Village of the Damned (1995eko filma)

Village of the Damned (1995eko filma)
Jatorria
Argitaratze-data	1995
Izenburua	Village of the Damned eta 光る眼
Jatorrizko hizkuntza	ingelesa
Jatorrizko herrialdea	Erresuma Batua eta Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	beldurrezko zinema, zientzia-fikziozko filma eta eleberri batean oinarritutako filma
Iraupena	95 minutu
Kolorea	koloretakoa
Deskribapena
Oinarritua	The Midwich Cuckoos (en)
Grabazio lekua(k)	Kalifornia
Zuzendaritza eta gidoia
Zuzendaria(k)	John Carpenter
Gidoigilea(k)	John Wyndham Wolf Rilla (en) Stirling Silliphant (en) David Himmelstein (en) [[Kategoria:Wolf Rilla (en) idatzitako filmak]] [[Kategoria:Stirling Silliphant (en) idatzitako filmak]] [[Kategoria:David Himmelstein (en) idatzitako filmak]]
Antzezlea(k)
Christopher Reeve Kirstie Alley Linda Kozlowski (mul) Michael Paré Mark Hamill Thomas Dekker Lindsey Haun Meredith Salenger Darryl Jones (en) John Carpenter George Buck Flower (en) [[Kategoria:Linda Kozlowski (mul) antzeztutako filmak]] [[Kategoria:Darryl Jones (en) antzeztutako filmak]] [[Kategoria:George Buck Flower (en) antzeztutako filmak]]
Ekoizpena
Ekoizlea	Sandy King
Edizioa	Edward A. Warschilka (en)
Bestelako lanak
Musikagilea	John Carpenter Dave Davies (en)
Argazki-zuzendaria	Gary B. Kibbe
Fikzioa
Kontakizunaren tokia	Kalifornia
theofficialjohncarpenter.com…

Village of the Damned (euskaraz Madarikatuen Herria) 1995eko John Carpenter estatubatuar zinema zuzendariaren beldurrezko eta zientzia-fikziozko film bat da. Christopher Reeve, Kirstie Alley, Linda Kozlowski, Mark Hamill, Michael Paré eta Meredith Salenger aktoreek antzeztu zuten.

John Wyndham idazlearen The Midwich Cuckoos eleberrian oinarritua dago, eta era berean 1960ko izenburu berdineko filmaren berregokitzapena da, baina hura Ingalaterrako landako herri txiki batean girotua zegoen bitartean, honako film hau Kaliforniako Marin konderriko kostaldeko herri txiki eta lasai batean girotu zen.

Film hau Christopher Reeve aktoreak antzeztu zuen azkena izan zen, 1994an filma hau burutu ostean, 1995eko maiatzaren 27an zaldiz zebilela erorketa izan eta lepotik beherako gorputz guztiaren paralisia jasan baitzuen.

Argumentua

Kaliforniako Marin konderrian dagoen kostaldeko Midwich herri txiki eta lasaian bapatean jende guztiak konortea galduko dute. Handik gutxira jendeak konortea berreruskuratu eta bakoitzak bere bizitzarekin jarraitzean, gertakari bitxi horrekin zerikusia duen beste fenomeno arraro eta harrigarri bat jazoko da: Midwich herriko ia emakume guztiak haurdun daude, bai bikotedunak, nahiz bikoterik gabeak, edota alargunak eta adinean sartutakoak ere, honek bikote askotan eztabaidak eta mesfidantza piztuko ditu. Bere emaztea haurdun duen eta herriko medikua den Alan Chaffee (Christopher Reeve) eta AEBtako Gobernuak gertakaria ikuskatzera herrira bidali duen Susan Verner (Kirstie Alley) zientzialaria kasua ikertzen hasiko dira, era berean, haurdunaldi horietatik jaiotako haurrek naturazgaindiko portaera bitxi eta beldurgarriak erakusten hasiko dira, tartean jendearen borondatea kontrolatzeko botere telepatikoa eta taldean edonora joateko joera, gainera denek fisikoki antza handia dute, ilehoriak, azal argia eta dirdir egiten duen begirada beldurgarria ere.

Aktoreak

• Christopher Reeve: Alan Chaffee doktorea, Midwich herriko medikua
• Kirstie Alley: Susan Verner doktorea, AEBtako Gobernu Federalarentzat lanean dabilen epidemologista eta haurdunaldien ikertzailea
• Linda Kozlowski: Jill McGowan, Daviden ama bilakatzen den alarguna
• Michael Paré: Frank McGowan
• Meredith Salenger: Melanie Roberts
• Mark Hamill: George erreberendoa, Midwich herriko apaiza protestantea

Haurrak

• Thomas Dekker: David McGowan, Jill McGowanen semea
• Lindsey Haun: Mara Chaffee, Chaffee doktorearen alaba
• Cody Dorkin: Robert
• Trishalee Hardy: Julie
• Jessye Quarry: Dorothy
• Adam Robbins: Issac
• Chelsea DeRidder Simms: Matt
• Renee Rene Simms: Casey
• Danielle Keaton: Lily

Kannpo loturak

• Village of the Damned filmaren iragarkia ikusgai. Youtube.com (Ingelesez)
• Village of the Damned filmaren IMDBko fitxa irakurgai (Ingelesez)

Kanpo estekak

• Datuak: Q1167579