A MONSEIGNEVR DE MAILLEZAIS, 365 ______________________________________________________________
cousin du Seigneur Rance lequel estant en la guerre pour l’expedition de Naples ledict Pape Alexandre la voyoit : ledict sieur Rance, du cas acertainé en advertist son dict cousin, luy remonstrant qu’il ne devoit permettre telle iniure élire faicte en leur famille par un Espagnol Pape, & ou cas qu’il l’en- durast que luy mesme ne l’endureroit point. Somme toute il la tua. Duquel forfaict le Pape Paul troisième fist ses doléances audict Pape Alexandre VI. Lequel pour appaiser son grief & deuil le fist Cardinal estant encores bien jeune, & luy fist quelques aultres biens. Ouquel temps entretint le Pape une Dame Romaine de la case Ruffine de laquelle il eust une fille qui fust mariée au sr. Bauge conte de Sta Fiore qui est mort en cette ville depuis que j’y suis : de laquelle il a eu l’un des deux petits Cardinaux, qu’on appelle le Cardinal de Sainct Flour. Item eust un fils qui est ledict Pierre Louis que demandiez qui a espousé la fille du Comte de Seruelle dont il a tout plein foyer d’enfans & entre aultres le petit Cardinalicule Farnese qui a esté faict vice chancel- lier par la mort du feu Cardinal de Medicis. Par les propos susdict pouvez entendre la cause pour quoy le Pape n’aimoit gueres le Seigneur Rance & vice versa ledict Rance ne se fioit en luy : pour quoy aussi est grosse querelle entre le sr lean Paule de Cere fils dudict Sr Rance & le susdict Pierre Loys : car il veult vanger la mort de son ante. Mais quant à la part dudict sr. Rance, il en est quitte : car il mourut le xie iour de ce mois estant allé à la chasse en laquelle il s'esbatoit volontiers tout vieillard qu’il estoit. L’occasion fust, qu’il avoit recouvert quelques cheuaulx Turcs des foires de Racana, desquels en mena un à la chasse qui avoit
