Vikipedio:Alinomendaj artikoloj

Vikipedio:Alinomendaj artikoloj estas ejo por peti la alinomigon de artikolo, ŝablono, aŭ projekt-paĝo en Vikipedio. Bonvolu legi nian artikolon pri titol-politiko kaj nian gvidlinion por alinomi antaŭ ol movi paĝon aŭ peti paĝ-movadon.

Ĉi tiu paĝo celas organizi la laŭeble sisteman alinomigon de artikoloj.

Arkivo de proponoj ne plu aktualaj troviĝas ĉi tie: Vikipedio:Alinomendaj_artikoloj/Arkivo.

Por tio ekzistas ŝablono kiel markiloj pri tia propono kaj respektivaj kategorioj.

• {{Alinomu}}, Kategorio:Alinomendaj paĝoj, Kategorio:Alinomitaj paĝoj

Jene sekvu listigoj pri la proponitaj paĝoj.

Komencen de paĝo ↑

Aŭtora portalo

Polurado Alinomendaj artikoloj (Helpo) Kunigendaj artikoloj (Helpo) Disigendaj artikoloj Vandalismo Forbarado Forigado Reguloj pri forigado Artikoloj (kaj aliaj paĝoj) Dosieroj Reguloj pri tuja forigado Tujforigendaj paĝoj Prokrastita forigo Kiel okazas malforigo?

Por aldoni novan proponon bonvolu uzi la suban butonon. Dankon.

Nuntempe estas 75 alinomendaj paĝoj

Ne plu aktivaj

Ne plu aktivajn proponojn movu al /Arkivo, vidu la keston "Malnovaj diskutoj" ĉi-supre. Dankon!

Aktivaj (de 2021)

Takso

Oni vidas en Reta Vortaro kaj en PIV la difinon de akcizo, kiu estas pli taŭga ol takso.--Gpl (diskuto) 17:11, 4 mar. 2021 (UTC)

Komento: La artikolo ne estas komprenebla. Konjekte el la ligitaj alilingvaj artikoloj, ne temas pri akcizo (speco de imposto), sed ia pago aŭ kotizo por servo. Prefere oni simple forigu la tuton.--Surfo 11:54, 5 mar. 2021 (UTC)

Komento: Fakte Takso estis kreita nur kiel alidirektilo al Taksado, kaj nur poste Punktor metis enhavon kaj ligis. Laŭ mi erare, kiel traduko de ekzemple hispana "tasa" kio aperas kiel tradukebla al taksado en vortaro de De Diego, sed tiu uzo rilatas al la agado de la verbo "tasar", kio rilatas ja al taksi. Resume oni havas du artikolojn takso (kiu devus esti alinomita) kaj akcizo kun simila enhavo, kiujn fakulo devus apartigi reference al la enhavo de la alilingvaj artikoloj kaj al la esperanta signifo. Takso devus esti rekonvertita en alidirektilo al taksado.--kani (diskuto) 23:51, 5 mar. 2021 (UTC)

Komento: Pro la multaj signifoj de la radiko necesas krei apartigilon, kiu ligos al pli detalaj specifaj artikoloj.--DidCORN (diskuto) 20:37, 10 mar. 2021 (UTC)

Plentono / Duontono → Plenduto / Duonduto

Kaj PIV kaj ReVo diras, ke ĉi tiu uzo de "tono" estas evitinda. Nuntempe plentono alidirektas al plenduto, kaj devus esti inverse (nur administranto povas ŝanĝi tion ĉi). Plie, Duontono kaj Duonduto estas du artikoloj kiuj devus unuiĝi. -Yehadut (diskuto) 01:59, 3 nov. 2021 (UTC)

Por: .--DidCORN (diskuto) 17:51, 16 nov. 2021 (UTC)

Por: Efektive bonus eĉ tekste noti kun referenco al PIV, ke [https://vortaro.net/#duontono_kd la variaĵo duon"tono" evitindas. Se ni vere decidas sekvi vian proponon, nun estas 3 voĉoj poraj kaj neniu kontraŭa: ĉu vi tiam pretos redakte kunigi la du artikolojn Duontono kaj Duonduto? ThomasPusch (diskuto) 04:55, 29 nov. 2023 (UTC)

Por: alinomigo kaj kunigo al Plenduto & Duonduto. Taylor 49 (diskuto) 03:24, 1 jan. 2024 (UTC)

Por: Aidas (diskuto) 16:06, 14 jan. 2024 (UTC)

 Farite la alinomigo Plentono > Plenduto, @Yehadut kaj DidCORN: ĉu unu el vi pretas kunigi la du paĝojn Duontono kaj Duonduto al Duonduto? ThomasPusch (diskuto) 16:20, 16 jan. 2024 (UTC)

 Farite Jes, mi kunigis la du paĝojn Duontono kaj Duonduto al Duonduto.--DidCORN (diskuto) 08:58, 17 maj. 2024 (UTC)

Komento: Mi konsentus kunigi Duonduto al Duontono kaj ne inverse, pro kongruado al la iam ekzistantaj ditono, tritono ĉiuj rilatantaj al proporcio de tono, kiu efektive estas plenduto, sed duto ne estas sisteme plenduto. DidCORN (diskuto) 15:53, 20 jan. 2024 (UTC)

@DidCORN: Bone, tiam faru tion, kaj ni esperu ke la kunigita artikolo pli klarigas al nefakuloj kaj malpli konfuzigas ol la nuna situacio de du artikoloj kiuj devus unuiĝi. Kompreneble tiam necesas klara referenco al PIV, kiu atentigas ke [https://vortaro.net/#duontono_kd la variaĵo duon"tono" evitindas, kaj pravigo kial tamen sencas uzi ĝin. Mi pensas ke se iu povas fari tion, tiam estas vi. Eblus ankoraŭ pludisputi pri la procedo kun Yehadut @Yehadut:, kiu levis la temon kaj probable kritikas pri ne plena atento de PIV kaj ReVo, sed li aŭ ŝi lastfoje normale partoprenis en aprilo lastjare, nur en novembro kaj januaro faris du tre etajn notojn, kaj ne klaras ĉu eblus altiri la uzanton al pludiskuto. ThomasPusch (diskuto) 13:00, 23 jan. 2024 (UTC)

Komparente mian malnovan PIV kun NPIV, mi vidas ke duto estas neologismo, kiu rilatas al la dua difino de la iama tono, t.e interspaco inter du sinsekvaj notoj de gamo. Mi do rekonsideras mian pozicion, kaj finfine alinomos laŭ la unua propono. Notindas, ke la artikolo tono (muziko) mankas en nia Vikipedio, DidCORN (diskuto) 11:49, 30 jan. 2024 (UTC)

Komento: Por fari tiun oni devas alinomi ankaŭ la nunan artikolon duonduto, pri kiu mi proponas Minora sekundo, kiu iam estas ligita al la angla Minor second.-DidCORN (diskuto) 10:57, 1 feb. 2024 (UTC)

Laŭ mia kompreno esperanta vorto "sekundo" ^(PIV)estas ono de minuto (do ero de tempo) aŭ ono de grado (do ero de cirklo) kaj ankoraŭ havas fakan signifon en la sporto skermado, sed tute neniel rilatas al tonoj aŭ sonoj. Mi komprenas ke estas tento inventi tian kroman signifon, ĉar ĝi oftas en okcidenteŭropaj lingvoj, ankaŭ ekzistas en la germana, franca kaj itala, sed en Esperanto ĝi ne ekzistas laŭ mia kompreno, kaj oni aparte por tiaj malsamaj diferencoj de tonoj proponis la serion "duto, trito, kvarto, kvinto, sesto" ktp (en kiuj "kvarto, kvinto" ktp ankaŭ nomatas tute same en la okcidentaj lingvoj, sed "trito" en tiuj lingvoj kutime nomatas per tute malsama neologismo kvazaŭ "terco", kaj "duto" kutime nomatas per tute malsama neologismo kvazaŭ "sekundo", sen ke tio signifas ke la vortoj tuj kopiiĝas ankaŭ al Esperanto). Tial ne validas la argumento "ankaŭ en la angla, germana, franca kaj itala" estas tia kroma signifo de "sekundo" por du diferencoj de tonoj. Tial la diskuto ĉi tie ŝtopiĝis, kaj ne plu moviĝas... ThomasPusch (diskuto) 14:53, 23 feb. 2024 (UTC)

Komento: Por kunigi Duontono kun Duonduto necesis krei la du artikolojn tono (muziko) kaj Minora duto, kion mi faris.-- DidCORN (diskuto) 09:07, 17 maj. 2024 (UTC)

Duonduto → Minora duto

Estas konflikto, se oni provas alinomi duontono-n duonduto, kiu iam ekzistas kaj estas ligita al aliaj Vikipedioj kun la signifo "Minora sekundo"; estas miaj kialoj proponi alinomi duonduto-n "minora sekundo", tio faciligos la alinomadon de duontono, kiel proponata tuj supre. DidCORN (diskuto) 16:18, 4 feb. 2024 (UTC)

Post la supra rimarko de @ThomasPusch, mi vidid ke, esperante, duto havas duan signifon, kiu rilatas al la termino second en aliaj lingvoj. Mi do proponas alinomi ne al "Minora sekundo", sed al "Minora duto". DidCORN (diskuto) 13:24, 9 maj. 2024 (UTC)

 Farite.--DidCORN (diskuto) 09:10, 17 maj. 2024 (UTC)

Ditono/Tritono → Diduto/Triduto

Tiaj artikoloj rilatas al muzikaj intervaloj ne al tonoj; do konforme al la antaŭaj ŝanĝoj pri duonduto kaj plenduto, oni devas ĝisdatigi tiujn titolojn. DidCORN (diskuto) 21:05, 5 feb. 2024 (UTC)

Kampurbo → Bazarurbo

Mi iam unuflanke jam alinomis, ĉar naive komprenis, ke temas pri evidentaĵo. Samtage kaj same unuflanke Petr Tomasovsky malfaris la alinomon, surbaze sur la nuna enhavo, ĉefe pri Hungario kaj Finnlando. Dume en la alilingvaj versioj, mi trovis ses lingvojn en kiuj mi trovis la koncepton bazaro, kaj neniun en kiu mi povus kompreni la koncepton kampo aŭ eĉ ion alian; eble tio ekzistas. Kompreneble mi ne scipovas ĉiujn lingvojn de la mondo, mi scias. Ĉiuokaze, mi iom esploris la aferon. Laŭ la anglalingva artikolo la hungara vorto (the word for market town "mezőváros" means literally "pasture town") signifas laŭvorte paŝtejan urbon aŭ herbejan urbon, kaj ne precize kampurbon, eble urbo por paŝtistoj, de paŝtistoj aŭ io tia. Pri la finna vorto "Kauppala", same anglalingva artikolo indikas, ke ĝi havas saman signifon kiel sveda Köping, tio estas Bazarurbo. Tio rezultis en la fakto, ke nune en Vikipedio estas kelkaj artikoloj pri finnaj loĝlokoj, nomitaj erare kampurboj. Krome, kio estas kampurbo laŭvorte? Kontraŭdiro aŭ surogato de bazarurbo aŭ se uzi alilingvajn vortojn merkaturbo. Tion mi ne proponas, ĉar en Esperanto merkato estas alia afero. Dum la artikolo plue havas la nunan titolon, oni ne povas ampleksigi la enhavon por havi lokon por ĉio kaj oni ne povas ĝuste korespondi kun alilingvaj artikoloj.--kani (diskuto) 20:44, 10 dec. 2021 (UTC)

Komento: La artikolo mem proponas la alterantivon foirourbo, kiu ŝajnas al mi pli komprenebla kaj taŭga.--DidCORN (diskuto) 16:36, 11 dec. 2021 (UTC)

Komento: Kiel oni nomigus setlejon, kiu estas inter urbo kaj vilaĝo. En Ĉeĥio tia setlejo nomiĝas cs:městys aŭ en en:Městys (angloj lasis la ĉeĥan nomon por la artikolo). Ĉu ni alinomos ĉiujn artikolojn kaj kategoriojn pri kampurboj en Ĉeĥio? En la ĉeĥa vorto "městys" estas nenia mencio pri bazaro aŭ foiro. Petr Tomasovsky (diskuto) 17:00, 11 dec. 2021 (UTC)

Komento: Foje estis la ĉeĥa artikolo pri "městys" ligita en la intervikiaj ligiloj kun "kampurbo" en Esperanto. Petr Tomasovsky (diskuto) 17:06, 11 dec. 2021 (UTC)

Komento: Kia malsimplaĵo! Ŝajne temas pri tuta aro de similaj sed ne identaj administraj unuoj en diversaj landoj. Mi volus konsideri ajnan decidon provizora, ĝis fakulo pri mezepoka Eŭropo aprobos ĝin.

Ni povus rezigni por nun pri ĝenerala artikolo, kaj havi apartajn pri la konceptoj de apartaj landoj, kiel la jam ekzistanta Foira komunumo. Eventualaj informoj pri la tut-Eŭropa evoluo de la konceptoj povus lokiĝi en sekcio de Urbeto (urbo).

Se ni preferas konservi la nun diskutatan artikolon, mi proponas titoli ĝin Bazarurbeto per vorto troviĝanta en PIV, kaj ŝajne celanta la koncernan koncepton aŭ iun el ĝiaj variantoj, kvankam ne ofte uzata. Arbarulo (diskuto) 17:56, 11 dec. 2021 (UTC)

Komento: Mi konsentas, ke ni havu apartajn artikolojn pri la konceptoj de apartaj landoj, ekzemple "městys". Kampurbo kaj bazarurbeto povas esti alidirektiloj al Bazarurbo aŭ inverse Bazarurbo al Bazarurbeto. Tial necesos nek ŝanĝi aliajn artikolojn nek ŝanĝi kategoriojn. Mi ĉiam sekvas PIV sed ĉiokaze la problemo estas, ke la propra koncepto de urbogrando estas tre relativa, por PIV nur "vasta". Tial mi proponas Bazarurbo. Tio ebligos disvolvigi informon pri la rilato inter periodaj bazaroj, plej ofte ĉiusemajnaj kaj pligravigo de urboj.--kani (diskuto) 23:47, 15 dec. 2021 (UTC)

Komento: Kvankam mi ankoraŭ konsideras la sufikson -et- tauga, ĉar eble la sola komunaĵo inter la diverslandaj konceptoj estas, ke bazarurb(et)o estas iel malpliranga kompare al "normalaj" urboj, mi ne konsideras ĝin esenca kaj ne insistas pri ĝi. Do por bazarurbo. Arbarulo (diskuto) 18:46, 19 dec. 2021 (UTC)

Do ekzistas la situacio, ke la vorto "kampurbo" ne havas referencon, sed la vorto "bazarurbeto" dokumentiĝis en PIV, kaj mi ne vidas ajnan lingvon aŭ landon en la artikolo, kie historie iam ekzistis vorto tradukebla al "kampurbo": la ĉeĥa městys simple estas "urbeto" (kiel cetere la litova miestelis), la finna kaj maroka vorto nur estas "bazara urbo", kaj la hungara mezőváros "paŝteja urbo" ankoraŭ estas tio kio plej proksimus al la ŝajne vikipedie4 inventita vorto "kampurbo". Kaj klaras ke la germanlingvaj vikipedianoj aparte trovis la vorton "kampurbo" netaŭga por la germanlingva koncepto de bazara aŭ foira komunumo (kiuj tute klare ne estas urboj), ke enkondukiĝis aparta artikolo foira komunumo (kiu ekzistas en 18 vikipediaj lingvoversioj, kaj tute klare havas sendiskutan eron en vikidatumoj). Mi preskaŭ revus pri ŝanĝo de la koncepto de la dubinda titolo "kampurbo" al nur titolo "urbeto", ĉar tio klare inkluzivus la ĉeĥajn, litovajn kaj probable ankoraŭ alilandajn urbetojn, kaj probable necesos vivi per tio, ke daŭre ekzistos du artikoloj - pri bazarurbeto kaj bazara aŭ foira komunumo. Sed la ŝanĝo al nur titolo "urbeto" probable estis tro simpliga kaj forviŝus la fakton ke historie la rajto pri bazaro estis esenca en la koncepto. Tial mi aliĝas al la kompromiso de Kani kaj Arbarulo pri formo "bazarurbo" (kun kompreneble daŭra referenco al "bazarurbeto" de PIV) kaj alvokas fine fermi la temon, pri kiu nun du jarojn - en 2022 kaj 2023 - nenio moviĝis. Do por bazarurbo. ThomasPusch (diskuto) 17:10, 14 jan. 2024 (UTC)

Aktivaj (de 2022)

Kamrimeno -→ Sinkrona rimeno

La alternatva propono ŝajnas pli klara. Mi kopiis ĉi-suben la iam okazintan diskuton el la diskuto-paĝo.-DidCORN (diskuto) 10:39, 19 feb. 2022 (UTC)

Mi kontraŭas (alinomi al dentrimeno") ĉar dentrimeno estas ĝenerala rimeno sen specifa funkcio, do meritas apartan artikolon. Ĉi tie estas celata la rimeno kiu sinkronigas la kamŝafto kun la krankŝafto. (angle: i.a. cambelt aŭ timing belt). --Verdulo (diskuto) 12:10, 7 feb. 2022 (UTC)

Ŝajnas prave. DidCORN devus argumenti. Male, oni devus forigi la proponon, ĉu ne?--kani (diskuto) 19:15, 7 feb. 2022 (UTC)

Jes sed ĉiu rajtas esprimi sian opinion. Verdulo (diskuto) 23:15, 7 feb. 2022 (UTC)

Mia argumento estas, ke tia rimeno havas dentojn kaj neniun kamon, do la titolo estas erarema. Se oni volas distingi tiun rimenon rilate al a ĝenerala dentrimeno, kial anstataŭe nomi ĝin sinkrona rimeno, pli klara titolo, kiun oni trovas en la franca Vikipedio?--DidCORN (diskuto) 21:00, 8 feb. 2022 (UTC)

Kamrimemo fakte estas mallongigo por kamŝaftpropulsadentrimeno. Verdulo (diskuto) 11:33, 11 feb. 2022 (UTC)

Ne, karaulo, tia rimeno ne propulsas, SED nur helpas sinkroni la sparkilojn de ĉiu piŝto en la motoro. DidCORN (diskuto) 13:22, 1 feb. 2024 (UTC)

Do kamŝaftsinkronigadentrimeno (angle:timing belt (also called a cambelt) Verdulo (diskuto) 14:23, 8 feb. 2024 (UTC)

Skalmodelo -→ Maketo; Maketo (arkitekturo) -→ Maketo 2022 05 01

Skalmodelo volas esti alinomita al maketo. Maketo estas en PIV. La alinomadon povas fari nur administranto. Petr Tomasovsky (diskuto) 13:06, 1 maj. 2022 (UTC)

Krome ekzistas ĉi tie paĝo Maketo (arkitekturo), kiu devus esti kunigita kun maketo. Petr Tomasovsky (diskuto) 13:37, 1 maj. 2022 (UTC)

Komento: Mi tute ne konsentas kunigi la du artikolojn Maketo kaj Maketo (arkitekturo), la du artikoloj ne temas pri la samaj aferoj. En aliaj lingvoj estas ankaŭ du malsamaj artikoloj, al kiuj normale rilatas ĉiu el la du.--DidCORN (diskuto) 20:27, 1 maj. 2022 (UTC)

Komento: Skalmodelo al Maketo jes; Maketo (arkitekturo) al Maketo tute ne: la du artikoloj ne temas pri la samaj aferoj. En aliaj lingvoj estas ankaŭ du malsamaj artikoloj. Povas temi pri ŝipo, aparato, teatra scenejo, ktp.--kani (diskuto) 11:26, 17 maj. 2022 (UTC)

Spiro -→ Spirado, Spirado -→ Homa spirado

Nun ni havas du artikolojn, kies titoloj tute ne klarigas kial. Estas simile konfuze en kelkaj aliaj lingvoj. Ŝajnas al mi, ke la precipa malsamo estas tio, ke unu rilatas preskaŭ sole al spirado ĉe homoj kaj la alia ampleksas ĉiujn vivaĵojn. Arbarulo (diskuto) 21:11, 1 aŭg. 2022 (UTC)

Por alinomi Spiro al Spirado necesas administranto. Arbarulo (diskuto) 20:22, 19 aŭg. 2022 (UTC)

Komento: Se oni volas konservi du artikolojn kun la artikolo jam alinomita Homa spirado (kiu traktas pri ĉiuj tipoj de spirado), oni devas tute reverki la du artikolojn. La artikolo Spiro ekstensive traktas pri homa spiro.--DidCORN (diskuto) 13:48, 22 aŭg. 2022 (UTC)

Ĉu vi pensas, ke estus bona solvo transmeti la informojn pri homa spirado de la nuna "Spiro" al la alia artikolo, kaj la informojn pri nehoma spirado (kiuj almenaŭ al mi ŝajnas malmultaj) de tiu al "Spiro"? Aŭ ĉu vi proponas distingi la artikolojn laŭ tute alia kriterio?

Post kiam mi proponis la alinomadon, mi multe poluris la lingvon kaj stilon de "Spiro", sed apenaŭ modifis la enhavon. Arbarulo (diskuto) 14:57, 23 aŭg. 2022 (UTC)

Jes, ŝajnas ke la du artikoloj necesas polurigadon. Pri la titoloj, la problemo originis ke en aliaj Vikipedioj estas distingo inter "spiro" ĝenerale, kaj pli aparte kiel "spirado" funkcias, kaj estas neniu artikolo pri "homa spirado". Por eviti tute reverki la nunan artikolon kun titolo Homa spirado sufiĉos rilatigi la paragrafon pri ĝenerala "spiro" al la nuna artikolo titolata Spiro. Kion pensas vi pri tiu propono?.--DidCORN (diskuto) 10:59, 24 aŭg. 2022 (UTC)

Rilatigi la artikolojn ŝajnas al mi bone. Pri la titoloj restas problemo. Laŭ PIV "spirado" estas la ĝenerala, ada procezaro rilata al gasa interŝanĝo, kaj "spiro" ĉe homo aŭ simila estulo estas ĉiu unuopa enlaso kaj ellaso de aero. Montriĝas el la Tekstaro de Esperanto, ke "spiro" ankaŭ povas signifi la aeron mem, kiun oni elspiras, sed ankoraŭ tio konfirmas, ke "spiro" estas la pli konkreta, malĝenerala vorto. Ambaŭ artikoloj temas pri "spirado".

La distingaj principoj en tiuj aliaj lingvoj, kiujn mi kapablas legi, ne estas unuecaj, kaj mi ankoraŭ ne estas konvinkita, ke ili helpas nin. Detale:

• france: Ligita al Spiro: ĉiu maniero enlasi aeron aŭ akvon por gasa interŝanĝo (perpulme, perbranke, perfolie . . .), kaj ankaŭ t.n. ĉela spirado, kiu estas kemia procezo interna de la ĉeloj.

Ligita al Spirado: Perpulma spirado, aparte ĉe homoj, kvankam plejparte konsistas el ĝeneralaĵoj, kiuj validas ankaŭ por aliaj pulmohavaj bestoj.

• angle: Ligita al Spiro: Mallonga diskuto de la sencoj de respiration kaj ĝia rilato al aliaj anglaj vortoj.

Ligita al Spirado: Perpulma spirado. La enkonduko aludas al diversaj bestoj, sed la cetero temas nur pri homoj. Nia Spirado estas parta traduko de ĝi.

• hispane: Ambaŭ artikoloj havas preskaŭ la saman temon, enlasadon kaj ellasadon de akvo aŭ aero ĉe diversaj estaĵoj, sed tiu ligita al Spirado krome havas longan sekcion pri homa spirado.
• germane: Ligita al Spiro: Parto pri ĉela spirado kaj parto pri difuziĝo de gasoj tra la bariero inter aero aŭ akvo kaj sango aŭ histoj de vivaĵo.

Ligita al Spirado: Perpulma spirado, ĉefe pri homoj, kun ĝeneralaĵoj almenaŭ pri aliaj mamuloj.

• simplangle: Ligita al Spiro: Ĉela spirado.

Ligita al Spirado: Enlasado kaj ellasado de aero (nur ĉe homoj). Arbarulo (diskuto) 20:01, 24 aŭg. 2022 (UTC)

Pri la esprimo "malsekigita aero", kiun vi komentis en redaktoresumo ĉe Homa spirado, la aero ja estas malsekigita en la nazo antaŭ ol ĝi atingas la pulmojn. Tamen tio ne vere rilatas al la kunteksto, kie ĝi estas menciita, kaj oni povus forigi ĝin. Mi vidas, ke en la anglalingva Vikipedio la originalo de tiu tekstero estis tute ŝanĝita. Arbarulo (diskuto) 20:15, 24 aŭg. 2022 (UTC)

Komento: Ŝajnas, ke ni konverĝas per aludo al la alia artikolo, kiam la paragrafo traktas la ĉefan temon de la alia artikolo. Konsentite pri la forviŝo de la adjektivo "malsekigita" en Homa spirado.--DidCORN (diskuto) 20:39, 25 aŭg. 2022 (UTC)

Komento: Jes, mi konsentas pri via propono. Ĉu vi volas fari la redaktojn por efektivigi ĝin? Kaj ĉu vi do konsentas pri la alinomadoj? Arbarulo (diskuto) 02:17, 27 aŭg. 2022 (UTC)

Por: alinomi Spirado al Homa spirado, sen partopreni al reredaktoj de certaj paragrajoj.--DidCORN (diskuto) 14:08, 27 aŭg. 2022 (UTC)

Mi supozas el via ĵusa redakto al "Spiro", ke vi kontraŭas la alinomproponon pri ĝi. Ĉu vi bonvolas klarigi viajn rezonojn? En la redaktresumo vi citas ReVo, sed la difino de "spiro" tie tekstas "Ĉiu unuopa spirago," praktike same kiel en PIV. Kaj eĉ se ne estus tiel, mi ne vidas kial ĝi pravigus kontraŭdiri vortuzon efektivan, kutiman, kaj konforman kun la reguloj pri uzado de verbecaj radikoj. Arbarulo (diskuto) 18:40, 27 aŭg. 2022 (UTC)

Mi ne estas kontraŭ alinomigi la artikolon Spiro al Spirado, sed mi konsideras ke la neceso fari ne superas la laboron fari.--DidCORN (diskuto) 16:02, 1 sep. 2022 (UTC)

Eble mi ne komprenas, pri kiu laboro temas. Ĉiukaze, se ĝi ŝajnas teda, proponu gvidprincipon kaj mi vole provos efektivigi ĝin. Mi supozis, ke vi kontraŭas alinomadon, ĉar vi remetis la vorton "spiro" en la unuan frazon de la artikolo kun la sama difino, kiun mi argumentas erara. Arbarulo (diskuto) 03:27, 2 sep. 2022 (UTC)

Mi iom reverkis ambaŭ artikolojn kaj transmetis grandan parton de la sekcio pri homoj en Spiro al Homa spirado, lasante resumon. DidCORN, ĉu la rezulto respondas al viaj ideoj? Arbarulo (diskuto) 20:46, 7 sep. 2022 (UTC)

Nun la afero estas fuŝa por mi. Mi nur vidas, ke la aprtigilo Spiro (apartigilo) devas esti reverkita ankaŭ.--DidCORN (diskuto) 12:32, 18 sep. 2022 (UTC)

Vi pravas pri la apartigilo. Mi ĵus modifis ĝin. Kion plu vi volas ŝanĝi? Arbarulo (diskuto) 14:11, 20 sep. 2022 (UTC)

Jes, mi bluigis terminojn kaj tiele oficialigis vian ŝanĝon pri la apartigilo -DidCORN (diskuto) 13:37, 23 sep. 2022 (UTC)

Dankon! Interese, ke vi trovis artikolon pri Gasa interŝanĝo. Eventuale oni povus pripensi kunigi Spiro kun ĝi, aŭ alimaniere dividi la temojn inter ili. Sed mi ne volas ĝeni mian cerbon pri tio nun. Arbarulo (diskuto) 13:45, 25 sep. 2022 (UTC)

Aktualigo: La ŝanĝo de Spirado al Homa spirado estis farita jam antaŭ longe, ĉar ŝajnis, ke neniu krom mi interesiĝos. La komplementa ŝanĝo de Spiro al Spirado ankoraŭ restas nefarita ĉar necesas administranto.

