ဖြားတန်အောင်ႏခမ်းထီ
| ပအိုဝ်ႏစွိုးခွိုꩻအွဉ်ငါခေါင်းဆောင်တန် ဖြားတန်အောင်ႏခမ်းထီ | |
|---|---|
 | |
| မိဉ်ꩻ ဇာႏတိ | ခွန်ကီး |
| လွူးဖွာꩻ | ၁၉၃၆ ဗာႏ၊ ဧပီလာ(၂၇)နီꩻ၊ ဒုံကျောက်တလွုံꩻ ဝေင်ꩻနယ်ႏဖြယ်ကျောက်တလွုံꩻတန် ဝေင်ꩻနယ်ႏတောင်ႏကီꩻ |
| ခမ်းထီခွိုꩻ |  မျန်မာ |
| မိဉ်ꩻ အလင်ဖုံႏ |
|
| လိုꩻမျိုꩻ |  ပအိုဝ်ႏ |
| ပညာႏရေꩻ |
|
| မိခင်ကျောင်ꩻ | ကျောင်ꩻနောင်သဲင်၊ ကျောက်တလွုံꩻတန် |
| ထာꩻမာꩻ |
|
| အစွိုꩻအဗူႏ | |
| မိဉ်ꩻကျော်ႏလွီးဟွမ်ဗာႏခရာႏ | ပအိုဝ်ႏစွိုးခွိုꩻအွဉ်ငါတန်၊ ငိမ်ꩻချံꩻရေꩻ ဖြားတန်၊ |
| ခမ်းထီရေꩻပါတီ | ပအိုဝ်ႏစွိုးခွိုꩻအစွိုꩻ(PNO)ပါတီ |
| ကိုꩻကွဲႏယွုမ်းအံႏမုꩻ | ဗုဒ္ဓဘာႏသာႏ |
| လမ်းသား(ဖုံႏ) | မွိုးနင်ꩻဖျူႏ |
| ပိုဖုံႏ | နင်ꩻလုံခမ်ꩻ၊ ခွန်စိန်မင်း၊ ခွန်အောင်ႏကျောႏ၊ ခွန်အောင်ခမ်း၊ နင်ꩻခံꩻရွဉ်၊ ခွန်အောင်ႏခမ်းကွိုꩻ၊ |
| မွိုးဖာ(ဗွေႏ) | တသီႏပိန်ꩻတောꩻဆရာႏတန် စင်ꩻဖာဖြားစာရိန္တ၊ စင်ꩻမွိုးနင်ꩻလုဲင် |
ဖြားတန်အောင်ႏခမ်းထီ (မိဉ်ꩻရင်ꩻ: ခွန်ကီး) ဖြားတန်စင်ꩻဖါအောင်ႏခမ်းထီ ဟဲ့ꩻ ဖြားတန် နဝ်ꩻ ထွာဒျာႏ ပအိုဝ်ႏစွိုးခွိုꩻ ဖြိုတန်ထင်ႏထိုရေꩻတာႏ ပအိုဝ်ႏစွိုးခွိုꩻအွဉ်ငါတန်(ခေါင်းဆောင်) တဖြာꩻဒျာႏသွူ။ စွိုးခွိုꩻအွဉ်ငါသား ဖြားတန်အောင်ႏခမ်းထီ လွူးဖွါꩻဇာႏတိရပ်နဝ်ꩻ ထွာဒျာႏ ဒုံကျောက်တလွုံꩻ ဝေင်ꩻနယ်ႏဖြယ်ကျောက်တလွုံꩻတန် ဝေင်ꩻနယ်ႏတောင်ႏကီꩻ ကိုတဲင် လွူးဖွာꩻနေင်ႏနဝ်ꩻ ထွာဒျာႏ ၁၉၃၆ ဗာႏ၊ ဧပီလာ(၂၇)မွူနီꩻ တနင်္လာႏ သွူ။ မွိုးဖါဗွေႏ တသီႏပိန်ꩻတောႏဆရာႏတန် ဖြားစာရိန္တ တွမ်ႏ မွိုးနင်ꩻလုဲင် သီး လွူးဖွာꩻလင်ꩻလွဉ်ဒါႏ ပို(၁၁)ဖြာꩻအကို ထွာဒုတိယအပေႏသွတ်ꩻ ပိုခိုတဖြာꩻဒျာႏနောဝ်ꩻသွူ။ ဖြားတန်အောင်ႏခမ်းထီ နေင်ႏ( )ဗာႏနဝ်ꩻ တောႏလမ်းတွမ်ႏ နင်ꩻဖျူႏတဲင် ထွန်ꩻကာꩻလွဉ်ဒါႏ ပိုဖုံႏနဝ်ꩻ ထွာဒျာႏ နင်ꩻလုံခမ်ꩻ၊ ခွန်စိန်မင်း၊ ခွန်အောင်ႏကျောႏ၊ ခွန်အောင်ခမ်း၊ နင်ꩻခံꩻရွဉ်၊ ခွန်အောင်ႏခမ်းကွိုꩻ ဖုံႏဒျာႏသွူ။
အုံကျောင်ꩻခိန်ႏ [၁]
