Attacco al potere
|
C'l artìcul chè 'l è scrit in
Miranduléś |
 The Siege
| ||
| Attacco al potere | ||
 Denzel Washington in na figùra dal film | ||
| Atàc a 'l putēr 1998 | ||
|---|---|---|
| Regìa: Edward Zwick | ||
| Scritōr: Menno Meyjes Lawrence Wright • Edward Zwick | ||
| Atōr: Denzel Washington • Annette Bening Bruce Willis • Tony Shalhoub • Jack Gwaltney Sami Bouajila • Mark Valley • David Proval | ||
| Müsica: Graeme Revell | ||
| Léngua: Ingléś • Àrab • Spagnōl | ||
| Dürä dal film: 116 minüt | ||
| Nasiōṅ: Stat Unî | ||
Attacco al potere (Atàc a 'l putēr) 'l è 'n thriller 'd asiòṅ dal 1998 ad Edward Zwick ch'l à muciâ sù a i butghèṅ di cìnema da piò ad sènt-sédas migliòṅ ad dòlar esénd-an custâ stanta.
Sunt
Anthony Hubbard (Denzel Washington) 'l è 'n agînt d'l FBI ad New York ch'al lavóra c'n al sò amìg e culéga Frank Haddad (Tony Shalhoub), americàṅ uriginàri dal Lìban. Un dè un grup ad terurìsta iślàmic al fà saltàr p'r ària un bus dòp avér dmandâ inutilmènt a gl'americàṅ ad lasàr lìbar un sieìc irachèṅ ch'l è parśunēr lōr, Ahmed Bin Talal (Ahmed Ben Larby). In séguit Anthony al férma soquànti parsòni suspèti cuma l’Elise Kraft (Annette Bening), na dóna ch'la fà part di agînt segrét dla CIA e ch'la s ciàma Sharon Bridger a dir dabòṅ. 'N àtar suspèt 'l è 'l palestinéś Samir Nazhde (Sami Bouajila) che però al lavóra par la dóna ma ch'al gh và anc a lèt insém.
Ma gl'atintâ i cuntìnuan, prima a 'n teàtar pò a na scóla. I Stat Unî i èṅ sóta asèdi, la gint la gh'à paùra e a New York a partìs la léǵ marsiàla c'n al generàł William Devereaux (Bruce Willis) ch'al pōl far tut qvél ch'al vōl. P'r i àrab i tàcan di dè dimóndi dûr, anc la famìja ad Frank la gh finìs in mèś.