Historia noto: La duopo Spiro-Spirado estas faro de la jam malaktiviĝinta vikipediisto Alaudo en 2016. Tiam la artikolo, kiun mi volas nomi Spirado, efektive havis tiun nomon, kaj Spiro estis apartigilo. Alaudo alinomis Spirado al Spiro sen klarigo krom "pli ĝuste" kaj ŝajne sen konsulto, la tiaman Spiro al Spiro (apartigilo), kaj kreis novan artikolon kun la titolo Spirado (nun Homa spirado). Arbarulo (diskuto) 13:26, 11 sep. 2022 (UTC)

Ĝamuo kaj Kaŝmiro → Ĝamuo kaj Kaŝmiro (subŝtato) 2022 09 05

Mi ĵus legis en la germana artikolo, ke Ĝamuo kaj Kaŝmiro en 2019 malfondiĝis kaj estis disigita en du uniajn teritoriojn. Kelkaj vikipedioj jam havas eĉ apartan artikolon pri la samnoma unia teritorio. Mi proponas fari same, eble eĉ laŭ de:Jammu und Kashmir (Unionsterritorium) (tiam eble ja estus "Ĝamuo kaj Kaŝmiro (unia teritorio)"). --Tlustulimu (diskuto) 18:33, 5 sep. 2022 (UTC)

Por: se mi bone komprenas, ke la propono estas 1) krei novan artikolon pri la nova unia teritorio kaj 2) alinomi la jaman artikolon, por ke ĝi temu nur pri la eksa ŝtato. Arbarulo (diskuto) 03:35, 6 sep. 2022 (UTC)

Por: En inversa sinsekvo: 1) alinomi la jaman artikolon, por ke ĝi temu nur pri la eksa ŝtato, kaj 2) krei novan artikolon pri la nova unia teritorio: la nova teksto pri la aktuala unuo Ĝamuo kaj Kaŝmiro povus nomiĝi "Ĝamuo kaj Kaŝmiro (unia teritorio)" kaj la variaĵo sen krampoj estus apartigilo al nur du eroj, iom da malŝparo, sed mi alvokas ke "Ĝamuo kaj Kaŝmiro" sen iu aldono post la alinomigo estu nomo de la nova unuo, ĉar ofte homoj en aliaj paĝoj ne pensas pri aldonoj de iuj interkrampaj klarigoj, se temas pri aktuala administra unuo. ThomasPusch (diskuto) 11:40, 20 dec. 2023 (UTC)

Dividita fonto → Kunhavigita fonto → Programaro kun fontaliro → Mikrosofta programaro kun fontaliro → Mikrosofta programaro kun kunhavigita fonto 2022 12 14

Dividita fonto → Kunhavigita fonto Ne temas pri inverso de multiplikado. Taylor 49 (diskuto) 19:57, 14 dec. 2022 (UTC)

Eble Mikrosofta programaro kun fontaliro aŭ Mikrosofta programaro kun kunhavigita fonto. Taylor 49 (diskuto) 15:25, 17 dec. 2022 (UTC)

Kontraŭ: Ĉar dividi havas ankaŭ laŭ ReVo la signifon utilizatan en la titolo: Ricevi, preni ĉiu sian parton el komuna tuto.--DidCORN (diskuto) 18:49, 15 dec. 2022 (UTC)

Komento: RV: La ekzemplo estas malbona. Krom tio, ne temas pri dispecigo. Se vi kunhavigas (laŭleĝe aŭ kontraŭleĝe) iun sondosieron konservita en via komputilo, vi daŭre havas la tuton. La vorto "kunhavigi" multe pli bonas en Esperanto, malgraŭ ke ĝi ne disponeblas en la sveda.

   angla         sveda         Esperanto
   -----         -----         ---------
   divide    dividera, dela    dividi
   share          dela         kunhavigi

Krom tio, la artikolo temas sole pri Makrosofto. Tion nepras mencii. Taylor 49 (diskuto) 15:25, 17 dec. 2022 (UTC)

Por: Certe, dividita fonto estas fuŝa mistraduko el la angla. Sed eble oni povus elpensi ion pli bonan ol kunhavigita fonto. Lingvano (diskuto) 19:19, 15 dec. 2022 (UTC)

Komento: Karaj - Mi rigardis la koncernan artikolon en pluraj lingvoj. La esenco de la artikolo ne estas fonto(teksto) de programaro, sed iniciato de Mikrosofto pri la skemo de provizado de programaro tiamaniera, ke oni povu laŭbezone inspekti ĝian fonto(teksto)n. Temas do, laŭsence, pri Iniciato pri provizado de programaro kun fontaliro. Se oni volas koncizigi tion ĝis kerna nocio, mi proponas la titolon Programaro kun fontaliro. Kion vi opinias pri tio ĉi? Amike, -Filozofo (diskuto) 01:48, 16 dec. 2022 (UTC)

Komento: Kun fontaliro estas multe pli bona ol kun kunhavigita fonto! Lingvano (diskuto) 16:36, 17 dec. 2022 (UTC)

Komento: Karaj, mi trovis en ReVo, ke la traduko de la angla share en tiu konteksto estas kunuzi. Tamen anstataŭ harfendi pri titoloj, mi preferus plibonigi la enhavojn de artikoloj mem.--DidCORN (diskuto) 18:20, 19 dec. 2022 (UTC)

Komento: Malgraŭ la kontribuo de ReVo, principe ĝusta, ŝajnas al mi ke la titola propono programaro kun fontaliro pli facile kompreneblas ol konstruigebla propono kunuzita fonto aŭ kunuzita programaro. Ĉu estas konsento ke mi ŝovas la tekston al la propono de Filozofo kaj Lingvano? ThomasPusch (diskuto) 09:25, 1 jan. 2023 (UTC)

Aktivaj (de 2023)

Tibeto → Aŭtonoma regiono Tibeto → Tibeto (ĉina provinco) → Tibeto (provinco de Ĉinio) 2023 01 16

La paĝo kiun ni jam havas en la Esperanta Vikipedio temas pri Tibeto el politika vidpunkto (t.e., la politika regiono administrata fare de Ĉinio). Ni ankoraŭ malhavas en Esperanto la paĝon pri Tibeto el geografia kaj kultura vidpunkto (tiu paĝo estas eble eĉ pli grava ol la alia). Mi proponas tuj ŝanĝi la nomon, por ke ni povu separi la "du Tibetojn". —Super nabla (diskuto) 23:20, 16 jan. 2023 (UTC)

Por: RG72 (diskuto) 04:24, 18 jan. 2023 (UTC)

Por: DidCORN (diskuto) 18:36, 14 mar. 2023 (UTC)

Komento: Mi ne havas la rajton por alinomi. Bonvolu administrantoj alinomi la paĝon. — Super nabla (diskuto) 10:35, 16 mar. 2023 (UTC)

{por} "Tibeto (ĉina provinco)" (kontraŭ "Aŭtonoma regiono") 2008-07-16T13:07:03 Tlustulimu diskuto kontribuoj protektis la paĝon Tibeto (eviti vandalismon [edit=autoconfirmed:move=sysop]) Ni nepre havu paĝon pri ordinara Tibeto. Taylor 49 (diskuto) 20:33, 21 maj. 2023 (UTC)

Komento: Du eblaj problemetoj: 1. Eble estu (formale) "provinco de Ĉinio" anstataŭ "ĉina provinco". 2. Kvankam ĉe la sama nivelo kiel provinco, Tibeto estas "aŭtonoma regiono", ne "provinco". Do eble estu Tibeto (aŭtonoma regiono de Ĉinio)? Lingvano (diskuto) 07:20, 22 maj. 2023 (UTC)

Por: "Tibeto (provinco de Ĉinio)". La vorto "aŭtonoma" malutilas kaj misgvidas. Kaj "provinco" estas pli bona vorto por "formala parto de ŝtato kun precize difinitaj limoj", same kiel Balio (provinco) Taylor 49 (diskuto) 14:38, 22 maj. 2023 (UTC)

Komento: Tamen, laŭ mia kompreno, en la ĉinaj nomoj oni distingas inter la 22/23 省 (provincoj) kaj la 5 自治区 (aŭtonomaj regionoj). En aliaj Vikipedioj oni ne nomas la aŭtonomojn regionojn provincoj, ĉu? (Mi tamen ne esploris detale kaj ne multe scias pri Ĉinio.) Lingvano (diskuto) 18:32, 22 maj. 2023 (UTC)

"Vikipedio:Aŭtomata kontrolanto" → "Vikipedio:Mempatrolantoj" + "Vikipedio:Kontrolantoj" → "Vikipedio:IP-kontrolantoj" 2023 02 14

"Vikipedio:Aŭtomata kontrolanto" → "Vikipedio:Mempatrolantoj" kaj "Vikipedio:Kontrolantoj" → "Vikipedio:IP-kontrolantoj". Vorto "kontrolanto" estas malklara. Taylor 49 (diskuto) 05:35, 14 feb. 2023 (UTC)

Ŝablono:TemplateDataKapo → Ŝablono:ŜablonoDatumojKapo 2023 02 23

Kialo: esperantigo. — Super nabla (diskuto) 00:30, 23 feb. 2023 (UTC)

Komento: ... kvankam la problemo estas ke ni nuntempe malhavas en Esperanto la paĝon Q13583584, do eble tiu alinomo ne vere utilus. — Super nabla (diskuto) 00:42, 23 feb. 2023 (UTC)

Mi rezignas la proponon. —Super • nabla^🪰 17:42, 16 nov. 2023 (UTC)

Malajala lingvo 2023 02 23

Ĉu malajala? Ĉu malajalama? Aŭ ambaŭ? — Super nabla (diskuto) 13:08, 23 feb. 2023 (UTC)

Komento: Laŭ PIV, malajala. Ne bezonatas alinomigo de titolo sed ja alinomigo de la informkesto. - Darkis123 (diskuto) 15:17, 23 feb. 2023 (UTC)

Komento: Dankon. Ni devas atenti, ĉar en aliaj partoj de Vikipedio la vorto «malajalama» jam disvastiĝis. Vidu ekzemple la eligo de la ŝablono {{ml}} → malajale. — Super nabla (diskuto) 17:39, 23 feb. 2023 (UTC)

Komento: Mi malsukcesis trovi la rimedon kiu entenas la vorto «malajalame» (la fonto de la ŝablono). — Super nabla (diskuto) 08:39, 24 feb. 2023 (UTC)

Komento: Ankaŭ mi malsukcesas en deĉifro de #invoke:Lingvonomo|language|ml, kiu devus esti la fonto de {{ml}}. Sed mi plusondas: ne povas esti, ke iu el ni enplantis erareton, kiun neniu plu povas ripari. ThomasPusch (diskuto) 17:55, 12 dec. 2023 (UTC)

Asamo → Asamujo\Asamio\Asamlando 2023 03 01

«Asamo» jam estas la etno (vidu ankaŭ: Asama, la lingvo). Por la regiono kie la etno loĝas, oni bezonas la finaĵon -ujo aŭ similaj. Por similaj kazoj, oni povas vidi: Ĥajber-Paŝtulando, la provinco kie oni parolas la paŝtunan; aŭ Tamilujo, la ŝtato de la tamiloj. — Super nabla (diskuto) 10:37, 1 mar. 2023 (UTC)

Por: Jes, estu Asamio aŭ Asamlando. Lingvano (diskuto) 13:25, 1 mar. 2023 (UTC)

Por: Jes, estu Asamio konforme al NPIV.--DidCORN (diskuto) 21:06, 1 mar. 2023 (UTC)

Komento: Bv., administrantoj, alinomi la paĝon. — Super nabla (diskuto) 09:17, 2 mar. 2023 (UTC)

Por: Estu "Asamio". Robin van der Vliet (diskuto) (kontribuoj) 14:21, 14 maj. 2023 (UTC)

Kontraŭ: "Asamio" -- Por: "Asamlando". Taylor 49 (diskuto) 21:19, 14 maj. 2023 (UTC)

Komento: Ankaŭ tiu temo preskaŭ forgesiĝis, ĉar la administrantoj almenaŭ dum la lastaj monatoj atentis pri aliaj teknikaj paĝoj kaj ŝajne neniu ĉi tie deĵoris por plenumi petojn de alinomigoj. Ankaŭ mi nur ekde semajno reaktivas tie, kaj provas sitelon post sitelo forigi la monton de amasiĝintaj taskoj. Ĉi tie principe estintas simpla: 5 homoj estis kontentaj kun ŝanĝo de Asamo" al "Asamio", konforme al NPIV. Tio eĉ sen ke administranto kunvoĉdonis, kio plialtigintus la porajn voĉojn. Tiam laste venis @Taylor 49: kaj metis vetoon. Oni povus simple noti ke estas 5:1, sed mi tamen scivolas, kio estas via problemo kontraŭ Asamio, Taylor 49? ThomasPusch (diskuto) 19:45, 12 dec. 2023 (UTC)

Por Asamio, ĉar estas referenco de NPIV. Finajo de -lando ankaŭ eblas, sed pli malkutimas ol -io, kaj pravigeblas nur, se ĝi jam amplekse uzatas loke, kiel en Svislando kaj Finnlando, kaj pri tia ampleksa uzo de vorto "Asamlando" en Esperanto mi ne vidas indikon. Aidas (diskuto) 07:15, 14 dec. 2023 (UTC)

Por Asamio, por aldoni mian propran opinion. Domagĝe ke Taylor 49 ne reagis kaj ne uzis la okazon klarigi sian opinion. ThomasPusch (diskuto) 13:29, 23 jan. 2024 (UTC)

Sed tiel estas 7:1 voĉoj por Asamio kaj por kunordigo al PIV 2020. Tio estas klara tendenco.  Farite ThomasPusch (diskuto) 13:29, 23 jan. 2024 (UTC)

Agartala → Agartalo 2023 03 03

Kialo: Ĝi estas ĉefurbo, do la O-finaĵo estas uzenda. — Super nabla (diskuto) 18:49, 3 mar. 2023 (UTC)

Malforte kontraŭ: Ĝi estas ne nacia ĉefurbo, sed centro de plej supra subŝtata unuo. En Usono neniel ĉiuj subŝtataj urboj havas esperantan nomon, same en Brazilo kaj Meksiko ne, kaj ankaŭ en Germanio, kie ĉiukaze ĉie estas sufiĉe da esperantistoj por pravigi Esperanto-nomon, ne ĉiuj 13 ĉefurboj de plej supra subŝtato (la landoj) kiuj ne hazarde estas urboŝtatoj havus esperantan nomon. Mi dirus ke ni faru kiel por ĉiuj grandaj urboj: Se estas skribaj referencoj kiuj pruvas ke esperanta nomo estas kutima ekster vikipedio, tiam kun mencio de iuj tiuj referencoj oni povas alinomi. Ne estas granda problemo se tio ankoraŭ ne haveblas, ankaŭ la ĉefurba nomo Agartala ne kreas amasajn problemojn en Esperanto, havas neniun WQXYÖÜÑŁĢ aŭ simile en la nomo, kaj ankaŭ sen o-finaĵo bone prononceblas. Kvankam, kompreneble fakte vi pravas, ke esperantigo principe bonvenas, se estas pravigo de eksteraj referencoj, jam pro tio ke urbegoj en Esperanto ofte estas en akuzativa formo kaj akuzativan n-finaĵon oni nur rajtas aldoni al esperantigita vorto. ThomasPusch (diskuto) 22:55, 12 dec. 2023 (UTC)

Do estus Agartalo, se citeblus uzoj de tia esperantigo en la e-lingva literaturo kaj gazetaro - ĝis nun tiuj referencoj daŭre mankas. Do provizore la titolo restas Agartala. ThomasPusch (diskuto) 00:01, 25 mar. 2024 (UTC)

Guĝarato, Panĝabo, ktp. → Guĝaratio, Panĝabio, ktp. 2023 03 06

Jen listo:

• Guĝarato, Kategorio:Guĝarato, Panĝabo, Kategorio:Panĝabo, Panĝabo (Barato), Panĝabo (Pakistano), Kategorio:Panĝabo (Barato), Kategorio:Panĝabo (Pakistano), Ŝablono:Situo sur mapo Barato Guĝarato, Ŝablono:Situo sur mapo Barato Panĝabo, Ŝablono:Situo sur mapo Pakistano Panĝabo, Ŝablono:Situo sur mapo Panĝabo → Guĝaratio, Kategorio:Guĝaratio, Panĝabio, Kategorio:Panĝabio, Panĝabio (Barato), Panĝabio (Pakistano), Kategorio:Panĝabio (Barato), Kategorio:Panĝabio (Pakistano), Ŝablono:Situo sur mapo Barato Guĝaratio, Ŝablono:Situo sur mapo Barato Panĝabio, Ŝablono:Situo sur mapo Pakistano Panĝabio, Ŝablono:Situo sur mapo Panĝabio

La vortoj kun simpla -o temas pri la etno kaj la vortoj kun -io pri la regionoj/provincoj/subŝtatoj (vidu ankaŭ PIV). Multaj similaj kazoj ekzistas en Sudazio, kiel ekzemple: tamilo/tamila/Tamilujo, asamo/asama/Asamio, ktp. Vidu ankaŭ la lingvojn, ekz., la guĝaratan. Min ĉagrenas, ke tiuj eraroj jam sufiĉe disvastiĝis en Vikipedio. — Super nabla (diskuto) 09:58, 6 mar. 2023 (UTC)

mi priparolis tion al PIV-ulo, kaj li montris tion: https://vortaro.net/#Pan%C4%9Dabo_c

do PIV ja agnoskas, ke panĝabo estas loko, ĝi nur estas malkohera Galex-713 (diskuto) 17:35, 21 jun. 2023 (UTC)

Por: Guĝaratio, Panĝabio --Crosstor (diskuto) 12:45, 15 mar. 2023 (UTC)

Pardonu ke mi faras strion ĉi sube, sed la subaj komentoj jam ne nur temis pri la teknika demando kiu nomo estas plej bona por enciklopediaj titoloj de la tekstoj Q1061 kaj Q22424, kion baze solvas rigardo en vortaron, sed temis pri personaj preferoj kiuj nomoj ŝajnas plej simpatia.

Kaj mi repardonpetas, memorigi ke kvankam ekzemple PIV 2020 konfirmas ke Ĝuĝaratio estas la ĝusta nomo (en PIV 1970 ankoraŭ ne estis la vorto), ĝi ankaŭ konfirmas ke barata Panĝabo havas tiun nomon, same kiel pakistana Panĝabo. Kaj tio ne nur estas PIV, sed vere estas la vivo: Mi kiel kuracisto jam havis kelkajn etajn pacientojn el barata Panĝabo, kaj fermante la okulojn kaj aŭdante la vorton Panĝabo, mi pensas pri la granda regiono kaj ne pri eta panĝaba knabo aŭ knabino. Tial mi nur povas jesi al la ĝustiga adapto de la vorto Ĝuĝaratio, sed la vorto "Panĝabio" sonas kaj aspektas al mi esti erara nomo de la regionego. Sed ĉar krom la teknika voĉdono la temo tro belas por ne aldoni iun komenton, mi faros tion sub la strio kiun mi mem faris. ThomasPusch (diskuto) 23:43, 12 dec. 2023 (UTC)

PS: Tamen, mi hieraŭ kontrolis mian lingvosenton per kontrolo en mia papera PIV, tiu de 1970, kiu informas ke "Panĝabo estas regiono de Hindujo" (do la norda parto de Barato), "trafluata de Induso", kio tute konfirmis mian lingvokomprenon, kaj hodiaŭ mi ankoraŭ rekontrolis la laŭ la kapvorto Panĝabio de vortaro.net, kio informas ion tute alian. Mi evidente komplete nerimarkis ke PIV faris malgrandan lingvan revolucion pri la vorto "panĝabo". Tiam do miaj etaj pacientoj en 2020 el "barata Panĝabo" estis "panĝaboj", kiuj origine devenas el "Panĝabio" (sed iliaj gepatroj ankoraŭ estas panĝabanoj el Panĝabo, ĉar el alia generacio???). Kiam mi hieraŭ fermis la okulojn kaj imagis aŭdi la vorton Panĝabo, mi kompreneble ne povis samtempe enŝalti la komputilon kaj rete kontroli ĉu la lando en 2020 ankoraŭ nomiĝas Panĝabo aŭ ĉu eble subite Panĝabio - mi ja havis la okulojn fermitaj. Sed se oni serĉas pri Panĝabo en NPIV [1], PIV de 2020 denove konfirmas mian lingvosenton. Nur nun mi komprenis, kion Galex-713 celis per PIV 2020 "nur estas malkohera" - tio estas forta maltroigo: PIV 2020 rekte kontraŭdiras sin mem! En tia konfuza situacio ŝanĝi ĉiujn paĝojn de Vikipedio al "nova" formo "Panĝabio", kiu laŭ dedukto devas esti la nova formo inter la du same ofertataj vortoj en PIV 2020, ĉar ĝi ankoraŭ ne estis ekzistanta en 1970, aspektas al mi dubinda paŝo. Do mi restas ĉe mia lingvosento, kiu diras al mi ke tuta PIV 1970 kaj duono de la kontraŭaj informoj el PIV 2020 estas ĝusta, nome la landonomo Panĝabo, angle/germane/itale ktp. Punjab, ne angle Punjabee, germane Punjabien ktp, ankaŭ en mia dua familia lingvo la litova Pandžabas, ne Pandžabijas aŭ Pandžabija, kaj panĝabe ਪੰਜਾਬ. ThomasPusch (diskuto) 14:58, 13 dec. 2023 (UTC)

Jes, malfacilas subite renversi la nomon de tion granda regiono. Laŭ pripenso de Thomas mi ankaŭ estus por teno de la lando Panĝabo. Sed gravas per piednotoj en la teksto(j) atentigi pri la situacio. Aidas (diskuto) 07:21, 14 dec. 2023 (UTC)

Do Por: Guĝaratio, kie ĉio klaras. Aidas (diskuto) 07:22, 14 dec. 2023 (UTC)

Por: Guĝaratio/Guĝaratlando, Panĝabio/Panĝablando: Malneto de la nova PIV estas kohera en tiu rilato. Laŭdire kelkaj baratanoj preferas la formojn kun -lando, sed necesus kontroli tion. Lingvano (diskuto) 20:25, 14 dec. 2023 (UTC)

Kiam "la plej nova PIV ne estos nur malneto", sed videblos por ĉiuj, tiam oni povos pene alkutimiĝi ŝanĝi la ĝisnunan lingvouzon Panĝabo=lando, sed dum kiam ĉiuj "nur" povas vidi la eldonon de 2020 kaj la antaŭajn eldonojn ekde 1970, la ĝisnuna lingvouzo Panĝabo=lando ankoraŭ aktualas. Do estos Guĝaratio/Guĝaratlando, sed pri Panĝabio/Panĝablando ankoraŭ mankas universale kontrolebla referenco. ThomasPusch (diskuto) 00:11, 25 mar. 2024 (UTC)

---

Ekskurso:

Komento: -j: alinomi la subŝtatojn estas robota tasko pro la kvanto; Barato fakte estas nekutima, sed deziro de baratanoj mem kaj spegulas la originan nomon kaj ne la falsan eŭropan nomon (Baratlando superfluas, Usono, Brazilo kiun ĉagrenas?); memoru: estas simile Suomio

Komento: Min ĉagrenas ankaŭ ĉefe, ke bedaŭrinde Barato (sen -io aŭ -ujo aŭ -lando) anstataŭis Hindio-n (kun -io). DidCORN (diskuto) 15:20, 14 mar. 2023 (UTC)

@DidCORN: Tio estas iomete eksterteme ĉi tie. Ĉiukaze, la rezono pro kiu la nomo «Hindio» ne uzindas, estas ke ĝi malrespektas la baratanojn kies lingvo ne estas la hindia. Fakte la signifo de «Hindio/Hindujo» estus «lando kie oni parolas la hindian». Mi ne pensas ke la tamiloj, la teluguparolantoj, aŭ la bengaloj multe ŝatus ĉi tiun difinon. Eble, oni povintus proponi la nomon «Baratio» (kun finaĵo -io), sed tio ne okazis. — Super nabla (diskuto) 09:46, 16 mar. 2023 (UTC)

@DidCORN se vi anstataŭigis senpripense, vi miskomprenis: Hindujo estas la loko kie oni parolas la hindan, do ĝi entenas nur nordan parton de Barato (sed ne entenas Dravidujon, kie oni parolas la dravidajn lingvojn (ĉefe la 4 tamilan, malajalaman, kannadan, kaj teluguan)), sed ankaŭ Pakistanon (pro la urdua) kaj aliajn apudajn landojn.

Oni ne povas difini Baraton laŭ unu gentonomo ĉar ĝi estas multigenta ŝtataro, krom se oni agnoskas ke Hindoj maljuste trudas sian lingvon al homoj, kiuj ne volas ĝin (tiam jes eblas diri Hindujo… kaj artefarite alinomi la saman lingvon en aliaj landoj (urduan en pakistano kaj en nordaj dialectoj, pro uzado de la araba skribo kaj islamaneco de la homoj)), sed tiam tuta dravidujo malbone vidos vin, aŭ se oni agnoskas, ke reage la homoj eĉ la anglan plivolas kiel internacian lingvon, kaj nomi Baraton kiel iu sendependa federecaĵo de granda anglujo, kaj tiam ili simple mortigos ankoraŭ pli alkoleros vin aŭ io, mi imagas …ĝis kiam esperanto iĝas internacia lingvo (aŭ ke ili elpensas lokan planlingvon kun sanskrita vortaro kaj dravida gramatiko, samkiel esperanton kun latinida vortaro kaj hungarturkeca gramatiko) Galex-713 (diskuto) 16:47, 21 jun. 2023 (UTC)

Kontraŭ: Mi tre ŝatas, ke en esperantujo, oni kutimas meti la homojn antaŭ la landojn, sed en la loka lingvo mem, la panĝaba, panĝabo estas loko https://en.wiktionary.org/wiki/Punjabi#Etymology (mi ankaŭ petis al panĝabano telegrame), kaj la panĝaba, de tiu loko, aŭ pli bone la panĝabana do, estas la lingvo de la anoj de tiu loko. Ĝi ŝajne devenas el la persa por »kvin akvokuroj« (panĵ estas la vorto por kvin en la hindecaj lingvoj, kaj retroveblas iom simila en la alia hindeŭropa lingvo la rusa: pjatj (kvin)) https://en.wiktionary.org/wiki/Punjab#English, kaj do temas pri loko. Kaj do unue estis vorto pri loko, kaj poste estis etno, kiu estis nomata dehttps://en.wiktionary.org/wiki/Punjab#English aliaj, aŭ eknomis sin »kvinriveranoj«. Fakte mi eble eĉ emus skribi »Panĵabo«, ĉar por mi »nĵ« kaj »nĝ« apenaŭ malsamas (iom kiel »nc« kaj »ns«: naza malvokalo jam estas spirbloko, kaj maleko de ĝi sonas kiel bloka malvokalo (d/t en ĝ/c), kaj tio estus pli rekonebla el la angla, kiu estas tre parolata en Barato. Pri Guĝarato estas iom sama: Guĝarato ja estas loko, ne etno. SED laŭ tio https://en.wiktionary.org/wiki/%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4#Etymology la vorto Guĝarato estas lando de la Gurĝaroj, do Gurĝarujo/Gurĝario… sed malpli rekonebla… do la demando estas: ĉu Guĝaratanoj nomas sin tiel? Iel ajn, en ambaŭ okazoj, PIV malpravas tie Galex-713 (diskuto) 16:40, 21 jun. 2023 (UTC)

ŝajne mi malpravis, mi provis demandi pli da informoj al guĝaratano, kaj li diris, ke guĝaratano en la guĝarata estas »guĝarati«, kaj ke la loko daŭre estas »guĝarat«, do mi demandis, ĉu li iam ajn aŭdis la vorton »gurĝar« kaj li diris, ke ne, sed tuj hindino aperis kaj diris, ke jes, ke la guĝĝaroj estas helhaŭtaj paŝtistoj de la montoj aŭ io ktp. kaj poste la guĝaratano koleris dirante ke ne, kaj mi demandis ĉu gurĝaro kaj guĝĝaro malsamas kaj ĉu guĝaratanoj estas guĝĝaroj aŭ estas malsama afero (mns eble malplejmulto aŭ prauloj aŭ io) kaj li rekoleris kaj diris, ke ili pli bonas ol homoj de madjarpradeŝ kaj utarpradeŝ kaj ŝi aŭ li, mi forgesis, diris ke la guĝaratanoj estas nelegpovaj kaj malkleraj sed tre riĉaj kaj ili komencis klaĉi sed mi finfine nur komprenis, ke, ŝajne, guĝaratanoj (t.e. almenaŭ unu hazarda guĝaratano en dekstrema sociretejo) ne konsentas esti konfuzitaj kun guĝarato, kaj samtempe ne tre zorgas pri historio aŭ vortdeveno

do mi proponu, ke anstataŭ »Guĝarat/guĝaratano/la guĝarata«, oni tranĉu la pomon en du (elektu intermezon) kaj ekdiru »Guĝarujo/guĝarujano/la guĝarujana« Galex-713 (diskuto) 17:02, 21 jun. 2023 (UTC)

Jen mia tute persona aldono: Mi jam rimarkis ke estas daŭra malkontento de multaj Esperantistoj pri tio ke iuj landoj havas finaĵojn kun -io aŭ malnovece -ujo kaj iuj ne - devos esti eble premi la usonojn, brazilojn, kanadojn kaj baratojn agnoski ke ili vivas en Usonujo, Kanadujo, Brazilujo kaj Baratujo, samkiel memkompreneble nederoj vivas en Nederujo aŭ ĝis 1990 sovetunoj en Sovetunujo. Aŭ eblas per simpla voĉdono inter la kongresanoj de iu UK malpermesi la landonomon de la radiko Barat' kaj agnoski ke por la komuna bono de simpla esperanto-lingvo la movadanoj de la subkontinento sub la Himalajo devos oferi sin kaj agnoski ke ili denove estas hindoj kaj vivas en Hindujo - tio ankaŭ validas por tamilaj, malajalaj, kananadaj (unu plia vokalo necesas) kaj teluguaj hindoj. Tiom domaĝe ke multaj lingvanoj sentas ke tiu genia simpligo sentiĝas malĝuste en viva lingvo (supozeble en Volapuko eblas simple ordoni novan vorton de lando, sed ĉe ni...) - kaj aparte la usonoj aŭ usaoj, la meksikoj, baratoj, braziloj, nederoj, kanadoj kaj eks-sovetunoj ne feliĉos pri la simpligo. Sed sen ke la homoj kunludas, ne funkcias la plej genia plano. Domaĝe. ThomasPusch (diskuto) 23:43, 12 dec. 2023 (UTC)

{{WikidataLoĝantaro}} → {{VikidatumojLoĝantaro}} → {{VikidatumejoLoĝantaro}} 2023 04 01

Kialo: Esperantigo de tre ofta ŝablono. — Super nabla (diskuto) 21:44, 1 apr. 2023 (UTC)

Por: kompletigi duonan Esperantigon. Arbarulo (diskuto) 14:54, 23 apr. 2023 (UTC)

Se oni umas kun la ŝablono {{WikidataLoĝantaro}}, oni ĉiam alternas inter vikidatumaro, kie ja ankoraŭ ne ĉio estas en Esperanto, kaj la loka projekto, jes esperantlingva. Do ke tie iu vorto kun "duobla v" enkopiiĝas en informkestojn, ne estas la plej granda problemo. Sed se vere senprobleme funkcias la anstataŭigo, mi ne kontraŭas. Ĉiukaze signarojn kiel {{WikidataLoĝantaro}} mi kutime bloke enkopias per elmeto, kopio kaj enmeto , tial ne ĝenos min ke "datumaro" ĉiufoje estus 3 signoj pli ol "data". Do por, kondiĉe ke teknike ne ekestos iu problemo. ThomasPusch (diskuto) 21:31, 12 dec. 2023 (UTC)

Por: kvankam ankaŭ al mi tio ne estos granda diferenco, sed, se a) roboto faras la tutan laboron kaj b) "se vere senprobleme funkcias la anstataŭigo, mi ne kontraŭas". Aidas (diskuto) 21:47, 13 dec. 2023 (UTC)

Komento: Preferinde "Vikidatumejo" ol "Vikidatumoj".

Kontraŭ: "{{VikidatumojLoĝantaro}}". Roboton mi havas. Taylor 49 (diskuto) 17:01, 14 dec. 2023 (UTC)

Komento: Ĉu oni ie en Vikipedio jam uzis la vorton "Vikidatumejo"?? Al mi ŝajnas ke mi unuafoje vidas ĝin, kvankam mi jam multajn horojn investis en esperantigo kaj pliaktualigo de la datumara kromprojekto... ThomasPusch (diskuto) 02:16, 19 dec. 2023 (UTC)

Arbaristiko → Arbarkultivo

Por uzi pli logikan esprimon kaj eviti nenecesan neologisman sufikson -ik-. La temo ŝajnas esti pli specifa ol arbara mastrumado (kaj mi volas ankoraŭ pliklarigi la distingon per traduko el la anglalingva artikolo). Ankaŭ kultivo estas pli specifa ol mastrumado. Sed arbaristiko (scienco kiun praktikas arbaristoj) devas esti samsignifa kun arbara mastrumado, aŭ eĉ malpli specifa, se oni komprenas kiel arbariston ĉiun, kiu okupiĝas pri arbaroj (ekzemple arbaran ekologon). La propono fontas el diskuto en Vikipedio:Kunigendaj artikoloj. Arbarulo (diskuto) 20:58, 8 maj. 2023 (UTC)

Sindetena: Mi ne havas fortan opinion. La vortkonstruo Arbar + kultivo ŝajnas eble pli simila al kelkaj lingvoj. — Super Nabla🪰 16:06, 9 maj. 2023 (UTC)

Por: por kongrui kun la titoloj de la aliaj Vikipedioj.-DidCORN (diskuto) 18:48, 15 maj. 2023 (UTC)

Komento: La aliaj vikipedioj ja referencas al kultivado, sed la nuna redakto temas ne pri la kultivado (praktiko) sed pri la scienco. Se oni alinomas, oni devus lasi arbaristikon kiel alidirektilo kaj klarigi en nova redakto la diferenco inter ambaŭ konceptoj kaj terminoj. Kiu faros tion?--kani (diskuto) 10:34, 16 maj. 2023 (UTC)

Estas tre malklare al mi kian malsamon celas la nunaj ĝermoj sub la titoloj Arbaristiko kaj Arbara mastrumado. Mi starigas la demandon pri titoloj ĝuste tial, ke mi volas traduki parton de la anglalingva artikolo "Silviculture", do pliklarigi la distingon laŭ la kriterio de tiu Vikipedio.

