Brokolo

Brokolo
Brokolo
Biologia klasado
Regno: Plantoj Plantae Divizio: Magnoliofitoj Magnoliophyta Klaso: Magnoliopsidoj Magnoliopsida Ordo: Brasikaloj Brassicales Familio: Brasikacoj Brassicaceae Genro: Brasiko Brassica Specio: Brokolo B. oleracea convar. botrytis var. cymosa

Brokolo

Brokolo (science: Brasica oleracea convar. botrytis var. cymosa) estas legomo en la familio de brasiko, brasikacoj. Ĝi havas abundajn plenajn kapon de floroj situantaj kiel branĉoj de arbo, kiuj burĝonas de dika manĝebla tigo. La maso de floroj estas ĉirkaŭata de folioj. Brokolo tre similas samfamilian florbrasikon, tamen brokolo estas brile verda, ne blanka.

100 g da freŝa brokolo enhavas:

• 140 kJ
• 3 g karbonhidrato
• 2 g proteino
• 65 mg kalcio
• 0,8 mg fero
• 70 mg vitamino C
• 0,06 mg vitamino B1
• 0,13 mg vitamino B2
• 0,12 mg karoteno

Esploro pruvis, ke brokolo povas malhelpi malsanon Alzheimer (povus havi la saman efikon kiel kontraŭ-alzheimer-a medikamento).

Esplorantoj de la Universitato de Berkeley (Kalifornio, Usono) malkovris, ke certaj elementoj (indoloj, glukosinolatoj) en brokolo defendas la korpon kontraŭ kancero.

Brita esploro de "King's College" en Londono ankaŭ pruvis, ke brokolo havas pozitivan efikon je la memoro.

En la Universitato de Saskatchewan (Kanado) oni pruvis, ke certaj elementoj de brokolo ankaŭ protektas kontraŭ arteriosklerozo kaj hipertensio.