Stralsund

Stralsund
	Brasón
Localización
	54°18′33″N 13°04′55″L / 54.3092, 13.0819
Estado	Alemaña
Estado federado	Mecklemburgo-Antepomerania
Distrito rural	Vorpommern-Rügen (pt)
Capital de	Vorpommern-Rügen (pt)
Poboación
Poboación	59.450 (2023) (1.098,08 hab./km²)
Xeografía
Superficie	54,14 km²
Altitude	9 m
Datos históricos
Creación	1234 (Gregoriano)
1628	Evento clave
1628	Siege of Stralsund (en)
11 de outubro de 1678	Siege of Stralsund, 1678 (en)
7 de setembro de 1711	Siege of Stralsund (en)
maio de 1712	Siege of Stralsund (en)
12 de xullo de 1715	Siege of Stralsund (en)
24 de agosto de 1807	Batalha de Stralsund (1807) (pt)
Organización política
• Xefe do goberno	Alexander Badrow (pt)
Membro de	Wendish cities (en) ; Cidades e concellos de Meclemburgo-Pomerania Occidental ; Organización das Cidades do Patrimonio Mundial ; Aliança Climática (pt) (2009–); Alcaldes pola Paz (2018–)
Identificador descritivo
Código postal	18435, 18437 e 18439
Prefixo telefónico	03831
Código NUTS	DE805
Número de municipio alemán	13073088
Outro
Irmandado con	Ventspils ; concello de Trelleborg ; Huangshan (en) ; Svendborg (pt) ; Pori ; Stargard (pt) ; Kiel (1987–); Concello de Malmö (1991–); Boulogne-sur-Mer (1992–); Meknès (pt) (2019–)
Sitio web	stralsund.de

A versión para imprimir xa non se actualiza e pode conter erros de renderizado. Actualice os marcadores do seu navegador e empregue mellor a función de impresión propia do navegador.

Stralsund é unha cidade hanseática pertencente o Estado federado de Mecklemburgo-Antepomerania, situada na costa norte de Alemaña.

Situada á beira do mar Báltico, está separada pola illa de Rügen do continente. Dúas pontes e varios ferrys conectan Stralsund cos portos de Rügen.

Tiña ao redor de 57 357 habitantes en 2012.

Historia

A cidade foi fundada no século XIII por colonos eslavos procedentes de Rügen.

Durante os anos seguintes chegaron comerciantes alemáns e a cidade comezou a prosperar. Isto molestou á poderosa cidade de Lübeck, a cal incendiou Stralsund en 1249.

Máis tarde sería reconstruída e rodeada por unha sólida muralla con 11 portas e 30 torres de vixilancia.

En 1293 Stralsund converteuse en Membro da Liga Hanseática e, por conseguinte, aliada de Lübeck; 300 barcos surcarían o Báltico portando a bandeira de Stralsund no século XIV.

A rivalidade entre a Liga Hanseática e o reino de Dinamarca conduciu a unha guerra aberta que terminou co Tratado de Stralsund en 1370.

Durante o século XVII foi tamén un escenario da Guerra dos Trinta Anos. O xeneral Albrecht von Wallenstein sitiou a cidade en 1628, até que as tropas suecas chegaron en axuda da cidade e forzaron a súa retirada.

Tras a guerra, a Paz de Westfalia (1648) converteu a Pomerania Occidental na Pomerania sueca e a cidade permaneceu baixo dominio sueco até 1807, perdida tras o asedio de tropas napoleónicas e, despois do Congreso de Viena, en 1815 pasou a ser parte de Prusia.

Ao dividirse Alemaña tras o final da segunda guerra mundial, Stralsund quedou dentro da República Democrática Alemá (RDA).

Tras a caída do Muro de Berlín en 1989 e a reunificación alemá, a cidade integrouse na RFA e, por tanto, na Unión Europea.

Política

Stralsund constitúe un feudo electoral da Chanceler de Alemaña Angela Merkel, a primeira muller que exerce como xefe do goberno en Berlín desde 2005.^[1]

Economía

Ao igual que o resto da ex-RDA, Stralsund tivo problemas para acoplarse ao sistema da RFA. Porén, a cidade destaca por ser unha das que mellor souberon adaptarse á Nova Economía aproveitando as constantes subvencións do goberno federal e da Unión Europea.

Patrimonio cultural

Xunto coa cidade de Wismar foi declarada Patrimonio da Humanidade pola UNESCO en 2002, no conxunto chamado Centros históricos de Stralsund e Wismar,^[2] xustificándose porque Wismar e Stralsund eran os centros líderes da sección véndica da Liga Hanseática desde o século XIII ao XV e centros administrativos e de defensa principais no reino sueco dos séculos XVII e XVIII. Contribuíron ao desenvolvemento e á difusión das técnicas de construción en ladrillo e tipos de edificación, trazos característicos das cidades hanseáticas na rexión do Báltico, así como ao desenvolvemento de sistemas de defensa no período sueco.

Ademais, Stralsund e Wismar teñen unha importancia crucial no desenvolvemento das técnicas de construción e urbanismo que se fixeron típicos das cidades comerciais hanseáticas, ben documentadas nas principais igrexas parroquiais, o casa do concello de Stralsund e os tipos de edificios comerciaos como a Dielenhaus.^[3] Protéxense dous lugares:

Código	Zona	Coordenadas
1067-001	Straslund	54°18′09″N 13°05′7″L / 54.30250, -13.08528
1067-002	Wismar	53°53′00″N 11°28′00″L / 53.88333, -11.46667

Monumentos máis importantes

Igrexa de San Nicolao (1276), a máis antiga de Stralsund.
Igrexa de Santa María (1416), o maior templo da cidade.
Igrexa de Santiago (1303), destruída varias veces (unha delas polo xeneral Wallenstein e outra durante a segunda guerra mundial).
Mosteiro de Santa Catarina (século XIII), hoxe museo oceanográfico.
Casa do Concello de Stralsund (século XIII).