Philadelphia (film)
|
C'l artìcul chè 'l è scrit in
Miranduléś |
 Philadelphia
| ||
| Philadelphia | ||
.png) Hanks e Washington in na figùra dal film | ||
| Filadèlfia 1993 | ||
|---|---|---|
| Regìa: Jonathan Demme | ||
| Scritōr: Ron Nyswaner | ||
| Atōr: Tom Hanks • Denzel Washington Antonio Banderas • Jason Robards • Ron Vawter Lisa Summerour • Stephanie Roth Haberle Robert Ridgely • Charles Napier • Lisa Talerico Mary Steenburgen • Anna Deavere Smith | ||
| Müsica: Howard Shore | ||
| Léngua: Ingléś | ||
| Dürä dal film: 121 minüt | ||
| Nasiōṅ: Stat Unî | ||
Philadelphia (Filadèlfia) 'l è 'n film dramàtic americàṅ dal 1993 ad Jonathan Demme. 'L è stâ candidâ a sinc Prèmi Òscar, vinsénd qvéi par 'l atōr prutagunìsta (Tom Hanks) e par la canta più bèla (Streets of Philadelphia ad Bruce Springsteen).
Custâ vint-siē migliòṅ ad dòlar, al film al 'n à pò purtâ a cà da piò ad duśènt-siē.
Sunt
Andrew Beckett dit "Andy" (Tom Hanks) e Joseph Miller dit "Joe" (Denzel Washington) i èṅ dū avucàt ad Philadelphia. Al prim al lavóra p'r al studi famōś Wyant & Wheeler, 'l è brilànt e i sò cap i gh vōlan bèṅ; al secónd al lavóra in televiśiòṅ e al sarnìs sèmpar di caś pìcui ch'i n gh dànan mia l'ucaśiòṅ ad far caréra. Andy 'l è 'n fnòć e 'l viṿ da soquànt an insém a 'l sò muróś Miguel Alvarez (Antonio Banderas), Joe invéci 'l è spuśâ cun la Lisa (Lisa Summerour) e al gh'à anc na putìna pìcula, la Larice.
Un dè òṅ di sò cap al véd che Andy al gh'à 'n taj in sla frònt e pò 'l è sèmpar pèś parchè al gh'à 'l AIDS. Al studi al decìd acsè ad lasàr-'l a cà faghénd-al pasàr p'r un deficènt in sal lavōr. Andy al n gh stà minga e al decìd ad far-ag càuśa tulénd cuma avucàt Joe dòp che dimóndi sò culéga i s éran tirâ indrē e quànd anc lò 'l iva dit ad sè malvluntéra. Durànt al prucès Andy al s sènt mâł e al vèṅ purtâ in fiṅ 'd vita a 'l uśdàł.