Canción A Tupac Amaru
Canción A Tupac Amaru
Canción A Tupac Amaru
———————–
Tupac Amaru, hijo del Dios Serpiente; hecho con la nieve del
Salqantay; tu
sombra llega al profundo corazón como la sombra del dios montaña,
sin
cesar y sin límites.
—————————————-
Mayun takisian,
Tuyan waqasian,
Wayran muyusian,
Ichun, tuta punchay sukasian.
Wamanikunaq, apukunaq kirunpi, riti sutusian, llipipisian.
Hatun mayunchijmi qaparisian.
¡Maypitaq kani ñoqayku rayku wañusqaykimanta!
Qasilla suyay
Qasilla uyariy
Qasilla qawaykamuy kay pachata.
Allinraqmi kasiani ¡suyasianin!
Takisiaykun,
Tususiaykun,
Takiyniykiwanraq, tusuyniykiwanraq.
Castellanutapas, waranqa ruedayoq kaqtapas, kuyuchisianiñan;
Sutikin ñoqaykuwan kuska wiñan, kallpachakun;
Wayna weraqochakunapas uyarisunkiñan, reqsisunkiñan;
Hatun amauta raura kanchariq hinata
Ñas pacha achikyay, runaq pachawaray kancharisianña,
Ñas huk karu karu llaqtakunapipas
Muchuq runakuna wamaniña kanku, hatun pawaq kunturña.
Qasilla suyay.
Mosqosqaykimantapas astawan kurataraq chayasaqku,
Cheqnisqaykimantapas astawan fierutaraq cheqnisaqku,
Kuyasqaykimantapas astawan, urpi urpi, tuya tuyaraq kuyasiayku.
Qasilla suyay, chay imay mana kuyaywan, chay imay mana
cheqniywan
Qan mana atisqaykita noqayju atisaqku.
Chiri puñuq qochata, yana qaqata,
Wañuy qawaq chiririnkata,
Runa llanpu sonqonta
Tukuy teqsi muyuntinpi, kausayniyoq mana kausayniyoq kaqta,
Kay pachapi;
Yawarniyoq urpita, runata, mana yawarniyoq, aqo, qaqata,
Qochochisaqku, kancharichisaqku, maykamaraq, papay Amaru.
Santa Muerte sapallanña hamunqa, mana warakawan chanqaspa,
Mana runaq polvora illapanpi toqyaspa.
Pachan runa kanqa, runañataq pacha,
Qan sayay.