Banneg
| Balaneg | |
|---|---|
| Anv gallek | Île de Balanec |
| Geografiezh | |
| Enezeg | Enezeg Molenez |
| Lec'hiadur | An Hirwazh, Meurvor Atlantel |
| Daveennoù lec'hiañ | 48° 26′ N, 5° 01′ K |
| Lein uhelañ | 9 m |
| Geologiezh | Enez kevandirel |
| Melestradurezh | |
| Bro |  Breizh
|
| Bro hengounel |  Bro-Leon
|
| Departamant |  Penn-ar-Bed
|
| Kumunioù | Konk-Leon |
| Poblañs | |
| Poblañs | 0 ann. |
| Titouroù all | |
| Gwerzhid-eur | UTC+01:00 |
kemmañ  |
|
Banneg zo un enezennig e gwalarn enezeg Molenez, etre Balaneg hag Eusa. Emañ Banneg e Park rannvroel an Arvorig hag e Park naturel mor an Hirwazh. Ur mirva natur eo ivez, meret gant ar gevredigezh Breizh Vev, didud eo ha berzet d'an dud diavaez zoken.
Douaroniezh
[kemmañ | kemmañ ar vammenn]
Bihan eo Banneg: 800 m hed zo dezhi, 200 m led, ha 22 devezh-arat. An tostañ douar da Eusa eo: ul lev anezhi emañ, er gevred dezhi, ha tremen a ra ar Froñveur etrezo. Met tostoc'h da Vanneg eo Balaneg: un hanter-lev nemetken.
Izel eo an aod a-dal da Volenez, traezh ha bili anezhi. Div enezennig all zo er c'hreisteiz: Enez-Kreiz ha Roc'h-Hir. War ur roc'h e beg Maen-Tenzel emañ tour-tan Kereon. En hanternoz ez eus ur roc'h anvet Mouliged, an anv a vez graet eus tud Molenez.
Perc'henned
[kemmañ | kemmañ ar vammenn]Departamant Penn-ar-Bed eo perc'henn an enez, abaoe bezañ diberc'hennet ar gompagnunezh Alb-Stella a oa deuet war-lerc'h an N.S.E.O., war-lerc'h skrid-arest an 08/11/1971 a embanne "talvoudegezh foran" prenadenn an departamant.
Emañ an enez e Park an Arvorig abaoe an 30 a viz Gwengolo 1969. Meret eo gant an SEPNB abaoe miz Here 1976, ha difennet eo ouzh an dud mont warni.
A-raok
[kemmañ | kemmañ ar vammenn]D'an 10 a viz Ebrel 1964 e oa bet divodet an N.S.E.O. a oa annezet e Pariz (4, rue Camille Tahan) ha renet gant an aotrou beleg Laurent. Ganti e oa bet prenet Banneg digant an itron Huon de Penanster hag he fried an aotrou Cesbron Lavan, dirak an noter, an aotrou Kozhig a Landerne, evit 20 000 lur.
Liammoù diavaez
[kemmañ | kemmañ ar vammenn].svg){kind=small}
|
|
Porched Breizh – Adkavit pennadoù ha rummadoù Wikipedia a denn da Vreizh. |