Tallink

AS Tallink Grupp
Тып	Публічная кампанія
Заснаванне	1989
Краіна	Эстонія
Размяшчэнне	Талін, Эстонія
Адрас	Талін
Ключавыя постаці	Эн Пант, Андрэс Хунт
Галіна	Марскія перавозкі
Абарот	▼942 млн.еўра (2013)
Чысты прыбытак	▼43 млн.еўра (2013)
Колькасць супрацоўнікаў	6 853 чал.
Сайт	www.tallink.com www.tallinksilja.com

AS Tallink Grupp — эстонская суднаходная кампанія з штаб-кватэрай у Таліне, якая займаецца круізнымі і паромнымі перавозкамі ў акваторыі Балтыйскага мора. Асноўныя маршруты пралягаюць паміж Эстоніяй, Швецыяй, Фінляндыяй і Латвіяй. Бізнес-мадэль кампаніі ўключае прадастаўленне паслуг пасажырскіх і грузавых перавозак, турыстычных пакетаў у партовых гарадах і паслуг duty-free закупаў на борце ўласных паромаў. Паводле стану на 2013 г. Tallink займаў 11 месца сярод самых буйных duty-free аператаў у свеце з абаротам больш за $300 млн.

Гісторыя

Кампанія вядзе сваё існаванне ад 1989 г., калі савецкая Эстонская судаходная кампанія (праз англамоўны акронім больш вядомая як ESCO) і фінская Palkkiyhtymä Oy утварылі сумесны праект для рэгулярных пасажырскіх перавозак паміж Хельсінкі і Талінам. Дзеля гэтых мэтаў партнёрамі быў набыты паром Scandinavian Sky, які з наступнага года выйшаў на маршрут пад назвай Tallink. У 1993 фіны прадалі свае акцыі ў праекце, і кампанія стала цалкам эстонскай.

9 снежня 2005 г. Tallink упершыню размясціў свае акцыі на Талінскай фондавай біржы (тызер TAL1T). У 2006 годзе кампанія набыла свайго фінскага канкурэнта Silja Line, набыўшы статус найбуйнейшага пасажырскага паромнага аператара ў Балтыйскім моры.

Паром Victoria I, уведзены ў эксплуатацыю ў 2004 г.

Асноўныя маршруты Tallink

• Турку — Стакгольм
• Хельсінкі — Стакгольм
• Талін — Хельсінкі
• Талін — Стакгольм
• Рыга — Стакгольм

Гл. таксама

• Афіцыйная старонка AS Tallink Grupp у Сеціве
• Лістынг AS Tallink Grupp на Талінскай фондавай біржы(недаступная спасылка)

Спасылкі

• На Вікісховішчы ёсць медыяфайлы па тэме Tallink