Komento: Laŭ mia memoro, iam arbaristoj aktivis rilate vortfaradon kaj kreis ampleksajn vortarojn. Certe ili iel nomis ankaŭ sian fakon mem. Mi proponas serĉi tiujn ĉi vortarojn kaj/aŭ konsulti fakulojn. RG72 (diskuto) 04:13, 18 maj. 2023 (UTC)

Estas bone fari tion se iu povas. Bedaŭrinde mi ne posedas Lexicon Silvestre, nek konas koncernan fakulon tiel bone, ke mi aŭdacus konsulti, kaj preferas ne atendi eterne. Mi suspektas, ke ĝi uzus "silvikulturo", kiun PIV egaligas al "arbarkultivo" (tamen kun difino ne tiel klara kiel mi deziras). Arbarulo (diskuto) 20:08, 19 maj. 2023 (UTC)

Por: kvankam la temo longege pendis ĉi tie (ĉar simple tro multaj proponoj amasiĝis en la pasintaj 2 jaroj) kaj preskaŭ forgesiĝis, sed la propono laŭ mi tamen bonas. ThomasPusch (diskuto) 12:20, 23 jan. 2024 (UTC)

Komento: Mi nun tradukis la materialon el la angla Vikipedio, kiun mi projektis traduki de la komenco. Mi krome lasis sentuŝa la antaŭan tekston de la artikolo, kaj ankaŭ la unuan alineon, kiun (mi konstatas) DidCORN enmetis kun distingo inter "arbarkultivo" kaj "arbaristiko" laŭ liaj ideoj. La rezulto certe ne estas unueca kaj la decido, en kiu artikolo kaj sub kiu titolo restu la informoj, devos atendi finon de ĉi tiu diskuto. Arbarulo (diskuto) 19:26, 25 jan. 2024 (UTC)

Pro la fakto, ke estas interkonsantoj por alinomi arbaristikon al arbarkultivo, mia aldonita frazo kongruas kun la teksto de la angla Vikipedio, kiun vi povas bone traduki (eventuale anstatau mia unua frazo). Sed por mi kaj etomoloogie arbaristiko estas tute alia signifo al arbarkultivo estas la kialo, lau kiu mi faris apartan paragrafon pri arkoristiko por eviti konfuzon, rDidCORN (diskuto) 16:48, 30 jan. 2024 (UTC)

 Farite Arbarulo (diskuto) 17:26, 1 sep. 2024 (UTC)

Arbara mastrumado → Arbarscienco

Konforme al la logiko de la ĉi supera propono. Sed mastrumado ne estas scienco estas apliko de ĝi. La ligitaj intervikiaj artikoloj rilatas al scienco mem.--DidCORN (diskuto) 20:34, 25 maj. 2023 (UTC)

La angla kaj hispana artikoloj temas pri la aplikata scienco. Kiuj ligitaj artikoloj rilatas al teoria scienco? Arbarulo (diskuto) 03:03, 30 maj. 2023 (UTC)

Aplikata scienco estas scienco, vidu la rilatantan artikolon. En la angla Vikipedio, la artikolo estas difinita kiel kaj scienco kaj mastrumado. Ne konfuzu do mastrumadon kun scienco.--DidCORN (diskuto) 11:36, 30 maj. 2023 (UTC)

La angla artikolo komenciĝas "Forestry is the science and craft of creating, managing, planting, using, conserving and repairing . . .", t.e. "_____ estas la scienco kaj metio krei, mastrumi, planti, uzi, konservi, kaj rebonigi . . ." Krei, planti, uzi, konservi, kaj rebonigi estas mastrumaj taskoj. Jes, ĉi-kaze ili ankaŭ estas science planitaj. Sed dum ĉia mastrumado de arbaroj estas scienca (aŭ almenaŭ pretendas esti tia), multa scienco pri arbaroj ne estas mastruma, do "arbara mastrumado" estas pli specifa termino. Arbarulo (diskuto) 13:34, 30 maj. 2023 (UTC)

Por: kvankam la temo longege pendis ĉi tie (ĉar simple tro multaj proponoj amasiĝis en la pasintaj 2 jaroj) kaj preskaŭ forgesiĝis, sed la propono laŭ mi tamen bonas. ThomasPusch (diskuto) 12:20, 23 jan. 2024 (UTC)

Nur antaŭ monato mi rimarkis la nediskutitajn redaktojn, kiujn oni faris al la komenco de la artikolo en majo, kaj nur nun komprenas, ke temas pri redaktomilito aŭ io simila.

• Unue DidCORN afiŝis alinompetan ŝablonon al la artikolo - sed ne faris peton ĉi tie - kaj samtempe ŝanĝis la unuajn vortojn al "Arbarscienco aŭ arbaristiko";
• tiam Forstbirdo ŝanĝis al "Arbara mastrumado, arbarmastrumado, forsta mastrumado aŭ forstmastrumado" kaj aldonis difinon el Lexicon Silvestre, tamen ne klarigante, al kiu vorto la terminaro asignas la difinon (ĉu al ĉiuj kvar?);
• poste DidCORN denove ŝanĝis al "Arbarscienco aŭ forstscienco", misinforme ŝajnigante (eble senintence) ke la difino el Lexicon Silvestre apartenas al unu el tiuj vortoj. Nur tiam li iniciatis diskuton ĉi tie.

Mi nun restarigas la version de Forstbirdo, ĉar ĝi estas la lasta kun verŝajna apogo el aŭtoritata fonto; petas denove al Uzanto:Forstbirdo, ke li klarigu ĉi tie, kiujn vortojn Lexicon Silvestre rekomendas por la temoj de la nunaj artikoloj Arbara mastrumado kaj Arbaristiko; kaj petas al ĉiuj, ke oni faru neniun pluan titol-rilatan ŝanĝon sen interkonsento! Arbarulo (diskuto) 21:44, 23 jan. 2024 (UTC)

Mia ŝanĝo kongruis al la aprobo de nia administranto ThomasPusch por alinomi la artikolon al Arbarscienco kaj por klarigi la aferon. Sed nun reirante al la antaŭa situacio, mi konsentas kun Arbarulo, ke nia enciklopedio denove estas tute malklara pri la apartaj signifoj de Arbaristiko (Arbarscienco), Forstistiko (Forstoscienco), Silvikulturo, Arbara mastrumado, Forstomastrumado, Agroforstumado -DidCORN (diskuto) 10:14, 25 jan. 2024 (UTC)

La urĝa alvoko de Arbarulo "ke oni faru neniun pluan titol-rilatan ŝanĝon sen interkonsento" sonas kvazaŭ oni daŭre sen diskutoj ŝanĝus la titolojn "arbaristiko" kaj "arbara mastrumado", sed vidante la protokolon ŝajnas al mi ke "arbara mastrumado" estis dufoje alinomita de Forstbirdo, ambaŭfoje nur teste por daŭro de malmultaj minutoj, en februaro 2010 kaj majo 2011, kio ne estis hieraŭ, kaj la titolo "arbaristiko" neniam tuŝiĝis. Do ne temas pri amasa sendiskuta alinomado de la titolo, sed pri detala vortumo de la unua frazo. Kaj temas ĝuste pri diskutado kaj interkonsultado ĉi tie, antaŭ ol oni fakte faras iun ŝanĝon. Kompreneble estas bona ideo por la diskuto konsulti la fakan publikaĵon Lexicon Silvestre, kiun tamen mi ne havas kaj ŝajne ankaŭ malmultaj aliaj havas. Do mi konsentas intense serĉi iun vortaro-posedanton, supozeble Uzanto:Forstbirdo@Forstbirdo:, ke tiu uzanto citu el la vortaro, antaŭ ol oni pludiskutas. Sed mia intereso estas veni al iu rezulto en diskuto ene de maksimume jaro - tio ankaŭ povas esti la decido ŝanĝi nenion, sed ne lasi diskutojn nedormiĝi nefinite, kaj ili poste ŝtopas la diskutejon (por teknika funkciado de la diskutejo gravas ke ĝi restu sub 2 MB, prefere estu 1 MB, nepre ne fiaskigaj 3,5 MB kiel estis en novembro, kaj ni per diskutado jam denove proskimiĝas al la alarmosonaj 2 MB...). Mi devus decidi sen la faka vortaro, kaj subtenas la ĝeneralan ideon de Arbarulo "uzi pli logikan esprimon kaj [laŭeble] eviti nenecesan neologisman sufikson -ik-". Sed mi ankaŭ konfesas ke mi nur rigardis la titolojn, ne la plenajn tekstetojn, des-malpli ke mi legus ĉiujn tekstojn en ĉiuj lingvoj, por ke nia teksto perfekte kongruu kun ĉiuj lingvoj (kio eble tute ne eblas, se lingvoj kiujn ni komprenas legi sed ne kompetentus mem ŝanĝi inter si malkongruas). Sed mia baza alvoko estas ne forgesi diskuton (mi scias ke ankoraŭ estas pliaj forgesitaj duondiskutoj ĉi tie: iom post iom necesos fintrakti ĉiujn). Do mi nun pli aktive atentigis Forstbirdon (kiu aktivas) pri la neceso gvidi tiujn ĉi du diskuterojn al rezultoj, kaj povas same ankaŭ atentigi uzanton Montanesko@Montanesko:, kiu jam en 2005 komencis la paĝon "arbaristiko" (kvankam mi konscias ke tiu lastfoje pli forte redaktis en 2017, kaj en 2018 nur traktetis unu paĝon, do malverŝajnas ke tiu eĉ vidas atentigon). Do - @Forstbirdo: Ĉu vi havas la vortarecan faklibron "L.S." kaj povas ĉi tie noti ĝian terminaron ??? ThomasPusch (diskuto) 14:53, 25 jan. 2024 (UTC)

Por: Se ne estas iuj ajn "kontraŭ", mi restarigos mian forviŝitan verkon kaj alinomos la titolon konforme al la iam de longe propono.-DidCORN (diskuto) 19:54, 3 feb. 2024 (UTC)

Kontraŭ: Kvankam mi ne uzis la kontraŭ-ŝablonon, mi jes intencis mian kontribuon tiel. La artikolo temas pri mastrumado de arbaroj. Kvankam la mastrumado de arbaroj kutime estas farata sur scienca bazo, aliaj sciencoj pri arbaroj (precipe arbara ekologio) ne estas kaj prefere ne estu en la artikolo. Krom tiuj logikaj argumentoj, kiujn mi jam faris supre, la redakto kiun Forstbirdo faris kun cito el Lexicon Silvestre ŝajnas indiki, ke tiu fonto donas sian aŭtoritaton al iu formo aŭ iuj formoj kun "mastrumado" (ne "scienco").

Via propono plaĉas al vi kaj al ThomasPusch; ĝi malplaĉas al mi. Ŝajnas el la redakto de Forstbirdo ke ĝi malplaĉas ankaŭ al tiu. Do ĉi-momente ne estas klare superrega interkonsento. Arbarulo (diskuto) 00:31, 4 feb. 2024 (UTC)

Komento: La proponoj de la alinomado de arbaristiko kaj arbara mastrumado estis por kongrui al la aliaj respektivaj ligitaj Vikipedioj. Ŝajnas, ke interkonsento ne eblas. La solvo estas de nun ligi Arbaristiko-n al la angla Forestry (anstataŭ kiel nun Silvicuture) kaj Arbara-n mastrumado-n al la angla Silviculture (anstataŭ kiel nun Forestry).-DidCORN (diskuto) 20:36, 4 feb. 2024 (UTC)

Mi estas (emerita) forstinĝeniero. Por ni forstistoj, "arbarscienco/forstscienco" estas ridinda termino, ĉar ĝi ne ekzistas. "Arbarsciencoj/forstsciencoj" foje estas uzata. Temas pri aro da teoriaj kaj praktikaj fakoj/sciencoj kiaj botaniko, zoologio, pedologio, ekonomio, juro, silvikulturo, ... kaj multaj aliaj. Grava parto estas ankaŭ la forstmastrumado/arbarmastrumado (fr. la gestion forestière), kiu celas sisteme organizi la laborojn en la forstoj. Forstmastrumado do estas afero en si mem kaj meritas esti traktata kiel apartan artikolon kun aparta nomo. La ekzistanta artikolo kompreneble devus esti kompletigita kaj plibonigita. --Forstbirdo (diskuto) 22:07, 4 feb. 2024 (UTC)

@Forstbirdo, dankon pro via opinio. Ĝi certe kongruas kun la impreso kiun mi mem havis, kiel nefakulo. Tamen estus bone, se vi klarigus, kiu(j)n termino(j)n Lexicon Silvestre uzas, precipe kiel kapvorton de difino 0. .03.003, kiun vi citis. Ĉu vi faros tion?.

@DidCORN, se ne eblas interkonsento pri la titoloj, des malpli pri la intervikioj. Certe la alilingvaj vikipedioj ne bone kongruas unu kun la alia. Sed mi ne vidas iun problemon, al kies solvo helpus la inversigo kiun vi proponas. Kun la angla, kiun vi citas, niaj artikoloj kongruas tre bone, kaj tio estas komprenebla, ĉar ili estas plejparte tradukitaj el la anglaj artikoloj. Se vi aludas al la argumentoj kiujn vi faris jam komence de ĉi tiu diskuto, mi tiam klarigis, ke vi miskomprenis la anglajn artikolojn. Arbarulo (diskuto) 02:31, 5 feb. 2024 (UTC)

La unuaj vortoj de la angla Vikipedio ligita al arbara mastrumado estas: Forestry is the science---, por iu ajn esperantisto, kiu eĉ ne konas la anglan, evidentas, ke la artikolo endas esti prefereble ligita al arbaroscienco aŭ arbaristiko, sed certe ne al iu ajn artikolo pri mastrumado. DidCORN (diskuto) 15:42, 6 feb. 2024 (UTC)

Ĉu vi volas diri, ke ni faru la intervikiajn ligilojn de artikolo laŭ la rilato inter ĝia titolo (kiun, cetere, vi antaŭe konsentis ŝanĝi), kun unu frazparto de la teksto de alilingva artikolo (kiun vi citas miskomprenige malkomplete) anstataŭ la rilato inter la enhavo de la du artikoloj? Oni rigardu supren por la kompleta cito. Arbarulo (diskuto) 02:40, 7 feb. 2024 (UTC)

Komento: Vidante la blokadon de Arbarulo por malpermesi iujn ajn solvon al alinomado de titoloj, de nun, mi ne plu partoprenos al tiu-ĉi forumo; dum la tempo ke estas uloj kiel li, kiuj malamike oponas. Mi ne volas perdi sterilan tempon dum diskutadaĉaĵoj. DidCORN (diskuto) 13:45, 7 feb. 2024 (UTC)

 Ne farite Arbarulo (diskuto) 17:26, 1 sep. 2024 (UTC)

Kabineto → Kabineto (registaro)

Ĉar la aliaj artikoloj ligitaj ĉi tien temas pri registara institucio, ne pri apartigilo. RG72 (diskuto) 11:45, 16 maj. 2023 (UTC)

Komento: Mi estas tre konfuzita. La paĝo ne aspektas kiel ordinara artikolo. Ne estas vera apartigilo, ĉar la punktoj (1), (2), (3), (4) nenion apartigas (kie estas la bluaj ligiloj?). La paĝo pli similas al paĝo de vortaro, kaj eble ne estas taŭga por VP. Mi opinias, ke indas forigi la supran parton kaj krei apartajn artikolojn pri la 4 signifoj. — Super Nabla🪰 15:51, 16 maj. 2023 (UTC)

Komento: Jes, nun tiu ĉi artikolo aspektas kiel vortara, do korektenda. Mi proponas krei apartigilon surbaze de ĝi kaj la nuna artikolon dediĉi sole al la registara institucio, ĉar ĝuste tion celas ĉiuj alilingvaj versioj. Kompreneble por tio necesos ĝin alinomi laŭe. RG72 (diskuto) 05:32, 17 maj. 2023 (UTC)

Por: alinomigo kaj alifarado al enciklopedia artikolo. Artikoloj kies enhavo estas kopiita el PIV aux ReVo estas senvaloraj, eble ecx tujforigendaj. Vikipedio:Forigendaj_artikoloj/Arkivo/2021#Substanco Taylor 49 (diskuto) 05:40, 17 maj. 2023 (UTC)

Por: Kabineto (registaro). Amike, -Filozofo (diskuto) 20:18, 19 maj. 2023 (UTC)

Por: Kabineto (registaro) Arbarulo (diskuto) 22:21, 20 maj. 2023 (UTC)

Komento: multaj intervikioj, tamen neutila paĝo. Vikipedio ne estas vortaro. Sama afero som registaro. Taylor 49 (diskuto) 14:31, 22 maj. 2023 (UTC)

Por: Redifino de la origina teksto al apartigilo kaj por kreo de aparta teksto pri kabineto en senco de ministraro. Tamen mi pensas ke ĉi tie aŭdiĝas multe tro akraj kaj tro radikalaj sonoj. La teksto neniel estas "senvalora enhavo nur kopiita el PIV" - komparu la tekston en PIV kaj la tekston en Vikipedio kaj vi vidas ke jam nun la vikipedia artikolo havas multe pli da informoj. Intence la teksto citas la modelon de PIV listigi la diversajn signifojn, ĉar vikipedio kompreniĝas kiel ampleksigo de antaŭaj sciobankoj, kiel PIV, ReVo aŭ - pri certaj temoj, ne ĉi tie, EdE. Tiel estas tute sence komenci de baza difino, kaj de tiu kerno pluampleksigi la temon. Kaj pri la demando: kie estas la bluaj ligiloj? Bluaj ligiloj estas, tion scias ĉiu ĉi-tie, kiam oni faris artikolon. Mi nun faris novan artikolon kabineto (ĉambro) pri la laŭ PIV unua signifo. Ke pri la dua signifo necesus aparta artikolo, mi dubas, ĉar tiu signifo ŝajnas al mi jam esti eksmoda ekde la 19-a jarcento. Pri la tria signifo ekzistas diverslingvaj tekstoj en d:Q640506, kaj pri la kvara signifo, kiun iu en vikipedio alinventis (en PIV estis nur tri diferencigoj), mi eĉ ne scias ĉu estas iu alilingva modelo. Do pri "kabineto (registaro)" eblas gaje ekverki artikolon laŭ d:Q640506, kaj pri la kvara signifo eble ankaŭ, se oni trovas bonajn alilingvajn vikipediajn aŭ ekstervikipediajn tekstojn, kiuj donas ideojn pri vortumoj, grafikaĵoj, eksteraj ligiloj kaj referencoj. Ni devos ankoraŭ decidi, kiu teksto fine havos la bazan titolonomon "kabineto", ĉar domaĝus se ĝi estus nur plugvidilo al iuj subpaĝoj. Supozeble plej sencas, ke la teksto Kabineto (registaro), kiam ĝi estos kreita kaj estas stabila, ricevos la titolonomon "kabineto" ... sed unue ĝi devas esti kreata! ThomasPusch (diskuto) 22:37, 11 dec. 2023 (UTC)

Bangka-Belitungo → Bangkao kaj Belitungo

La provinco konsistas el du principaj insuloj, kiel Trinidado kaj Tobago. La indonezia nomo ja neniam mencias "kaj" kiam iu areo konsistas el du principaj subareoj; ekzemple: Kuantan Singingi (reĝenco kiu havas du grandaj riverojn fluas trae: rivero Kuantan kaj rivero Singingi), kaj Parigi Moutong (reĝenco kiu konsistas el la grandaj distriktoj de Parigi kaj Moutong).

Mi elektas Bangkao ĉar la nomo Bangko estas nomo de distrikto en la provinco de Jambi (Ĝambio). --Aryabferduzi (diskuto) 14:34, 1 aŭg. 2023 (UTC)

Komento: Eble jes. Mi ne certas pri la esperantigo de «Bangka». Ĉu ekzistas fontoj, ekzemple, en indoneziaj retejoj de esperantistoj?—Super nabla🪰 23:47, 5 aŭg. 2023 (UTC)

Komento: Esperantigoj dependas de konvencio. Provincoj de Indonezio certe meritas esperantigon, sed se oni ne efektive faris tion en aliaj fontoj, Vikipedio prefere ne estu la provejo. (Kaj ĉiuokaze la esperantigo estu Bankao aŭ simile; laŭ mia kompreno, la indonezia literumo "ngk" indikas nur du konsonantojn.) Arbarulo (diskuto) 20:25, 16 aŭg. 2023 (UTC)

@Aryabferduzi: Ĉu vi scias, kiu estas la esperantigo de la nomo de la insuloj uzata far Indoneziaj esperanto-parolantoj? —Super • nabla^🪰 22:12, 15 nov. 2023 (UTC)

Ĝi indas esti diskutinda temo inter indonezianoj, eble en la nacia Esperanta kongreso. Aryabferduzi (diskuto) 10:05, 4 jan. 2024 (UTC)

Komento: En kazo de dubo prefere eĉ uzi tute indonezilingvan nomon en Esperanto, ol gaje inventi pli kaj pli esperantecajn nomojn: kun referencoj eblas ĉio, sed sen nur eblas, se ne leviĝas iu dubo. Kaj duboj jam legeblas ĉi tie. ThomasPusch (diskuto) 04:36, 29 nov. 2023 (UTC)

Kategorio:Sovetiaj militistoj de la dua mondmilito → Kategorio:Sovetiaj militistoj de la Dua Mondmilito

En eo-vikio estas multaj kategorioj kiuj anstataŭ Dua Mondmilito havas en sia titolo eraraj dua mondmilito aŭ Dua mondmilito. Mi pretas ripri la kategoriojn kaj rilatajn al ili artikolojn. VladimirPF (diskuto) 14:14, 25 okt. 2023 (UTC)

mi malsamopinias, uskegoj ne utilas

Dua mondmilito tamen ja malbonegas, kompare al Duamondmilito aŭ Dua Mondmilito 2A0D:E487:46F:E701:5C6E:4112:615A:6E8C 15:16, 25 okt. 2023 (UTC)

> uskego
mi ne konas la vorton. Kaj miaj vortaroj ne konas. VladimirPF (diskuto) 16:58, 25 okt. 2023 (UTC)

trovis... VladimirPF (diskuto) 17:00, 25 okt. 2023 (UTC)

Do, ĉar ne aperis kontraŭoj mi fermas la diskuton kaj plu aktive alinomigas kategoriojn rilatajn al Dua kaj Unua Mondmilitoj. Nun mi aktivas en kategorioj de la Dua Mundmilito. Somtempe mi preparas alinomigon en temoj ligitaj kun la Unua Mondmilito. Plue, se aperos demando, bv sinturni al mia PD (persona diskutejo). VladimirPF (diskuto) 06:17, 10 nov. 2023 (UTC)

Komento: Kial Dua Mondmilito estas pli bona ol Dua mondmilito? Laŭ mi Dua mondmilito estas ĝuste. --LiMr (diskuto) 08:28, 15 nov. 2023 (UTC)

Kredita Unio → Kredita unio → Kooperativa banko

Kredita Unio → Kredita unio: Ĉar nun ekzistanta titolo rompas VP:TA: ĝi ne estas propra nomo kaj ne estas akronimo. VladimirPF (diskuto) 11:33, 2 nov. 2023 (UTC)

Komento: Karaj, temas pri tre grava tipo de (plejparte neprofitcelaj, kolektive posedataj de la membroj) financaj institucioj (kaj pli demokratieca kompare kun komercaj/akciaj bankoj), por kiu mi dum pluraj jardekoj aŭdis (kaj mem uzas) la nomon kooperativa banko. La vorto "unio" puŝas la nomon tro for de ĝia vera natura senco, kaj en multaj lingvoj aperas la vorto "kooperativa". Cetere, ne estas malfacile lingve korekti tiun ĉi tekston, kiam ĝi havos akcepteblan nomon. Amike, -Filozofo (diskuto) 15:52, 2 nov. 2023 (UTC)

Komento: mi rekomendas esplori titolojn de samtemaj artikoloj en diversaj vikioj: [2] VladimirPF (diskuto) 07:17, 3

Komento: Multaj lingvoj enhavas en la titolo indikon, ke temas pri kooperativa institucio aŭ financa (plejparte kredita) kooperativo: rusa, belorusa, hispana, indonezia, itala, kataluna, portugala, rumana.

Aliflanke, la karakterizo "kredita" por tiuj institucioj (kvankam tradicia en multaj lingvoj) estas tro malvasta: ekzemple, en Usono, tiaj institucioj havas la saman gamon da servoj kiel ordinaraj profitcelaj bankoj; la sola diferenco estas, ke ili ne estas profitcelaj, kaj formale funkcias kiel kooperativoj (t.e. ili estas kolektiva posedaĵo de siaj membroj) kaj estas neprofitcelaj, t.e. la profito de kooperativaj bankoj re-investiĝas aŭ distribuiĝas inter la membroj, sed ne iras kiel dividendo al akciuloj. Do, "kredita kooperativo" estus tro limiga (kaj tial misgvida) termino, sed Kooperativa banko ŝajnas al mi adekvata: eĉ se evidentiĝos, ke en iuj landoj tiaj institucioj rajtas okupiĝi nur pri kreditaj servoj, tio estus en ordo, ĉar ja ekzistas ankaŭ profitcelaj bankoj, kiuj okupiĝas (aŭ okupiĝis) nur (aŭ precipe) pri kreditoj. Amike, -Filozofo (diskuto) 20:56, 3 nov. 2023 (UTC)

kontraŭ kooperativa banko: Mi vidas la vorton "kredito" en pli-malpli ĉiuj el la diverslingvaj nomoj, foje en formo "kredita unio" (supozeble pro modelo de la angla lingvo), kaj ofte ankaŭ en formo "kredita kooperativo". Interesas ke ĉiuj artikoloj tiom substrekas ke la iniciato fontis en Germanlingvio (ankaŭ ol ŝtato Germanio formale estis), sed ke ĝuste germana artikolo pri la temo mankas. Tamen, vikidatumoj kaj ĉiuj tiaj bankoj en nuna Germanio konsentas ke tiulingve la nomo estas Kreditgenossenschaft, do ankaŭ "kredita kooperativo". Tial, malgraŭ ke la formo "kredita kooperativo" laŭ Filozofo "estus tro limiga", ĝi ŝajnas al mi esti la sole pravigebla alternativo al la ankoraŭ pli strangaj vortoj "kredita unio" aŭ "kredita unuiĝo" - kvankam, se pli da lingvoj kiuj vere havas tiajn bankojn (en Esperantujo, klare, eĉ ne estas unu) oficiale uzus nomon kooperativa banko kaj oni povus konvinki pliajn vikipediajn lingvoversiojn adapti la titolon, tiam ĝi estus bela nomo. ThomasPusch (diskuto) 03:51, 29 nov. 2023 (UTC)

Komento: Mi voĉdonus por "kredita kooperativo", se tio estus la temo de voĉdono. Aidas (diskuto) 21:40, 3 dec. 2023 (UTC)

Kvankam mi jam voĉdonis la 29-an de novembro, nur sen grafike klara verda pilko: mi substrekas ke mi estas Por: ŝanĝo al "kredita kooperativo", kiu estas pli koresponda al pluraj alilingvaj titoloj kaj laŭ mi bona kompromiso inter la angleca Kredita unio kaj bela, sed eble meminventita vorto Kooperativa banko. ThomasPusch (diskuto) 22:05, 7 dec. 2023 (UTC)

Kaj do? Ĉu signifas ke kiam mankas konsento nenio ŝanĝiĝas kaj restas la titolo "kredita unio", kiun ĉiu kiu kundiskutis malplej ŝatas? Aidas (diskuto) 19:20, 19 dec. 2023 (UTC)

Oficistoj 2023 12 10

Mi hazarde trovis:

• Kategorio:Oficiuloj de Unuiĝintaj Nacioj
• Kategorio:Oficiuloj de Ĝenerala Asembleo de Unuiĝintaj Nacioj

Tio kompreneble estu Oficistoj (aŭ eble Oficuloj). Ne ekzistas ia vorto "oficiulo". Moldur (diskuto) 19:50, 10 dec. 2023 (UTC)

Kaj plue mi nun trovas ke multaj artikoloj enhavas la fuŝaĵojn "oficiis" (anstataŭ "oficis") kaj "oficia" (anstataŭ "oficiala") k.s. Tio estas nepre korektenda. Iu radiko "ofici-" ja ne ekzistas. (En malmultaj okazoj aperas ne-esperanta, alilingva vorto "oficio" - tio ja restu.) - Moldur (diskuto) 21:17, 10 dec. 2023 (UTC)

Notu ankaŭ la artikolon Ofico. Tie la vorto havas la ĝustan formon, sed malĝustan signifon - la artikolo priskribas pli "metion" ol "oficon" (eble pro iu hispanismo?). - Moldur (diskuto) 21:17, 10 dec. 2023 (UTC)

Por: forigo de malĝusta vortradiko "ofici'" el ĉiuj vortoj pseŭdo-esperantaj, kaj nur lasi vorton "oficio" ofˈiθjo ekz. en "oficio de gente humilde" kiam klare temas pri citaĵo el alia lingvo - mi ĝis nun trovis ĝin ĉi tie nur en hispana formo. Do klare ankaŭ Por: ĝustigo en la du kategorioj de la vortoj "oficiuloj" al "oficistoj" (aŭ "oficialuloj"???). Mi suspektas ke mi en vivaj konversacioj foje aŭdis la vorton "oficiuloj" kaj pensis ke mi simple nebone aŭdis duonglutitan mezan silabon de vorto "oficialuloj". Sed mi konfesas ke mi neniam hazarde renkontis vikipediajn tekstojn kiuj enhavas la fuŝaĵojn "oficiis" (anstataŭ "oficis") kaj "oficia" (anstataŭ "oficiala") - tio nur kiel pruvo ke ankaŭ post multaj jaroj en Vikipedio neniu ajn povas esti leginta ĉiujn 350 000 paĝojn, eĉ supozeble ne dekonon, negrave ĉu oni difiniĝas administranto aŭ simpla leganto kiu simple intereseiĝas pri senescepte ĉiu temo. Same por adapto: Kaj ankaŭ pri la atentigo pri la artikolo Ofico Moldur pravas: pri tiu paĝo eble la origina aŭtoro Kani povas trovi elturniĝon... ThomasPusch (diskuto) 20:36, 11 dec. 2023 (UTC)

Alia eblo estas uzi la vorton Funkciuloj, kiu trafe grupigas la koncernajn personojn laŭ la funkcia rolo. Amike, -Filozofo (diskuto) 00:19, 12 dec. 2023 (UTC)

