Last Train from Gun Hill

Last Train from Gun Hill
Jatorria
Argitaratze-data	1959
Izenburua	Last Train from Gun Hill
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	Westerna
Iraupena	93 minutu
Kolorea	koloretakoa
Zuzendaritza eta gidoia
Zuzendaria(k)	John Sturges
Gidoigilea(k)	James Poe
Antzezlea(k)
	Kirk Douglas ; Anthony Quinn ; Carolyn Jones ; Earl Holliman ; Brad Dexter ; Brian G. Hutton (en) ; Bing Russell ; Val Avery ; Walter Sande ; Ziva Rodann (en) ; Glenn Strange ; Dabbs Greer ; John Anderson (en) ; Ty Hardin ; Ethan Laidlaw ; Frank Hagney (en) ; Hank Mann
Ekoizpena
Ekoizlea	Hal B. Wallis
Konpainia ekoizlea	Wallis-Hazen Productions (en) ; Bryna Productions (en)
Ekoizle eragilea	Hal B. Wallis; Kirk Douglas
Edizioa	Warren Low (en)
Bestelako lanak
Musikagilea	Dimitri Tiomkin
Argazki-zuzendaria	Charles Lang
Jantzi-diseinatzailea	Edith Head

Last Train from Gun Hill (euskaraz: «Gun Hilleko azken trena») 1959eko western filma da, John Sturges estatubatuar zinemagileak zuzendu zuena. James Poek idatzi zuen gidoia, Les Crutchfielden kontakizun batean oinarriturik. High Noon (Fred Zinnemann, 1952), 3:10 to Yuma (Delmer Daves, 1957) eta Sturgesek berak zuzendutako Bad Day at Black Rock (1955) filmen elementuak biltzen ditu.

Kirk Douglas, Anthony Quinn, Carolyn Jones eta Earl Holliman izan ziren antzezle nagusiak. Douglas eta Holliman lehenago ere arituak ziren Sturgesekin, 1957ko Gunfight at the OK Corral filmean zehazki.

Argumentua

Oharra: Atal honek istorio osoa edo amaiera argitzen du.

Katherine (Ziva Rodann) indiar emakumeak eta haren semeak egun batzuk igaro dituzte familiarekin. Itzulera bidean cowboy batzuek jazarriko dituzte. Emakumeak aurre eginen die, eta erasotzaileetako bat aurpegian zaurituko du zartailuarekin. Azkenik, semeak ihes egitea lortuko du, baina amak ez.

Katherine Matt Morganen (Kirk Douglas), Pawneeko sheriffaren emaztea zen. Semeak erasoaren berri ematen diolarik gertalekura joanda, andrea bortxaturik eta hilik atzemanen du Mattek. Gaizkileetako baten zela ere aurkituko du, C.B. hizkiak dituena. Haren jabea Craig Belden (Anthony Quinn) da, iraganean Matten adiskide mina eta behin bizia salbatu ziona.

Morgan Gun Hillera joanen da, Beldenen bizilekura, bere emaztearen hiltzaileak nor izan ziren ikertzera. Belden Gun Hilleko jauntxoa dela ikusiko du, herria kontrolpean duena, eta Katherinen hiltzaileetako bat haren semea dela. Morganek hiltzaileak atxilotu eta justiziaren aurrera eraman nahiko ditu eta, herri osoa aurka jarriko zaion arren, Rick Belden (Earl Holliman) atzematea lortuko du. Baina herritik aterako den hurrengo trena iritsi arte sei orduz itxaron beharko du, eta Craig Belden morroien erasoei aurre egin beharko die.

Aktoreak

Kirk Douglas: Matt Morgan
Anthony Quinn: Craig Belden
Carolyn Jones: Linda
Earl Holliman: Rick Belden
Brian G. Hutton: Lee
Ziva Rodann: indiar emakumea

Kanpo estekak

(Ingelesez) Last Train from Gun Hill, imdb.com

Datuak: Q1199445