Fouzhlec'h

Iskevrennad eus	commercial building
Implij	Houlierezh
Arvez	gasterezh
Oberataer	brothel owner, madam
Enebet ouzh	street prostitution

Ur fouzhlec'h zo un ti ma c'haller kaout darempred reizhel gant gisti. Gant ur vaouez a reer houlierez anezhi alies e ve renet, dindan evezh ur gwaz anvet houlier, hag a ren warno dre spont.^{(Daveoù a vank)}

Peurvuiañ e vez degemeret ar pratikoù en ur sal ma vez servijet dezho da evañ, da c'hortoz o zro, ma reont anaoudegezh gant ar maouezed. Goude e savont gant an hini zibabet d'ar gambr ma c'hoarvezo an embarañ pe c'hoarioù all.

Statud

E broioù zo int difennet hervez al lezenn, evel e Bro-C'hall abaoe lezenn Marthe Richard an 13 a viz Ebrel 1946.
Brudet e oa Fernande Grudet, lesanvet Madame Claude (*1923), evel houlierez e Pariz er bloavezhioù 1960 ha 1970. E 1976 e rankas mont da repuiñ da Stadoù-Unanet Amerika abalamour ma klaske tud an tailhoù lakaat o c'hrabanoù war he yalc'h.

Kement-se ne vir ket ouzh ar polis da gavout tier kuzh ur wech dre vare, na da wareziñ lod all a-hervez.^{(Daveoù a vank)}

Lennegezh

Un toullad kontadennoù gant Maupassant a c'hoarvez en-dro d'ar gisti. Une partie de campagne gant Jean Renoir (1936) zo ur film tennet eus unan anezho, ma weler merc'hed ur fouzhlec'h o kuitaat kêr da vont d'ur gomunion war ar maez.

Liverezh

E Pompei

Dismantroù ur fouzhlec'h dek kambr ennañ zo bet kavet e Pompei, ha livadurioù ennañ ivez.

Kambr en ur fouzhlec'h e Pompei
Chukadenn en ur fouzhlec'h e Pompei

Taolennoù Toulouse-Lautrec

Meur a boltred gisti a zo bet savet gant al livour gall Henri de Toulouse-Lautrec, ha taolennoù graet gantañ e-barzh fouzhlec'hioù Pariz.

Femmes de Maison (gisti), Toulouse-Lautrec, c. 1893–1895

Levrlennadur

(it) Giancarlo Fusco, Quando l'Italia tollerava, Nanni Canesi Editore, Roma, 1965, pp. 388
(it) Massimo Centini, Bordelli Torinesi – Quando le case chiuse erano aperte, Editrice Il Punto-Piemonte in Bancarella, Torino, 2013, pp. 336

Liammoù diavaez

Fouzhlec'h e Pompei