Vere, "funkciulo" kaj "oficialulo" en priskribo de koncernaj personoj estas sinonimoj. Mi trovis la "pseŭdovortradikon" ofici'+esperanta finaĵo aparte en multaj paĝoj pri vortumo de retejoj "Oficia paĝo de la Eŭrovido-Kantokonkurso...". Tie sendube temas pri oficiala paĝo, ne pri funkcia aŭ funkciula paĝo (ke publike prezentata retejo funkcias, estas la memkomprenebla stato). Tial probable plej simplas ĉie aldoni la mankantan silabon "al" el la "tajperaroj" kie ĝi mankas, kiel en vortumo de retejoj "Oficiala paĝo de la Eŭrovido-Kantokonkurso...". Kaj mi tre esperas, se ĝi estas sen tajperaro en ĉiuj paĝoj pri kantokonkursoj, ke tiam poste novoluj sen bona lingvokono ne plu kopias la eraran, sed la ĝustan formon al novaj artikoloj. ThomasPusch (diskuto) 09:01, 12 dec. 2023 (UTC)

Boĵe moj. Vere bona trovo de Moldur, la fuŝaj uzoj de multaj vortoradiktoj "oficial'" kun forgesita silabo!! Kompreneble Por: forigo de la priplorindaj tajperaroj. Aidas (diskuto) 09:46, 12 dec. 2023 (UTC)

Luganska provinco → Luhanska provinco 2023 12 19

Luganska provinco estas certa rusismo, kaj la titolo estas taŭga por artikolo Luganska oblasto - regiono de Sovata Unio. Por regiono de Ukrainio pli taŭga estas titolo Luhanska provinco, des pli, estas altnivela fonto "Granda Esperanta-ukraina vortaro", kie estas uzata formo "Luhanska".
@ThomasPusch kolego, vi en 2014 jaro eldiris opinion pri la tmo: kion vi povas diri nun? VladimirPF (diskuto) 12:26, 19 dec. 2023 (UTC)

Kiam mi kreis la tekstojn pri provincoj de Ukrainio en 2006, mia kvalifiko krom koni Esperanton estis bone koni la mezepokan historion de Litovio, kiu tiam etentiĝis ĝis pli-malpli Odeso kaj la bordo de la nigra maro. Mi konsciis pri tio ke ĉie en Ukrainio oni malplimulte ankaŭ parolas la rusan, kaj ke necesas konsideri ambaŭ lingvojn, se ie historie estis pli granda juda aŭ pola urbanaro ankaŭ la hebrean/jidan kaj polan, loke en Krimeo la krime-tartaran, kaj estis tiom naiva ke mi kreis la tekston per la nomo "Luganska". Nur post preskaŭ jaro al mi klaris, ke la litero г nur en la rusa latinliteriĝas per "g", sed ukraine per "h", kaj ĝustigis mian eraron, movante la paĝon al formo "Luhanska". Kiam en 2014 fortiĝis la lukto inter Rusio kaj Ukrainio pri la regiono, kaj Kani renomis la titolon al la formo "Luganska", mi ne entuziasmis kaj ne konsentis pri tio, ĉar laŭ la tiutempa situacio la regiono de 1990 kaj 2014 klare estis integra parto de Ukrainio kaj la nomo devus resti "Luhanska", almenaŭ ĝis UN kaj la plejparto de ŝtataj registaroj agnoskas transdonon de granda parto de orienta Ukrainio al Rusio aŭ plene agnoskas nova(j)n respubliko(j)n tie. Sed mi ne volis enmiksiĝi en la naciismajn kaj geopolitikajn kverelojn kaj ne dispute luktis por mia starpunkto, despli ke mi ne havis skribajn referencojn. Tamen mi daŭre konvinkiĝas ke la teritorio daŭre de la plej multaj ŝtatoj kaj interŝtataj instancoj konsideriĝas parto de Ukrainio, kaj daŭre pensas ke ĝi devus havi formon "Luhanska" en la titolo, kaj la alternativan formon "Luganska" kun klarigo aldone en la unua frazo. Se iu vikipediisto havas la Grandan EO-UA-vortaron (el la propono mi konjektas ke VladimirPF havas ĝin), mi petas pri simpla indiko, en kiu paĝo (en la eldono de 2010, ĉu?) estas la e-a vorto "Luhansko" en tiu vortaro, tiam kun tiu konvinka referenco la nomigo al "Luhanska provinco" ne estus problemo. Krome mi ĵus jam alŝutis al ni kovrilpaĝon de la vortaro, provizore por la tekstoj Esperanto en Ukrainio kaj Listo de Esperanto-vortaroj: mi scias ke en la ukraina vikipedio estas solida artikolo pri la vortaro - indus ke ankaŭ ni kreu tian vortaron, kun modela helpo de la ukraina teksto. Do, kun la referenco de la granda vortaro mi estas Por: nomigo Luhanska provinco. ThomasPusch (diskuto) 15:32, 19 dec. 2023 (UTC)

Se troveblas aktuala vortara referenco, Por: Luhanska provinco. Aidas (diskuto) 18:33, 19 dec. 2023 (UTC)

Ve, mi ne havas la vortaron. Tamen mi penas serĉi posedanton de la vortaro. Mi jam demandis kelkajn ukriniajn esperantistojn, sed ili ne interesiĝas pri vortaroj. Mi daŭre serĉas. Bedaŭrinde mia amiko, kiu certe povus solvi la problemon, nun militas, lia familio estas evakuita el Ukrainio. Sed mi ne lasas miajn penojn. VladimirPF (diskuto) 12:48, 20 dec. 2023 (UTC)

Bone, tiam la temo ankoraŭ iom pendos. Iu devos havi la vortaron. Ne povas esti ke senescepte ĉiuj ekzempleroj detruiĝis en la bombado. ThomasPusch (diskuto) 22:37, 22 dec. 2023 (UTC)

Ĉu vere daŭre neniu vikipediisto havas aliron al la Granda Esperanta-ukraina vortaro de V. Pacjurko? 😐 Aidas (diskuto) 11:48, 22 jan. 2024 (UTC)

Mi ne sukcesis trovi la posedantojn. VladimirPF (diskuto) 12:31, 22 jan. 2024 (UTC)

Do, mi trovis la vortaron. Jen kio estas pri la temo:
Luhansk||o геогр. н., м. Луганськ (Україна); (l)~a луганський; (l)~an/o луганець, луганчанин, мешканець / житель Луганська.
Kaj aparte:
Luhansk/o provincocentro en la orienta parto de Ukrainio (48˚34’N, 39˚20’E). VladimirPF (diskuto) 19:57, 2 feb. 2024 (UTC)

(mi faris ŝablonon por la vortaro: Ŝablono:Libroj:Granda Esperanta-ukraina vortaro de Pacjurko - bv uzi laŭ via plaĉo VladimirPF (diskuto) 14:45, 3 feb. 2024 (UTC)

 Farite kun tri poraj voĉdonoj, post kiam estas la bezonata referenco ThomasPusch (diskuto) 23:00, 2 mar. 2024 (UTC) [arkiviginda post proksimume semajno]

Super-Tero → Supertero 2023 12 28

1. laŭ NPIV Super estas:

“

III - Pref. esprimanta: 1 Fizikan plialtecon, ⁓an pozicion aŭ rolon: ⁓elstari, ⁓pendi, ⁓signo; la urbon ⁓staras monteto; ⁓intendanto; li portas rozokoloran ⁓veston Z; ⁓tuto.

”

2. uzado de Tero signifas ian konkretan Teron, sed supertero estas astronomia termino, kiu signifas klason de astroj: firmaj planedoj rimarkeble pli grandaj ol la Tero. VladimirPF (diskuto) 10:51, 28 dec. 2023 (UTC)

Komento: La vorto "Super-Tero" kiel tutaĵo celas klason de astroj, sed la elemento "Ter-" en ĝi celas nian konkretan Teron, ĉar (kiel vi klarigis), oni difinas la klason relative al ĉi tiu specifa planedo. Tio ne necesigas majusklon en "Super-Tero", sed ja pravigas ĝin. Arbarulo (diskuto) 16:43, 31 dec. 2023 (UTC)

Por: Jes, ambaŭ formoj same ĝustas, sed por akcenti ke temas pri fiksa termino Supertero, eĉ pozitivas rezigni pri dividostreko kaj majusklo meze de vorto. ThomasPusch (diskuto) 11:28, 22 jan. 2024 (UTC)

Por: Aidas (diskuto) 11:43, 22 jan. 2024 (UTC)

Ĝenerale ĉiuj kvar diskutintoj konsentas ke ambaŭ formoj ĝustas, sed almenaŭ tri el ili klare esprimis preferon de la variaĵo Supertero. La kvaran, diplomatian voĉon de Arbarulo mi komprenas kiel konfirmon de "ambaŭ formoj ĝustas", Do li ne kontraŭas iun ajn formon. Tiel fakte eblas fini la diskuton. Mi scias ke fermi diskuteton ankaŭ mi aŭ iu ajn neadministranto povas, sed pro komforto mi petus ke Thomas aŭ alia admin. fermu ĝin. Aidas (diskuto) 07:29, 3 mar. 2024 (UTC)

Bone,  Farite kun tri resp. kvar voĉoj, ŝanĝita la artikolo kaj kategorio, kaj la paĝoj kiuj estas en la katategorio. ThomasPusch (diskuto) 12:07, 3 mar. 2024 (UTC) [arkiviginda post proksimume semajno]

Aktivaj (de 2024)

Pafarmilo =→ Pafilo 2024 1 9

Mi proponas alinomi reen al la originala titolo. En 2007 oni ŝanĝis al la pli logike preciza sed praktike ne uzata pulvopafilo, kaj en 2010 denove al la nuna titolo, kiu havas avantaĝon nek laŭ logiko (ĉar la koncepto "pafi" jam entenas la ideon, ke oni faras ĝin per armilo) nek laŭ kutimo (378 trafoj por pafil- kontraŭ 20 por pafarmil- en la Tekstaro). Mi ne trovis spuron de publika diskuto pri iu el la ŝanĝoj. Arbarulo (diskuto) 14:10, 9 jan. 2024 (UTC)

Al pulvopafilo kongrue kun alilingvaj titoloj. Pafi laŭ PIV estas ĝenerala vorto, kiu utilus ankaŭ por sago, lanco, katapulto, ktp. Uzado de kemiaĵo estas referencata per radiko pulvo-. Certe pafarmilo estas ripeto, sed pafilo ne sufiĉas por tiu artikolo.--kani (diskuto) 21:24, 10 jan. 2024 (UTC)

Ankaŭ tion mi povas akcepti. Arbarulo (diskuto) 02:19, 11 jan. 2024 (UTC)

Estas (laŭ mi) afero: en NPIV estas "paf⁓ilo. Iu el la ⁓iloj funkciantaj per pulvo, ekz. revolvero, fusilo ks." Tamen nek en "revolvero", nek en "fusilo" vorto "pafarmilo" estas uzata. Samtempe, en artikolo "paf/i" estas subartikolo [paf]⁓ilo estas uzataj fusilo, karabeno, mitralo, pistolo, revolvero kaj nek unu foje pafarmilo. Laŭ mi pafarmilo estas nur aldona formo de pafilo kaj pafilo estas ĉefvorto. Mi estas por pafilo VladimirPF (diskuto) 12:18, 11 jan. 2024 (UTC)

Kontraŭ: alinomo. Por Pafarmilo. Kaj certe kontraŭ pulvopafilo. Mi ne trovas alian lingvon kiu uzus tiun terminon. Taylor 49 (diskuto) 22:15, 11 jan. 2024 (UTC)

Laŭ PIV pulvopafilo estas analogo de ruslingva w:ru:Огнестрельное оружие: laŭvorte "armilo pafanta per flamo" (tute ne similas al Flamĵetilo). En rusa lingvo esprimo "огнестрельное ружие" estas vastege uzata. Ve, mi ne spertas uzon de esperanta "pulvorpafilo" en eo-literaturo (tamen mia sperto ne estas vasta). Mi opinias, ke por temo prezentata en artikolo Pafarmilo pli taŭgas titolo "Pulvopafilo": en la artikolo temas ĝuste pri pormanaj pafiloj uzantaj pulvon. Inter "Pafarmilo" - "Armilo" - "Pulvoarmilo" mi estas por Pulvoarmilo VladimirPF (diskuto) 11:23, 12 jan. 2024 (UTC)

Ĉi tiu vikio estas en Esperanto, la artikoltemo estas jam tre ofte diskutata en Esperanto, kaj aliaj lingvoj devas ne koncerni nin. Se ni komencus paŭsi etnolingvajn terminojn, ni povus same diri "fajrarmilo" laŭ la angla kaj hispana, aŭ "fajrovazo", kiel ŝajne signifas la ĉina vorto. Sed prefere ni ne faru tion. Gravas nur tio, kiel oni logike devus nomi la aferon en Esperanto, kaj kiel veraj homoj efektive nomas ĝin en Esperanto.

Mi argumentis, ke laŭ la kriterio de logiko, pulvopafilo venkas, ĉar tio estas la difino de la koncepto: ilo por pafi per pulvo; kaj ke laŭ la kriterio de efektiva uzo, pafilo venkas, kiel oni facile povas konstati ĉe tekstaro.com. @Taylor 49, ĉu vi malkonsentas pri tiuj du asertoj? @VladimirPF, evidente ni konsentas pri la ĉefaj aferoj - mi nur atentigas, ke vi konfuziĝis aŭ tajperaris pri pulvo, polvo, kaj pulvoro - tio estas facila, sed povas malklarigi la diskuton. Arbarulo (diskuto) 15:04, 12 jan. 2024 (UTC)

Komento: Kontraŭ "pulvopafilo" ĉar nuntempe oni plej ofte ne plu uzas pulvon (KNO₃ + C + S). Ĉu "pulvosuĉilo"? Por "pafarmilo" ĉar tiu termino plej precize priskribas la umaĉon: armilo kies detrua metodo estas pafado. Taylor 49 (diskuto) 21:27, 12 jan. 2024 (UTC)

Mi supozis, ke ankaŭ la pli novaj substancoj nomiĝas "pulvo". Se mi malpravis pri tio, tiam "pulvopafilo" ne tute taŭgas. Sed ĉu vi rimarkis iun avantaĝon de "pafarmilo" kontraŭ "pafilo"? Arbarulo (diskuto) 22:49, 12 jan. 2024 (UTC)

La afikso "-il-" estas iomete akstrakta ("aliĝilo", "permesilo", ...). La vorto pafarmilo emfazas la fakton ke temas ĉefe pri armilo, sen esti tro longa aŭ tro komplika. Oni ne klopodu venki kontraŭ la angla trilitera vorto "gun". ;-) Taylor 49 (diskuto) 23:04, 12 jan. 2024 (UTC)

Eble do vi kutimiĝis al unu speciala uzo de -il-. La koncerna ĉapitro de PMEG [3] ne subtenas vian aserton, sed konfirmas mian antaŭan komprenon, ke la prototipa senco de -il- estas "instrumento, kiun oni povas uzi permane". Kaj ĝi aparte rimarkigas, ke "armilo" estas kontraŭlogika vorto. Arbarulo (diskuto) 01:17, 13 jan. 2024 (UTC)

Vi pravas: mi preseraras. Certe mi temas pri pulvopafilo VladimirPF (diskuto) 08:31, 13 jan. 2024 (UTC)

Mi kalkulas tri por pulvopafilo, po unu por aliaj ebloj, ĉu vere?--kani (diskuto) 02:21, 13 jan. 2024 (UTC)

Mi nombras tri (apenaŭ) por "pulvopafilo", du por "pafilo", unu por "pafarmilo", kalkulante min kaj VladimirPF kaj al "pulvopafilo" kaj al "pafilo". Mi diras "apenaŭ" ĉar mi sentus min pli kontenta, se iu povus konfirmi, ĉu la modernaj eksplodkemiaĵoj ankoraŭ nomiĝas "pulvo". Sed verŝajne neniu esperantisto okupiĝis pri tio. Se nenies opinio ŝanĝiĝos baldaŭ, mi pensas, ke la diskuto sufiĉas por alinomado al Pulvopafilo. Arbarulo (diskuto) 13:03, 13 jan. 2024 (UTC)

+1 VladimirPF (diskuto) 20:16, 13 jan. 2024 (UTC)

Ne voĉdonu plurfoje. La termimno "pulvopafilo" estas plej la konfuzema. Ĉu ankaŭ en:Air gun estu "pulvopafilo"? Taylor 49 (diskuto) 22:40, 14 jan. 2024 (UTC)

Ni ne voĉdonas, sed serĉas interkonsenton. Tial estas tre utile, ke oni informu pri ĉiuj alternativoj, kiujn oni rigardas kiel akcepteblajn kompromisojn. Kaj la nuna artikolo ne temas pri tiaj "aerpafiloj", do bonvolu aŭ ne tiri ilin en la disputon, aŭ argumenti, kial konvenas pliampleksigi la temon de la artikolo.

Krome memoru, ke eĉ se vi konvinkos nin ŝanĝi la temon al io, por kio "pulvopafilo" ne estas logika nomo, vi ankoraŭ devos respondi al miaj ĉi-ripetataj argumentoj: "Pafarmilo" havas laŭ logiko precize la saman signifon kiel "pafilo", sed 1) enhavas tute superfluan vortelementon "arm-" kaj 2) estas multe malpli uzata en la reala mondo. Arbarulo (diskuto) 16:16, 15 jan. 2024 (UTC)

"aerpafilo" estas subspeco de "pafilo" AKK "pafarmilo". Pro tio la paĝo nomiĝu "pafilo" aŭ "pafarmilo", sed preferinde ne "pulvopafilo", ĉar "aerpafilo" evidente NE estas subspeco de "pulvopafilo". Krom tio mi iel dubas ke nunaj militaj kaj murdistaj pafarmiloj (pri kiuj la artikolo temas) uzas pulvon. La vorto "pulvopafilo" enhavas tute superfluan kaj konfuzeman vortelementon "pulvo-". Eĉ pli grave, la vorto "pulvopafilo" havas NUL trafojn en la tekstaro. Taylor 49 (diskuto) 21:54, 18 jan. 2024 (UTC)

Rilate "aerpafilojn", mi pensas ke vi ankoraŭ ne komprenas la situacion. La nuna artikolo ne inkludas ilin. Tial la fakto, ke logike oni devus nomi ilin pafiloj estas argumento kontraŭ "Paf(arm)ilo" kiel titolo. Ĝuste tial Kani argumentis por "pulvopafilo" - ĉar "paf(arm)ilo" logike inkludus ne nur aerpafilojn sed eĉ katapultojn kaj pafarkojn. Mi taksas viajn aliajn argumentojn pli validaj kaj komentos pri ili sube. Arbarulo (diskuto) 16:39, 19 jan. 2024 (UTC)

El la lastaj komentoj de Taylor 49 mi finfine komprenas pli-malpli kio estas ria starpunkto. Do mi provas resumi la staton de la diskuto, laŭ mia kompreno, kaj alvokas al ankoraŭ iom pli.

Mi argumentas por "pafilo" ĉar tio estas ege la plej ofta vorto por la koncepto en normala Esperanto. "Pulvopafilo", kaj "pafilo" en sia logika, pli vasta senco, neniam estis efektive uzataj, sed fontas el la esperemaj deziroj de vortaristoj. Mi koncedas ke "pulvopafilo" estas pli logika, sed opinias ke en enciklopedio kutimo devas esti la decida kriterio. Tial mi preferas 1) "pafilo", ĉar ĝi venkas laŭ la pli grava kriterio; 2) "pulvopafilo", ĉar ĝi venkas laŭ la malpli grava kriterio, kaj tute ne akceptas "pafarmilo" ĉar ĝi malvenkas laŭ kutimo kontraŭ "pafilo" kaj laŭ logiko kontraŭ ambaŭ alternativoj.

Mi pensas, ke VladimirPF opinias simile al mi.

Kani ne disputis pri la faktoj, sed ŝajne opinias, ke logiko devas esti la prioritata kriterio kaj tial akceptas nur "pulvopafilo".

Taylor 49, inter aliaj argumentoj kiuj al mi ŝajnas fonti el miskomprenoj, faras validan argumenton kontraŭ "pulvopafilo" laŭ la logika kriterio - la eksplodaĵo uzata en modernaj pafiloj ne estas pulvo laŭ ties vortara difino - kaj aliĝas al mia opinio, ke la efektiva uzado de Esperanto-parolantoj (kiuj diras kaj skribas preskaŭ ĉiam "pafilo", foje "pafarmilo", neniam "pulvopafilo") devas esti la decida kriterio.

Mi mem ne estas konvinkita de tiu logika argumento, kvankam, kiel dirite, mi taksas ĝin valida. Mi respondas al ĝi jene: Mi trovas neniun indikon, kiel nomi la modernajn pafeksplodaĵojn. Verŝajne esperantistoj (eĉ PIV-redaktintoj) plejparte ne rimarkis, ke la teknologio evoluis - en esperantaj eventoj oni ja kutime ne instruas, kiel fabriki armilojn! En tiu situacio oni havas du elektojn: konservi la vortaran difinon de pulvo, kiu baziĝas sur ĝia materiala konsisto, kaj elpensi iun neologismon por la novaj eksplodaĵoj; aŭ plivastigi la difinon laŭ funkcia kriterio, t. e. ion kiel "pulvo = eksplodema kemiaĵo, uzebla por peli la pafaĵon de pafilo", kaj eviti la bezonon de neologismo.

Mi pensas, ke la dua elekto estas pli taŭga, des pli ĉar la tradicia pulvo estas miksaĵo, ne kemia substanco, kaj verŝajne ne havas ian gravon por pura scienco, do neniam estus nomita aŭ eĉ kreita se ĝi ne havus funkcion en milita teknologio. Laŭ tiu difino modernaj pafiloj ankoraŭ estas pulvopafiloj. Do esence, kvankam nun pli hezite, mi plu agnoskas "pulvopafilo" kiel la plej logikan alternativon, kaj bazas mian preferon por "pafilo" tute sur la kriterio de kutimo. Se oni male elektus kompreni "pulvo" laŭvorte laŭ la vortara difino, tio ankoraŭ ne pravigus "paf(arm)ilo" laŭ pure logika kriterio, pro la problemoj jam menciitaj de Kani. La solaj logike pravigeblaj alternativoj estus novaj vortoj kiel ekzemple *eksplodopafilo, kiujn eĉ vortaroj ne kuraĝas proponi.

Do mi petas al aliaj deklari, ĉu mi ĝuste resumis vian opinion, kaj ĉu vi ankoraŭ opinias same aŭ ĉu, vidinte la aferon priskribita tiel, vi volas cedi pri io. Arbarulo (diskuto) 16:39, 19 jan. 2024 (UTC)

Bona resumo. Miaj preferoj: "pafarmilo" (plej bona) → "pafilo" aŭ "fajropafilo" → "pulvopafilo" (tre malbona). Por eviti inkludon de katapultoj kaj pafarkoj, oni povus diri "fajropafilo". Tio ne inkluzivigas "aerpafilojn", sen inkluzivigas la pli novajn eksplodaĵojn. aldonis sen subskribo Taylor 49 18:54, 19 jan. 2024 (UTC)

Cetere, kvankam vi nun klarigis vian sintenon al "pulvopafilo", vi ankoraŭ faris neniun argumenton, kial preferi "pafarmilo" al "pafilo", krom via aserto pri -il-. Kaj tiu aserto nek estas prava, kiel mi montris, nek rilatas al la demando, ĉar ankaŭ "pafarmilo" enhavas -il-. Arbarulo (diskuto) 13:37, 21 jan. 2024 (UTC)

Mi konsentus kun NPIV, ke paf⁓ilo estas "iu el la ⁓iloj funkciantaj per pulvo, ekz. revolvero, fusilo ks.", aŭ en PIV 2020 "striktasence ĉia ilo, por pafi per eksplodo de pulvo". Tial la vorto "pafarmilo" (pafilopafilo) tre strangas, kaj aspektas tre neuzata vorto, sed "pulvopafilo" aŭ "fajropafilo" same ŝajnas ne-necese komplikaj, same "tre neuzataj vortoj", kaj same rezultas en pafilopafilo. Kvankam la francaj vikpedianoj decidiĝis por "arme à feu", la germanaj por "Feuerwaffe" kaj la anglaj vikpedianoj por "firearm", la tradukoj de tiuj terminoj ne estus "fajropafilo", sed simple "fajroarmilo", sed la esperanta kaj PIV-a termino "pafilo" multe pli elegantas kaj praktike uzatas ol nun reklami ekuzon de ĝis nun tute neuzata vorto "fajroarmilo". Do la vorto pafilo ankaŭ inkluzivus kanonojn de antaŭ 200 jaroj, kiuj eksendis metalajn kugloj per pulvo, sed ne inkluzivus arkojn kaj ankaŭ ne tion kion oni ĉi tie nomis "aerpafiloj" d:Q193427, ankoraŭ sen e-lingva artikolo - tiujn atakilojn oni povus simple nomi "aerarmiloj", evitante la terminon "pafiloj". Do Por: Pafarmilo =→ Pafilo, kiel estis la origina propono. ThomasPusch (diskuto) 10:28, 22 jan. 2024 (UTC)

Cetere la vorto fusilo ĉe ni nun klarigatas kiel "pulva aŭ pneŭmata armilo kun longa tubo"... "pneŭmata armilo" estas deca alternativo al tio kion ni nun provizore nomis "aerarmilo". ThomasPusch (diskuto) 11:19, 22 jan. 2024 (UTC)

Por: simpla kaj laŭ mia sento lingve praktike plej uzata vorto "pafilo", sen aldonaĵoj. Aidas (diskuto) 11:42, 22 jan. 2024 (UTC)

Por: Ni uzu la simplan kaj kutiman vorton "pafilo". Robin van der Vliet (diskuto) (kontribuoj) 23:57, 2 feb. 2024 (UTC)

Nun, kvankam komence ne estis tiel klare, ni havas sufiĉe bonan interkonsenton alinomi reen al "pafilo" kaj ĝi estas efektivigenda. Nur administranto rajtas fari ĝin pro la alidirektilo postlasita ĉe "Pafilo" de la unua senkonsenta alinomado. Arbarulo (diskuto) 19:26, 5 feb. 2024 (UTC)

En "Armea Terminaro" (Internacia E-Ligo, 1940) Pafarmilo mankas. Estas ĉapitro "Armiloj" kun mencio pri diversaj pulvopafiloj (eĉ kun skemoj), tamen "Pafarmilo" mankas. VladimirPF (diskuto) 14:38, 6 feb. 2024 (UTC)

En kvarlingva "Militista vortareto" (UEA, 1955) Pafarmilo mankas. Tamen tiу mankas angla "Firearm". VladimirPF (diskuto) 14:49, 6 feb. 2024 (UTC)

En "Esperanto - la agresora lingvo" (US-Armeo, 1962) Pafarmilo mankas. VladimirPF (diskuto) 14:50, 6 feb. 2024 (UTC)

En "Milita Vortaro - de Barkituro" Pafarmilo mankas. VladimirPF (diskuto) 14:53, 6 feb. 2024 (UTC)

Estas bona kompromiso, sed mi, kiu dum la pasintaj vikipediaj minutoj finis iujn kaj arkivigis aliajn diskutojn, nun ne havas plian sekundon por vere enkestigi tiun temon. Se iu alia administranto faros tion, despli bone, alikaze mi revenos kaj finos la temon post maksimume semajno. ThomasPusch (diskuto) 13:05, 3 mar. 2024 (UTC)

Milito en Sud-Osetio (2008) → Ruse-kartvela milito → Osete-kartvela milito

Milito okazis ne nur en Chinvala regiono. Ankaŭ necesas neutraliĝi la artikolon.--Fenikals (diskuto) 12:42, 10 jan. 2024 (UTC)

Por: gravas ne loko, sed uzado en fontoj: en fontoj oni vaste uzas ĝuste Rusio-Kartvelia milito. VladimirPF (diskuto) 13:37, 10 jan. 2024 (UTC)

Komento: Se oni ŝanĝos la nomon, la nova certe devos esti Rus-kartvela milito (aŭ Ruso-kartvela milito). "Ruse-" estas kontraŭgramatika, ĉar la kunmeto deriviĝas ne de "ruse kartvela" sed de "rusoj kaj kartveloj". "Rusio-" ne konformas al la kutima maniero nomi militojn, kvankam ĝi eble havas logikan avantaĝon. Arbarulo (diskuto) 23:43, 10 jan. 2024 (UTC)

Komento: La proponitaj variantoj (Ruse-kartvela milito / Osete-kartvela milito / Rusio-Kartvelia milito) estas lingve malĝustaj, do neakcepteblaj. Krome ili estas malĝustaj de historia vidpunkto, ĉar la militon partoprenis ne nur Rusio kaj Kartvelio, sed ankaŭ (kaj en la unua tago — sole) trupoj de Sud-Osetio kaj Abĥazio. Kartvela invado celis precipe lokajn trupojn, atako kontraŭ rusiaj pactrupoj estis flanka afero celinta malebligi ilin defendi la lokanojn. La argumento "gravas ne loko, sed uzado en fontoj" ankaŭ estas malforta. Nomi militojn laŭ lokoj estas parto de la tutmonda historiografia tradicio. La Iraka milito kaj la Vjetnama milito nomiĝas ĝuste tiel, ne Usona-Iraka kaj Usona-Vjetnama milito. Referenci al la uzado en fontoj apenaŭ havas sencon, ĉar Esperanto-fontoj pri tiu ĉi milito ege malmultas kaj plejparte sekvas nacilingvan tradicion plej proksiman al ilia aŭtoro — kaj en multaj vikioj la milito estas nomita same kiel en la nia, do milito en Sud-Osetio (2008).

Tamen mi konsentas ke la nuna formo estas iom malĝusta, ĉar la batalado okazis ne nur en Sud-Osetio, sed ankaŭ en Abĥazio kaj parte eĉ eksyter ambaŭ separismaj respublikoj. Eble pli bona varianto estus Kartvela milito (2008), ĉar plejparto de la ŝtatoj konsideras Sud-Osetion kaj Abĥazion parto de Kartvelio, do de ilia vidpunkto la milito okazis sole en Kartvelio. La avantaĝo de tiu ĉi varianto estas ke ni ne bezonos listigi en la nomo ĉiujn 4 flankojn, sed simple indikos la lokon kaj daton de la milito, sekvante la jam menciitan tradician skemon de Vjetnama milito, Iraka milito, Afgana milito ks.

Flanka rimarko al @Fenikals:. Andrej Illarionov estas rusia ekonomikisto kaj politikisto. La vorto politilogisto ne ekzistas en Esperanto, same kiel falŝe, republiko kaj aliaj elpensaĵoj kaj rusaĵoj, kiujn vi afiŝas en Vikipedio. Mi komprenas ke viaj lingvokonoj estas... perfektigendaj, sed kiel ruslingvano vi povus ne elpensi nekonatajn al vi vortojn, sed uzi almenaŭ Esperanto-rusan vortaron de Kondratjev. Ĝi estas senpaga, libere alirebla kaj enhavas ĉion kion vi bezonas, ja temas pri simplaj vortoj.RG72 (diskuto) 05:32, 11 jan. 2024 (UTC)

sume kontraŭ Mi samopinias kun RG72, ke mencii ĉiujn kvar flankojn en la titolo pli konfuzus ol klarigus, ĉar mi persone ankoraŭ ne vidis tian kvar-armean titolon en iu ajn lingvo, do la titolo malpli bone rekoneblus, despli ke la konflikto jam estas historia, okazis antaŭ 16 jaroj kaj ne estas rekta aktualaĵo. Mi konsentus kun Kartvela milito (2008), ĉar iuj lingvoj nomas ĝin tiel, sed malgraŭ la partopreno de Abĥazio en ĝi persone eĉ pli ŝatus lasi ĝin je la nuna nomo Milito en Sud-Osetio (2008) (jes ja ĝi havis fortan fokuson en Sud-Osetio), kun vikidatumara priskribo "milito en 2008 inter Rusio, Kartvelio, Abĥazio kaj Sud-Osetio" kaj kun alidirektiloj "Rusia-Kartvelia Milito" kaj plej bone ankaŭ "Rusia-Kartvelia Milito de 2008" al la teksto. Flanka rimarko: se homo plentempe laborus kiel profesoro de politika scienco en universitato, tiam jes ekzistus profesio "politikologo", sed mi tamen pensas ke por Andrej Illarionov (d:Q2846815), por kiu cetere e-lingva artikolo bonvenus, la priskribo "rusia ekonomikisto kaj politikisto" pli taŭgas. ThomasPusch (diskuto) 01:35, 22 jan. 2024 (UTC)

El-Ninjo→El Niño?→Elninjo?

