Supra Najerilla
.svg)
La Komarko de Anguiano aŭ pli populare Supra Najerilla estas en la sudokcidento de la provinco kaj regiono Rioĥo, (norda Hispanio). Ĝi estas ankaŭ ene de la komarkaro Supra Rioĥo, en la okcidenta triono de la regiono. Ties tradicia ĉefurbo estas Anguiano, sed la plej grava urbo kaj ekonomie kaj demografie estas Baños de Río Tobía.
Ĝi estas komarko de montaraj krutaj pejzaĝoj sed belaj, pro la abunda vegetaĵaro de ties montoj kaj la granda vario de specioj (fagoj, kverkoj, miksa arbaro...). Estas grandaj montaroj kaj profundaj valoj, kio generas dividon en du tre diferencaj zonoj ene de la propra komarko: nome norde "la Cogolla" kaj sude "las 7 Villas". Ĝi apartenas al la hidrografia baseno de la rivero Ebro kaj ties ĉefa akso estas la baseno de la rivero Najerilla [naĥeRIlja].
Iam ĝi estis grava centro de brutobredado pro la riĉo de montaraj paŝtejoj, kaj ĉefe de transmigra brutobredado, speciale ĉe la municipoj de la subkomarko las 7 Villas. La komerca centro estas Anguiano, sed ekonomie estas pli grava Baños de Río Tobía, kies estas nombraj industrioj pri viando kaj ligno.
Ĝi limas norde kun la Komarko de Nájera, kiu funkcias kiel jurisdikcia kaj ekonomia centro de la valo, okcidente kun la Komarko de Ezcaray, oriente kun la komarko Nova Kamero, kaj sude kun la provincoj Sorio (Komarko Pinares) kaj Burgoso (komarko Sierra de la Demanda).
Municipoj de la komarko
[redakti | redakti fonton]Demografio
[redakti | redakti fonton]
Tiu estas unu de la komarkoj de Rioĥo kiu plej suferis la senloĝigadon pro la rura elmigrado de la 1960-aj jaroj kaj postaj. Kvankam ekde la 1990-aj jaroj oni sukcesis reteni la loĝantaron en la komarko, dum la tri antaŭaj jardekoj oni perdis pli ol la duonon de la loĝantaro, el 9 739 loĝantoj de komenco de jarcento ĝis nur 4 011 restantaj komence de la 1990-aj jaroj.
La ĉefa demografia kaj ekonomia motoro de la komarko estas Baños de Río Tobía, ĉar ĝi posedas nombrajn entreprenojn de fabrikado de kolbasoj, kaj de ligno kiuj movas la ekonomion de la municipo kaj de la apudaj loĝlokoj. Male la plej parto de la municipoj de la komarko estas sub 100 loĝantoj, pro kio estas en demografia situacio tre malbona.[1]
| Municipo | Loĝantaro | Areo | Submunicipoj kaj senhomejoj |
|---|---|---|---|
| Anguiano | 537 | 90,89 | Cuevas kaj Villanueva de Anguiano (senhomejo) |
| Baños de Río Tobía | 1621 | 17,59 | |
| Berceo | 172 | 15,27 | |
| Brieva de Cameros | 53 | 46,15 | |
| Canales de la Sierra | 97 | 54,44 | |
| Estollo | 91 | 16,14 | San Andrés del Valle |
| Ledesma de la Cogolla | 18 | 12,13 | |
| Mansilla de la Sierra | 71 | 84,76 | Tabladas |
| Matute | 109 | 25,65 | Villanueva de Matute (senhomejo) |
| Pedroso | 81 | 19,29 | |
| San Millán de la Cogolla | 244 | 31,19 | El Río |
| Tobía | 61 | 34,94 | |
| Ventrosa | 67 | 72,93 | |
| Villavelayo | 57 | 89,07 | |
| Villaverde de Rioja | 63 | 5,87 | |
| Viniegra de Abajo | 86 | 65,68 | |
| Viniegra de Arriba | 45 | 38,46 |
Vidu ankaŭ
[redakti | redakti fonton]Notoj
[redakti | redakti fonton]- ↑ Hidalgo, Pilar (9a de septembro 2016). «Un tercio de los municipios riojanos corre riesgo de despoblarse La Rioja.