Estación de Cornes
| Cornes | |
|---|---|
.jpg) Antiga fachada do predio de viaxeiros cara as vías, logo da súa reconversión en Casa das Asociacións. | |
| Situación | Rúa Manuel Beiras, 3 15703 Santiago de Compostela |
Cornes foi a estación de viaxeiros de Santiago de Compostela até a inauguración da actual terminal en 1943[1].
Coa súa apertura en 1873, converteuse nunha das dúas cabeceiras da primeira liña de ferrocarril galega: Santiago-Carril.[2] Foi construída no desparecido término municipal de Conxo, o que motivou que o consistorio santiagués perseguira a anexión deste territorio.[3]
Coa apertura do traxecto Santiago - A Coruña da liña Zamora - A Coruña en 1943, RENFE estrearía tamén unha nova estación pasante, onde confluiría a nova liña procedente de Ourense - Empalme coa Santiago - Redondela, ficando Cornes así relegada a terminal de mercadorías durante varias décadas até o seu progresivo abandono.[4]
En 2009, xa coa praia de vías levantada desde había anos e reurbanizada, o antigo predio principal da estación de Cornes reabría como Casa das Asociacións, acubillando actividades veciñais e dependencias municipais.[5]
Notas
- ↑ Manu Guinarte (2016-12-29). "INAUGURACION ESTACION SANTIAGO (1943)". Consultado o 2018-10-08.
- ↑ El Correo Gallego (2018-02-02). "...Cuando 'El Compostelano' enlazaba Santiago con Carril desde la estación de tren de Cornes" (en castelán). Consultado o 2018-10-08.
- ↑ Marga Mosteiro (2016-01-14). "«Santiago solo quería la estación de Cornes, pero tuvo que ser todo o nada»". La Voz de Galicia (en castelán). Consultado o 2018-10-08.
- ↑ El Correo Gallego (2018-03-06). "...Cuando la Casa das Asociacións era la antigua estación de mercancías de la capital gallega" (en castelán). Consultado o 2018-10-08.
- ↑ El Correo Gallego (2009-04-19). "Cornes reabre para las asociaciones" (en castelán). Consultado o 2018-10-08.