La Esperantigo ŝajne estas Vikipedia elpensaĵo. Mi trovas ĝin nur unufoje en la Tekstaro, en artikolo pli nova ol nia artikolo, kaj kiu kredeble prenis la nomon el ĝi. Ankaŭ du artikoloj en la Tekstaro (ankaŭ pli novaj ol nia artikolo) uzas la hispanan terminon, unu el ili kun misliterumo El Nino. Simile faras aliaj artikoloj en EPĈ [4], Unesko-Kuriero [5] (artikolo "Peruo alfrontas pliiĝon de klimataj migrantoj"), kaj Esperanta Retradio [6] La afero jes estas sufiĉe grava kaj tutmonda por meriti Esperantigon kaj por tio mi rekomendus "Ninjo" aŭ eble "Elninjo" sen streketo. Tamen Vikipedio ne estas taŭga loko por proponi ion tian, dum ekzistantaj fontoj ŝajne preferas alian formon.

Krome, la nuna titolo estas malparalela kun niaj aliaj artikoloj El Niño Suda Oscilado kaj La Niña. Arbarulo (diskuto) 00:55, 4 feb. 2024 (UTC)

• Certe ne! En esperanta alfabeto mankas litero ñ. VladimirPF (diskuto) 09:24, 4 feb. 2024 (UTC)

Sed El Niño estas hispana nomo, ne Esperanta. Ĝuste pri tio temas, ĉu Esperantigi aŭ ne. Arbarulo (diskuto) 19:39, 4 feb. 2024 (UTC)

• Por: Alinomo El Niño Suda Oscilado → Suda Oscilado de El Ninjo Suda Oscilado de Elninjo kaj La Niña → La Ninja Laninjao. La formo "El Niño Suda Oscilado" estas rekte erara. Taylor 49 (diskuto) 17:44, 4 feb. 2024 (UTC)

Vi pravas, ke "El Niño Suda Oscilado" estas erara. Mi proponus Suda Oscilado de El Niño kiel literumite en la artikolo de Unesko-Kuriero.

Mi forte kontraŭas formon kiel "La Ninja", kiu literumus ne-Esperantan vorton per Esperanta ortografio. Se oni nepre volos Esperantigi, pli akceptindaj formoj estus "Malninjo", "Malelninjo", aŭ "Laninjo". Arbarulo (diskuto) 19:39, 4 feb. 2024 (UTC)

Mi esploris temon de marfluoj en "Meteologia Terminaro" (Maurice Lewin, UEA, 1961). En la terminaro estas menciitaj tri marfluoj: Kuroŝivo, Golfa fluo, Arkta marfluo - ĉiuj estas eperantigitaj. VladimirPF (diskuto) 15:11, 6 feb. 2024 (UTC)

Mi citis ne terminarojn, sed efektivajn tekstojn, kiuj traktas la koncernan marfluan-veteran fenomenon, ne aliajn eventuale analogajn. Cetere, mi konsentis, ke la temo en si meritas Esperantigon. Sed ne temas pri tio, kiel oni devus nomi ĝin, sed pri tio, kiel oni fakte nomas ĝin. Arbarulo (diskuto) 02:40, 7 feb. 2024 (UTC)

Komento: Mi plibonigis la esperantigon supre. Taylor 49 (diskuto) 19:06, 6 feb. 2024 (UTC)

Mi konsentas ke la novaj esperantigoj estas akceptindaj kiel esperantigoj. Do restas nur la kerna demando, ĉu esperantigi aŭ ne.

Komento: Mi speciale tralegis ambaŭ artikolojn (EPĈ kaj Unesko-Kuriero). En EPĈ vere estas uzata El Niño, sed kun tuja klarigo El Ninjo - tio signifas, ke estimata redaktoro Liu Zijia certe komprenas, ke El Niño estas ne legebla por esperantistoj. Kaj certe El Ninjo ne stas elpensaĵo de IP-ulo. Mi opinias, ke necesas krei alidirektilan paĝon El Niño gvidanta al El Ninjo. Kaj certe la lasta devas esti sen haltostreko. VladimirPF (diskuto) 08:39, 7 feb. 2024 (UTC)

Aparte mi volas rimarki, ke en EPĈ la klimata fenomeno estas menciita minimume en 5 artikoloj (1999, 2015, 2016 jj), sed vorto "El Niño" estas uzata nur en sola artikolo. VladimirPF (diskuto) 08:52, 7 feb. 2024 (UTC)

"El Ninjo" aperas unu fojon en la artikolo inter parentezoj, kaj poste ne plu. Mi supozas, ke ĝi estas proksimuma prononcindiko, kiajn ni uzas amase ankaŭ en Vikipedio (sed ne kiel titolojn de artikoloj!)

La aliajn artikolojn, kiujn vi menciis, mi ne trovis, kaj ankaŭ nun ne trovas. Ĉu vi bonvolus doni la ligilojn? Arbarulo (diskuto) 21:39, 7 feb. 2024 (UTC)

Jen rezulto de serĉo laŭ paĝaro EPĈ [7]. Gravas ne sola artikolo, kie estas uzata fremdlingva El Niño. Gravas, ke aŭtoroj plej parte evitas uzon de la esperante ne legebla vorto. VladimirPF (diskuto) 05:50, 8 feb. 2024 (UTC)

Dankon pro la ligilo. Mi vidas neniun ajn artikolon en EPĈ, kiu uzas "El Ninjo" aŭ similan formon, krom la unu jam rimarkita, kiu uzas ĝin kiel prononcindikon. Mi vidas multajn, kiuj uzas "El Nino", mi ne scias ĉu erare aŭ pro teknika malfacilo. Mi esperas ke neniu proponos tion kiel artikoltitolon. Arbarulo (diskuto) 14:48, 8 feb. 2024 (UTC)

Kaj mi vidas, ke fremdlingva formo estas evitinda de EPĈ VladimirPF (diskuto) 15:39, 8 feb. 2024 (UTC)

Ĉu "El Nino" ne estas fremdlingva, laŭ vi? Arbarulo (diskuto) 16:34, 8 feb. 2024 (UTC)

Por mi ne estas eble en esperanto-vikipedio uzi en titoloj de artikoloj vortojn, uzantajn fremdajn por Esperanto literojn. Mi ne scias kio estas pli taŭga ĉu El Ninjo ĉu el Nino, sed mi certe scias, ke El Niño estas maltaŭga. VladimirPF (diskuto) 05:42, 9 feb. 2024 (UTC)

Nun mi komprenas pri kio temas. VladimirPF, mi ne scias, ĉu vi konscias tion aŭ ne, sed konservi la ortografion de propra nomo estas preskaŭ universala praktiko tra la tuta historio de Esperanto, kiam oni uzas en Esperanta teksto nomon el alia latinalfabeta lingvo, kaj foje ankaŭ ĉe nomoj el lingvo, kiu normale ne uzas la latinan alfabeton sed havas difinitan normon de latinigo. Estas tre malfacile enkonduki reformon pri tia afero, des pli en tiel nature konservema kunteksto kiel enciklopedio, eĉ se la ideo estas bona (kaj laŭ mia opinio, ĉi tiu ideo ne estas bona).

Mi konsilas, ke vi konatiĝu kun la kutima praktiko, se vi ne jam faris tion, ekzemple per lego de ĉi tiu ĉapitro de PMEG: [8]. Kaj se vi volas plu debati pri via principo, kiun ĉi tie oni jam unu fojon klare malaprobis, mi konsilas prefere uzi alian forumon ol Alinomendaj Artikoloj. Arbarulo (diskuto) 20:36, 9 feb. 2024 (UTC)

Certe estas bone, ke leganto sciu prononci nomon. Do ĉiam estas bone, ke oni enmetu prononcindikon, se oni mem scias kiel prononci ĝin, kiel ekzemple ĉe Bad Herrenalb. Arbarulo (diskuto) 22:00, 9 feb. 2024 (UTC)

Ankoraŭ nur du homoj komentis la proponon, ambaŭ kontraŭe. Unu volas lasi la terminon gramatike hispana kaj Esperantigi nur la prononcon kaj ortografion, laŭ propra principo malakceptata de Esperantistoj ĝenerale kaj kiun ankaŭ ni jam malakceptis en antaŭa diskuto. La alia volas vere Esperantigi. Tiu ankoraŭ ne skribis rezonojn por sia prefero, sed neniu baza principo malpermesas ĝin.

Mi esperas, ke ankoraŭ pli da homoj povos esprimi sian opinion. Sed se ili ne faros tion, aŭ montriĝos malpli favoraj al la propono ol mi nun supozas, mi povas akcepti Elninjo kiel Esperantigon. Arbarulo (diskuto) 18:10, 10 feb. 2024 (UTC)

Por: uzo de la originaj hispanaj nomoj kaj Kontraŭ: iuj pli-malpli meminventitaj esperantigoj kiel "El-Ninjo", "La-Ninjao", "Elninjo" kaj "Laninjao". Baze tamen temas pri tio, ĉu la temo sufiĉe centras en la esperanta literaturo kaj gazetaro, ke postulendas nova esperantigo. PIV kaj ĉiuj aliaj vortaroj kiujn mi havas ĝis nun ne konsideras la temon sufiĉe grava por ke ĝi menciiĝu, kaj mi konsentus kun tio. Mi persone tuj komprenas kio estas El Niño kaj La Niña, kaj mi ekster konteksto tute ne komprenus kio estus "Elninjo" kaj "Laninjao", do mi rigardus en PIV aŭ alian vortaron kaj tie ne trovus respondon. Precipe tuj videblas ke El Niño kaj La Niña estas fremdaj vortoj, kiuj nur hazarde finiĝas per -o kaj -a, kaj neniam venus al ideo pensi ke temus pri esperantaj substantivo aŭ adjektivo. Pro tio mi eĉ dankemas pro la fremdeca litero "ñ", kiu tre supozigas ke probable temas pri hispana vorto. Mi konscias pri tio ke la vorto golfa fluo, kiu ne devenas el nur unu lingvo sed en pluraj naciaj lingvoj havas malsamajn formojn, en Esperanto havas esperantan nomon kaj ankaŭ ne menciiĝas en PIV (tamen la unuopaj vortoj "golfa" kaj "fluo" jes troveblas tie), sed El Niño kaj La Niña klare devenas el unu nacia lingvo, kaj ne nur en aliaj latinliteraj lingvoj, ankaŭ en nia gazetara uzo ofte uziĝas en tiu formo. Arabarulo tre pravas, ke "konservi la ortografion de propra nomo estas preskaŭ universala praktiko tra la tuta historio de Esperanto", krom en kelkaj escepte ofte uzataj loknomoj kiel Parizo (kio en la unuaj du jardekoj de Esperanto ankaŭ nomiĝis Paris en esperantaj tekstoj): tiuj esperantigoj listiĝas en ĉiuj grandaj Esperanto-vortaroj, sed mi (kaj PIV kaj ĉiuj aliaj Esperanto-vortaroj en mia bretaro) ne konsideras El Niño kaj La Niña same centraj vortoj en la esperanta literaturo kaj gazetaro kiom Parizo, Moskvo, Rigo aŭ Milano. ThomasPusch (diskuto) 11:32, 12 feb. 2024 (UTC)

Vi uzis la kontraŭ-ŝablonon, sed viaj argumentoj ŝajne estas por El Niño (mia originala propono) kaj kontraŭ El-Ninjo (la nuna titolo) aŭ Elninjo (kompromisa propono). Ĉu estas tiel, aŭ ĉu mi miskomprenis vin? Arbarulo (diskuto) 14:47, 12 feb. 2024 (UTC)

Vi pravas, miaj argumentoj estas por El Niño kaj kontraŭ esperantigoj. Mi pli klare vortumis la komencon de mia noto nun, kaj pardonpetas ke mi ne rekontrolis tiun ĉapitron dum la lastaj du semajnoj (helpas en tiaj situacioj uzi la ŝablonon {{re}} por rapide altiri la atenton). ThomasPusch (diskuto) 23:35, 2 mar. 2024 (UTC)

Mi jam apenaŭ havas superrigardon pri la longiĝinta diskuto. Ĉiukaze mi volas doni mian voĉon favore al la originaj hispanaj nomoj El Niño kaj La Niña. Certe neniu iam miskomprenos ke ili estus esperantaj substantivo aŭ adjektivo, kaj bonas tiel. Ne necesas esperantigi ĉiun nomon, urbon, vilaĝon, insulon, monton, lagon, rivereton el la hispana kaj ankaŭ ne ĉiun venton aŭ marfluon. Do Por: El Niño kaj La Niña. Aidas (diskuto) 23:53, 2 mar. 2024 (UTC)

Adolf Hitler → Adolfo Hitlero kaj Vladimir Putin → Vladimiro Putino 2024-03-03

Adolf Hitler -> Adolfo Hitlero kaj Vladimir Putin -> Vladimiro Putino Esperantigo laŭ lastatempa principa decido Paŭlo_Dirako. Taylor 49 (diskuto) 14:52, 3 mar. 2024 (UTC)

Por: Adolfo Hitlero - ĉar tiu ĉi formo delonge estas en vortaroj.

Kontraŭ: Vladimiro Putino - ĉar tiu ĉi formo ne estas en vortaroj. RG72 (diskuto) 16:11, 3 mar. 2024 (UTC)

Kontraŭ: dufoje. Robin van der Vliet (diskuto) (kontribuoj) 19:02, 3 mar. 2024 (UTC)

Kontraŭ: dufoje, ĉe la unua temulo pro la krimoj dum lia regado kaj milito kaj ĉe la dua temulo, ĉar lia familia nomo fariĝus ne tiel bela vorto en Esperanto. --Tlustulimu (diskuto) 19:18, 3 mar. 2024 (UTC)

Kontraŭ: Kontraŭ "Putino", certe. Pri Hitlero mi ne estas certa. Lingvano (diskuto) 11:25, 4 mar. 2024 (UTC)

Komento: En diskuto pri Paŭlo Dirako oni decidis esperantigi nomojn de ĉiuj vaste konataj personoj, kaj validas Vikipedio:Neŭtrala vidpunkto. Do iomete strangas prefero esperantigi nomojn de saĝuloj, sed ne fari tion por fiuloj, ĉu ne? Taylor 49 (diskuto) 21:37, 4 mar. 2024 (UTC)

Komento: En diskuto pri Paŭlo Dirako oni ne "decidis esperantigi nomojn de ĉiuj vaste konataj personoj", sed nur decidis unuope esperantigi unu nomon de sciencisto, kies esperanta nomo kontrolite troveblas kaj dokumentiĝas en diversaj Esperanto-vortaroj (en PIV cetere ĝi notiĝis eĉ sen persona nomo, nur Dirako). Kompreneble la samon eblas fari pri Hitlero kaj Stalino, kiuj ankaŭ dokumentiĝas en PIV kaj en pliaj Esperanto-vortaroj, oni vaste en la esperanta literaturo kaj gazetaro skribis pri la du fihomoj kaj iliaj nomoj penetris en la Esperantan gramatikon ("hitlerismo" kaj "stalinismo", "hitlereca" kaj "stalineca agado"). Pri "Putino" PIV kaj ĉiuj aliaj Esperantaj vortaroj, kiujn mi povas kontroli, ĝis nun ne indikas duan signifon krom la sekslabora, kaj same mi ne aprezus esperantigojn de aliaj nuntempaj politikistoj kiuj kiel Vladimir P. deĵoras kelkajn jarojn kaj tiam estas for de la politika scenejo, kiel "Trumpo" aŭ "Obamo", "Holando" aŭ "Makrono", "Truso" aŭ "Sunako", "Tusko" aŭ "Dudo". Neniu devigas nin nun esperantigi ĉiujn vaste konatajn homojn en Vikipedio. Eĉ pri homoj pri kiuj PIV kaj pliaj Esperanto-vortaroj jam antaŭvidas esperantan nomon ni havas la liberan elekton decidi ĉu ni volas meti alidirektilojn, kiel nun bone funkcias de Hitlero al Adolf Hitler kaj de Stalino al Josif Stalin, aŭ ĉu ni volas havi artikolon sub titolo de esperantigita nomo kaj havi alidirektilon de la vera nacilingva nomo tien. Konsiderante ke mi havas liberan elekton, mi decidus Kontraŭ: movado de la paĝoj pri Adolf Hitler kaj Josif Stalin al esperantlingvaj titoloj de la artikoloj, por signi ioman personan distancecon de la lingvo al la fiuloj, sen ke mi nomus tiun opinion "perforto de Vikipedio:Neŭtrala vidpunkto". Sed mi ankaŭ povus vivi kun artikoloj sub titoloj Adolfo Hitlero kaj Jozefo Stalino, se vere vasta plimulto de la vikipediaj uzantoj tion libere volus, ĉar mi certas ke pro la mencio en PIV kaj aliaj vortaroj ambaŭ eblecoj estas pravigataj. ThomasPusch (diskuto) 10:28, 5 mar. 2024 (UTC)

Mi plene subtenas pozicion de @ThomasPusch VladimirPF (diskuto) 08:47, 15 apr. 2024 (UTC)

Por: "Hitlero", Kontraŭ: "Putino". Mi argumentis en la diskuto pri Dirako nek por "esperantigi nomojn de ĉiuj vaste konataj personoj", nek nur pri la unuopa kazo de tiu sciencisto, sed por efektivigo de nia deklarita titolpolitiko: "ĉiam estu esperantigitaj [en Vikipedio] . . . nomoj kiuj estas ofte esperantigitaj [ekster Vikipedio]". Tio nek donas al ni liberan elekton uzi aŭ neglekti Esperantigon de nomo kvazaŭ ĝi estus markilo de aprobo de la homo, nek pravigas enmeton de novaj aŭ preskaŭ-novaj Esperantigoj. Arbarulo (diskuto) 13:15, 5 mar. 2024 (UTC)

Komento: Kiam la plej fama homo en Esperantujo Zamenhof alinomiĝos al Zamenhofo? --Salatonbv (diskuto) 04:15, 6 mar. 2024 (UTC)

Kontraŭ: Mi komprenas kaj respektas la klarigon de Arbarulo. Sed tamen necesas individua juĝo, ĉu esperantigo pravigeblas kaj havas bonajn referencojn (tio ĉe Hitler(o) kaj Stalin(o) sendube estas, ĉe Putin sendube ne), kaj se jes, tiam tamen ankoraŭ eblas meti nacilingvan nomon kiel titolo de artikolo kaj la esperantigon en la unuan frazon kaj kiel alidirektilon al la paĝo, aŭ oni povas tuj uzi la esperantan vorton kiel titolo. Tiun decidon necesas individue fari. Mi pensas ke en esperantaj tekstoj mi ĉiam legas Londono/Parizo/Zamenhofo, neniam la nacilingvajn formojn, sed pri Hitler aŭ Stalin mi vidis formojn sen o-finaĵo kaj kun o-finaĵo. Kaj tial mi ne dirus ke klare unu formo ĝustas kaj la alia estas eraro. Tial mi nun ankaŭ aliĝas al la kontraŭa flanko, kvankam ĉiuj konsentas ke ambaŭ formoj, kaj sen kaj kun o-finaĵo, estas perfekte same ĝustaj ĉe Stalin(o) kaj Hitler(o). Aidas (diskuto) 16:45, 9 mar. 2024 (UTC)

Rezulto: Klare ke Vladimir Putin ne ricevos apartan esperantan nomon, ĉe Stalin(o) kaj Hitler(o) eblas kaj same ĝustas variaĵoj kaj sen kaj kun o-finaĵo: tie fine 4 homoj pledis por daŭraj titoloj sen o-finaĵoj (Aidas, Robin, Tlustulimu, kaj mi), dum tri pledis por ŝanĝoj al titoloj kun o-finaĵoj (Arbarulo, RG72 kaj Taylor 49). Sed eĉ se estus unu aŭ du voĉoj pli por titoloj "Adolfo Hitlero" kaj "Jozefo Stalino" (per alidirektiloj tiuj same ĝustaj variaĵoj jes ĉiukaze eblas), la rezulto tamen estus tiom malunueca ke la sekvo estus lasi ĉion kiel estis ĝis nun... ThomasPusch (diskuto) 23:31, 24 mar. 2024 (UTC)

 Ne farite--kani (diskuto) 22:52, 22 jul. 2024 (UTC)

Espondilito Anĥilozanta → Ankiloza spondilito

Saluton. Mi ĵus trovis la artikolon "Espondilito Anĥilozanta", kies artikola titolo devus esti korektata. Ĉar mi ne estas fakulo pri medicino, mi ne povas proponi ion. Ĉu eble iu el niaj fakuloj povus tion fari? - Bonŝance mi jam sukcesi meti intervikiajn ligilojn. - Amike --Tlustulimu (diskuto) 13:04, 8 mar. 2024 (UTC)

Ankaŭ mi ne estas medicina fakulo (ĉu iu Vikipediano efektive estas tio?) sed ŝajnas al mi ke la titolo devas esti Ankiloza spondilito. (Vidu "ankilozo" kaj "spondilito" ĉe PIV). Arbarulo (diskuto) 21:30, 8 mar. 2024 (UTC)

Evidente estas iu homo, kiu miksas la lingvojn "español" kaj "esperanto": laŭ mia supozo kaj laŭ PIV en Esperanto la substantivo klare devos esti "spondilito", kaj la komencan "e" oni nur en la hispana aldonas ĉar multaj hispanlingvanoj ŝajne havas penon prononci du konsonantojn "sp" komence de vorto. Sed tio ĉi tie tute ne interesas, ĉar la lingvoj "español" kaj "esperanto" klare ne identas (kvankam mi foje ŝatus havi en Esperanto duan, inversan krisignon, sed tiu lasta rimarko kompreneble estas tute neaŭtoritata...). Aidas (diskuto) 17:31, 9 mar. 2024 (UTC)

PS: Ial mi ĵus nur legis la komencan komenton de Tlustulimu kaj ne la unuan reagon de Arbarulo, alikaze mi ne tiom referintus pri hispanaj mistajpaĵoj de esperantaj komencantoj. Nun mi ne volas viŝi ĉion kion mi pene skribis... Aidas (diskuto) 17:46, 9 mar. 2024 (UTC)

PPS, Arbarulo: Thomas estas kuracisto. Li nur devos rekontroli tiun paĝon, kaj eble li ankaŭ ne volas esti la sola kiu devos trakti ĉiujn medicinajn temojn en la e-lingva Vikipedio... Aidas (diskuto) 17:46, 9 mar. 2024 (UTC)

Kompreneble Arbarulo tute pravas, ke la PIV-e subtenata esperante kaj medicine ĝusta titolo estas Ankiloza spondilito - la referencojn el PIV oni fakte devus en la teksto mem ankoraŭ enmeti, kiel normalaj vikipediaj piednotoj. La homo uzanto:Juanpot hodiaŭ ankoraŭ faris plian fakegan artikolon Spondiloartropatioj (en la unua frazo hispanece misnomita "Espondiloartropatioj"), kvankam en la sinprezento uzanto:Juanpot li diras ke li estas studanto aŭ studinto de pedagogio ne indikante apartajn konojn pri medicino aŭ specife pri reŭmatologio. Mi ne scias pro kio, sed ial la teksto pri "Ankiloza spondilito" (krom la akcidente fiaska titolo) ŝajnas pli bonkvalite tradukita ol la senespera tekstosalato pri "Reŭmatoida faktoro". Sed se "Juan Miguel, pasiema loĝanto de Alicante" tiom anoncas voli kontribui "al Vikipedio pri temoj rilataj al didaktiko ... kaj pedagogio", tiam probable bonas vere fari tion kaj verki pri "didaktiko ... kaj pedagogio", ne pri medicinaj fakaj scioj el la kampo "patofiziologio de reŭmatologio" - prefere kompreneble estus trovi iun alian esperantiston kun pli longtempa praktikado de Esperanto kaj kun sanktula pacienco, kiu pretus lektore kontrol-legi ĉiujn tekstojn de pedagogio antaŭ ol ili vere estos publikaj. ThomasPusch (diskuto) 00:36, 10 mar. 2024 (UTC)

Mi pardonpetas, ke ne tre ofte venas al tiu diskutejo, ĉar tiuj longaj debatoj kapdolorigas min. Ne konante tiun debaton, mi jam aliris la koncernan artikolon, korektis kion mi povis kaj alinomis al Ankilozanta spondilito. Nun mi vidas, ke oni proponas Ankiloza spondilito. Ĉu mi alinomu al tiu lasta?--kani (diskuto) 17:16, 12 mar. 2024 (UTC)

Jes. Aidas (diskuto) 12:18, 16 mar. 2024 (UTC)

Ankoraŭ ne farite, sed mi hodiaŭ alinomis al titolo Ankiloza spondilito, kaj ankoraŭ poluris tiun kaj la parencajn temojn (aparte Crohn-malsano kaj Kojlito). Nun la temaro estas tute en ordo, kvankam kompreneble daŭre bonvenus teksto pri la bakterio Klebsiella pneumoniae kaj eble (kvankam tio jam estus tre specifaj temoj) pri konkretaj medikamentoj. ThomasPusch (diskuto) 23:19, 24 mar. 2024 (UTC)

Reŭmatoida faktoro

Saluton. Novulo kreis la artikolon Reŭmatoida faktoro, kies titolo ŝajnas al mi iomete stranga. Bonŝance mi ĵus sukcesis meti intervikiojn. Ĉu niaj fakuloj pri medicino povus proponi pli taŭgan titolon? - Amike --Tlustulimu (diskuto) 13:09, 8 mar. 2024 (UTC)

Kvankam nia vikipedio ĝis nun nur havas tekston pri reŭmatismo, kiu estas vorto pli ol 2000 jarojn aĝa, kiu en la formo reŭmatismós, ῥευματισμός jam dokumentiĝis en la Hipokrataj verkoj (el la tria jarcento a.K.), tamen PIV konas ankaŭ la adjektivon reŭmatoida, kaj la aliaj vikipediaj lingvoj preskaŭ ĉiuj referas al la faktoro per adjektivo "reŭmatoida" (komparu en vikidatumaro). Kvankam nia vikipedio aludas al la adektivo nur per ruĝa ligilo en reŭmatosimila artrito en la teksto reŭmatismo - laŭ PIV facile eblus kuraĝe meti titolon "reŭmatoida artrito", sed ke oni nenion verkis pri temo en la esperanta vikipedio ne signifas ke iu temo/koncepto ne ekzistus en la reala medicino. Sume la titolo Reŭmatoida faktoro laŭ mi estas tute en ordo - sed la tuta teksto aspektas al mi amase stranga (ne nur "iomete"), fuŝe premita tra iu aŭtomata tradukilo kaj lingve nekomprenebla. Por eĉ komenci transformi tiun lingvumon al komprenebla Esperanto oni nepre bezonus la originan nacilingvan tekston, kiun iu komence enmetis en la tradukilon. Mi ne dirus ke oni devas esti finstudinto de medicino por krei tian tekston, sed oni devas kapabli en bona ĵurnalisma stilo verki per firma regado de Esperanto. La nuna teksto ne bone kompreneblas, por okjarulo en elementa lernejo same kiel por reŭmatologa profesoro bone reganta Esperanton. La lingvaĵo estas senespera, kaj oni devos nepre ne tranĉi, glui kaj kirli en la senespera teksto, sed traduki iujn kompreneblajn frazojn el senerara nacia lingvo al frazoj en senerara Esperanto. Tiu senespera teksto, kiu eĉ finiĝas per fortranĉita frazofino ("... kontraŭ ciklitaj citrulinat-peptidoj (anti-CCP), kiu " - FINO), estas neakceptebla fuŝaĵo, malbona ŝerco - mi pensus ke eĉ la guglo tradukilo povus liveri pli bonan Esperanton ol tiun mizeraĵon. La teksto laŭ mi estas kazo por la diskutejo pri forigendaj artikoloj, ne por VP:AA. Jam ofte okazis, ke iu ne- aŭ ek-esperantisto simple sen-atente ĵetis balbutaĵon en la esperantan vikipedion, pensante ke tiel li perfortas iun ĝentilan redaktoron krei bonan tekston anstataŭ la fuŝaĵo. Mi ĉiukaze ne volas esti perfortita nun lasi ĉiujn temojn pri kiuj mi nun zorgas, kaj anstataŭe la sekvajn tagojn nur verki pri reŭmatologio... ThomasPusch (diskuto) 23:03, 9 mar. 2024 (UTC)

PS: Mi pardonpetas ke mi hieraŭ en tiom fortaj vortoj juĝis la novan tekston - ankaŭ tiun nomata "Defuzzifikado" per alia novulo sube. Kutime mi estas ekstreme indulga, pacienca kaj helpema rilate al novaj esperantistoj, kiuj penas verki kaj ankoraŭ ne havas la sciojn por tio. Sed se ekestas la impreso ke iu simple senatente ĵetas fremdan tekston en aŭtomatan tradukilon kaj tiam enŝtopas la maŝine fuŝan rezulton en "novan artikolon", tio daŭras malpli ol minuton kaj tiam laborigas esperantistojn dum horoj pene deĉifri kaj ĝustigi la konfuzaĵon, tiam mi komprenemo foje degelas... ThomasPusch (diskuto) 11:36, 10 mar. 2024 (UTC)

Resume do: ne estas alinomenda artikolo, sed eble ŝovenda al la parenca diskuto pri "forigendaj artikoloj", se ne okazos redakta sava miraklo. ThomasPusch (diskuto) 23:43, 24 mar. 2024 (UTC)

Klaras ke la fonta artikolo estas la hispanlingva, sed la teksto vere ne estus nur "polurinda" (tio estas forta maltroigo), sed "tute re-verkenda ekde nulo". Tiajn fakajn artikolojn premi tra aŭtomata tradukilo ne estas granda merito, kaj eĉ se oni forigus ĉiujn gramatikajn erarojn ĝi ankoraŭ ne estus bona teksto: merito estus nur, se uzanto kapablus tiom klarigi fakan terminon en bona Esperanto tiel, ke ankaŭ ne-medicinisto pli-malpli komprenus ĝin. Eble Thomas aŭ iu alia esperantisto kun bazaj medicinaj scioj foje pretos verki tekston reŭmatoida artrito, kio estas temo pli vasta, kiu eble povos flanke iom kunklarigi kio estas tiu faktoro. De la nova uzanto la teksto "ankiloza spondilito" ja estas savita, sed mi forte dubas ĉu eblas savi lian trian tekston spondiloartropatioj, kio estu "malsanoj de la raĉo" (???), "precipe de la artikulacioj" (do temas pri elparolo, pri la voĉkordoj en la kolo??? Ne pri la vertebroj???)... Aidas (diskuto) 12:39, 27 mar. 2024 (UTC)

