;
Нацыянальны склад	беларусы, рускія і інш.
Часавы пояс	UTC+3
Тэлефонны код	+375 2333
Аўтамабільны код	3
СААТА	3212812026

Чырвоны Сцяг^[1] (руск.: Красное Знамя; да 1924 года — Хаткі) — скасаваная^[2] вёска ў Добрушскім раёне Гомельскай вобласці Беларусі. Уваходзіў у склад Дзям’янкаўскага сельсавета.

На ўсходзе мяжуе з лесам, на поўначы — мясцовы тарфяны заказнік.

У сувязі з радыяцыйным забруджваннем у выніку катастрофы на Чарнобыльскай АЭС жыхары (30 сем'яў) у 1990-1992 гадах пераселены ў чыстыя месцы.

Геаграфія

Размяшчэнне

За 22 км на паўночны захад ад раённага цэнтра і чыгуначнай станцыі Добруш (на лініі Гомель—Унеча), 50 км ад Гомеля, 1 км ад мяжы з Расіяй.

Транспартная сістэма

Транспартная сувязь па прасёлкавай, затым па аўтамабільнай дарозе Дзям'янкі—Добруш. Планоўка складаецца з амаль прамалінейнай шыротнай вуліцы, забудаванай двухбакова, драўлянымі дамамі.

Гісторыя

Па пісьмовых крыніцах вядомая з XIX стагоддзя як вёска ў Беліцкім павеце Магілёўскай губерні. Паводле перапісу 1897 года ў вёсцы Пятрова Свечка (яна ж Хаткі) Вылеўскай воласці Гомельскага павета працавалі школа граматы, хлебазапасны магазін. У 1909 годзе побач быў аднайменны фальварак.

З 8 снежня 1926 года па 30 снежня 1927 года цэнтр Чырванасцяжнага сельсавета Добрушскага, з 4 жніўня 1927 года Веткаўскага раёна Гомельскай акругі. У 1931 годзе арганізаваны калгас. У 1959 годзе ўваходзіла ў склад калгаса «Молат» (руск.: «Молот»), цэнтр — вёска Дзям'янкі.

У 2005 годзе вёска чырвоны сцяг выключана з дадзеных па ўліку і рэгістрацыі адміністрацыйна-тэрытарыяльных і тэрытарыяльных адзінак як фактычна неіснуючы населены пункт^[2].

Насельніцтва

1897 год — 31 двор, 214 жыхароў (паводле перапісу).
1909 год — 38 двароў.
1926 год — 57 двароў.
1959 год — 267 жыхароў (паводле перапісу).
1990-1992 гады — жыхары (30 сем'яў) пераселены.

Зноскі

↑ Рапановіч, Я. Н. Слоўнік назваў населеных пунктаў Гомельскай вобласці / Я. Н. Рапановіч; Рэд. П. П. Шуба. — Мінск: Навука і тэхніка, 1986. — 240 с. (ст. 183).
↑ ^а ^б Решение Гомельского областного исполнительного комитета от 20 января 2005 года № 29 "Об исключении из данных по учету и регистрации административно-территориальных и территориальных единиц населенных пунктов Брагинского, Добрушского, Кормянского и Наровлянского районов" (нявызн.).

Літаратура

Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх

[1] Рапановіч, Я. Н. Слоўнік назваў населеных пунктаў Гомельскай вобласці / Я. Н. Рапановіч; Рэд. П. П. Шуба. — Мінск: Навука і тэхніка, 1986. — 240 с. (ст. 183).

[:0-2] а ^б Решение Гомельского областного исполнительного комитета от 20 января 2005 года № 29 "Об исключении из данных по учету и регистрации административно-территориальных и территориальных единиц населенных пунктов Брагинского, Добрушского, Кормянского и Наровлянского районов" (нявызн.).

[1]

[2]