Aldaia

Aldaia

Brasón
Localización
39°27′53″N 0°27′39″O
Estado	España
Comunidade autónoma	Comunidade Valenciana
Provincia	provincia de Valencia
Comarca da Comunidade Valenciana	Horta Sud
Capital	Aldaia (en)
Poboación
Poboación	33.376 (2023) (2.086 hab./km²)
Lingua oficial	lingua catalá (lingua predominante)
Xeografía
Superficie	16 km²
Altitude	50 m
Comparte fronteira con	Alaquàs Torrent Quart de Poblet Chiva Xirivella
Organización política
• Alcalde	Guillermo Luján Valero
Identificador descritivo
Código postal	46960
Fuso horario	UTC+01:00
Código INE	46021
Código ARGOS de concellos	46021
Páxina web	aldaia.es

Aldaia (en valenciano e oficialmente Aldaia) é un concello da Comunidade Valenciana. Situado na zona oeste da área metropolitana de Valencia, na provincia de Valencia. Ten 29.173 habitantes (INE 2008).

Xeografía

Pertencente á Horta Oest, a vila está situada na zona de contacto entre L'Horta de Valencia e a chaira de Quart, até os contrafortes da Serra Perenxisa. O termo é completamente chan. O clima é temperado. Cruza o termo a canle de rega de Manises, que trae auga do río Turia, distribuídas despois pola canle de rega chamada do Comuner d´Aldaia.

Límite municipal entre Aldaia e Alaquàs.

O termo municipal de Aldaia limita coas localidades de Alaquàs, Quart de Poblet, Xirivella, Xiva e Torrent, todas elas da provincia de Valencia.

A poboación de Aldaia atópase dividida pola liña férrea de Madrid-Valencia. O pobo está moi preto de Alaquàs, co que case forman un só núcleo urbano.

Accesos

Estación de ferrocarril.

Dende a Cap i Casal, accédese a esta localidade por estrada a través da CV-409 e a CV-410. Ten estación de ferrocarril na liña Valencia a Madrid (por Cuenca).

Historia

Esta comarca estivo ocupada en época romana, como o testemuñan os restos atopados no Bovalar e na Punja.

Aldaia foi unha alquería musulmá (o seu nome significa aldea) que, trala reconquista, pasou a poder do Mosteiro de Sant Vicent de la Roqueta, dependente dos monxes beneditinos de Poblet; a parroquia dependeu de Quart de Poblet até o século XVI, en que foi declarada independente, continuando rexida polos monxes de Poblet ata o comezo do século XIX.

Consérvase a carta de poboación outorgada, xunto á de Quart, por privilexio do rei Afonso II de Valencia ao abade do mosteiro de Poblet, no ano 1334. Por este documento de poboación, o abade de Poblet e prior do mosteiro de San Vicent de la Roqueta, expulsou os musulmáns, que non habitaban o lugar ao tempo da conquista, e poboouno con cristiáns. En 1798 concedéuselle termo municipal.

Demografía

Aldaia ten 29.173 habitantes (INE 2008).

Evolución demográfica de Aldaia
	1857	1887	1900	1910	1920	1930	1940	1950	1960	1970	1981	1991	2000	2006	2007	2008
Poboación	2.050	2.326	2.906	3.236	3.423	3.974	4.570	6.382	9.579	16.157	20.800	22.350	24.485	27.704	28.138	29.173

Economía

Na zona de regadío cultívanse laranxeiras, hortalizas, algodón, tabaco, alfalfa etc. No secaño colléitase trigo, alfarrobeiras, oliveiras e vide.

A actividade industrial recibiu un grande impulso na segunda metade do século XX. No século XIX había xa varias fábricas de abanicos e xoguetes. Nos primeiros anos da segunda metade do século XX, Aldaia rexistrou unha forte corrente migratoria, aumentando a poboación nun 104 %.

Véxase tamén

Ligazóns externas

• Páxina web oficial do Ajuntamient de Aldaia