Defuzzifikado

Saluton. Mi ĵus trovis la novan artikolon Defuzzifikado, kies titolo strangas por mi pro duobla z. Do, al kiu titolo ĝi estas ŝanĝebla aŭ ŝanĝenda? - Amike -- aldonis sen subskribo Tlustulimu, 15:28, 8 mar. 2024‎ (UCT)

Ni jam havas artikolon Neakra logiko. Se tiu titolo estas bone elektita (eble diskutinda demando), por la nova artikolo mi proponus Akrigo (logiko), aŭ eble Klasikigo (logiko). Arbarulo (diskuto) 21:45, 8 mar. 2024 (UTC)

La novulo klare faris tiun artikolon "per traduko de la paĝo "es:Defuzzificación", same kiel la homo faris tekston pri la vilaĝeto "Novij" el la hispana kaj en intervaloj de 4 minutoj ankoraŭ enĵetis tekstojn (probable per aŭtomata tradukilo, ĉar la produktado estis tiom rapida) pri Paŝtista Sceno el "es:Escena pastoril" kaj The Clique (artistogrupo) el "es:The Clique (grupo artístico)". Mi supozas ke li ne aparte samtempe kompetentas pri geografio de suda Rusio, logiko kaj arta historio, sed simple gaje tradukigas iujn arbitrajn hispanajn tekstojn per bona aŭtomata tradukilo - do necesas bone observi ĉiujn el la rapide metitaj ovoj nun kaj ankaŭ en estontaj tagoj. Mi dirus ke la du artaj temoj (Paŝtista Sceno kaj The Clique (artistogrupo)) estas redakte ankoraŭ iom redaktendaj, sed baze estas en komprenebla lingvaĵo, dum la aŭtomata tradukrezulto "Defuzzifikado" aspektas al mi tre konfuza kaj ne konvinkas min kredi ke per nur iom da redakta poluro oni povus fari el tio vere kompreneblan kaj vikipedie utilan tekston. Do klare ke la titolo Defuzzifikado strangas ne nur "pro duobla z", sed baze strangas pro tio ke oni neniel per vortara referenco povus pravigi tian "absolute meminventitan" vorton. Mi dirus ke filozofia aŭ matematika logiko estas forte tro komplika temo por nova esperantisto (ankaŭ se guglo tradukilo aŭ ChatGPT faras la bazan tradukan laboron), kaj rekomendas ankaŭ diskutigi ĝian savon aŭ forprenon en VP:FA, grandanime lasante la du artajn tekstojn kaj tiun pri vilaĝeto "Novij". ThomasPusch (diskuto) 00:01, 10 mar. 2024 (UTC)

PS: Mi pardonpetas ke mi hieraŭ en tiom fortaj vortoj juĝis la novan tekston - ankaŭ tiun nomata "Reŭmatoida faktoro" per alia novulo supre. Kutime mi estas ekstreme indulga, pacienca kaj helpema rilate al novaj esperantistoj, kiuj penas verki kaj ankoraŭ ne havas la sciojn por tio. Sed se ekestas la impreso ke iu simple senatente ĵetas fremdan tekston en aŭtomatan tradukilon kaj tiam enŝtopas la maŝine fuŝan rezulton en "novan artikolon", tio daŭras malpli ol minuton kaj tiam laborigas esperantistojn dum horoj pene deĉifri kaj ĝustigi la konfuzaĵon, tiam mi komprenemo foje degelas... ThomasPusch (diskuto) 11:37, 10 mar. 2024 (UTC)

Resume do: la teksto estas ŝovenda al la parenca diskuto pri "forigendaj artikoloj", se ne okazos redakta sava miraklo, kaj se ĝi fine entute forpreniĝos, ne indas nun turmenti la cerbojn pri pli bona titolo. ThomasPusch (diskuto) 23:43, 24 mar. 2024 (UTC)

Ho ve, jes, povra teksto. Provante legi ĝin mi sentas ke mia kapo iĝas tute konfuzita aŭ "difuza" aŭ "defuzzifikita"... Kvankam Kani riparis la bazajn gramatikajn erarojn, mi tamen miras pri esoteraj kaj tre dubindaj pseŭdoesperantaj vortoj kiel "areabalbisektriso" aŭ "raŭzmetsistemoj". Aspektas kvazaŭ iu cinika esperantisto metis kukolan ovon en Pseŭdoesperanto en la vikipedian neston por testi ĉu aliaj uzantoj rimarkos la fantaziaĵon. Mi kiel ne-matematikisto dirus ke tia apenaŭ komprenebla teksto ne necesas en ĝenerala enciklopedio - ĝi bonvenus nur se ĝi per ekzistantaj vortoj kaj tuj kompreneblaj frazoj eduke klarigus iun alikaze nekompreneblan abstraktan ideon, tiel ke ne-matematikisto komprenus ĝin... Aidas (diskuto) 12:09, 27 mar. 2024 (UTC)

Nacia Parko de la Sankt-Laŭrenca Insularo → Nacia Parko de la Mil Insuloj

Saluton. Mi ĵus vidis, ke la nomo de Nacia Parko de la Sankt-Laŭrenca Insularo ŝanĝiĝis antaŭ iom da tempo en la angla kaj franca lingvoj, nome france Parc national du Canada des Mille-Îles kaj angle Thousand Islands National Park of Canada, do la oficialaj lingvoj de Kanado. Sed kiel oni esperantigu tion? --Tlustulimu (diskuto) 15:23, 12 mar. 2024 (UTC)

Nacia Parko Mil Insuloj, ĉu ne?--kani (diskuto) 17:23, 12 mar. 2024 (UTC)

Eble "Nacia Parko de (la) Mil Insuloj" estus pli bone, ĉar laŭ la angla Vikipedio, Thousand Islands ne estas nomo de la parko, sed pli granda insularo kiu inkludas ĝin. Arbarulo (diskuto) 02:26, 13 mar. 2024 (UTC)

Por: ŝanĝo al nomo Nacia Parko de la Mil Insuloj, kaj nepre necesas ankaŭ teksto Mil Insuloj. Kaj finfine mi trovis la lingvan originon de la "milinsula salato-saŭco"... Aidas (diskuto) 12:30, 16 mar. 2024 (UTC)

Por: Nacia Parko de la Mil Insuloj estas ankaŭ mi ->  Farite ThomasPusch (diskuto) 18:49, 24 mar. 2024 (UTC)

Ĉiuj kontribuintoj tute pravas. Nur restas la demando, kiu faros la mankajn artikolojn pri la Mil Insuloj (d:Q1050549) kaj la "milinsula salato-saŭco" (d:Q1199019)... ThomasPusch (diskuto) 19:07, 24 mar. 2024 (UTC)

Ekstremadura lingvo → Ekstremadura lingvovario

Ne estas referenco kiu pruvu, ke tio estas lingvo, nur deziro de regionaj naciistoj. La referenca artikolo en hispana es:Extremeño (lingüística), kie oni diras, ke temas pri "variedad lingüística", tio estas lingvovario. Poste oni povos reredakti. Mi estas filologo, kaj tiuregionano.--kani (diskuto) 17:23, 12 mar. 2024 (UTC)

Por: iu ŝanĝo. "Vario" tamen estas plursenca vorto. Mi proponus Ekstremadura dialekto aŭ Ekstremadura lingvovario. Arbarulo (diskuto) 02:38, 13 mar. 2024 (UTC)

Ekstremadura lingvovario estus bona solvo. kani (diskuto) 15:40, 14 mar. 2024 (UTC)

Por: Nenio kontraŭ Ekstremadura lingvovario. Aidas (diskuto) 12:23, 16 mar. 2024 (UTC)

Por: Ekstremadura lingvovario estas ankaŭ mi ->  Farite ThomasPusch (diskuto) 18:48, 24 mar. 2024 (UTC)

@Kani: Mi petus vin ankoraŭ relegeti la paĝon por kontroli ke neniu alia frazumo devus esti adaptita. Ĉu? ThomasPusch (diskuto) 18:53, 24 mar. 2024 (UTC)

 Farite. kani (diskuto) 00:25, 25 mar. 2024 (UTC)

Green New Deal

La maldekstremulo Janis Varufakis tradukis foje «Green New Deal» kiel «Verda Nova Interkonsento» [9]: ĉu ni alinomu la paĝon al tiu titolo? Opiniojn? —Super • nabla^🪰 16:55, 14 mar. 2024 (UTC)

Komento: La usona fonto de tiu nomo estas tre klare markita per la historia aludo al la New Deal de Franklin Roosevelt. Mi ne scias ĉu ĝi jam tute saltis en la politikon de aliaj kaj precipe alilingvaj landoj. Se ne, eble ĝi prefere restu en la angla; se jes, traduko verŝajne estas pli taŭga. Certe, se ni tradukos ĝin, tiu traduko estas bona. Arbarulo (diskuto) 18:43, 14 mar. 2024 (UTC)

Komento: Certe la ideo pri "New Deal" saltis en la politikon de alilingvaj landoj, sed praktike ĉiam ĝi citiĝas per la origina termino de Roosevelt, "New Deal". En vikipedio la koncepto havas nacilingvajn titolojn en iuj tre malgrandaj latinliteraj lingvoj (nelatinliteraj lingvoj ne kunkalkuleblas, ĉar ili ĉiukaze devas iom adapti terminon por ke ĝi uzeblu en la lingvo): konkrete mi vidis nacilingvan titolon en la estona, islanda kaj litova teksto, sed ĉiam sen ajna referenco ke tiu traduko entute ie uziĝus en tiuj lingvoj ekster vikipedio (ekzemple en la islanda vikipedia titolo oni tradukas la vorton al "Ný gjöf", sed en la sola referenco kiu rekte mencias la ideon oni skribas "„Roosevelt og New Deal-stefnan“. Morgunblaðið. 10. apríl 2005, do la gazeto tute ignoras iun tradukon "Ný gjöf", kvankam la islanda ekstreme islandigas ĉiujn fremdajn vortojn - kaj la estona kaj litova tekstoj komplete rezignas pri iuj referencoj). Do estas la forta impreso ke simple iuj vikipedianoj de tre etaj projektoj mem persone tradukis la vorton "New Deal" nacilingven kaj kuraĝis tiel titoligi la paĝon sen havi iun referencon ke iu gazeto aŭ libro iam uzis la tradukon. Do aŭ tiuj vikipediaj paĝoj estas rezulto de ekstreme malbona esploro (pri kio mi ne vidas suspekton), aŭ oni devas konstati ke en grandega plimulto de la latinliteraj lingvoj la ideo "New Deal" citiĝas per la origina angla termino de Roosevelt. Arbarulo tute pravas ke tiu konstato ankaŭ influas la decidon ĉu la variigita nova koncepto havu titolon «Green New Deal» aŭ «Verda Nova Interkonsento» en nia vikipedio, favore al la angla alternativo. Sed certe oni enkonstruu la valoran referencon de Nabla en la artikolon kiu nun naive komenciĝas "Green New Deal (angla por Verda Nova Pakto)...". Cetere en la retejo diem25.org mi (citaĵo "Por demokratiigi Eŭropon kaj realigi nian Green New Deal, ni tute dependas je ... vi") ne trovis ian konfirmon ke estis Janis Varufakis mem kiu tradukis «Green New Deal» kiel «Verda Nova Interkonsento». Mi trovis jutuban filmeton en kiu Varufakis komence diras "saluton homoj", tio ne estas pruvo de li parolus Esperanton kaj kreus esperantajn terminon, sed nur montras ke li povas ripeti kvin simplajn silabojn kaj estas indiko ke li simpatias al Esperanto. Do estas "La organizaĵo DiEM25 de Janis Varufakis tradukas «Green New Deal» kiel «Verda Nova Interkonsento»". Tiu indiko en la unua frazo kun referenco sufiĉas por alidirektilo de titolo «Verda Nova Interkonsento» al la paĝo «Green New Deal». Vladimir: ni ne povas eltranĉi ĉiujn literojn "w" aŭ "q" aŭ "x", "ñ", "ü" aŭ "ø" el latinliteraj titoloj de esperantaj paĝoj, alikaze ni devos buĉi paĝon pri la esperantisto "Werner Bormann" sed rajtas lasi paĝon pri lia filo "Thomas Bormann" (ĉar por invento de fantazia titolo "Vernero Bormano" mankus ĉia referenco). Kaj la esperantaj paĝoj pri la neesperantaj literoj "w" aŭ "q" aŭ "x", "ñ", "ü" aŭ "ø" ankaŭ estus herezaj kaj devus tute malaperi. Do sole ke neesperanta latinlitera karaktro aperas en vikipedia titolo ankoraŭ ne signifas ke tiu titolo estas pribatalenda. ThomasPusch (diskuto) 14:00, 24 mar. 2024 (UTC)

Komento: Mi ne scias ĉг traduki, ĉu esperantogi, sed mi tutcerte scias, ke en esperanta alfabeto ne estas litero "w" kaj posedante nur esperanton ne eblas korekte legi la vortojn. VladimirPF (diskuto) 17:01, 16 mar. 2024 (UTC)

Komento: Mi laŭ mia supra propono de antaŭ kelkaj horoj proponas lasi la titolon je la angla termino "Green New Deal", kun prononcindiko kiu helpas elstarigi kiom fremdaj estas la vortoj en Esperanto, kaj kun deca prezento de la esperantlingva variaĵo, kun la referenco, en la unua frazo. Mi instalis tion en la teksto, instalis ankaŭ la alidirektigon de «Verda Nova Interkonsento» al la teksto, laŭeble evitis la anglan terminon kaj la anglan mallongigon en la posta teksto, kaj ankaŭ adaptis vikidatumaron, cetere aldonante nacilingvajn alternativojn al la angla termino tie ankaŭ en la ĉeĥa, kataluna, hispana, itala, litova kaj latva... Tiel la angla termino "Green New Deal" jam iom balanciĝas. Ĉu tio estas konsentebla kompromiso? ThomasPusch (diskuto) 18:46, 24 mar. 2024 (UTC)

Komento: La propono de Thomas bonas laŭ mi. Mi iom modifis la enkondukon. —Super • nabla^🪰 22:05, 26 mar. 2024 (UTC)

Bona solvo. Aidas (diskuto) 10:50, 27 mar. 2024 (UTC)

Interkonsentite - do ni decidis lasi la fremdlingvan titolon kia ĝi estis, sed tamen balancigis ĝin. ThomasPusch (diskuto) 11:16, 27 mar. 2024 (UTC)

 Farite Laŭ komuna praktiko--Fenikals (diskuto) 12:00, 22 sep. 2024 (UTC)

Kategorio:Brnanoj → Kategorio:Brunanoj → Kategorio:Homoj el Brno

Anstataŭ "brnanoj" estu "brunanoj" aŭ "Brno-anoj". BRN ne povas esti Esperanta radiko, ĉar ĝi ne havas vokalon. La nombro de silaboj en Esperanta vorto egalas al la nombro de vokaloj en ĝi. BRN havas nul vokalojn, do nul silabojn. Multe tro freneze. Lingvano (diskuto) 22:36, 30 mar. 2024 (UTC)

Tia alinomado estus malkompleta, ĉar ankaŭ rilataj paĝoj devus esti ŝanĝataj, kiel ekz.

• Kategorio:Brno (kaj diversaj subkategorioj kaj artikoloj kun "Brno" en la titolo)
• Brno

Do, mi ne scias, ĉu tio vere necesas. Krome tiam la urbonomo kolizius kun la persona nomo "Bruno" (trovebla en NPIV, Reta Vortaro kaj Prevo), kiu estas eĉ ĝermandevena kaj rilatas etimologie al "bruna". Tlustulimu (diskuto) 08:20, 31 mar. 2024 (UTC)

Ŝajne vi tute miskomprenis min. La nomo "Brno" estas bona kaj restu. Sed ĝi estas nacilingva nomo, do oni ne derivu el ĝi, kvazaŭ ĝi estus Esperanta nomo. Nur la strangaĵo "brnanoj" estas forigenda, kaj "Kategorio:Brunanoj" estas unu ebla anstataŭaĵo. Mi nun vidas, ke "Kategorio:Homoj el Brno" estus pli facila ŝanĝo, do mi ŝanĝas la proponon. Lingvano (diskuto) 09:33, 31 mar. 2024 (UTC)

Nun mi demandas min, ĉu Kategorio:Brnanoj eble estas ies ŝerco. Ĉe urboj kun bonaj Esperantaj nomoj oni havas la kategoriojn "Kategorio:Homoj el Mumbajo", "Kategorio:Homoj el Seulo", "Kategorio:Homoj el Prago", sed ĉe Brno, kies nomo tute ne estas Esperanta sed nur hazarde finiĝas per O, oni havas la monstraĵon "Kategorio:Brnanoj". Tio devas esti ŝerco, ĉu ne? Ĝi eble eĉ estas amuza, aŭ estis amuza, kiam ĝi estis nova, sed jam venis tempo por forigi ĝin, laŭ mi. Lingvano (diskuto) 10:08, 31 mar. 2024 (UTC)

Interesa lingva problemego :-) Kategorio:Brnanoj ... kiel vi pravigas ideon "Kategorio:Brunanoj" ... ĉu ekzistas infikso -u-? Por: Kategorio:Homoj el Brno. Taylor 49 (diskuto) 20:22, 4 apr. 2024 (UTC)

Ĉu neniu alia volas subteni ŝanĝon al Kategorio:Homoj el Brno? Cetere, vidu: https://www.akademio-de-esperanto.org/akademio/index.php?title=Respondoj_de_la_Lingva_Konsultejo#Esperanta_nomo_de_la_.C4.89e.C4.A5a_urbo_Brno Lingvano (diskuto) 09:13, 12 apr. 2024 (UTC)

Komento: Se iu volas katon "Kategorio:Brunanoj" tiam nepre kreendas ankaŭ "Kategorio:Verdanoj". Taylor 49 (diskuto) 19:50, 12 apr. 2024 (UTC)

"Homoj el Brno" enhavanta neesperantigitan ĉeĥlingvan urbonomon Brno ŝajnas ankaŭ al mi pli uzinda vortumo, ol la stranga hibrida "brnanoj" el ĉeĥa radiko brn (kun silaba konsonanto [r]) kun esperantaj sufikso kaj finaĵo. Oni ja povas uzi neesperantigitan gentalingvan propran nomon (ekzemple, Brno aŭ Warszawa), sed tiaj neasimilitaj radikoj kun alkroĉitaj esperantaj morfemoj (brnano?! warszawanino?! elbrniĝi?! ekswarzawaniĝi?!) ŝajnas al mi bizaraj. Filozofo (diskuto) 21:37, 13 apr. 2024 (UTC)

Por: "Homoj el Brno". - Moldur (diskuto) 21:43, 13 apr. 2024 (UTC)

Por: "Homoj el Brno". Ŝajne nun estas kvar subtenantoj de "Homoj el Brno", dum neniu kontraŭas. Ĉu tio sufiĉas? Lingvano (diskuto) 08:25, 15 apr. 2024 (UTC)

Por: "Homoj el Brno". --Tlustulimu (diskuto) 08:37, 15 apr. 2024 (UTC)

 Farite. Iu forigu la jam malplenigitan katon Kategorio:Brnanoj. Taylor 49 (diskuto) 20:12, 15 apr. 2024 (UTC)

Preĝejo Nomo de Sankta Maria (Kisújszállás)

Saluton. Mi ĵus trovis la artikolon Preĝejo Nomo de Sankta Maria (Kisújszállás). Ĝia antaŭkrampa parto de la titolo sonas por mi gramatike fuŝa. Kiu eble havas ideon pri korekto? - Amike --Tlustulimu (diskuto) 18:24, 11 apr. 2024 (UTC)

Estas amaso da artikoloj kun titoloj "Preĝejo Nomo de Sankta ...", sed preskaŭ ĉiuj estas en Hungario. En aliaj landoj estas ĝenerale "Preĝejo Sankta ..." aŭ "Preĝejo de Sankta ...". Verŝajne mi preferus la formon "Preĝejo de Sankta Maria". Lingvano (diskuto) 09:22, 12 apr. 2024 (UTC)

Tamen, ankaŭ en aliaj lingvoj oni parolas pri "nomo de Sankta Maria" (ekzemple https://es.wikipedia.org/wiki/Iglesia_del_Nombre_de_María), do mi ne proponas renomi la hungarajn preĝejojn. Mi ne kompetentas pri preĝejonomado! Lingvano (diskuto) 09:40, 12 apr. 2024 (UTC)

Kontraŭ: alinomado. En katolikaj medioj estas oftaj la dediĉo de preĝejoj, festoj, konceptoj ne al la adorato mem, sed al la nomo de la adorato. Ankaŭ islamanoj kaj judoj havas apartajn konsiderojn al la nomo de dio.--kani (diskuto) 20:26, 21 apr. 2024 (UTC)

Komento: Tamen la titolo aspektas por mi lingve resp. gramatike stranga resp. fuŝa. Tlustulimu (diskuto) 18:32, 28 apr. 2024 (UTC)

Kontraŭ: Tre tradiciaj katolikoj fakte havas grandan preferon doni multajn nomojn de Mariaj festoj al preĝejoj, de "Naskiĝo de Maria", "Entempligo de Maria", "Endormiĝo de Maria" respektive "Ĉielenpreno de Maria" ĝis simpla nomo Maria en monto Karmel", "Maria en la neĝo" kaj "Nomo de Maria". La lasta festo en vikidatumoj troveblas sub kodo Q1537037. Ĝi ne estas gramatika eraro, kvankam por luteranoj kaj ne tiom tradiciaj katolikoj ĝi povas soni nekutime (la germana nomo, "Mariä Namen", Tlustulimu, laŭ mi sonas minumume same nekutime). ThomasPusch (diskuto) 14:26, 12 maj. 2024 (UTC)

 Ne farite--kani (diskuto) 22:51, 22 jul. 2024 (UTC)

Ĥartumo -> Kartumo

Ŝajne elpensaĵo de iu vikipediisto en 2004. La PIV-a nomo ekde jardekoj estas Kartumo. --Kwekubo (diskuto) 12:51, 12 apr. 2024 (UTC)

La nomo "Ĥartumo" estas tamen tute racia. Tiu araba litero ofte respondas al Ĥ en Esperanto (https://eo.wikipedia.org/wiki/%C4%A4a_(araba_litero) ), kaj en multaj aliaj lingvoj la unua litero de la nomo similas al Ĥ, ekzemple en la hispana nomo "Jartum". Kaj en tekstaro.com estas pli da ekzemploj de Ĥartumo ol de Kartumo. Do eble PIV malpravas? Lingvano (diskuto) 15:48, 12 apr. 2024 (UTC)

Por: Kartumo. Taylor 49 (diskuto) 19:50, 12 apr. 2024 (UTC)

Kontraŭ: Kartumo. La formo Ĥartumo estas internacie rekonebla kaj natura esperantigo. Kial oni kontestu tion? Ja neniu kontraŭas esperantigojn Ĥersono aŭ Ĥajfo... Amike, -Filozofo (diskuto) 21:48, 13 apr. 2024 (UTC)

Kontraŭ: Kartumo.--kani (diskuto) 20:23, 21 apr. 2024 (UTC)

Kontraŭ: Ĥ estas por mi tute normala esperanta litero, kiu fojfoje ebligas eĉ distingojn, kiuj sen ĝi estus pli malfacilaj. Tlustulimu (diskuto) 18:27, 28 apr. 2024 (UTC)

Komento: Ĉu malpli ol cent redaktoj dum 9 jaroj sufiĉas por proponi ion ĉi tie? Tlustulimu (diskuto) 18:28, 28 apr. 2024 (UTC)

Sufiĉas eĉ nek unu redaktero, ja temas pri PIVa vorto. VladimirPF (diskuto) 15:25, 29 apr. 2024 (UTC)

Jes. Ne estas regulo ke nur la plej aktiva uzanto rajtas proponi alinomigojn. Taylor 49 (diskuto) 15:41, 29 apr. 2024 (UTC)

Certe Por: :Ĉar
Waringhien, Gaston. [2002] “Kartum/o. Ĉefurbo de Sudano (32°35′E, 15°36′N).”, La Nova Plena Vortaro de Esperanto (esperante). Parizo: SAT, p. 1265. ISBN 2-9502432-5-8. VladimirPF (diskuto) 20:32, 28 apr. 2024 (UTC)

Komento: Kara, trofrancigo de Esperanto, siatempe tute kutima, en la lastaj jardekoj iĝis eksmoda. Gaston Waringhien faris gravajn kontribuojn al Esperanto, sed estas konate, ke li tro facile paŭsis francaĵojn, kaj tia problemo ĝis nun ne estas eliminita en PIV, kvankam la nova teamo sub la gvido de Bertilo Wennergren penas ripari tion. Amike, -Filozofo (diskuto) 20:39, 29 apr. 2024 (UTC)

Kiam oni tion riparos, tiam vikio reagos kongrue. Sed nun estas tio kio estas. VladimirPF (diskuto) 12:03, 30 apr. 2024 (UTC)

Verdire, mi ne vidas konvinkan kialon uzi klare diagnozitan evitindaĵon. Tiel, ReVo (Reta Vortaro), ĝenerale pli fidinde internacieca kaj pli regule ĝisdatigata vortaro (kompare kun PIV), preferas la formon "Ĥartumo". Ĉiuj kvin lingvoj de la Fundamento havas literumon, kiu klare sugestas la originan ekvivalenton de la Esperantaj litero kaj sono "ĥ". Mi do ne vidas alian kialon preferi la formon kun "k", ol la postrestaĵo de la (iam tre kontaĝa) ĥofobio ;)

Mi ja komprenus, se tiuj, kiuj ne havas firman opinion, ne certas pri tia konkreta lingva detalo aŭ tutsimple ankoraŭ dubas, sindetene atendus ĝis la definitiva formo iĝos ĉiea kaj aperus en ĉiuj novaj redaktoj de ĉiuj vortaroj.

Amike, Filozofo (diskuto) 19:35, 2 maj. 2024 (UTC)

Kolego, al mi ankaŭ plaĉas "Ĥartumo", sed ankaŭ al mi plaĉas esperantigi ĉiujn proprajn nomojn, sed ĉitie oni ŝatas vortarajn variantojn. Kaj mi opinias, ke se ni elaktos eksterPIVan varianton, ni devas havi prezentojn de abunda praktika uzado. VladimirPF (diskuto) 11:18, 3 maj. 2024 (UTC)

Kontraŭ: Provizore restu Ĥartumo, laŭ mi. Lingvano 10:30, 8 maj. 2024 (UTC)

Kontraŭ: Mi ankaŭ pledas por teno de Ĥartumo, laŭ la argumentoj jam notitaj, kaj aldone mi trovis 2 pliajn referencojn por Ĥartumo: en Poŝatlaso de la mondo, Prago 1971, la sola atlaso kiu ekzistas en Esperanto, tabuloj 26 kaj 27, kaj en Le Puil Danvy FR-EO (p. 934). Miaj plej multaj dulingvaj vortaroj eĉ ne mencias urbonomojn, do en mia bretaro estas 2:1 por Ĥartumo (kompreneble ankaŭ mia PIV pledas por Kartumo, jam en 1970). ThomasPusch (diskuto) 14:10, 12 maj. 2024 (UTC)

 Ne farite--kani (diskuto) 22:51, 22 jul. 2024 (UTC)

Provinco de Karolino

Saluton. Mi ĵus trovis la novan artikolon Provinco de Karolino de novulo. Ŝajnas al mi, ke la vorteto "de" aperas pro lingva interfero kun la angla kaj latinidaj lingvoj. Do, ĝi estu eligata el la titolo, tiel ke la nova titolo estus "Provinco Karolino". Espereble la novulo ne rekreos ĝin sub la nove proponita titolo, ĉar li ja eble ankoraŭ ne malkovris la alinomigan funkcion de la Vikia interfaco. --Tlustulimu (diskuto) 18:03, 14 apr. 2024 (UTC)

Mi pensas ke Kolonio de Plymouth estas same traktenda, do ŝanĝenda titole al "Kolonio Plymouth". Tlustulimu (diskuto) 18:17, 14 apr. 2024 (UTC)

 Farite ambaŭ. Taylor 49 (diskuto) 20:13, 15 apr. 2024 (UTC)

Kategorio:Pages which use score

Saluton. Mi ĵus trovis la kategorion Pages which use score. Ĝi enhavas markilon de alinomenda paĝo, sed propono ne estas. Krome ĝi estas difinita en la paĝo MediaWiki:score-use-category. Do, ja estus bone, se la kategorio havus esperantan titolon. Do, ni unue kolektu ĉi tie proponojn kaj poste iu kun konekto al la traduka Vikio povus traduki la rilatan mesaĝon eble tie. Tiam daŭrus iom da tempo, ĝis kiam la titolo fariĝus esperantlingva en la nomita Vikia mesaĝo. Poste ni nur devus alinomi la kategorion.

Krome tutcerte estus bone, se iu kuntradukus la Vikian mesaĝon en MediaWiki:Score-error-category, kies kategorio ŝajne ankoraŭ ne ekzistas ĉe ni.

Bedaŭrinde mi ne scias, kiuj Vikiaj mesaĝoj krome apartenas al mw:Extension:Score. Ĉu eble iu alia? --Tlustulimu (diskuto) 20:18, 16 apr. 2024 (UTC)

Kontraŭ: alinomigo. Temas pri kaŝita diagnoza kategorio. Tri "mesaĝoj": MediaWiki:score-deprecated-category MediaWiki:score-use-category MediaWiki:score-error-category. Taylor 49 (diskuto) 18:22, 28 apr. 2024 (UTC)

Komento: Ĉu uzantoj, kiuj traumas la diagnozajn resp. zorgigajn kategoriojn prefere lernu la anglan aldone al esperanto? Se jes, mi eble estas en malĝusta loko. Tlustulimu (diskuto) 18:26, 28 apr. 2024 (UTC)

 Ne farite--Fenikals (diskuto) 09:15, 24 sep. 2024 (UTC)

Kategorio:Korbopilkado => Kategorio:Korbopilko

La kategorioj kaj rilataj artikoloj estas alinomendaj al Korbopilko laŭe al PIV. RG72 (diskuto) 06:57, 18 apr. 2024 (UTC)

Sed PMEG diras: "Prefere oni nomu la ludon piedpilkado" (https://bertilow.com/pmeg/vortfarado/principoj/strechitaj_formoj.html). Indus konsulti ankaŭ la malneton de la venonta eldono de PIV. Lingvano (diskuto) 09:37, 18 apr. 2024 (UTC)

Malneto de la venonta eldono de PIV diras: "korbopilko 1 pilko uzata en korbopilkado. 2 (evitinde) = korbopilkado." Lingvano (diskuto) 09:50, 20 apr. 2024 (UTC)

Kontraŭ: --kani (diskuto) 20:30, 21 apr. 2024 (UTC)

Kontraŭ: alinomigo, por "korbopilkado". NE temas pri tipo de pilko, sed pri ludo. Taylor 49 (diskuto) 18:17, 28 apr. 2024 (UTC)

Kontraŭ: sama kialo kiel ĉe Taylor 49. --Tlustulimu (diskuto) 18:22, 28 apr. 2024 (UTC)

Kontraŭ: ThomasPusch (diskuto) 13:30, 12 maj. 2024 (UTC)

 Ne farite--kani (diskuto) 22:50, 22 jul. 2024 (UTC)

Okcidenta civilizo -> Okcidenta mondo

Kongrue kun plimulto de alilingvaj versioj. Okcidento estas alia artikolo. Kvankam Okcidenta civilizo ne estus maltaŭga titolo, Okcidenta mondo ebligus plibonigon de la nun polurinda artikolo.--kani (diskuto) 20:30, 21 apr. 2024 (UTC)

Komento: Kara - Eble vi pravas, tamen civilizo kaj mondo estas malsamaj konceptoj; la nocio civilizo estas pli proksima al la nocioj kulturo aŭ socio. En aliaj vikipedioj ekzistas apartaj artikoloj pri tiaj malsamaĵoj: ekzemple, en la angla kunekzistas artikoloj "Western World" kaj "Western culture" ktp (kaj same en la rusa). En la franca vikipedio oni havas apartajn artikolojn "Société occidentale" kaj "Occident" (kaj simile en la hispana) ktp.

