Malgutasun (anatomia)

Malgutasun (anatomia)
Xehetasunak
Terminologia anatomikoa

Malgutasuna artikulazio batek mugimendu artikularra ahalik eta zabalen egiteko duen gaitasuna da. Gaitasun hori bi faktore nagusik baldintzatzen dute: artikulazio motak eta inplikatutako muskuluen luzatze-gaitasunak. Sinartrosi artikulazio motak ez du mugimendurik ahalbidetzen, anfiartrosi artikulazio motak mugimendu mugatuak ahalbidetzen ditu, artikulazio diartroinal motak hiru ardatzetan mugimenduak ahalbidetzen ditu. Malgutasuna inbolutiboa da, denboraren poderioz galtzen joaten baita. Malgutasunak ez du mugimendurik sortzen, baizik eta ahalbidetzen du. Muskuluak, tendoiak, fasziak eta kapsulak malgu bihurtzea ere bada. Egindako muskulu-jarduera motaren arabera, malgutasuna sistema dinamiko baten bidez landu daiteke, hau da, muskulu-mugimenduen bidez, edo sistema estatikoen bidez, eta horrek posizio zehatzak mantentzea dakar, muskuluen luzamendua errazteko.

Malgutasuna lantzeko ariketak

Materiala

Espreski egindako kajoi bat erabili dezakegu (teknologiarako proiektu bat izan daiteke). Neurriak honako hauek izango dira:

• kajoia: 34 x 34 x 34 cm.
• Goikaldea: 35 x 35 x 55 cm. (goikaldeko  zati hau oinak jarriko ditugun tokitik  15 cm. aterako da) eta 50 cm-ko regla marraztu edo itsatsiko diogu kajoiaren gaikaldeari.
• Ez badugu ezer eraiki nahi, banku suediar bat ere erabili dezakegu (kontua da beti elementu berdinak erabiltzea).

Nola landu

Oso ondo berotu ondoren, oinutsik, oinak kajoaren kontra jarriko ditugu. Belaunak tolestu gabe, bi eskuak batera eramanda eta mugimendu jarraitu eta mantso bat eginez ahalik eta urrutien iristen saiatuko gara (noraino iritsi garen jakiteko zerbait erabili dezakegu -casette baten kajaren moduko zerbait-). Bi aldiz egingo dugu eta emaitzarik hoberena jasoko dugu (cm-etan)

Kanpo estekak

• Datuak: Q852220