Ellie Parker
|
C'l artìcul chè 'l è scrit in
Miranduléś |
 Ellie Parker
| ||
 La Naomi Watts in na figùra dal film | ||
| id. 2005 | ||
|---|---|---|
| Regìa: Scott Coffey | ||
| Scritōr: Scott Coffey | ||
| Atōr: Naomi Watts • Scott Coffey • Rebecca Rigg Marcel Sarmiento • Keanu Reeves • David Baer Kate Garwood • Brian McCardie • Mark Pellegrino Robbi Chong • Robert Mailhouse • Chevy Chase | ||
| Müsica: Neil Jackson | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Ellie Parker (id.) 'l è 'n film dramàtic dal 2005 scrit e dirèt par Scott Coffey ch'al tōś spunt da 'n sò curtumetràǵ ad quàt'r an prima preśentâ a 'l Sundance Film Festival. In dla part dal basìsta dal grup rock di Dogstar a gh'è 'l atōr Keanu Reeves.
Custàda quàtar migliòṅ ad dòlar, la pelìcula la 'n à pò fat sù sōl quarànta-sincmìla a 'l incìrca.
Sunt
L’Ellie Parker (Naomi Watts) l'è na śōvna autragliàna ch'la vrév far l'atōra e par cal mutìṿ chè, cun 'l ajùt anc dal sò agìnt (Chevy Chase), l'è sèmpar drē a far di pruvèṅ in gir p'r i studi dla Califòrgna, pasànd da la ragàsa ch'la vrév spuśàr-as a na drugàda pódga e buchinàra 'd Brooklyn. Purtròp par lē i n la sarnìsan mai cumpàgn a qvél ch'a sucéd anc a la sò amìga Sam (Rebecca Rigg). Quànd la bèca 'l sò muróś chitarìsta hard rock Justin (Mark Pellegrino) a lèt cun n'atra la decìd 'd andàr a star pròpria a cà sua par catàr paś. In cal méntar l’Ellie la và anc da na psicòluga (Kim Fay) parchè la fà fadìga a èsar lē in dla vita 'd tut i dè quànd par lavōr la gh'à par fòrsa tintàr ad piaśēr a tut i cóst a chi àtar.
Un dè un futógrafar ch'al lavóra in dal camp publisitàri, Chris (Scott Coffey), al gh và in dal cûl cun la màchina, dastràt parchè 'l éra drē a dascórar a 'l telefunèṅ. I dū i finìsan p'r andàr fóra insém ma pò, quànd i finìs'n a lèt, 'l óm al capìs 'd èsar fnòć e basta, minga bisesuàl cum al cardìva.