Silence, Night & Dreams
| Ціша, ноч і мроі | ||||
|---|---|---|---|---|
| англ.: Silence, Night & Dreams | ||||
| Студыйны альбом Збігнева Прайснера | ||||
| Дата выпуску | 18.09.2007[1] або 19.10.2007[2] | |||
| Запісаны | лістапад 2006 — красавік 2007 | |||
| Жанр | акадэмічная музыка | |||
| Працягласць | 56:40[2] | |||
| Лэйбл | EMI Classics | |||
| Прафесійныя рэцэнзіі | ||||
| Храналогія Збігнева Прайснера | ||||
| ||||
«Silence, Night & Dreams» (бел.: Ціша, ноч і мроі) — музычны твор Збігнева Прайснера для хора, аркестра і салістаў, выдадзены ў 2007 годзе лэйблам EMI Classics[6]. Твор напісаны па матывах біблейскай «Кнігі Ёва». У запісе прымала ўдзел вакалістка гурта «Madredeus» Тэрэза Салгейру[7]. Сусветная прэм’ера «Silence, Night & Dreams» адбылася ў Афінах 4 верасня 2007 года ў гістарычным амфітэатры Адэон Герода Атыка ў Акропалі[8].
Стваральнікі
[правіць | правіць зыходнік]Кампазітар — Збігнеў Прайснер
Выканаўцы[8]:
- Аркестр — «Aukso» (дырыжор Марэк Мось)
- Хор — «Camerata Silesia» (дырыжор Анна Шостак)
- Салістка — Тэрэза Салгейру
- Арфа — Анна Сікорзак Олек
- Фартэпіяна — Конрад Мастыла
- Вібрафон — Бернард Маселі
- Блокфлейта — Яцак Асташэўскі
- Арган Хаманда — Юзаф Скржэк
- Скрыпка — Міхал Паўторак
- Электрычная віяланчэль — Ларс Даніэльсан
- Шкляная гармоніка — Аласдэр Малой
- Гітара — Джон Парычэлі
- Гітара — Міч Далтан
- Бас-гітара — Эндзі Паск
Спіс кампазіцый
[правіць | правіць зыходнік]| № | Назва | Словы | Працягласць | ||||||
|---|---|---|---|---|---|---|---|---|---|
| 1. | «Perchance» | 01:13 | |||||||
| 2. | «Silence, Night & Dreams» | Кшыштаф Пясевіч | 06:59 | ||||||
| 3. | «To Speak» | Кніга Ёва 7:11,15,21 | 09:31 | ||||||
| 4. | «To Dream» | 01:24 | |||||||
| 5. | «To Find» | Кніга Ёва 23:2,8,10 | 12:14 | ||||||
| 6. | «To Know» | Кніга Ёва 28:12,20 | 04:38 | ||||||
| 7. | «To Die» | Кніга Ёва 29:2,18; 1:21 | 07:04 | ||||||
| 8. | «Be Faithful, Go» | Евангелле паводле Мацвей 5:13—14; 7:7,13 | 09:00 | ||||||
| 9. | «To Love» | 04:39 | |||||||
| 56:42 | |||||||||
Выхад
[правіць | правіць зыходнік]Канцэрты
[правіць | правіць зыходнік]Сусветная прэм’ера «Silence, Night & Dreams» адбылася ў 4 верасня 2007 года ў гістарычным амфітэатры Адэон Герода Атыка ў Афінскім акропалі[8]. Галоўным дырыжорам канцэрту выступіў сам Прайснер. Пад яго началам твор выконвалі Аркестр сучаснай музыкі Грэчаскай карпарацыі тэлерадыёвяшчання, Хор Афінскага ўніверсітэту (дырыжор Нікас Мальярас), спевакі-салісты Тэрэза Салгейру і Томас Калі, а таксама група польскіх, шведскіх і англійскіх салістаў-інструменталістаў[8]. Другая частка канцэрту ў Афінах праходзіла пад кіраўніцтвам Андрэаса Піларынаса і ўяўляла сабой сюіту з саўндтрэкаў Прайснера, у тым ліку прагучалі кампазіцыі з фільмаў «Падвойнае жыццё Веранікі» і «Тры колеры: Сіні»[8].
Брытанская прэм’ера «Silence, Night & Dreams» адбылася 2 снежня 2007 года ў Канцэртнай зале Барбікан-цэнтра ў Лондане[8]. Твор выконваўся Лонданскім сімфанічным аркестрам і Фестывальным хорам Краўч-Энда пад кіраўніцтвам Прайснера. Сюітай саўндтрэкаў Прайснера ў другой частцы канцэрта кіраваў дырыжор Крыс Расман. Гэты канцэрт быў часткай цыклу «Barbicans Only Connect»[8].
Польская прэм’ера «Silence, Night & Dreams» адбылася 10 снежня 2007 года ў катэдры на Старым Рынку ў Плоцку[8]. Пад кіраўніцтвам Прайснера твор выконвалі Аркестр Польскага радыё і Хор Польскага радыё (Кракаў). Сюітай саўндтрэкаў Прайснера ў другім аддзяленні канцэрта дырыжыраваў Лукаш Баровіч[8].
