Checkpoint Charlie

Checkpoint Charlie Berlingo Harresian kokaturiko kontrol pasabide bat da, egun jomuga turistikoa bihurtu dena. Estatubatuarrek eta sobietarrek kontrolatzen zituzten guneak konektatzen zituen (orain Mitte eta Kreuzberg auzoen tartean) eta edonork ez zuen bertatik pasatzeko baimena izaten.

Historia

1961ean tanke sobietarrak eta estatubatuarrak, bat bestearen aurrean posizionatu ziren, arazoa ia-ia eztandarazi arte. Gerra Hotzaren garaian ihesaldi ikusgarriak izan ziren Ekialdeko Berlinetik; horietako batean hil zen Peter Fechter, 1962an, Mendebaldekoen begibistan odolusturik.

1990eko ekainaren 22an eraitsi zuten kontrol gune hau eta Checkpoint Charlieko Harresiaren Museoa besterik ez zen zutik geratu. 2000ko abuztuaren 13an inaguratu zen berreraikitako kontrol-kaseta berria, benetakoaren kopia izango zena.

Gaur egun, Berlineko gune bisitatuenetakoa da. Kontrol guneaz gain, harresiaren historiari eskainitako museoa ere bisita daiteke, eta, alde berean, Kremlinean izan zen azken bandera eta gorde ziren zenbait horma puska.

2004ko urriaren 31tik 2005eko uztailaren 5eraino AEDko erregimeneko biktimei eskainitako monumentu bat ere ikus zitekeen hemen, baina, eztabaida ugari sortu ondoren, desagertuta dago, jada.

Kanpo estekak

Datuak: Q68689
Multimedia: Checkpoint Charlie / Q68689