တယ်ႏစကောဇာသက္ကရာဇ် ၁၃၀၇ နိန်ႏကို မွိုးဖာ နီပါꩻ ပသာခန်ႏ ကျောင်ꩻနောင်လုံ ( ဟဲ့ ကျောင်နောင်သဲင်) ဗွေႏဆရာႏတောႏ ကေသရ ထျနဝ်ꩻသွူ၊ အောဝ်ႏထွာဗွေႏသျင်ႏပေႏတွင်ꩻ သွဉ်စလွေꩻခန်း သျင်ႏကျင်ꩻ ပရိတ် လောကနီတိ စတွမ်ႏ အခေႏခံႏ ပရိယတ္တိ လိတ်ဖုံႏနဝ်ꩻသွူ၊ ၁၃၀၈ နိန်ႏ သက်ထွိုင်ႏလꩻ ၁၀ နဝ်ꩻ ဗွေႏဆရာႏဘဒ္ဒန္တကေသရ ထွာဖေႏ ဥပဇ္စျာယ်ꩻဆရာႏတဲင် နွိုꩻလွေꩻခန်ႏ သာႏသနာႏခွင်ႏကိုသွူ၊ ကထွာသျင်ႏခိန်ႏ ဘွဲ့ꩻ မဉ်ꩻနဝ်ꩻ သျင်ႏ ဂန္ဓမာ နဝ်ꩻသွူ၊
သွဉ်စလွေꩻပညာႏ ဝင်ꩻရပ်ရာႏ
ဖါဖြာႏအီန္တမောင်ႏ တိုက်တွန်ꩻဖေႏတဲင် ရှင်ႏဂန္ဓမာ နဝ်ꩻ လင်ꩻအုံခန်း အင်းပေါးခုန် (အင်းလေး) ဗွေႏဆရာႏတောႏထျꩻတဲင် ၊ သွဉ်ထူႏလွေꩻခန်ႏ အရန်ႏထို ပရိယတ္တိပညာႏ ရေꩻနဝ်ꩻသွူ၊ ကွပ်ဉာဏ်ဟေဝ်ငါႏတဲင် သျင်ႏဂန္ဓမာ နဝ်ꩻသွဉ်ထူႏလွေꩻယင်ႏ လောကီပညာႏ ဆရာ ဦးဘိုးရွေ ၊ ဉီး လှဖေ အရန်းထိုဆရာႏမူႏသီးထျ ꩻ ၊ ဂဏန်ꩻ၊ အင်္ဂလိပ် ၊ သမဲင်ꩻဖုံႏနဝ်ꩻသွူ၊
ထေင်းထမ်ႏဒါႏထာꩻမာꩻဖုံႏ
[မွဉ်းဖျင် | မွဉ်းဖျင်အရွီးခိုႏ]- ပအိုဝ်ႏစွိုးခွိုꩻအစွိုꩻချုတ်(PNO) ထွို့ꩻဗူႏရေꩻကယ်ႏ၊
- ပအိုဝ်ႏစွိုးခွိုꩻအစွိုꩻချုတ်(PNO) ဗဟိုႏထာꩻမာꩻအမုဆောင်ႏ၊
- ပအိုဝ်ႏစွိုးခွိုꩻအစွိုꩻချုတ်(PNO) ဗဟိုႏအစွိုးစွိုးအဒဝ်ႏဒဝ်ႏ အွဉ်အကိုရေꩻကယ်ႏချုတ်၊
- ပအိုဝ်ႏစွိုးခွိုꩻအစွိုꩻချုတ်(PNO) ဗဟိုႏထာꩻမာꩻအမုဆောင်ႏစွိုꩻ ဥက္ကဋ္ဌ၊
- ထင်ႏ စွိုးခွိုꩻညီႏလာႏခံႏ ပအိုဝ်ႏစွိုးခွိုꩻအစွိုꩻချုတ် နမ်းခြောင်ꩻတန်အနေႏ တယ်ႏ ၁၉၉၃ ဗꩻ ၂၀၀၇၊
- တယ်ႏ ၁၉၉၁ ဗာႏ အွဉ်ႏဆွိုးအတွိုက်ꩻခꩻ ထူႏငိမ်ꩻချံꩻရေꩻထွူ ခွုမ်မာꩻအွဉ်ဟိုဖေႏ ရပ်ရာႏလွိုင်ႏကွုန်ꩻသာႏယာႏရေꩻထာꩻမာꩻဖုံႏ၊
- ပအိုဝ်ႏစွိုးခွိုꩻအစွိုꩻချုတ်(PNO) နယက၊
အာႏကွိုꩻ
[မွဉ်းဖျင် | မွဉ်းဖျင်အရွီးခိုႏ]- ↑ >ref > ပအိုဝ်ႏအမျိုးသားခေါင်းဆောင် ဦးအောင်ခမ်းထီ နိင်ငံရေး ခရီး<ref>
- ↑ ပြည်ထောင်စုထဲကပအိုဝ်း
- ↑ ပအိုဝ်ႏစွိုးခွိုꩻအွဉ်ငါတန်သီး နမ်းခြောင်ꩻမုဲင်တန်ꩻ၊ ပအိုဝ်ႏစွိုးခွိုꩻပျꩻခန်ꩻ
 | ရောမ်ဖြုဲင်ꩻထွာဒျာႏ ရောမ်ဖြုဲင်ꩻဒွောင်ႏတပုဒ်နဝ်ꩻသွူ။ တဲမ်းထဲမ်သော့ꩻဖေႏထဲင်းယင်းတဲင် စွဲးကမ်းဖေႏကိုသွော့ ပအိုဝ်ႏဝီခီပီးဒီးယားယိုသြ။ |