Эліпсіс

Э́ліпсіс (стар.-грэч.: ἔλλειψις — пропуск, недахоп) — стылістычная фігура, пропуск у паэтычнай фразе нейкага слова, якое лёгка ўзнаўляецца з кантэксту. Напрыклад:

Яна рукаўком — слёзы ручайком,

Яна рукою — слёзы ракою.

У гэтых радках з народнай песні прапушчаны выказнік махне.

Эліпсіс — адзін з відаў недасказа. Ён дапамагае перадаць узрушаны душэўны стан паэта, дынамізм, напружанасць дзеяння і г. д. Да эліпсіса адносяцца таксама сінтаксічныя канструкцыі, у якіх выказнік выражаецца дзеяслоўна-выклічнікавым словам.

Літаратура

• Рагойша В. П. Паэтычны слоўнік. — 3-е выд., дапрац. і дапоўн.. — Мінск: Беларуская навука, 2004. — 576 с. — 2 000 экз. — ISBN 985-08-0598-6.
• Рагойша В. П. Тэорыя літаратуры ў тэрмінах. — Мінск: Беларуская энцыклапедыя, 2001. — 384 с. — 1 000 экз. — ISBN 985-11-0197-4.
• Рагойша В. П. Стылісты́чныя фігу́ры // Літаратуразнаўчы слоўнік: тэрміны і паняцці: для школьнікаў і абітурыентаў. — Мн.: Народная асвета, 2009. — С. 177—179. — 303 с. — 3 000 экз. — ISBN 978-985-03-1233-4.