Trompetswan
| trompetswan | ||||||||||||
|---|---|---|---|---|---|---|---|---|---|---|---|---|
.jpg)
| ||||||||||||
| taksonomy | ||||||||||||
| ||||||||||||
| soarte | ||||||||||||
| Cygnus buccinator | ||||||||||||
| Richardson, 1831 | ||||||||||||
| IUCN-status: net bedrige
| ||||||||||||
| ferspriedingsgebiet | ||||||||||||
 simmerfûgel wintergast |
De trompetswan (Cygnus buccinator) is in grutte wite swan dy't foarkomt yn it westen fan Noard-Amearika. De soarte is besibbe oan de Kloekswan út Jeraazje.
De namme fan de soart komt fan it lûd dat de fûgels meitsje wat tinke lit oan it lúd fan trompetten.
Foarkommen
[bewurkje seksje | boarne bewurkje]De Trompetswan is mei sa'n 150-180 sm de grutste fan de swannen. Hy is lykwols net de swierste: mei in 12,5 kg is er wat lichter as de Knobbelswan. De Trompetswan is hielendal wyt en hat swarte poaten lykas al de oare swannen dy't op it noardlik healrûn foarkomme. Oars as de Kloekswan hat er in snaffel dy't hielendal swart is.
Fersprieding
[bewurkje seksje | boarne bewurkje]De Trompetswan kaam eartiids yn it grutste part Noard-Amearika foar. Yn it noarden fan Alaska oant Ontario en nei it suden fan Oregon oant Illinois. Troch de jacht komme trompetswannen foaral yn it súdliker briedgebiet net mear foar, mar yn Alaska en Kanada hawwe se harren better hanthavenje kind. Tsjintwurdich wurde de fûgels ek op 'e nij útset, yn it noardwesten fan de Feriene Steaten, mar dizze fûgels bliuwe it hiele jier op itselde plak en wurde gjin trekfûgels, wat de fûgels fan de wylde populaasje al binne.
Iten
[bewurkje seksje | boarne bewurkje]De Trompetswannen libje fan plantaardich iten, dat se mei harren lange nekke en platte snaffel fan de boaiem fan ûndjip wetter opslobberje. Winterdeis ite se ek gers en koarn. De jongen wurde earst troch de âlden fuorre mei ynsekten en oare lytse dieren, mar yn de rin fan de earste moannen feroaret harren dieet yn plantaarich iten.
.jpg)
Fuortplanting
[bewurkje seksje | boarne bewurkje]De Trompetswan makket in nêst op in eilân fan planteresten. Dit nêst kin troch it pearke, wat harren hiele libben byinoar bliuwt, meardere jierren brûkt wurde. It wyfke leit 3 oant 9 aaien. Neidat de jongen útkaam binne kinne se fuortendaliks mei harren âlden mei swimme en rinne, mar it duorret noch 3-4 moannen foardat se fleane kinne.