Mafrako jauregi nazionala

Mafrako jauregi nazionala
	Royal Building of Mafra
	, , eta Irudi gehiago
Kokapena
Estatu burujabe	Portugal
Portugalgo barrutia	Lisboa
Portugalgo udalerria	Mafra
Freguesia	Mafra
Koordenatuak	38°56′13″N 9°19′35″W / 38.936922°N 9.326395°W
Historia eta erabilera
Erlijioa	katolizismoa
Arkitektura
Arkitektoa	João Frederico Ludovice (en)
Egitura ingeniaritza	Manuel da Maia (en)
Estiloa	Arkitektura neoklasikoa
Gizateriaren ondarea
Irizpidea	(iv)
Eskualdea	Europa eta Ipar Amerika
Izen-ematea	2019 (XLIII. bilkura)
Bisitariak urtean	189.694
	Webgune ofiziala
	↑ UNESCOk egindako sailkapenaren arabera ;

Mafrako jauregi nazionala (portugesez: Palácio Nacional de Mafra) Portugalgo Mafra hiriko jauregi barroko eta neoklasikoa da.

Historia

Joanes V.a Portugalgoak 1711ean bere emazte Maria Ana Austriakoari zin egin zion ondorengo bat emanez gero jauregi bat eraiiko zuela. Bragantzako Barbara printzesa jaio zenean, 1717an jauregia eraikitzearik ekin zion. Jauregia bere ehizaleku gogokoenaren ondoan eraikitzea erabaki zuen eta errege familiaren bigarren egoitza bihurtu zen. João Frederico Ludovice arkitektu alemaniarrak diseinatu zuen eta basilika ardatz hartuta inguruan simetrikoki hedatzen den eraikina da.

Hurrengo erregeek ez zuten ordea oso gogokoa, gelak tristeak iruditzen baizitzaizkien, eta ehiza jardueretarako baino ez zuten erabili. 1807an frantziarrek Portugal inbaditzean errege familiak Brasilera egin zuen alde eta Junot jeneralak erraz hartu zuen jauregia. Dena dela urte berean Wellingtonek askatu zuen. Hurrengo urteetan frantziskotarren esku gelditu zen, 1834an ordena erlijiosoak debekatu ziren arte. 1849an monasterioa egoitza militarra bihurtu zen.

XX eta XXI mendeetan hainbat berriztatze lan izan ditu.

Arkitektura

Aurrealdea: Inguruko kareharriarekin egin zen. 220 metrotako luzera dauka eta alboetan kupuladun bi dorre daude. Erdialdean marmol zurizko basilika dago eta 68 metrotako garaiera duten bi dorre ditu. Alboetan errege familiaren egoitza diren eraikinak daude.
Basilika: 63 metroko luzera duen gurutze latindarra da. Carrarako marmolarekin egindako eskultura handiak ditu.
Monasterioa: Frantziskotarrek erabili zuten eraikin errektangularra da. 300 monjeren gelak ditu.
Errege egoitza: Bigarren solairuan dauden gela zabalak dira. Erregearen eta erreginaren gelak 200 metroko distantziara daude, bakoitza mutur batean. Hainbestekoa zen distantzia, erregeak gela uzten zuenean erreginari tronpeta bidez abisatzen zitzaiola. Bedeinkapen gelako balkoitik (Sala da Benção) agurtzen zuen errege familiak azpian bildutako jendetza.
Liburutegia : Rokoko estiloko gela da eta bigarren soaliruan dago. Jauregiko altxorretako bat da. Manuel Caetano de Sousak eraiki zuen eta 88 metrotako luzera dauka. XIV eta XIX mende arteko 35.000 liburu dauzka.