lur

Brezhoneg

Ul lur c'hall

Etimologiezh

Eus libra e latin.

Anv-kadarn

lur /ˈlyːr/ gourel (liester : lurioù)

1. Hanter kilogram.
   • Evit gwir, pa voen distro da Londrez, em boe, evit va lod, ouzhpenn dek lur hanter a boultr aour... — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 9.)
   • Ur sac’had a zaou-c’hant lur ne rae ket aon dezhi ha n’he deveze morse damant d’he c’horf. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 51.)
   • Fañch, 'vat, a ya ul lur gig gantañ bep taol pa vez o lemel o barv d'an dud. — (Jules Gros, Le trésor du breton parlé Deuxième Partie, 1970, p. 257.)
   • Eus Louaneg eo ha pevar lur bouez am eus warnañ. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 23.)
   • — « Pet lur 'po ? »
     — « Lakait din ur bara a bemp lur. » — (Jakez Riou, An Ti Satanazet, Skridoù Breizh, 1944, p. 87.)
   • ..., Yun a yae, bep lun, d'ar vorc'h, da gerc'hat ur bara a bemp lur. — (Jakez Riou, Geotenn ar Werc'hez ha danevelloù all, Al Liamm, 1957, p. 31.)
2. Moneiz e broioù 'zo.
   • War an ali a roas din, e prenis evit daoù-ugent lur sterling a draouigoù... — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 8.)
   • Ur mare a zo bet na gouste nemet seizh lur kas un donell varc'hadourezh d'ar gêr bell-mañ ha, ... — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 12.)
   • [...], eñ hag a bae mil pemp kant lur bemdez da Jili evit spiañ e wreg ? — (Yann Gerven, Brestiz o vreskenn, Al Liamm, 1986, p. 9.)
   • ..., petra bennak ne gemere ket kalz tra digant tud an ti, ugent real ar peurliesañ, ugent lur d'ar muiañ, ... — (Jarl Priel, Va Zammig Buhez, Al Liamm, 1954, p. 11.)
   • - N'eus ket distaol ?
     - N'eus ket.
     - Distaol kant lur.
     - Daouzek kant em eus lavaret. — (Jakez Riou, Geotenn ar Werc'hez ha danevelloù all, Al Liamm, 1957, p. 20.)

• Ur garrigell a dalvez ouzhpenn mil lur. — (Jules Gros, Le trésor du breton parlé Deuxième Partie, 1970, p. 501.)

1. Gant kemmadur er renadenn-anv:
   • ul lur bouez, daou lur gig, tri lur vara, daou c'hant lur vleud.

Evezhiadenn

Daoust d'ar ger lur bezañ gourel e tegas kemmadurioù dre vlotaat war e lerc'h.

Deveradoù

• luriad

Troidigezhioù

• galleg : 1. livre ^(fr)
• galleg : 2. livre (anglaise par ex.) ^(fr)
• galleg : 2. ancien franc (français) ^(fr)

litrad