St David's

	St David's; Tyddewiis
	Katedraal fan St David's
	Bestjoer
Lân	Feriene Keninkryk
Lân	Wales
Bestjoerlik gebiet	Pembrokeshire
	Sifers
Ynwennertal	1.841 (2011)
Oerflak	46 km²
	Oar
Tiidsône	UTC+0
Simmertiid	UTC-1

St David's (Welsk: Tyddewiis) is mei 1.841 ynwenners (2011) de lytste stêd fan Grut-Brittanje. De stêd leit oan de rivier de Alun op it skiereilân Saint David yn Pembrokeshire, Wales. De stêd leit yn it Pembrokeshire Coast National Park.

De skiednis fan de stêd giet werom op de stifting fan in kleaster yn 550 yn in doedestiidske úthoeke fan it lân troch de letter hillich ferklearre David fan Menevia. Nei de dea fan David waard it plak in wichtich pylgerplak en yn de 12e iuw waard nei de Normandyske oermastering útein set mei de bou fan de grutte katedraal, dy't noch jimmeroan troch in soad minsken wurdt besocht. Yn de midsiuwen stie in twadde beafeart nei it grêf fan Sint-David lyk oan ien beafeart nei Rome.

Tsjintwurdich foarmet it toerisme in wichtige boarne fan ynkommen. Der binne ferskate keunstsaken yn de stêd en St David's is populêr by wettersportleafhawwers.

It besjen wurdich

Katedraal mei resten fan de muorren om it gebiet hinne
Biskoplik paleis (1280-1350)
In 14e-iuwske poarte
It 14e-iuwske keltyske stedskrús op it Market Square

Omkriten

Deunby leit de midsiuwske Kapel fan Sint-Non (Chapel of St. Non). Op Ramsey Island, in pear kilometer westlik fan St David's, lizze de ruïnes fan in âlde abdij. Op St David's Head binne resten fan prehistoaryske delsettings te finen.

Keppeling om utens

Histoaryse feriening St Davids

Wikimedia Commons

Ofbylden dy't by dit ûnderwerp hearre, binne te finen yn de kategory St David's fan Wikimedia Commons.