Prefere, do, oni unue decidu pri la sortimento de tiaj nocioj rilataj al Okcidento, kaj poste distribuu la materialon al apartaj artikoloj akorde kun aliaj lingvoj. Amike, -Filozofo (diskuto) 23:45, 1 maj. 2024 (UTC)

Komento: Kvankam tio supozeble estas pli multa laboro, la propono de Filozofo aspektas saĝe. Do fine havi ambaŭ tekstojn, Okcidenta civilizo/socio/kulturo kaj Okcidenta mondo. Ĉiukaze la nuna artikolo estas markita polurenda, kaj eble estas malpli da laboro baze novkomenci ambaŭ tekstojn kaj nur enplekti iun blokon de la malnova teksto kiam ĝi vere taŭgas. ThomasPusch (diskuto) 13:38, 12 maj. 2024 (UTC)

 Ne farite--Fenikals (diskuto) 11:57, 22 sep. 2024 (UTC)

Fondumo => Fondaĵo

Por: Laŭ PIV. Pluraj artikoloj enhavas tiun ĉi vorton en titoloj aŭ tekstoj. RG72 (diskuto) 03:50, 27 apr. 2024 (UTC)

Komento: Mi pensas, ke jam okazis foje diskuto pri la titolo. Sed mi ne memoras, kiam. Ĉu eble iu alia? Tlustulimu (diskuto) 18:23, 28 apr. 2024 (UTC)

Por: mi esploris kelkajn vortarojn (NPIV, ReVo, Pacjurko, Kondratjev) aktive uzataj de mi kaj sufiĉe modernaj - nenie ekzistas vorto "Fondumo". VladimirPF (diskuto) 15:23, 29 apr. 2024 (UTC)

Por: Tamen, Fondumo Esperanto-säätiö efektive nomiĝas tiel, oficiale, do oni ne ŝanĝu la vorton ĉie en tiu paĝo. Eblus ŝanĝi en kelkaj lokoj, ĉar la propra ĉefa retpaĝo de la organizaĵo havas jenan unuan frazon: "Fondumo Esperanto (oficiale: Fondumo Esperanto-säätiö) estas fondaĵo, establita en la jaro 1955." Lingvano (diskuto) 21:15, 2 maj. 2024 (UTC)

Tamen la ekzemplo tre similas al propra nomo. VladimirPF (diskuto) 11:43, 14 maj. 2024 (UTC)

Por: Mi nenie trovis la vorton "fondumo" en miaj vortaroj. Krome eĉ la ortografia kontrolilo de Fajrovulpo ne konas ĝin. -- Tlustulimu (diskuto) 07:08, 12 maj. 2024 (UTC)

Por: "Fondaĵo" ĉiukaze estas bona vorto. Mi povas aldoni Middelkoop NL-EO-NL fondaĵo, Wells EN-EO-EN fondaĵo kaj Krause Langenscheid DE-EO 1993 fondaĵo, sed Le Puil Danvy FR-EO decidas por fondumo (p. 381). Do mi aliĝas al opinio de Lingvano ne voli komplete malinventi la vorton fondumo, ĉiukaze ĉiuj vortoj kun -aĵo kaj -umo estas principe gramatike ĝustaj, sed en praktika lingvouzo la kutima vorto sendube estas fondaĵo, kaj fondumo restu kiel alternativa variaĵo en unua frazo kaj alidirektilo al la paĝo Fondaĵo. ThomasPusch (diskuto) 13:51, 12 maj. 2024 (UTC)

Komento: En Vikipedio estas multaj artikoloj, kies titolo aŭ teksto enhavas la vorton fondumo. La vorto estas uzata ankaŭ ekster Vikipedio pri realaj organizaĵoj. La difino de fondaĵo en PIV tute malsimilas al tio, kio estas ekzemple la fondaĵoj de Universala Esperanto-Asocio. Mi vidas nenian eraron, mankon aŭ difekton en tio, ke ni havas artikolon titolitan Fondumo. Ŝanĝi la vorton do estus nur modifo pro kaprica modifemo, kaj tiajn oni ne faru. Certe, en la artikolo oni povas mencii la diversecon de terminoj ĉirkaŭ la temo kaj enmeti alidirektilojn el aliaj uzataj terminoj. Oni ne blinde fidu iun vortaron, se tiu klare ne scias pri la efektiva lingvouzo. – Tlustulimu pravas, ke iam okazis diskutado pri la vorto, sed ankaŭ mi ne memoras kie. --88.113.29.89 14:16, 12 maj. 2024 (UTC)

Komento: Fondumo estas jam fakte alidirektilo al Fondaĵo.--kani (diskuto) 19:41, 13 maj. 2024 (UTC)

Pri la frazoj «La difino de "fondaĵo" en PIV tute malsimilas al [la reala vivo]» kaj «[PIV] klare ne scias pri la efektiva lingvouzo»: PIV laŭ mi perfekte scias pri la efektiva lingvouzo se ĝi iom komplikete klarigas ke temas pri "establejo kreita por speciala, ordinare socia, celo, k provizita per sufiĉa kapitalo aŭ rento por povi daŭre funkciadi", do simpligite "organiza kreaĵo por socia celo kaj ekipita per sufiĉa mono por daŭre funkcii". Kontraste, "fonduso" estas nur "mono por aparta celo" (PIV). Laŭ mia percepto fondumo estas malpli uzata variaĵo de la vorto fondaĵo, kaj ambaŭ signifas la samon. Cetere la nuna artikolo laŭ mi tute malpravas aserti ke fondumo estus neologismo: el kiu lingvo? Mi ne konas latinan vorton "fondum" aŭ grekan "φωνδουμη" ktp. Fond-um-o laŭ mia kompreno estas same kunmetita vorto kiel fond-aĵ-o, nur ke la kunmetitaj vortoj kun afikso -um- estas ankoraŭ pli malkonkretaj kaj ambiguaj ol tiuj kunmetitaj kun -aĵ-. Do: estas bona situacio ke la teksto nomiĝas "fondaĵo" (PIV), kaj la alternativa vorto "fondumo" agnoskiĝas per alidirektilo tien kaj per mencio en unua frazo. Nur la priskribo ke fondumo estus "neologismo" laŭ mi devas foriri, kaj la subjektiva piednoto "Atentu : ne konfuzu Fondumo kun Fonduso/Fondaĵo kaj ne konfuzu Fondaĵo kun Fondumo. La vorto "fondaĵo" estas pli antikva ol "fondumo". Tamen ĝi kreis ambiguecon. Efektive, la esprimoj (ekzemple) "Fondaĵo Giorgio Canuto" kaj "Fondumo Pro Esperanto" ne indikas jure samajn subjektojn. La unua reale estas nur financa fonduso (fr: Fond, en: Fund) (neologisma termino pri fondaĵo), dum la dua estas fondumo (fr: Fondation, en: Foundation)." prefere ankaŭ, ĉar ĝi konfuze (mal)klarigas. Laŭ PIV kaj laŭ aliaj vortaroj estas «eo: fondaĵo = fr: Fondation = en: Foundation = de: Stiftung = nl: Stichting», kaj «eo:fonduso = fr: Fond = en: Fund = de:Fonds». Kaj fondumo simple laŭ Le Puil & Danvy estas alia (malpli ofta) variaĵo por fondaĵo. Punkto. ThomasPusch (diskuto) 00:39, 16 maj. 2024 (UTC)

Por lingvosciencisto, "neologismo" signifas simple novan vorton, do "fondumo" certe iam estis neologismo, sed ankaŭ "fondaĵo" iam estis neologismo. Povas esti, ke "fondumo" estas pli nova ol "fondaĵo", sed tion oni klarigu per la jaroj, en kiuj la vortoj estis unuafoje uzataj, ne per la etikedo "neologismo" aplikata al nur unu el ili. (Ŝajne "fondaĵo" estis en Plena Vortaro de Esperanto (1934). Ĉu "fondumo" estis uzata antaŭ la establo de de Fondumo Esperanto en 1955?) Lingvano (diskuto) 08:59, 16 maj. 2024 (UTC)

Ĉu demandu ni la Akademion? VladimirPF (diskuto) 09:54, 16 maj. 2024 (UTC)

Kial? Ni mem jam havas klarajn referencojn, ke ambaŭ vortoj estas uzataj en vortaroj kaj la praktika esperanta ĉiutago. Ĉu unu variaĵo aĝas naŭdek jarojn kaj la alia eble "nur" sepdek jarojn, ne estas forta argumento. Sed klaras ke PIV kaj vasta plimulto de vortaroj (kiel listigite Pacjurko Kondratjev Middelkoop Wells Krause, kaj la listo daŭrigeblus), el tiuj du ekzistantaj vortoj elektis la variaĵon "fondaĵo", pri kies ekzisto tute neniu dubas ĉi tie. Se jam kvin homoj klare subtenis havi la tekston sub titolo "fondaĵo" kaj nur unu anonimulo subjektive plendis ke tio estus "nur modifo pro kaprica modifemo" - kial ne malgraŭ tiu plendeto decidi pri titolo "fondaĵo"?? La titolo certe ne malĝustos, kaj estos pli akorda kun PIV, Revo kaj multegaj dulingvaj vortaroj. Tion mi skribas, certante pri la ekzisto de kroma vorto "fondumo" - sed tamen eblas elekti inter du alternativoj. Mi tute ne nomas la proponon "kaprica"! ThomasPusch (diskuto) 22:43, 17 maj. 2024 (UTC)

Wakeley-preĝejo ponardado en 2024 -> Ponardatako en la preĝejo de Wakeley en 2024

Saluton. Novulo ĵus kreis la artikolon Wakeley-preĝejo ponardado en 2024, kies titolo sonas por mi lingve fuŝa. Sed mi ne tuj havas ideon pri korekto. Ĉu eble iu alia? - Krome la lingvaĵo estas parte polurinda. Amike

Saluton, mi estas la kreinto de la artikolo, se vi havas alian nomon por ĝi, bonvolu diri al mi. Mi pensis pri "Ponardado en Wakeley-preĝejo en 2024", "Ponardado en Wakeley-preĝejo de 2024" kaj "Ponardado en la preĝejo de Wakeley en 2024", sed mi ne scias kiu estus la plej bona. --Jon Gua (diskuto) 13:41, 13 maj. 2024 (UTC)

Ĉefa problemo de la titolo estas uzo de literoj kiuj mankas en Esperanta alfabeto. Alivorte, tio estas fremdlingva titolo. VladimirPF (diskuto) 11:45, 14 maj. 2024 (UTC)

"Ponardado en la preĝejo de Wakeley en 2024" ŝajnas al mi plej konvena. kani (diskuto) 19:42, 13 maj. 2024 (UTC)

Dankon, mi ĵus ŝanĝis la artikol-titolon. Jon Gua (diskuto) 09:32, 14 maj. 2024 (UTC)

 problemo solvita ThomasPusch (diskuto) 22:19, 17 maj. 2024 (UTC)

Kontraŭ: nuna Ponardado en la preĝejo de Wakeley en 2024 kaj Kontraŭ: komenca Wakeley-preĝejo ponardado en 2024. Por: Ponardatako en la preĝejo de Wakeley en 2024 ĉar ne temas pri daŭra aŭ ripeta agado. Taylor 49 (diskuto) 10:47, 11 jun. 2024 (UTC)

Por: Ponardatako en la preĝejo de Wakeley en 2024, kiu ŝajnas al mi klara kaj lingve neriproĉebla titolo. Amike, -Filozofo (diskuto) 00:53, 29 jun. 2024 (UTC)

 Farite Taylor 49 (diskuto) 16:12, 3 jul. 2024 (UTC)

Okupado => Okupacio

Nuna situacio: La artikolo Okupado temas pri milita okupado, sed la lasta alineo temas pri nemilita okupado. Krome, estas alidirekto de Okupacio al Okupado. Jen la nomoj de aliaj rilataj artikoloj: Okupacio de Francio, Okupacio de Germanio, Okupacio de Japanio, Okupacio de baltaj ŝtatoj, ktp.

Propono: Movi la artikolon Okupado al Okupacio.

Kialo: Kaj okupado kaj okupacio povas signifi milita okupado. Sed okupacio specife indikas milita okupado, dume okupado estas pli ĝenerala vorto, kiu povas priskribi nemilitajn situaciojn, ekz: "Dek personoj okupas la lifton".

• PIVaj difinoj:
  • okupado: Ago de tiu, kiu daŭre okupas lokon: la efektiva posedo rezultas de konstanta okupado; la okupado de la lando far la malamikaj trupoj. (Vidu: okupacio)
  • okupacio (Kat: armeoj): Uzurpa okupado de loko, lando ks.

Alternativo: Krei novan artikolon Okupacio, porti la militan enhavon tien.

Dotyoyo (diskuto) 19:31, 16 maj. 2024 (UTC)

Por: Okupacio, ĉar tio ankaŭ bone harmonias kun la intervikioj. La alternativo ne farus tion. Tlustulimu (diskuto) 17:44, 17 maj. 2024 (UTC)

Por: Okupacio kiun bonŝance PIV tre subtenas kaj jam en 1970 dokumentas kiel ne "kaprica neologismo de malmultaj stranguloj", sed vere tradicia esperanta vorto. ThomasPusch (diskuto) 22:18, 17 maj. 2024 (UTC)

Komento: Tri semajnoj pasis. Por kion ni atendas? Ĉiuj la gastoj jam alvenis al ĉi tiu festo, ĉu ne? Okazis 2 "por" voĉdonoj, kaj neniu "kontraŭ" voĉdonoj. Ĉu ne estas sufiĉa da diskuto? Ĉu estus malĝentile por mi deklari, ke la voĉdonado estas finita, kaj movi la artikolon per mi mem? Dotyoyo (diskuto) 03:31, 8 jun. 2024 (UTC)

Por: Okupacio. Amike, -Filozofo (diskuto) 23:01, 22 jun. 2024 (UTC)

Komento: Mi ne povas movi ĉi tion, ĉar "Okupacio" jam ekzistas kiel alidirektilo. Dotyoyo (diskuto) 19:19, 23 jun. 2024 (UTC)

 Farite Nun indas, ke proponanto reredaktu iom la tekston.--kani (diskuto) 18:54, 9 jul. 2024 (UTC)

Erevano

En diskutpaĝo de Erevano ekzistas diskuto pri alinomado al Jerevano. Mi aŭskultis la elparolon en la origina armena, kaj mi trovis Jerevan (kiel nelatina skribsistemo).

Propono: movi la artikolon Erevano al Jerevano tiel, ke la nuna stato ŝanĝiĝu (Jerevano estu la videbla titolo).

Por: --Crosstor (diskuto) 05:41, 20 maj. 2024 (UTC)

Kontraŭ: Mi ĵus rigardis en la androidan apon Prevo, kies enhavo baziĝas sur la Reta Vortaro (Erevano). Ĝi konas nur la vorton "Erevano", same kiel la "Plena Vortaro Esperanto-Germana" kaj la ortografia kontrolilo de Fajrovulpo. Ankaŭ NPIV konas nur la formon sen komenca j, do "Erevano". Do, mi dubas pri utilo de alinomado. Tlustulimu (diskuto) 18:43, 18 jun. 2024 (UTC)

Kontraŭ: En PIV estas Erevano, kaj mi trovis nur tiun formon en tekstaro.com. Mankas motivo por renomi la urbon, laŭ mi. Cetere, aŭskulti la elparolon ne sufiĉas por kompreni la fonologion kaj eventualajn tradiciojn en la adaptado de nomoj inter lingvoj. Necesus pli serioza studo. Lingvano (diskuto) 06:40, 19 jun. 2024 (UTC)

Komento: Malgrava detalo, verŝajne: La unua litero de la armena nomo estas Ե. La angla Vikipedio asertas, ke tiu litero estas prononcata kiel /jɛ/ en la orienta kaj la okcidenta lingvoj, sed kiel /ɛ/ en la "klasika" lingvo. Ĉu tio povus esti klarigo de la transskribo? Tamen, alilingvaj Vikipedioj donas aliajn informojn pri la prononco de tiu litero ... Lingvano (diskuto) 16:32, 19 jun. 2024 (UTC)

Komento: Mi trovis plian fonton por "Erevano". Tiu formo troveblas en Poŝatlaso de la mondo, sur la mapo 17a, sur la mapoparto A 1. Tlustulimu (diskuto) 17:59, 19 jun. 2024 (UTC)

Kontraŭ: En PIV estas Erevano. Oni ne povas konstante ŝanĝi internaciajn loknomojn laŭ lokaj prononcoj, kiuj ne ĉiam estis nedubeblaj.--kani (diskuto) 18:50, 9 jul. 2024 (UTC)

 Ne farite--kani (diskuto) 22:50, 22 jul. 2024 (UTC)

Fervoja kaŝpasaĝero -> Kaŝvojaĝado per kargotrajno (ŝarĝotrajno) -> Senbileta trajnovojaĝado

Fervoja kaŝpasaĝero -> Kaŝvojaĝado per kargotrajno ŝargotrajno Senbileta trajnovojaĝado por kongrui kun d:Q5501399 kiu temas pri fenomeno, ne pri persono. Taylor 49 (diskuto) 15:43, 22 jun. 2024 (UTC)

Komento:

1. Se oni nepre insistas, ke temas pri trajno transportanta varojn, ĝi pli taŭge nomiĝu kargotrajno (aŭ eventuale vartrajno aŭ, finfine, ŝarĝotrajno, sed certe ne ŝargotrajno).

2. Verdire, post tralego de la koncerna artikolo iĝas tute klare, ke ne nepre temas pri kargotrajnoj. Prefere do temu pri trajno ĝenerale, sed ne pri (trospecifita trajnotipo) kargotrajno.

3. Se oni volas meti fokuson sur vojaĝado anstataŭ sur pasaĝero, eblas nomi la artikolon Senbileta trajnovojaĝado, Kaŝvojaĝado per trajno aŭ simile.

Amike, -Filozofo (diskuto) 22:55, 22 jun. 2024 (UTC)

Prefere Kontraŭ: precizigo de la speco de trajno aŭ vagono. Sindetena: aŭ malforte Kontraŭ: ŝanĝo de "-pasaĝero" al "-vojaĝado".

Laŭ mi malsamaj vikipedioj rajtas difini la temojn de siaj artikoloj sendepende; ni tamen devas rigardi ilin kiel ekvivalentajn kaj interligi ilin, se la temoj estas tiel simile difinitaj, ke neniu vikipedio volus havi artikolojn pri ambaŭ.

Kiam mi kreis la artikolon, mi intencis, ke la temo estu ĉia kaŝvojaĝado en aŭ sur vagonaro. Por tiu intenco, mi adaptis enhavon el la angla "Freighthopping" kaj intervikie ligis al ĝi, ĉar sajnas al mi, ke neniu vikipedio volus havi apartajn artikolojn pri vagonara kaŝvojaĝado ĝenerale kaj en varvagonoj specife. La memoraĵoj de Jack London, kiujn mi citis en la bibliografio, intermiksas menciojn de poŝtvagonoj kaj pasaĝeraj vagonoj kun mencioj de varvagonoj sen ia indiko, ke la distingo gravas.

Mi emas suspekti ke la vortumo de la angla vikipedio kaj Vikidatumoj mencias varvagonojn anstataŭ vagonarojn ĝenerale nur pro malzorgo aŭ ia erara supozo.

Priskribi pasaĝerojn kaj priskribi ilian vojaĝadon estas en praktiko la sama afero, do logike ne gravas kiun vortojn oni uzas en la titolo. Mi elektis "kaŝpasaĝero" ĉar ĝi estas establita vorto en Esperanto, dum "kaŝvojaĝi" ŝajne ne (neniu trafo en la Tekstaro, dum "kaŝpasaĝero" havas plurajn). Arbarulo (diskuto) 03:54, 23 jun. 2024 (UTC), redaktita de Arbarulo (diskuto) 13:32, 23 jun. 2024 (UTC)

Komento: Estis evidenta tajperaro miaflanke. Mi celis la terminon ŝarĝotrajno. Mi vidas ke vi sendiskute alinomis plurajn paĝojn, interalie ŝarĝotrajno -> kargotrajno. Mi ne kontraŭas tion. Jes malsamaj vikipedioj rajtas difini la temojn de siaj artikoloj sendepende, tamen tiam necesas krei plurajn Q-umojn kaj interligado plikomplikiĝas. Vi pravas ke "kaŝvojaĝado" eble ne estas bona termino. Mi subtenas la proponon " Senbileta trajnovojaĝado ". Taylor 49 (diskuto) 21:04, 23 jun. 2024 (UTC)

Por: Senbileta trajnovojaĝado: miaopinie, tio estas konmpakta kaj klara titolo, kiu trafe kaj rekte esprimas la intencitan sencon. Amike, -Filozofo (diskuto) 18:15, 3 jul. 2024 (UTC)

Komento: Mi ne estas vere konvinkita, ĉar ŝajnas al mi, ke "kaŝpasaĝero" estas pli uzata esprimo ol "senbileta vojaĝado". Tamen mi ne taksos tion sufiĉa motivo por bloki interkonsenton pri la titolo "Senbileta trajnovojaĝado", se aliaj kontraŭoj ne aperos. Arbarulo (diskuto) 13:27, 7 jul. 2024 (UTC)

Komento: Notindas, ke

(1) la prefero de pasaĝero aŭ vojaĝado, unuflanke, al formo kun prefikseca trajno-, aliflanke, dependas de la decido, ĉu la artikolo temu pri ĉiaspeca vojaĝado/transportado de homoj aŭ nur pri trajno-vojaĝado;

(2) la uzeblo de la prefikseca kaŝ- forte dependas de ties idiomeca senco (proksimume = nerimarkite, sen permeso, neligitime), dum la epiteto senbileta estas memklariga.

Miakomprene, la relativa graveco de tiuj ĉi faktoroj determinas, kian el la proponitaj variantoj de la titolo oni preferu. Amike, -Filozofo (diskuto) 20:35, 9 jul. 2024 (UTC)

Certe la radiko kaŝ- povus referenci famulon kiu havas bileton, sed kaŝas sin per grandaj sunokulvitrpj, peruko, ĉapelo aŭ kaptuko, por ne esti rekonata. Tial kaŝ- ne indas. kani (diskuto) 19:49, 11 jul. 2024 (UTC)

 Farite Mi volas memorigi, ke la vorto "kaŝpasaĝero" estas jam enradikiĝinta en Esperanto - mi ne elpensis ĝin - kaj tamen mi taksas ĝin logika, ĉar ĝi nomas homon kiu kaŝas precize tion, ke li/ŝi estas pasaĝero. Sed jam estas sufiĉe evidente, ke ĝi malplaĉas al vikipediistoj. Arbarulo (diskuto) 18:51, 15 jul. 2024 (UTC)

Monto Fuĝi -> Monto Fuĵi

Fakte precize mi persone ne proponas tiun ŝanĝon, ĉar mi malfakulas prie; mi volas nur averti, ke jam okazis diversaj ŝanĝoj kaj en la titolo kaj en la redakto. Iu ĵus ŝanĝis la redakton el Fuĝi al Fuĵi, dum la titolo restas Fuĝi kaj la enkonduko estas granda fuŝego.--kani (diskuto) 19:00, 9 jul. 2024 (UTC)

Por: "Fuĵi-monto" en la titolo, teksto kaj en eventualaj kategorioj, akorde kun la internacia referenco PIV (artikolo Fuĵi-monto en la Plena Ilustrita Vortaro de Esperanto (PIV), eldono de 2020, reta versio) kaj laŭ la diskutpaĝaj notoj el 2013. Mi komprenas se iuj individuoj ne konsentas kun PIV ĉi tie, kaj argumentas ke por prononco la formo "fuĝi" pli taŭgas, sed por artikolaj titoloj la norma vortaro pli gravas ol individuaj opinioj. Aidas (diskuto) 17:03, 31 jul. 2024 (UTC)

Israela invado de Gazaa sektoro (2023) --> Operaco de Israelaj Defendaj Fortoj en Gazaa Sektoro (2023)

Denove mi ne proponas alinomon, sed ja okazis alinomo de tiu ĵusa artikolo al Operaco de Israelaj Defendaj Fortoj en Gazaa Sektoro (2023) fare de Filozofo. Mi malfaris tun alinomon kaj ne volas okazigi redaktobatalon, kaj tial mi metas ĉi tien la aferon. Mi tradukis el la hispanlingva versio kie la vorto ne estas operaco, sed invado. Krome el la de mi kompreneblaj lingvoj el tiuj ok uzas la vorton invado, dum nur la germana lingvo uzas la vorton operaco. Mi proponas la restigon de la dekomenca titolo.--kani (diskuto) 19:59, 10 jul. 2024 (UTC)

Kontraŭ: Por restigado de la dekomenca titolo, ĉar, krom la menciitaj teknikaj argumentoj, kiam armeo eniras senpermese en alia lando, sendepende de la tialoj, tio estas invado.--kani (diskuto) 20:02, 10 jul. 2024 (UTC)

Komento: La Esperanta vorto "invado" certe ne taŭgas por nomi la koncernan eventon: bonvolu kontroli la difinon de la vorto "invado" en ia ajn Esperanta vortaro. Temas pri zorge kaj pacience planita operaco de IDF sur la teritorio de Gazaa Sektoro responde al la atako de Hamaso kontraŭ Israelo kun la celo savi la ostaĝojn kaptitajn de Hamaso dum la atako kaj por malebligi, ke Hamaso ripetu similan atakon. Se necesos, mi provizos pli pedantajn klarigojn. Amike, -Filozofo (diskuto) 21:27, 11 jul. 2024 (UTC)

Por: La titolo Operaco de Israelaj Defendaj Fortoj en Gazaa Sektoro (2023). Amike, -Filozofo (diskuto) 21:27, 11 jul. 2024 (UTC)

Komento: Invado laŭ PIV (ĉefa lingva aŭtoritato, spite misojn) estas "Perforte eniri k ekokupi fremdan landon: Grandnombre eniri en iun lokon" kaj ambaŭ cirkonstancoj okazis kaj okazas. Operacplanoj kaj celoj ŝanĝas nek la aferon nek la preskaŭ universalan titolon, kvankam ja povas esti inkluditaj en la redakto. Ĉiuj povas kaj rajtas provizi pedantajn klarigojn.--kani (diskuto) 11:39, 12 jul. 2024 (UTC)

Kontraŭ: alinomigo. Por la nuna titolo "Israela invado de Gazaa sektoro (2023)" ĉar temas pri agreso kaj invado, same kiel Invado de Rusio en Ukrainion (2022). Taylor 49 (diskuto) 14:04, 14 jul. 2024 (UTC)

Kontraŭ: . Kiel diris Kani, operacplanoj kaj celoj (eĉ se ni ĉiuj konsentus kun la asertoj faritaj pri tio) neniel rolas en la difino de "invado." La trafa kaj komunlingva titolo restu. Arbarulo (diskuto) 02:53, 15 jul. 2024 (UTC)

Komento: Karaj kolego Taylor 49 kaj aliaj - Vi mem argumentas kontraŭ propra prefero: la priskribata evento evidente ne estas agreso: laŭ PIV, agresi = Ataki kiel unua, ne estante mem minacata de atako. Fakte, tute male, temas pri ago responda al agreso. Eĉ pli grave: la nuna titolo sonas kvazaŭ Israelo senprovoke invadis fremdan landon kun la intenco aneksi ĝin, dum ĉiu elemento de tiu ĉi aserto estas draste, absurde malvera. Tio kreas impreson de kalumnia insinuo kaj ne konformas kun la aspirata normo de objektiveco en Vikipedio, al kiu ĉiu el ni espereble strebas, ĉu? Amike, -Filozofo (diskuto) 21:52, 15 jul. 2024 (UTC)

Komento: La invado far Israelo ne estis komenco de la konflikto. Same antaŭa operaco de Hamas ne estis. Israelo ĉikanegadis palestinanojn dum 75 jaroj, ĉu ne? Taylor 49 (diskuto) 21:51, 16 jul. 2024 (UTC)

Ne.

Hamaso oficiale celas neniigon de Israelo, kaj per la brutala atako re-demonstris, ke tia deklaro ne estas retorika figuro, sed ke ili efektive pretas amase perforti, torturi kaj murdi ĉiujn, kiuj ne konsentas pri tio.

Israelo, male, pacience penas atingi pacan kunvivadon kun siaj najbaroj. Por faciligi tion koncerne Gazaon, Israelo eĉ perforte forigis el Gazao hebredevenajn israelanojn, kiuj ĉiam vivis tie.

Plejparto de la viktimoj de la hamasa atako estis amikoj de palestinanoj: ekzemple, inter la viktimoj estis homoj, kiuj dediĉis signifan tempon por helpi al malsanaj infanoj el Gazao.

