Brest (Prowins)

Tekst üüb Fering

Det Brest Prowins uun Witjruslun

Flag faan det Brest Prowins

Det Brest Prowins (üüb Witjrüs: Брэ́сцкая во́бласць Brésckaja vóbłasć [ˈbrɛstskaja ˈvɔblastsʲ]; üüb Rüs: Бре́стская о́бласть Bréstskaja óblast’ [ˈbrʲesːkəjə ˈobɫəsʲtʲ] of [ˈbrʲest͡skəjə ˈobɫəsʲtʲ]) as ian faan dön seeks prowinsen faan Witjruslun. At prowins leit uun a süüdwaast faan't lun. Uun a nuurd leit det Hrodna Prowins, uun a nuurduast det Minsk Prowins, uun a süüduast det Homelj Prowins, uun a süüd at Ukraine an uun a waast Poolen. Det hee 1.401.177 lidj (2009). At hoodsteed faan't prowins as Brest.

Geografii

De Belawescha Puschtscha Natschunaalpark leit uun a waast faan't prowins.

Brest (Prowins) (Brest (Prowins)) Brest Brest Baranawitschy Baranawitschy Pinsk Pinsk Bjarosa Bjarosa Drahitschyn Drahitschyn Hantsawitschy Hantsawitschy Iwanawa Iwanawa Iwatsewitschy Iwatsewitschy Kamenets Kamenets Kobryn Kobryn Ljachawitschy Ljachawitschy Luninets Luninets Malaryta Malaryta Pruschany Pruschany Stolin Stolin Schabinka Schabinka

Koord faan det Brest Prowins

Indialing faan Ferwalting

Det Brest Prowins hee trii steeden (Baranawitschy, Brest an Pinsk) an 16 distrikten (üüb Witjrüs: раёны rajóny, üüb Rüs: райо́ны rajóny):

#	Distrikt	Grate (km²)	Lidj (2009)	Hoodsteed
1	Baranawitschy	2188	41.902	Baranawitschy
2	Bjarosa	1402	66.988	Bjarosa
3	Brest	1558	39.426	Brest
4	Drahitschyn	1878	42.948	Drahitschyn
5	Hantsawitschy	1664	31.170	Hantsawitschy
6	Iwanawa	1547	43.586	Iwanawa
7	Iwatsewitschy	3000	59.906	Iwatsewitschy
8	Kamenets	1716	39.143	Kamenets
9	Kobryn	2010	88.037	Kobryn
10	Ljachawitschy	1361	30.498	Ljachawitschy
11	Luninets	2672	73.200	Luninets
12	Malaryta	1373	25.780	Malaryta
13	Pinsk	3281	51.997	Pinsk
14	Pruschany	2842	52.511	Pruschany
15	Stolin	3351	80.695	Stolin
16	Schabinka	669	25.031	Schabinka

Befölkring

14. Oktuuber 2009 jaft at en folksteeling uun Witjruslun. Efter a resultooten hee det Brest Prowins 1.401.177 lidj: 980.851 diarfaan lewet uun steeden an 399.540 üüb't lun.

Resultooten faan iarer folksteelingen:
1979 - 1.363.526
1989 - 1.458.360
1999 - 1.485.100

• 
  Witjrüsen uun't regiuun (2009)

    >95%

    90—95%

    85—90%

    <85%
• 
  Rüsen uun't regiuun (2009)

    >10%

    8–10%

    5–8%

    2–5%

    <2%
• 
  Ukrainern uun't regiuun (2009)

    >6%

    4–6%

    2–4%

    1–2%

    <1%
• 
  Poolen uun't regiuun (2009)

    >5%

    2–5%

    1–2%

    0.5–1%

    <0.5%

Histoore

Det Brest Prowins uun Janewoore 1940

At prowins wurd 1939 grünjlaanjen. Faan 1921 tu 1939 wiar at teritoorium faan't prowins faan daaling dial faan det Polesien Wojwodskap uun Poolen. Uun de Naist Wäältkrich wurd at prowins faan det tjiisk armee besaatet. Det Pinsk Prowins wurd 8. Janewoore 1954 ufskaafet an wurd dial faan't prowins. De likedening dai wurd det Baranawitschy Prowins ufskaafet an det süüduast dial diarfaan wurd dial faan’t prowins.

Persöönelkhaiden

• Adam Mickiewicz (1798-1855), poolsk dachter, uun't taarep Zawosse uun de Baranawitschy Distrikt bäären.
• Aleh Jermalowitsch (1955-), witjrüs diplomaat, uun de Iwatsewitschy Distrikt bäären.
• Ryhor Lasjko (1948-), witjrüs histooriker, uun de Luninets Distrikt bäären.
• Michail Rudkouski (1936-1991), witjrüs dachter an auersaater, uun de Hantsawitschy Distrikt bäären.
• Mikalaj Seljaschtschuk (1947-1996), witjrüs konstmooler, uun de Malaryta Distrikt bäären.
• Mikalaj Trusch (1948-), witjrüs matemaatiker, uun de Drahitschyn Distrikt bäären.
• Swjatlana Tsichanowskaja (1982-), witjrüs bürgerrochtler, uun de Luninets Distrikt bäären.

Kwelen

Prowinsen faan Witjruslun

Brest | Homelj | Hrodna | Mahiljou | Minsk | Witsebsk