Французская прэм’ера «Silence, Night & Dreams» адбылася 19 сакавіка 2008 года ў Гран-Рэкс у Парыжы[8]. Твор выконваўся Аркестрам Калон і хорам «Carpe Diem» пад кіраўніцтвам Прайснера пры ўдзеле Тэрэзы Салгейру. Сюітай кінамузыкі ў другім аддзяленні канцэрта кіраваў Крыс Расман. Прадзюсарам канцэрту выступіў Жыль Гюго з кампаніі «Silence!»[8].
Яшчэ адзін заўважны канцэрт адбыўся 10 верасня 2008 года ў Тэатры Зямлі ў Салоніках, Грэцыя[8]. Пад кіраўніцтвам Прайснера твор выконвалі Сімфанічны аркестр муніцыпалітэта Волас і Змешаны хор Салонікаў (дырыжор Мары Канстанцініду). Сюітай кінамузыкі ў другім аддзяленні канцэрта дырыжыраваў Ёахім Вальцавіяс. Канцэрт прасоўваўся кампаніяй «Intershow» у межах цыклу «43 Dimitria»[8].
Выпуск альбома
[правіць | правіць зыходнік]Альбом «Silence, Night & Dreams» быў выпушчаны ў 2007 годзе лэйблам «EMI Classics». Альбом атрымаў досыць высокую папулярнасць у Польшчы, і 16 студзеня 2008 года «Саюз вытворцаў аўдыя-відэа» прысудзіў альбому статус залатога дыска[9].
Аналіз
[правіць | правіць зыходнік]Крытыкі знаходзілі падабенства «Цішы, ночы і мрояў» з музыкай грэчаскай кампазітаркі Элені Караіндру[10]. Выбар інструментаў для аблігата адсылае да творчасці Андрэаса Фаленвайдэра 1980-х гадоў[10].
Выкарыстанне музыкі
[правіць | правіць зыходнік]Пачынаючы з самога году выпуску альбома, асобныя яго трэкі перыядычна траплялі ў разнастайныя альбомы-кампіляцыі.
| Год | Альбом | Кампазіцыі | Сп. |
|---|---|---|---|
| 2007 | Various — «Aangenaam... Klassiek - Editie 2007» | «To Know» | [11] |
| 2013 | Marek Niedźwiecki — «Muzyka Ciszy» | «Silence, Night & Dreams» | [12] |
Зноскі
[правіць | правіць зыходнік]- ↑ а б Silence, Night & Dreams (фр.). Сайт «SensCritique». Праверана 4 красавіка 2022.
- ↑ а б в Zbigniew Preisner: Silence, Night and Dreams — Marek Moś, Anna Szostak, AUKSO Orchestra, Camerata Silesia (англ.). Сайт «AllMusic». Праверана 4 красавіка 2022.
- ↑ Silence, Night & Dreams (studio album) by Zbigniew Preisner & Teresa Salgueiro (англ.). Сайт «Best Ever Albums». Праверана 3 красавіка 2022.
- ↑ Silence, Night & Dreams (англ.). Сайт «Rate Your Music». Праверана 3 красавіка 2022.
- ↑ Filmo/Discography: Zbigniew Preisner (англ.). Сайт «Soundtrack Collector». Праверана 4 красавіка 2022.
- ↑ Zbigniew Preisner & Teresa Salgueiro — Silence, Night & Dreams (англ.). Сайт «Discogs». Праверана 4 красавіка 2022.
- ↑ Małgorata Kosińska. Zbigniew Preisner (англ.). Сайт «Culture.pl» (October 2006, upd. March 2014). Праверана 4 красавіка 2022.
- ↑ а б в г д е ё ж з і к л м Albums: Silence, Night and Dreams (англ.). Афіцыйны сайт Збігнева Прайснера. Архівавана з першакрыніцы 1 студзеня 2018. Праверана 6 верасня 2018.
- ↑ Złote płyty CD — Archiwum — przyznane w 2008 roku (польск.). Сайт «Związek Producentów Audio-Video». Праверана 19 жніўня 2019.
- ↑ а б Kevin Sutton. PREISNER Silence Night & Dreams EMI 3939992 [KS: Classical CD Reviews] (англ.). Сайт «MusicWeb International» (1 кастрычніка 2007). Праверана 4 красавіка 2022.
- ↑ Various – Aangenaam... Klassiek - Editie 2007 (англ.). Сайт «Discogs». Праверана 4 красавіка 2022.
- ↑ Marek Niedźwiecki – Muzyka Ciszy (англ.). Сайт «Discogs». Праверана 4 красавіка 2022.
Спасылкі
[правіць | правіць зыходнік]- «Silence, Night & Dreams» на сайце «AllMusic» (англ.)
- «Silence, Night & Dreams» на сайце «Discogs» (англ.)
- «Silence, Night & Dreams» на сайце «Soundtrack Collector» (англ.)
- «Silence, Night & Dreams» на сайце «Wise Music Classical» (англ.)
- Агляд «Silence, Night & Dreams» на сайце «The Times» (англ.)
