Luigi Pirandello

Luigi Pirandello
Lahir	28 Juni 1867 Agrigento, Sicily, Italia
Meninggal	10 Disimbir 1936 (umur 69) Bosio, Roma, Italia
Pekerjaan	Penulis drama, novelis
Kebangsaan	Italia
Penghargaan	Penghargaan Nobel dalam Sastra 1934

Luigi Pirandello (Agrigento, 1867 — Roma, 1936) adalah saurang panulis, nopelis, wan dramawan Italia. Barsama lawan Salvatore Quasimodo inya adalah urang Sisilia nang mandapatakan Panghargaan Nobel dalam Sastra.

Kahidupan wan karya

Luigi Pirandello ranak di Girgenti (Agrigento) pas tahun 1867. Manulis drama wan nopel dalam basa Sisilia, inya manampuh pandidikan di Universitas Roma imbahnya manuntungakan S2 di Universitas Boom, manulis disertasi tantang dialek tempat inya badiam. Sisilia marupakan sumber ilham dimana inya mangarang karyanya dalam basa Italia atawapun Sisilia

Seni Pirandello bakambang matan iklim kakaciwaan nang dalam banar tarhadap sajarah wan budaya. Dijiwai ulih kaparluan nang luar biasa hagan lapas matan sagala katantuan nang pasti, kadada ampun Pirandello mambungkar saban bagian rujukan nang inya rasa mangalilu.

Dinuminasiakan hagan Akademi Italia pas tahun 1929, inya dianugarahi Panghargaan Nobel dalam Sastra pas tahun 1934. Babarapa karyanya nang kaya II Fu Mattia Pascal (1904), Uno, Nessuno e Centomila (1926) wan Novelle per un Anno (1926). Liola adalah karya nang ditulis Pirandello mamakai basa Sisilia.

Pirandello jua manulis karya drama teater nang kaya Lumie di Sicilia, Così è (Se Vi Pare), Sei Personaggi in Cerca d'Autore, Enricu IV]. Karya-karyanya mandapat karitik di Italia maupun di sabarataan dunia. Panulisannya, maski hampir sampurna sajalan lawan bagitu banyak seni di akhir abad ka-19 wan awal abad ka-20, kada suah tabawa dalam disagregasi lamun lawan jalas manulisakannya.

Inya habis umur di Roma haratan tahun 1936

Pranala luar

Bahasa Italia

• Pirandelloweb.com - Menghadirkan karya-karya Pirandello.
• Lembaga Studi Pirandello
• Biografi di liberliber.it

Bahasa Inggris

• Situs Hadiah Nobel