Bilboko Merkataritza Ganbera

Bilboko Merkataritza Ganbera
Bilboko Merkataritza Ganberaren irudia. Irudi gehiago
Kokapena
Herrialdea	Euskal Herria
Probintzia	Bizkaia
Herria	Bilbo
Koordenatuak	43°16′N 2°56′W
Arkitektura
Ordezkatzen du	Bilboko Kontsulatua

Bilboko Merkataritza Ganbera (Camara de Comercio de Bilbao gaztelaniaz) 1886an sortutako zuzenbide publikoko eta kudeaketa pribatuko erakundea da. Halaber, Bizkaiko ekonomiaren eta enpresen eskura dagoen organismoa da. Bere egoitza Indautxu auzoko Errekalde zumarkalearen 50. zenbakian du, hain zuzen ren, Errekalde zumarkalea eta Poza Lizentziatua kalea gurutzatzen diren gunean.

Merkataritza ganberaren xede nagusia enpresei laguntzea da, hainbat zerbitzu erabilgarri eskaintzen baitie Bizkaiko enpresei, batik bat, aholkularitza eta prestakuntza arloan.

Helburuak

• Merkataritza, industria eta itsas-sektoreko interesak ordezkatu, sustatu eta defendatu.
• Enpresei zerbitzuak eman.
• Bizkaiaren ekonomiaren mesedetan bestelako ekintzak burutu.

Merkataritza Ganbera Administrazio Publikoentzako aholku eta kolaborazio erakundea da, enpresen interes orokorrak defendatzea ardatz duela. Legeak aginduta, enpresa guztiak beronen erroldara atxiki behar dira.

Gastuaren kontrola kanpo ikuskaritzarengatik bermatua dago eta Eusko Jaurlaritzako Industria, Merkataritza eta Turismo Sailak (Tutoretza duen erakundea, hain zuzen) gainbegiratzen ditu kontabilitate eta aurrekontu operazio guztiak.

Sailak

• Prestakuntza zentroa: Unibertsitate eskola, Hizkuntza Eskola eta Enpresa formazio eta Graduondokoak atalak daude bertan.
• Negozio zentroa
• Egoitza nagusia

• 
  Ataria.
• 
  Aurrealdea.
• 

Kanpo estekak

Euskarazko Wikipedian bada atari bat, gai hau duena: Bilbo

• Webgune ofiziala

• Datuak: Q12255222
• Multimedia: Cámara de Comercio de Bilbao / Q12255222