Nun Hamaso intence penas maksimumigi mortojn kaj suferojn ankaŭ inter gazaanoj. Filozofo (diskuto) 22:30, 16 jul. 2024 (UTC)

Kontraŭ: : Ni lasu la titolon kiel en multaj aliaj lingvoj. Lingvano (diskuto) 22:02, 15 jul. 2024 (UTC)

 Ne farite--kani (diskuto) 22:49, 22 jul. 2024 (UTC)

Kajero -> Lerneja kajero aŭ Ekzerca kajero, Notlibro -> Kajero

Mia unua propono estis kunigi la artikolojn, sed ĝi estas malakceptita. Tial mi proponas ke la titolo spegulu la celatan distingon, t.e. ke unu artikolo temas pri ĉiuj notlibroj/kajeroj kaj unu nur pri tiuj, kiujn lernantoj uzas por siaj studoj. Arbarulo (diskuto) 19:48, 21 jul. 2024 (UTC)

Por: alinomigo de Kajero al Ekzerca kajero (malpli prefere al Lerneja kajero aŭ Ekzerca notlibro), Kontraŭ: Notlibro -> Kajero kaj Kontraŭ: kunigo. Taylor 49 (diskuto) 11:34, 23 jul. 2024 (UTC)

Se vi kontraŭas Notlibro -> Kajero, ĉu do vi akceptus Kajero -> Ekzerca notlibro? Arbarulo (diskuto) 18:15, 29 jul. 2024 (UTC)

La vorto "notlibro" konsentite estas en PIV kaj havas trafojn en tekstaro. Tamen, "notlibro" kaj "kajero" havas tro similajn difinojn en PIV. Do mi akceptetus terminon "ekzerca notlibro", tamen preferas titolon "ekzerca kajero", ĝis ke iu prezentos gravajn argumentojn por la distingo inter "kajero" kaj "notlibro", kiun mi nuntempe ne vidas. Taylor 49 (diskuto) 15:58, 30 jul. 2024 (UTC)

Eble vi miskomprenis vin, aŭ mi miskomprenis vin. Laŭ mi, "kajero" kaj "notlibro" signifas la saman aferon, do mi volas havi la saman vorton en ambaŭ titoloj, ĝuste por ne ŝajnigi ke ni distingas ilin. Ne tiom gravas kiun vorton ni elektu, nur ke ĝi estu la sama. Arbarulo (diskuto) 20:16, 5 aŭg. 2024 (UTC)

 Farite (Kajero -> Ekzerca kajero),  Ne farite (Notlibro -> Kajero). Mi ankoraŭ volus scii kial Taylor 49 aŭ eventuale aliaj volas havi "notlibro" en unu titolo sed "kajero" en la alia. Arbarulo (diskuto) 14:54, 1 sep. 2024 (UTC)

Pokalo (konkurso) -> Rekta elimino

Aŭ simila solvo, laŭ aliaj lingvoj. Nur tri najbaraj lingvoj (nordiaj) elektas Cup.--kani (diskuto) 22:54, 22 jul. 2024 (UTC)

Forte por: alinomigo for de "pokalo", al "Rekta elimino" aŭ "Rektelimina konkurso". La svedaj, norvegaj kaj finnaj paĝoj estas fuŝaj, same kiel la esperanta. Mi jam anstataŭigis bildojn sur la norvega kaj la esperanta. Vikipedio ne estas vortaro, do paĝo ne temu ĉefe pri pluraj signifoj de vorto "pokalo" aŭ "cup", sed pri unu el tiaj signifoj (la aliajn eblas mencieti plej supre aus plej sube, aŭ en aparta sekcio "Etimologio" kiu ne konsistigu plejparton de la enhavo). Paĝo konektita al d:Q864897 temu nepre pri sistemo de konkurso, ne pri trinkujo, ne pri trofeo. Taylor 49 (diskuto) 11:23, 23 jul. 2024 (UTC)

Por: Arbarulo (diskuto) 18:15, 29 jul. 2024 (UTC)

 Farite Taylor 49 (diskuto) 15:58, 30 jul. 2024 (UTC)

Korbopilko -> Korbopilkado

Korbopilko -> Korbopilkado ĉar temas pri ludo, ne pri tipo de pilko, kongrue kun Piedpilkado. Pli bone "basketbalo" kaj "futbalo" ol "piedpilko" kaj "korbopilko". Taylor 49 (diskuto) 12:13, 23 jul. 2024 (UTC)

Sindetena: La plej grava kriterio, t.e. efektiva uzado, estas malklara. Pri la lingva flanko mi konsentas kun Taylor 49. Arbarulo (diskuto) 18:15, 29 jul. 2024 (UTC)

Kontraŭ: Plej konata vorto estas "futbalo" kiu, en la origina lingvo kaj sekve, nomo de pilko iĝas nomo de la sporto. Korbopilko estas iom malkomplika, ĉar male estus korbopilkadisto, korbopilkada matĉo aŭ eĉ korbopilkadmatĉo, korbopilkademulo ktp.--kani (diskuto) 18:28, 31 jul. 2024 (UTC)

 Ne farite--Fenikals (diskuto) 12:13, 17 sep. 2024 (UTC)

Naser -> Gamal Abdel Naser

Alinomado de Naser al Gamal Abdel Naser. Mi provis fari la alinomadon mem, sed ne havas la rajton, tial mi petas ke administranto faru ĝin. - Dankon! Moldur (diskuto) 16:39, 27 jul. 2024 (UTC)

Por: Gamal Abdel Naser. Tiu ĉi formo estas internacie rekonebla, kaj tiel la nomo kutime estas menciata. Amike, -Filozofo (diskuto) 19:36, 27 jul. 2024 (UTC)

Por: Kompreneble, oni uzu la kompletan nomon. Arbarulo (diskuto) 18:15, 29 jul. 2024 (UTC)

Forte por: alinomigo. Administranto, bv forigu la alidirektilon Gamal Abdel Naser. Taylor 49 (diskuto) 14:35, 30 jul. 2024 (UTC)

Por: Aidas (diskuto) 16:43, 31 jul. 2024 (UTC)

 Farite--kani (diskuto) 18:21, 31 jul. 2024 (UTC)

Kategorio:Arusha => Kategorio:Aruŝo

Ĉar ekzistas Aruŝo. Mi tute ne komprenas kiel maniere en 2023 @Uzanto:Dominik kreis tian krorodilaĵon. Des pli ke li minimume ek de 2012 scias pri esperanta titolo (li korektis artikolon Aruŝo). VladimirPF (diskuto) 10:57, 30 jul. 2024 (UTC)

Verdire, por mi kiu iam feriis en tiu regiono, "Arusha" sonas multe pli familiare ol "Aruŝo". Nur poste mi konsciis ke esperantistoj prefere uzas la nomon "Aruŝo". Dominik (diskuto) 12:14, 30 jul. 2024 (UTC)

Komento: Kategorio:Arusha => Kategorio:Aruŝo kaj Aruŝo Arusha kaj Nacia Parko Aruŝo Nacia Parko Arusha kaj Regiono Aruŝo Regiono Arusha -- estas almenaŭ 4 involvitaj paĝoj. Taylor 49 (diskuto) 14:38, 30 jul. 2024 (UTC)

Por: ŝanĝoj de en anglalingva vorto Arusha al e-lingva Aruŝo en ĉiuj tekstaj kaj kategoriaj titoloj, kun teno de alinomigaj indikoj pri la tekstoj. Mi komprenas ke feriante en la regiono oni surstrate vidas pli da ŝildoj en la angla ol en Esperanto, sed ĉi tie estas e-lingva projekto kaj grandaj urboj kaj administraj regionoj prefere estu en la projekta lingvo. Aidas (diskuto) 16:42, 31 jul. 2024 (UTC)

Por: Aruŝo.--kani (diskuto) 18:18, 31 jul. 2024 (UTC)

Rilate la propono, ankaŭ mi estas Por: Aruŝo.

Rilate vortumon, kaj agnoskante ke mi mem ne rajtas fanfaroni pri modela ĝentileco, mi tamen pledetos fari proponojn kiel eble malplej insulte. Do, anstataŭ nomi ion "krokodilaĵo", oni povas diri, "la Esperanta nomo estas preferinda". Kaj anstataŭ elstarigi, ke oni ne komprenas kiel alia vikipediisto pensis, laŭ mi sufiĉas diri ke oni malkonsentas kaj esprimi kial. Des pli kiam temas pri propraj nomoj, kie ne ekzistas klare difinebla regulo por konsulti.

Pri la lingvo, "Arusha" ne estas angla. Mi pensas ke ĝi estas svahila, eble origine el iu alia afrika lingvo. Arbarulo (diskuto) 20:16, 5 aŭg. 2024 (UTC)

 Farite --Dominik (diskuto) 04:12, 17 aŭg. 2024 (UTC)

Sieĝo de Konstantinopolo -> Falo de Konstantinopolo

Mi kredas, ke Falo de Konstantinopolo estas pli ofta en aliaj lingvoj. Krome la populara konata afero estas la falo ĉu atingita per sieĝo, fina atako, ktp. Poste oni aŭ mi povos poluri la redaktadon tiukadre.--kani (diskuto) 18:33, 31 jul. 2024 (UTC)

Por: bone... mi persone pensas ke ambaŭ titoloj estas bonaj, sed la nova neniel malpli ol la malnova. Aidas (diskuto) 20:03, 31 jul. 2024 (UTC)

Eble pli trafe: "Konkero de Konstantinopolo"? - Moldur (diskuto) 15:16, 1 aŭg. 2024 (UTC)

Por: Falo de Konstantinopolo, Konkero de Konstantinopolo, Kapto de Konstantinopolo, aŭ ajna simila vortumo. La grava afero ne estis tio, ke oni sieĝis Konstantinopolon, sed tio, ke la sieĝo sukcesis. Eblas disputi, kiu vorto esprimus tion kun la plej neŭtrala nuanco. Arbarulo (diskuto) 20:16, 5 aŭg. 2024 (UTC)

Por: Konkero de Konstantinopolo, eble plej neutrala..--kani (diskuto) 11:29, 13 aŭg. 2024 (UTC)

Por: Konkero de Konstantinopolo. - Moldur (diskuto) 11:54, 13 aŭg. 2024 (UTC)

Por: Konkero de Konstantinopolo. Oni plurfoje sieĝis Konstantinopolon, sed nur unufoje tio rezultigis konkeron. Taylor 49 (diskuto) 22:43, 20 aŭg. 2024 (UTC)

 Farite Taylor 49 (diskuto) 23:14, 20 aŭg. 2024 (UTC)

Kalisto la 2-a

Mi proponas alinomi papon Kalisto la 2-a al Kaliksto la 2-a, por plisimiligi lin al Kaliksto la 1-a kaj Kaliksto la 3-a, kaj al la ses papoj nomataj "Siksto", kaj krome por malsimiligi lin de Kalisto (mitologio). - Moldur (diskuto) 09:57, 6 aŭg. 2024 (UTC)

Por: --kani (diskuto) 11:28, 13 aŭg. 2024 (UTC)

 Farite --kani (diskuto) 18:33, 24 aŭg. 2024 (UTC)

Apeirono -> Apeiron

La kreinto de la artikolo prave metis ĉi tiun artikolon en la kategorio "Filozofia terminologio", ĉar ĝi vere temas pri vorto pli ol koncepto. Tial, laŭ mi, estas preferinde uzi la originalan vorton. Aŭ se ni volas Esperantigi, la Esperantigo devus esti apiro (laŭ la tradicia, latinideca maniero Esperantigi antikvajn grekajn nomojn) aŭ apejro (laŭ la sistemo de Broadribb en lia traduko de la Respubliko, pli fidele al la greka ortografio kaj ĝis certa grado la klasika greka prononco). -on estas gramatika finaĵo, kaj nepre ne traktiĝu kiel parto de radiko.

Pli aŭdace, oni povus ankaŭ traduki, ekzemple Senlimeco (Anaksimandro) aŭ Senlimeco en antikva greka filozofio. Arbarulo (diskuto) 18:26, 12 aŭg. 2024 (UTC)

Por: Apeiron; krome Apiro estas loko en Italio.--kani (diskuto) 11:34, 13 aŭg. 2024 (UTC)

Por: Apeiron; ne inventu esperantigon. - Moldur (diskuto) 11:53, 13 aŭg. 2024 (UTC)

 Farite --kani (diskuto) 18:34, 24 aŭg. 2024 (UTC)

Kategorio:Gimnastoj -> Kategorio:Gimnastikistoj

Laŭ PIV "gimnasto" estas helena instruisto, dum la celita radiko estus gimnastiko. Estas pluraj rilataj kategorioj. Do, komplika afero, por kiu mi ne kompetentas.--kani (diskuto) 11:34, 13 aŭg. 2024 (UTC)

Por: Klare jes, por ĉiuj rilataj kategorioj. Tiun laboron faru prefere iu vikipediano kun roboto. - Moldur (diskuto) 11:51, 13 aŭg. 2024 (UTC)

Por: , laŭ PIV. Arbarulo (diskuto) 13:40, 19 aŭg. 2024 (UTC)

Por: (tamen laux sama logiko Kategorio:Biologoj -> Kategorio:Biologiistoj). Taylor 49 (diskuto) 23:02, 20 aŭg. 2024 (UTC)

 Farite (ne la subkatoj) Taylor 49 (diskuto) 23:14, 20 aŭg. 2024 (UTC)

Taylor 49 Dankon por la alinomado. Ni tamen ne forgesu ke ankoraŭ restas la diversaj subkategorioj ankaŭ alinomendaj! - Moldur (diskuto) 20:22, 24 aŭg. 2024 (UTC)

Komento: "Biologo" tute ne estas paralela al "gimnasto". "Biologo" estas oficiala vorto, kun sama signifo kiel "biologiisto" (tial neniu uzas tiun longan vorton). Kontraste, "gimnasto" estas malofta, neoficiala vorto por obskura historia posteno, kiu tute ne estas sinonimo de "gimnastikisto". - Moldur (diskuto) 20:22, 24 aŭg. 2024 (UTC)

 Farite la subkatoj. Taylor 49 (diskuto) 14:37, 31 aŭg. 2024 (UTC)

Salmonella -> Salmonelo

Laŭ PIV la bakterio havas Esperantan komunan nomon, kaj laŭ mi ĝi estas sufiĉe ĉiutaga por meriti ĝin. Do mi preferus uzi tiun nomon en la titolo anstataŭ la scienca. Arbarulo (diskuto) 13:40, 19 aŭg. 2024 (UTC)

Por: --kani (diskuto) 18:29, 24 aŭg. 2024 (UTC)

Por: Salmonelo. Amike, -Filozofo (diskuto) 19:46, 24 aŭg. 2024 (UTC)

 Farite--Fenikals (diskuto) 19:46, 30 aŭg. 2024 (UTC)

Salmonelozo -> Salmonela gastroenterito

Laŭ PIV kaj logiko "salmonelozoj" estas ĉiuj malsanoj kaŭzataj de salmonela infekto. Tio inkludas gastroenteriton kaj diversajn malsanojn kaŭzatajn de salmoneloj ekster la digesta sistemo: tifoidon, paratifoidon, kaj "invadan netifoidan salmonelozon". Ĉi tiu artikolo ne temas pri ĉiuj salmonelozoj - certe ne tifoido kaj paratifoido, kaj kvankam ĝi mencias kazojn, kiuj eble estas invada netifoida salmonelozo (ne estas klare al mi), ĝi ne vere temas pri tio. Kompreneble la artikolo estas ĝermo, do la temo povas esti fleksebla se ni decidos ŝanĝi ĝin kaj iu volos fari la laboron. Arbarulo (diskuto) 14:58, 19 aŭg. 2024 (UTC)

 Farite Arbarulo (diskuto) 15:01, 1 sep. 2024 (UTC)

Tifoida febro -> Tifoido

Laŭ PIV ambaŭ esprimoj ekzistas kaj havas la saman signifon. Mi preferas la pli mallongan kaj gramatike pli simplan. Arbarulo (diskuto) 14:58, 19 aŭg. 2024 (UTC)

 Farite Arbarulo (diskuto) 15:01, 1 sep. 2024 (UTC)

Kurskajaj

Kurskaja (stacio de Moskva metroo) -> Kurskaja (Pokrovskaja linio) kohere kun Kurskaja (Kolcevaja linio) kiu ankaux estas stacio de Moskva metroo. Taylor 49 (diskuto) 19:00, 26 aŭg. 2024 (UTC)

Certe Por: . Se mi ne preteratentis ion, la propono devus esti senpolemika. Arbarulo (diskuto) 14:48, 1 sep. 2024 (UTC)

Komento: Kial la artikolo ne devus nomi Kurskaja (Arbatsko-Pokrovskaja linio)? Boivie (diskuto) 18:01, 1 sep. 2024 (UTC)

 Farite Mi ŝovis la artikolon reen al Kurskaja (Arbatsko-Pokrovskaja linio) kie gxi fakte iam estis. Taylor 49 (diskuto) 19:04, 7 sep. 2024 (UTC)

Ciganoj -> Romaoj

Pli komuna, indiĝena, neŭtrala kaj maldiskriminacia nomo.--Fenikals (diskuto) 12:31, 30 aŭg. 2024 (UTC)

Por: När zigenare blev romer. Taylor 49 (diskuto) 13:49, 31 aŭg. 2024 (UTC)

Komento: Miascie, la vorto "cigano" (oficialigita per la Unua Oficiala Aldono al Universala Vortaro) ne enhavas en Esperanto ian ajn diskriminacian konotacion. Esperanto ne tiel facile ŝanĝas sian vortaron sub politika premo (aŭ ŝanĝiĝanta modo). Tiel, ne cedante la premon, ni ĝis nun diras "Pekino" (sed ne Bejĝino aŭ simile). Eĉ pli, la Akademio ĵus oficialigis la formon "Pekino" en sia Deka Oficiala Aldono. La solaj esceptoj al tiu principo (ne ŝanĝi tradiciajn etnonimojn kaj toponimojn) kreiĝis pro forta insisto de la tiugentaj/tiulandaj/lokaj elstare spertaj esperantistoj, kiel okazis, ekzemple, koncerne la ĵusan oficialigon de la nomoj Barato kaj Mumbajo. Ĉu, cetere, inter la vikipediaj redaktoroj estas spertaj esperantistoj, kiuj estas ciganoj/romaoj? Amike, -Filozofo (diskuto) 17:34, 31 aŭg. 2024 (UTC)

Bedaurinde, ke ne Fenikals (diskuto) 08:49, 16 sep. 2024 (UTC)

Tial, Kontraŭ: almenaŭ ĝis troviĝos konvinka pravigo por tia ŝanĝo. Amike, -Filozofo (diskuto) 17:34, 31 aŭg. 2024 (UTC)

Kontraŭ: Foje cigano povus havi pozitivajn konotaciojn, Vidu Cigana Romancaro.--kani (diskuto) 11:50, 20 sep. 2024 (UTC)

Umajadoj -> Omajadoj

Renomado al la PIV-a nomo, kiun la artikolo jam antaŭe havis.

Pro VP:TA, kiu skribas:

Estas forte rekomendite uzi Esperantigojn kiuj aperas en Plena Ilustrita Vortaro (PIV), krom se iu prezentas bonajn kialojn por ne sekvi ilin.

Kaj PIV ja diras "Omajadoj". Mi ne vidas bonajn kialojn por ne sekvi tion. - Moldur (diskuto) 18:18, 1 sep. 2024 (UTC)

Kontraŭ: : Mi provizore kontraŭas, ĉar mi ne scias, ĉu redaktantoj de PIV efektive pripensis la demandon. En transskribo el la araba estus U, mi kredas, kiel en Muhammad, kiu estu Muhamado laŭ la konvencioj de Monato, kies redaktoroj efektive diskutis la demandon, kaj laŭ la malneto de la venonta eldono de PIV. Do la redaktantoj de PIV ŝanĝis de Mohamedo al Muhamado. Tre probable ili simile ŝanĝos de Omajadoj al Umajadoj, kiam ili trovos tempon por pripensi la demandon. Lingvano (diskuto) 11:18, 2 sep. 2024 (UTC)

Estimata Lingvano, dankon por via kontribuo.

Mi tamen malkonsentas kun vi pri tio - permesu al mi prezenti mian argumenton.

Jen kaj jen aperas proponoj ke oni devus anstataŭi iun esperantan vorton per alia, kiu estus "pli ĝusta". La kialoj varias: foje tiu estas konsiderata pli fidela al la origina skribo, aŭ al la prononco, aŭ pli politike korekta, aŭ gramatike korekta, aŭ etimologie korekta, aŭ pli (aŭ malpli) simila al la angla, aŭ aŭ aŭ. Tiel oni jam proponis ke hungaroj estu anstataŭataj per "madjaroj", Ciro la 1-a per "Kiro la 1-a", servuto per "korveo", Galojo per "Galezo", Potsdamo per "Pocdamo", Virgulininsuloj per "Virgulinsuloj", departemento per "departmento", aikido per "ajkido", patro per "patriĉo", Oranĝo per "Oranĵo", kaj tiel plu. Kaj ĉi tie Omajadoj per "Umajadoj".

Ĉiuj tiuj proponoj baziĝas sur sama mispercepto: Esperanto ja ne estas fantaziaĵo aŭ lingvoprojekto, ĝi estas vera, ekzistanta lingvo, kun veraj parolantoj kaj reale uzataj vortoj. Vortoj, kiuj estas efektive uzataj, kiujn parolas esperantistoj tutmonde, kiujn skribas bonaj verkistoj, kiujn reflektas gravaj vortaroj - jen tiuj vortoj estas la ĝustaj. Eĉ se iuj povas aperi strangaj aŭ arbitre elektitaj. Oni certe povas foje miri pri iuj vortoj, ekzemple kial ni diras letero, hundo, betulo, edzo, algebro, Tucidido, Varsovio, Korano, Omajadoj, kaj ne diras, eble, "letro", "kaniso", "betolo", "spozo", "alĝabro", "Tukidido", "Varŝavo", "Kurano", "Umajadoj". Sed tiu mirado neniel faras tiujn vortojn malĝustaj, aŭ pravigus provojn ilin forpuŝi.

Tial do mi klare restas Por: mia propono restarigi la ĝustan kaj PIV-an titolon Omajadoj. Vikipedio laŭeble subtenu komunan kaj unuecan lingvon, ne dissplitiĝon kaj dialektiĝon.

Se PIV iam ŝanĝos sian opinion pri Omajadoj (kion mi tamen dubas), tiam mi pretos rekonsideri la decidon (plu apogante la saman celon: komuna kaj unueca lingvo).

Sincere, Moldur (diskuto) 19:38, 6 sep. 2024 (UTC)

Por: Kiam vorto jam ekzistas en lingvo, anstataŭigi ĝin per nova elpensaĵo ne estas la tasko de enciklopedio, eĉ se la proponata novaĵo havas sencon. Ĉi-kaze "Omajadoj" efektive jam ekzistas, ne nur en PIV, sed ankaŭ en la vivanta lingvuzo, kaj tio pli gravas ol niaj propraj preferoj.

Krom tio, mi malkonsentas kun la rezonoj de Lingvano. Oni rimarku ke la araba ne havas distingon inter u kaj o. Do estas tute normale ke oni foje uzas o kiam oni Esperantigas arabajn vortojn transskribatajn per u.

Aliflanke, multe pli grava ŝanĝo de la originala nomo estas la d. Tio estas greka (!) sufikso, nek araba nek Esperanta, kaj ŝajne okazas pro la malbona kutimo bazi Esperantajn vortojn nur sur eŭropaj lingvoj eĉ kiam la afero ne aparte rilatas al Eŭropo. Do mia prefero (tamen ne por Vikipedio, sed por individua uzo) estus nomi la fondinton "Omajo" kaj la dinastion "Omajidoj" kun la regula Esperanta versio de la sufikso. Arbarulo (diskuto) 16:05, 9 sep. 2024 (UTC)

1. La vorto, pri kiu ni parolas, ne estas establita kaj tradicia en Esperanto kiel hundo aŭ edzo; iusence ĝi estas adaptita fremdaĵo.

2. En la angla oni iom post iom ŝanĝas la nomon de la profeto de Mohammed al Muhammad: jen kiel kondutas vera, ekzistanta lingvo. Mi ne estas tiu, kiu volas trakti Esperanton kiel fantaziaĵon aŭ lingvoprojekton.

3. Esperanto ja havas distingon inter o kaj u, do estas ĝene (speciale por sciantoj de la araba) foje uzi unu kaj foje la alian. Aliflanke, ne estas granda problemo: ni interkompreniĝos, eĉ se unu libro uzas Omajadoj, kaj alia uzas Umajadoj. Do ni simple lasu la nunan Umajadoj, kaj probable la venonta eldono de PIV uzos la saman formon.

Lingvano (diskuto) 08:04, 10 sep. 2024 (UTC)

Eble la venonta eldono de PIV ŝanĝos de "Omajadoj" al "Umajadoj", eble ne. Mi ne povas enrigardi estontecon, nek povas vi. Enciklopedio nepre ĉiam devas fidele redoni kio estas, kaj ne kio (laŭ ies opinio) eble estos aŭ estu. Lingvaj ŝanĝoj okazas, sed, dum magazino kiel Monato ja havas rajton gvidi tiajn ŝanĝojn se ili volas, enciklopedio neniam gvidu ilin, nur sekvu ilin post kiam ili okazas.

Imagu tion ke iu skribus hodiaŭ en nia Vikipedio "Kamala Harris, la venonta prezidanto de Usono", kaj se mi al tio reagus "mi ne scias, ĉu elektantoj en Usono efektive pripensis la demandon. Tre probable Trump malvenkos, kiam ili trovos tempon por pripensi la demandon, do ni simple lasu la nunan 'prezidanto Harris'." Kompreneble, tio ja estus kompleta fiasko - enciklopedio neniam provu antaŭdiri la estonton. Same validas ĉi tie.

Do jen:

• La establita vorto, en PIV kaj en vivanta lingvouzo, estas Omajadoj.
• Nia Vikipedio antaŭe ankaŭ uzis tion, sed iu unuopulo alinomis la artikolon Omajadoj al alia formo. Tamen multloke en artikoloj, artikolaj titoloj, ŝablonoj, kategorioj plu estas la tradicia Omajadoj, do nun estas ĥaosa miksaĵo.
• Do ni povas aŭ lasi la nunan miksaĵon kia ĝi estas (mallaboreme), aŭ unuecigi al la establita formo en PIV (bone), aŭ unuecigi al alia formo kiu eble iam estos en PIV laŭ ies antaŭdiro (tre mal-enciklopediece).

Vikipedio raportu pri la ekzistanta mondo, en ekzistanta lingvo, sen provoj antaŭdiveni la estontecon. - Moldur (diskuto) 07:05, 14 sep. 2024 (UTC)

Kontraŭ: : Ne ĝustas, ke la araba ne distingas inter u kaj o; la fakto estas, ke ne ekzistas o, nur mallonga u kaj longa u. Tiel restu Umajadoj. Pri la propono estu Umajidoj, uzante pli Esperantan sufikson, necesus pli aparta, studita kaj detalhava pristudado.--kani (diskuto) 11:48, 20 sep. 2024 (UTC)

Kara Kani, dankon por viaj komentoj. Mi ĉiam aprezas viajn kontribuojn en Vikipedio!

Mi preterlasas tute la demandojn pri la araba lingvo, kiujn sonojn ĝi havas aŭ kion ili similas en Esperanto. Tio povas esti interesaj demandoj, sed tute ne rilatas al tiu ĉi diskuto.

La sola grava demando ĉi tie estas: Kiun nomon havas tiu araba dinastio en Esperanto? (Ne "havu" aŭ "havos", sed havas!)

Kaj la solan respondon klare donas PIV: Omajadoj.

Mi povas skribi tekston pri Omajadoj, kaj miloj da esperantistoj tutmonde trovos tiun nomon en siaj vortaroj. Sed "Umajadoj" aŭ "Umajidoj" ili ne trovos. Uzi tiujn privatajn inventaĵojn rompas kontraŭ la baza principo Vikipedio:Ne faru originalan esploradon.

La ekzistanta vorto eble ne havas la formon plej proksiman al la origina lingvo. Kaj do? Tio estas sen ajna graveco, tio ne faras la vorton malĝusta. Multegaj vortoj estas tiaj, ĉu arabdevenaj (Mekko, Heĝazo, Heĝiro, Betelĝuzo, Korano, moskeo, algebro, cifero, sukero, emiro, ...; notu la multajn e-ojn kaj o-ojn!), ĉu aliaj (Varsovio, Teherano, Vieno, Sigismondo, hungaro, hispano, birdo, bukedo, kurbo, ...). Tio estas tute normala, en Esperanto kiel en aliaj ekzistantaj lingvoj.

Vikipedio raportu pri la ekzistanta mondo, en ekzistanta lingvo, sen provoj antaŭdiveni la estontecon aŭ distordi la nunon. Do, nepre NE restu "Umajadoj"; ni laŭregule restarigu al la antaŭaj Omajadoj. - Sincere, Moldur (diskuto) 20:27, 20 sep. 2024 (UTC)

@Moldur: Kutime mi defendas PIV kontraŭ aliaj literumadoj, sed nun mi havas mian opinion. PIV povas havigi ankaŭ provizorajn opiniojn, Ĉiam oni povas serĉi argumentojn porajn kaj kontraŭajn, sed iom ĝenas min en tiu diskutejero la diferenca pezo de viaj argumentoj poraj kompare kun la simplaj opinioj kontraŭaj. Ĉu oni ne rajtas esprimi opiniojn en tiu diskutejo? kani (diskuto) 20:52, 20 sep. 2024 (UTC)

Kara Kani, kompreneble oni rajtas esprimi opinion. Mi nur surpriziĝas ke aperas tiel fortaj opinioj "kontraŭ", pri demando kiu laŭ mia kompreno ja dekomence estas tute klare kaj senhezite "por". La artikolnomo estis origine la PIV-a, iu unuopulo movis ĝin sen diskuto. Ni regule ja sekvas PIV-on, escepte kiam ekzistas grava kialo ne fari tion, kaj iun tian kialon mi ne trovas ĉi tie. Tute klara kazo. Mi ekskribis ĉi tie, ne kiel demando "Ĉu ni alinomu?", sed kiel simpla sciigo "Jen estas io kion ni alinomu ĉar ĝi rompas kontraŭ niaj reguloj (kaj mi volontulas fari la korekton mem)". Mi tute ne atendis tian lavangon da kontraŭado. (Mi ne atendis ian kontraŭon, pro la evidenteco de la kazo.)

Mi detale aŭskultas la kontraŭajn voĉojn. Ĉu enestas iu trafa argumento kiu malvalidigas mian analizon, ĉu mi eble malĝuste prijuĝis la demandon? La "simplaj opinioj kontraŭaj", kiel vi nomas ilin, ja asertas tion kaj jenon pri la araba lingvo, sed ili maltrafas la demandon pri kiu temas. Ĝis nun nenio dirita kontraŭas mian komprenon ke la vorto kiu ekzistas en Esperanto kaj kiun ni uzu estas tiu en PIV.

Se vi volas diskuti, vi estas bonvena. Sed argumentu, kaj ne nur opiniu. Mi ja peze prezentis argumentojn, ne por subpremi aŭ timigi, sed por vidigi mian rezonadon kaj submeti ĝin al kontrollegado. Ĉiuj miaj asertoj estas kontroleblaj. Se mi eraras aŭ iel misargumentas, mi esperas ke vi aŭ iu alia vidigas al mi kion mi maltrafas. Kaj mi esperas ke ni tiel finfine alvenos al interkonsento.

Amike salutas Moldur (diskuto) 22:09, 20 sep. 2024 (UTC)

Kategorio:Bustransportaj akcidentoj => Kategorio:Busaj akcidentoj

La buso estas veturilo, do transportilo, do aldoni transportaj ne necesas. RG72 (diskuto) 04:51, 20 sep. 2024 (UTC)

Por: - Moldur (diskuto) 06:50, 20 sep. 2024 (UTC)

Por: ---kani (diskuto) 11:40, 20 sep. 2024 (UTC)

 Farite--Fenikals (diskuto) 11:54, 22 sep. 2024 (UTC)

Kontraŭ: Farite tro frue kaj tro malbone. La tri aktikoloj en Kategorio:Bustransportaj akcidentoj ne transsaltis al la nova mojosa Kategorio:Busaj akcidentoj, do ĝi fariĝis malplena. Taylor 49 (diskuto) 22:12, 23 sep. 2024 (UTC)

Homa spirado => Spirado

El pli ol cent lingvoj nur la itala nomiĝas homa. Tio malhelpas la ampleksigon de havenda artikolo, kion fakte mi jam entreprenis.--kani (diskuto) 11:54, 20 sep. 2024 (UTC)

Komento: Homa spirado restus kiel alidirektilo kaj estas ĉapitro de la havenda artikolo.--kani (diskuto) 21:16, 20 sep. 2024 (UTC)